عجيب غريب ما يحدث في بلادنا..؟؟

[darksayuki1]

السلام عليكم و رحمة من الله تعالى و بركاته
اخواني اعضاء منتديات الجلفة و المقبلين على شهادة البكالوريا العام المقبل..انا طالب من و لاية سطيف بثانوية المعز لدين الله الفاطمي ..هناك اخبار تداولها بعض زملائي هذه الايام و هو ان بعض اساتذة الدروس الخصوصية باشروا عملهم منذ بداية جويلية ...؟؟؟ اود ان استفسر عن البداية المبكرة للتحضير و اثارها السلبية على مردود الطالب خلال الموسم الدراسي...من ناحيتي اظن ان البداية المبكرة=انهيار مبكر...لكن يراودني بعض القلق و احس انني تاخرت في التحضير و لن احصل على شهادة البكالوريا بتفوق....ارجو المســــاعدة في اقرب وقت خاصة من الطلبة الناجحين ذوي الخبرة في مثل هذه الامور...
ســـــــــــــــــــــــــــــــــــــــلام

[ILHAM15]

يا اخي لا تقلق كثيرا فمازال لديك الوقت الكافي لنيل شهادة البكالوريا وبتفوق ايضا كل ماعليك فعله هو تحضير خفيف بالنسبة للمواد الاساسية خاصة الفيزياء و التي انصحك بمراجعة جيدة لبرنامج السنة الاولى و الثانية و ان شاء الله ستجد برنامج السنة الثالثة سهلا جدا لان هذا مافعلته انا و نلت شهادة البكالوريا 2010 بتقدير جيد وبمعدل 15
ارجو ان اكون قد افدتك و ساكون في الخدمة لاي استفسار اخر
دعواتكم لنا بالتوفيق في الجامعة وشكرا

[darksayuki1]

يا اخي لا تقلق كثيرا فمازال لديك الوقت الكافي لنيل شهادة البكالوريا وبتفوق ايضا كل ماعليك فعله هو تحضير خفيف بالنسبة للمواد الاساسية خاصة الفيزياء و التي انصحك بمراجعة جيدة لبرنامج السنة الاولى و الثانية و ان شاء الله ستجد برنامج السنة الثالثة سهلا جدا لان هذا مافعلته انا و نلت شهادة البكالوريا 2010 بتقدير جيد وبمعدل 15
ارجو ان اكون قد افدتك و ساكون في الخدمة لاي استفسار اخر
دعواتكم لنا بالتوفيق في الجامعة وشكرا

شكرا على التفاتتك الطيبة و جزاك الله خيرا في انتظار قادم الردود

[nassiima]

ياخويا انا نقلك ريح روحك درك او لقراي تاع الصح تبدا كي يبد العام الدراسي بصح لازملك الارادة
انا جبت الباك ب 15 بصح انا معييتش روح قبل مانبداو لقرايا
ونقلك ربي يعاونكم هاد العام

[anesweb]

السلام عليكم ... أخي أنا كنت مثلك خايف شفت الناس بداو يقراو من أوت والدروس الخصوصية في رمضان.....لكن ممبعد قررت باش نخلي العطلة تاعي تعقب وأنا مريح.
نصيحتي عند بداية العام الدراسي واكب الدروس أولا بأول وكلما تأخذ درس في الفيزياء ولا في الرياضيات حل تمارين عليه بزاف وما تهملش المواد الأخرى وإذا حسيت بلي عندك بعض المشاكل في تمارين إبدا الدروس الخصوصية....والله يوفقك ويوفق جميع طلاب البكالوريا 2011

[س ع]

مكاش قاع منها هذي تاع الدروس الخصوصية والتحضير في العطلة انا كنت نركز فالكلاصة ونعاود نضرب طلة على الدرس والتمارين برك ماقريت لا دروس خصوصية لا والو وربحته ب16

[reves]

moi j eu mon bac 2010 et si tu veu savoir en vac j jamé touché un livre pr etudié car mazal lhal

[silentman]

سلام
انا بصراحة منحبش الدروس الخصوصية وننصحك ادا كنت قادر تقرا وحدك ما تقولش بلي الدروس الإضافية رايحة تزيد تعاوني راح يكون العكس خصوصا العام الجاي ما نتوقعش يصراو اضرابات بزاف كيما العام هدي على هادي رايح يكون البرنامج طويل وعريض وما تسلكها غير الخدمة في الدار ربي ونصيحتي لخرا ليك اخدم مليح في الفيزياء والرياضيات واهتم بنقاطك فيها لان في التوجيهات واختيار الشعب كاين غير المعدل الحسابي اللي ينفعك
سلام

[A-HODAIFA]

يا أخي الجماعة لي بداو القراية في الصيف راهم تعبو بزااف في وقت البكالوريا أعرف حتى بعضهم داخو و بعضهم مقدروش يحملو القلم من كثرة استنزافهم لطاقتهم مبكرا يا لازم ترتاح في هذه العطلة جيدا و تتمتع بالرحلات و زيارة الأماكن التي تحبها حتى تجعل عقلك أكثر قابلية لتلقي المعلومات أثناء العام الدراسي
ولكن إذا وضعت جل جهدك في العام الدراسي و بس و ركزت في القسم جيدا و راجعت دروسك مليح فلن يخيفك شيىء
كذلك أخي الفاضل يجب عليك التمسك بالله تعالى و التوكل عليه ولا تترك الصلاة أخي العزيز و خاصة الفجر وسترى المفعول القوي لذاكرتك و قواك الذهنية
حاول أن تعتمد على نفسك طوال السنة الدراسية و ستجد أنك امتلأت ثقة
و أخيرا أستطيع أن أنصحك بنظرة خفيفة فقط على بعض دروس السنة الثانية مثل الدوال في الرياضيات و الميكانيك و الكيمياء في الفيزياء لكي تتدخل بنفسية مرتاحة و مطمئنة نوعا ما و تستطيع الإندماج مع ظروف الدراسة مبكرا و دع التحضير الجيد في وقت الدراسة كل درس على حدى
هذا ما أستطيع أن أنصحك به بكوني طالب اجتزت البكالوريا هذه السنة و كنت من المتفوقين رغم أن الخبرة يحصل عليها كلم من اجتاز هذا الإمتحان المهم

[silentman]

بخصوص الدروس الإضافية في هدا الوقت مش ممكن نسموها اضافية لانو ماكانش دروس درتوها باش تضيفو عليها والنفسية تاع الطالب ماتخليهوش يركز مليح فيها لاخاطر راح ديما يقول في راسو مازال نعاود الدرس هادا في القسم العام الجاي

[darksayuki1]

تشكراتي لكل من ساهم في الرد على الموضوع و على انشغالاتي شكـــــــــــــــــــــــــرا لكم

[كوثروا]

انا جبت الباك ب15 بديت القراية مين البدا العام ومدرتش دروس خصوصية ليق العمل في البيت لا تليفيزيو لا انترنيت غير الحفاