عااااجل انا في ورطة بالله عليكم ادخلواااا

[darksayuki1]

السلام عليكم و رحمة من الله تعالى و بركاته
اخواني الناجحين في دورة جوان 2010 ، انا في حيرة كبيرة ، مادة الفلسفة تؤرقني كثيرا هناك العديد من المقالات ماذا احفظ و ماذا اترك ، صراحة اريد منكم اصحاب الخبرة ان تخبروني عن كيفية التعامل مع هذه المادة الجديدة و هل يتمثل اكسير التعامل مع الفلسفة في الحفظ لا بديل عن الحفظ و الحقيقة بعد اطلاعي على المقررات الدراسية وجدت الحالة chargé انا في حيرة من امري ارجووووووووووووووووووووووو المساعدة في اقرب وقت ممكن جزاكم الله خيرا لا تبخلوا علينا
دمتم في امان الله و طاب يومكم

[✗ ┋ وَړْﮃَةُ آلـﭴَزآئـړْ ┋ ✗]

والله عندك الحق أخي أنا تاني راح نعقب الباك في 2011 وأكثر مادة مقلقتني هي الفلسفة خايفة منها بزاف وشفت أنا تاني المقرر وخلعني بزاف كي سقسيت صحاباتي اللي نجحوا هاذ العام قالولي ما حفظوش الأساتذة كانوا متوقعين مقالة حفظوها التلاميذ وصح جاتهم نفس المقالة عندهم الزهر بصح المشكل ما تدري العام الجاي قادر يتوقعوا مقالة وما تجيش ولا قادر ما يتوقعوش خلاص كيفاه نحفظوا المقالات كامل خاصة انو مادة الفلسفة معاملها 2 والأغلبية العظمى ما يجيبوش فيها المعدل وبزاف الناس ما جابوش الباك بسبب الفلسفة لوكان ينحوها ويهنيونا منها خير

نريد نصائح من الناجحين في بكالوريا 2010

[billalmsn]

يا خويا ماكان والو هادي لي سماوها فلسفة أنا كنت خايف منها بصح والفتها
في الأول ديتها غير حفضا ما كنتش ندي أكثر من 14
في الثاني ديتها فهامة تانيك ماديت أكثر من 14
في الباك حفضت قليل ( غير الحجج والمقولات) + فهمت واش تقول ديت في الباك 14
باختصـــــــــــــــار الفلسفة هي تبسيط المبســــط لازم تهدر قاوي
أرجو أنك فهمت خــــــويا وكلش يفو ت + هادوك الدروس لي في الكتاب ماشي نتاعنا كلها البعض فقط

[darksayuki1]

يا خويا ماكان والو هادي لي سماوها فلسفة أنا كنت خايف منها بصح والفتها
في الأول ديتها غير حفضا ما كنتش ندي أكثر من 14
في الثاني ديتها فهامة تانيك ماديت أكثر من 14
في الباك حفضت قليل ( غير الحجج والمقولات) + فهمت واش تقول ديت في الباك 14
باختصـــــــــــــــار الفلسفة هي تبسيط المبســــط لازم تهدر قاوي
أرجو أنك فهمت خــــــويا وكلش يفو ت + هادوك الدروس لي في الكتاب ماشي نتاعنا كلها البعض فقط

شكــــــــــــــــــــــــــــــــــــــــــــــــ ــــــــــــــــــــــــــرا على الافادة و بارك الله فيك

[darksayuki1]

فـــــــــــــــــــي انتظار ردود و نصائح اخرى لا تبخلوا علينا الله يجازيكم

[darksayuki1]

و كــــــــــــــــــــــــــذلك مادة الاجتماعيات و التربية الاسلامية؟؟؟؟؟؟؟؟؟؟؟؟؟!!!!!!!!!!!!!!!

[lona-99]

انا حفظت مقالة و عطاوني في الباك 7.5

[loulou.25]

في الفلسفة كاين مواضيع اساسية
الاشكالية والمشكلة - هل لكل سؤال جواب - المنطق السوري والرمزي - قيمة الفلسفة - هل المعاني الرياضية حسية ام عقلية -الكليات الخمسة ومبادئ العقل - الملاحظة والتجربة - الانا والغير - المذهب التجريبي
حوسي على مقالات ملاح خاصة بهدي المواضيع وافهميهم مليح ولازم كتكتبي مقالة اكتبيها طويلة خاطر كلما ازيدي في الهدرة تزيد النقطة
انا كنت نكتب مقالات قصار وملاح كنتي ندي 11ولا 12 وصلحبتي كانت ديما تكتب مقلات طوال سعات تخرج على الموضوع وتدي14ولا15

[مسلم عربي]

خويا الفلسفة ما كاين والو افهم المنهجية تاع المقالة والباقي يجي وحدو
وما تنساش شوية فهم و شوية حفاظة ( ما تكثرش ) و النقطة تجي وحدها.....
الاجتماعيات ركز على المصطلحات و شوية تواريخ وتنساش الفهم في القسم ............
العلوم الاسلامية دينك لازم تتفقه فيه..................
وربي يوفقك الى ما فيه الخير......................

[Moh-Ec$perT]

الفلفة لازم تفهمها قبل ماتحفظها ادا والفتها جيك حلوة المهم انت ركز على المقالات و خاصة المنهجية
اجمع مقالات من عند زملائك واكتب ملخصات فيها الحجج و الأقوال
أما التاريخ أنا ماحفظتش بزاف و ديت 17.5 ركزت على التواريخ و الشخصيات أما المقالة درتلهم ثقافة عامة
شريعة ساهلة المهم احفظ العناوين الرئيسية
ربي يوفق

[❀ بَسْمَةْ أَمَلْ ❀]

انا نقلك حل جيد وممتاز والله صدقيني كي تبدا لقرايا حطي مع شرح الاستاذ واذا مفهمتيش سقسييه صديقيني غير مكيش رايحة تتحتاجي الحفظ الا اقوال الفلاسفة جربي وقوليلي

:19:

[كوثروا]

حفظ وفهم الدروس اما المقالات غير شوفهم باش تدي فكرة العامة و افكار عن المقدمة و الخاتمة و ننصحك باش ا تكثرش على روحك المقالات و احفظ من الكتاب

[محمد هيثم]

كي يزيد و يسموه بوزيد

[darksayuki1]

شكرا على هذه النصائح القيمة و جعلها الله في ميزان حسناتكم يااااااااااارب خاصة و نحن في هذه الايام المباركـــــــــــــــــــــــــــــــــــــــــــ ـــــــــــــــــة

[anesweb]

حفظ وفهم الدروس اما المقالات غير شوفهم باش تدي فكرة العامة و افكار عن المقدمة و الخاتمة و ننصحك باش ا تكثرش على روحك المقالات و احفظ من الكتاب

هذا بالضبط وش كنت حاب نقول

[native]

ما تقلق روحك ما والو يا خويا الفلسفة ساااهلة غير تهنى انا تانيك كنت خايف منها و مبعد خلاص نورمال
انا ننصحك شوف المقالات المهمين كيما الي قاتلك عليهم الاخت الكريمة و ركز عليهم و افهم في القسم مليييييييييييح *احفظ غير اقوال الفلاسفة و الآراء تاعهم هك باه ادير حجج * و ديما وسع الفكرة تاعك و ديرها بسييييييييييييييييييييطة
ربي يوفقك خويا في باك 2011 و ربي ينجحك و كشما تحتاج راني هنا

[dz+]

السلام عليكم
تحياتي أخي لك ولحرصك الشديد على النجاح
وإن شاء الله نسمع اسمك من أوائل المتفوقين في الباكالوريا
بالنسبة لي أخي أنا في الأجمال كنت أعتبر الفلسفة مادة علمية أكثر من أدبية
لا أخفيك أخي علما أنه في بداية السنة كنت لا أفهم شيئا خاصة الدروس الأولى وكنت أراها جد معقدة لكن بطول الوقت ولما دخلنا بالتحديد لفلسفة العلوم والدروس التي بعدها أصبحت من المهتمين والمتابعين وتفوقت فيها وحصلت على 17 في امتحان الفلسفة في باكالوريا لهذه السنة.
قلت أني كنت أعتبرها مادة علمية وذلك لأني كنت الاحظ أنها تعتمد على منهجية أكثر من اعتمادها على المضمون فبدون هيكلة للمقال والله أخي لن تحصد شيئا ولو كنت فيلسوف
أنصحك أخي بمتابعة الدرس مع الأستاذ ثم تلخيص الدرس من الكتاب أي العناوين ومقتطف بسيط من ما سجلته حين كان يشرح الأستاذ وما يتماشى مع ما في الكتاب (أي اعتمدت كثيرا على الكتاب المدرسي)
أوصيك كذلك بعد انهاء كل محور مثلا في فلسفة الرياضيات ستجد مواضيع محددة درستها كإشكالية المفاهيم الرياضية وأصلها و و و على ورقة التلخيص التي ستحضرها للباكالوريا ضع شبه مقال أي مقدمة صغيرة للموضوع وضع عنوانين الأول تتناول فيه الطرف الأول من الرأي ودعمه بأقوال الفلاسفة والثاني نفس الشيء وفي الأخير ستجد نفسك قد وضعت نموذجا للمقال ما عليك سوى حفظه أو مداومة التردد عليه حتى يصير مثل النسخة ويوم الإمتحان ما سيكون عليك سوى التوسع ي الموضوع بإضافة عبارات جميلة ومباغتة المصحح بحيث لا تخرج عن الموضوع وتستوفي المطلوب
أخي الفلسفة لا أخفيك أنها تحتاج شخصا يتقن الألفاظ اللغوية جيدا بحيث يستطيع أن يتكلم عن نفس الفكرة بأسلوب مختلف ودون تكرار (وهنا شطارتك وثقافتك)
أوصيك أن تطالع الكتب الخارجية في المواضيع المعينة وأن تداوم المطالعة المطالعة فقط على المقالات حتى تكتسب خبرة وتحمل في ذهنك بعض العبارات.....وإن طلب منك الأستاذ أن تعد مقالة فلا تتكاسل وحاول مرة ومرة ومرة واحرص أن يصحح لك الأستاذ...
تحياتي

[darksayuki1]

ما تقلق روحك ما والو يا خويا الفلسفة ساااهلة غير تهنى انا تانيك كنت خايف منها و مبعد خلاص نورمال
انا ننصحك شوف المقالات المهمين كيما الي قاتلك عليهم الاخت الكريمة و ركز عليهم و افهم في القسم مليييييييييييح *احفظ غير اقوال الفلاسفة و الآراء تاعهم هك باه ادير حجج * و ديما وسع الفكرة تاعك و ديرها بسييييييييييييييييييييطة
ربي يوفقك خويا في باك 2011 و ربي ينجحك و كشما تحتاج راني هنا

بـــــــــارك الله فيك اخي الكريم اتمنى لك مشوار اكاديمي حافل بالنجاح...وفقك الله

[بنت جزائر العزة]

و الله انا لا اعرف ايييييييييييي معلومة عن الفلسفة


حتى اني لا ادري ما هي نوعية الدروس التي سندرسها

غير انها مادة ادبية


فمن فضلكم نوروووووووونا

؟؟؟؟؟؟؟؟؟؟؟؟؟؟؟؟

[darksayuki1]

السلام عليكم
تحياتي أخي لك ولحرصك الشديد على النجاح
وإن شاء الله نسمع اسمك من أوائل المتفوقين في الباكالوريا
بالنسبة لي أخي أنا في الأجمال كنت أعتبر الفلسفة مادة علمية أكثر من أدبية
لا أخفيك أخي علما أنه في بداية السنة كنت لا أفهم شيئا خاصة الدروس الأولى وكنت أراها جد معقدة لكن بطول الوقت ولما دخلنا بالتحديد لفلسفة العلوم والدروس التي بعدها أصبحت من المهتمين والمتابعين وتفوقت فيها وحصلت على 17 في امتحان الفلسفة في باكالوريا لهذه السنة.
قلت أني كنت أعتبرها مادة علمية وذلك لأني كنت الاحظ أنها تعتمد على منهجية أكثر من اعتمادها على المضمون فبدون هيكلة للمقال والله أخي لن تحصد شيئا ولو كنت فيلسوف
أنصحك أخي بمتابعة الدرس مع الأستاذ ثم تلخيص الدرس من الكتاب أي العناوين ومقتطف بسيط من ما سجلته حين كان يشرح الأستاذ وما يتماشى مع ما في الكتاب (أي اعتمدت كثيرا على الكتاب المدرسي)
أوصيك كذلك بعد انهاء كل محور مثلا في فلسفة الرياضيات ستجد مواضيع محددة درستها كإشكالية المفاهيم الرياضية وأصلها و و و على ورقة التلخيص التي ستحضرها للباكالوريا ضع شبه مقال أي مقدمة صغيرة للموضوع وضع عنوانين الأول تتناول فيه الطرف الأول من الرأي ودعمه بأقوال الفلاسفة والثاني نفس الشيء وفي الأخير ستجد نفسك قد وضعت نموذجا للمقال ما عليك سوى حفظه أو مداومة التردد عليه حتى يصير مثل النسخة ويوم الإمتحان ما سيكون عليك سوى التوسع ي الموضوع بإضافة عبارات جميلة ومباغتة المصحح بحيث لا تخرج عن الموضوع وتستوفي المطلوب
أخي الفلسفة لا أخفيك أنها تحتاج شخصا يتقن الألفاظ اللغوية جيدا بحيث يستطيع أن يتكلم عن نفس الفكرة بأسلوب مختلف ودون تكرار (وهنا شطارتك وثقافتك)
أوصيك أن تطالع الكتب الخارجية في المواضيع المعينة وأن تداوم المطالعة المطالعة فقط على المقالات حتى تكتسب خبرة وتحمل في ذهنك بعض العبارات.....وإن طلب منك الأستاذ أن تعد مقالة فلا تتكاسل وحاول مرة ومرة ومرة واحرص أن يصحح لك الأستاذ...
تحياتي

شكرا اخي الكريم على التفاتتك الطيبة التي اضافت الي الكثير و الكثير اعدك بان اكتب اسمي باحرف من ذهب في سجل البكالوريا شكرا مجددا

[darksayuki1]

اخي +dz كم كان معدلك في شهادة البكالوريا ؟ و ماهي الشعبة التي كنت تدرس فيها ؟؟ و ماهو اختيارك في الجامعة؟؟؟ شكراااا

[ريحانة39]

الحمد لله انا ديت الباك العام هذا شعبة اداب وفلسفة والفلسفة كانت مقلقتني ياسر كيفكم ما عرفتش كيفاه نتعامل معاها وزيد كان عندنا
استاذ ديما غايب ........ المهم حاولوا تتعلموا كتابة المقالات وما تعولوش على النص ياسر احفظوا مقولات ولازم تكونوا تعرفوا طرق كتابة
المقالات جدلية استقصاء ..........ولازم ما تخافوش منها راهي مادة عادية ما تعطوهاش اكثر من قيمتها
وربي يوفقكم

[dz+]

أخي بالنسبة للإجتماعيات فكنت أعتمد التلخيص وأنقل المعلومات من الكتاب المدرسي لأني بصراحة كنت أتغيب كثيرا فلا أطيق هذه المادة بما أن موضوع الإجتماعيات تاريخ كان أو جغرافيا ينقسم إلى قسمين فالأول عليه 6نقاط يتناول التعاريف والشروحات التي ستحصل على نسخ منها حتى (تكره) ما عليك أخي سوى الحفظ والتركيز واستعمال أسلوب الحيلة فأنا كثيرا ما كنت أربط تاريخ بتاريخ حتى لا أنسىواعتمدت على التلخيص بيدي كي أتمرن على الحفظ واوصيك كذلك في الشخصيات أن لا تحفظ كل ما يعطى لك أي مختصر بسيط عن الشخصية وأهم أعماله أنا ولا شخصية حفظت تاريخ ميلادها أو وفاتها وفي الجغرافيا في مصطلحات حاول أن تعتمد على الفهم وقليل من التوسع من عندك طبعا
وأما بالنسبة للجزء الثاني وأقصد المقال فهنا عليك بترتيب التواريخ في ذهنك وحاول وكأنك راوي تروي الحدث كما وقع ستجد ربما متعة.. وعليك أن تتعود على الكتابة لأن يدك بصراكة ستنكسر من كثرة الكتابة يوم الإمتحان خاصة إن استعملت المسودة الله يعين وهكذا استطعت أن أجمع مقدار من النقاط قدرة15.5
وبالنسبة للعلوم الشرعية فأنا تجربتي الشخصية أخي أني حفظت كثيييرا لأن هذا ديننا وكنت أركز على شرح الأستاذة بارك الله فيها
وفي هاته المادة أخي إن أعطي لك موضوع فأول ما تبدأبه أن تكتب الآية المعطاة وحتى وغن لم تكن مطلوبة وأن تجيب على الأسئلة مع التقديم لها أولا أي كل إجابة تبدأها بمقدمة بسيطة وخاتمة موجزة هكذا عودتنا الأستاذة.....والحمد لله تحصلت على19

[*سلامة*]

السلام عليكم و رحمة من الله تعالى و بركاته
اخواني الناجحين في دورة جوان 2010 ، انا في حيرة كبيرة ، مادة الفلسفة تؤرقني كثيرا هناك العديد من المقالات ماذا احفظ و ماذا اترك ، صراحة اريد منكم اصحاب الخبرة ان تخبروني عن كيفية التعامل مع هذه المادة الجديدة و هل يتمثل اكسير التعامل مع الفلسفة في الحفظ لا بديل عن الحفظ و الحقيقة بعد اطلاعي على المقررات الدراسية وجدت الحالة chargé انا في حيرة من امري ارجووووووووووووووووووووووو المساعدة في اقرب وقت ممكن جزاكم الله خيرا لا تبخلوا علينا
دمتم في امان الله و طاب يومكم


اولا ما تخلع روحك ما والو راح تموت في باطل على حساب هدرتك انت علمي المهم انا نخاطبك على اساس علمي لاني كنت علمية يااخي الفلسفة ماراهيش صعيبة بالنسبة لشعبتكم ماعليك الا المتابعة مع الاستاذ و من الافضل عدم الغياب ابدا صدقني انا في حياتي ما حفضت مقالة وفي الباك ديت 14

واذا كنت حاب تحفظ رغم اني لا انصح بذلك احفظ الدرس الي ديروه في القسم برك ماكلاه تحفظ حاجات اخرى و الحالة ماشي chargé بزاف نورمال اذا كنت حاب جيب الباك تبع كل يوم و اهم شيء ما تخلع روحك ما والو وعلى فكرة 14 ماهيش مليحة الغاشي داو خير انا لخاطش راجعتها اليوم الاخير برك او بالحرى في نفس اليوم

[dz+]

أخي تحصلت على معدل 16.61 في شعبة العلوم التجريبية وسأدرس الطب
عما أني فتاة أي أختي وليس أخي ههههههههههههههه

[نظام الفوضى]

افهم مليحححححححححححححححححححححح واحفظ الأقوال و الأدلة فقط

ام المقالات اللي يحفظهم غير .........................................واحد خااااااااااااااااااااايف


افهم وروووووووووح تضمن 14 وزيد شوف كيفاش خطوات التصحيح نتاع المادة لاايحة تعاونك بزاف


كي تجي تجاوب دير في بالك وأنت تكتب في المقال بأنك المصحح نفسه وشوف رايك















واتكل على ربي


http://www.idmk.de/images/philosophie.jpg

[darksayuki1]

أخي تحصلت على معدل 16.61 في شعبة العلوم التجريبية وسأدرس الطب
عما أني فتاة أي أختي وليس أخي ههههههههههههههه

المعذرة اختي الفاضلة عن الخطا الذي ورد مني هههههه شكرا مجددا على لطفك و لباقتك

[مريم بكالوريا2010]

خطأ كبير من يقومون بحفظ المقالات
عليكم بحفظ الدروس والحجج والبراهين واستخدام الذكاء
فربما انت تحفظ مقالة ويحفظها 9 او10 تلاميذ فتكون الاجابات متشابهة فيعتبرها المصحح غش او يمل من نفس العبارات
شكرا لكم

[walid-23]

ليست كلها حفض
و أنما أحفظ طريقة كتابة المقالة (جدلية..مقارنة.نص......) وحجج كل مذهب فلسفي
وربي يوفق خو

[ianissam]

walah ya khouya kan 3andi fiha fel 3am mou3adel 3.60 walah wedit fiha fel bac 11
jamé kritha kritha 15jour lakhara bark
efhem la métod w hada makan

[خالد بن الإبراهيم]

أخي الكريم
قل بسم الله الرحمن الرحيم
وادخل إلى هتا
ستجد كل شيء بإذن الله
الريح مايقيسكش
www.bac35.ahlamontada.net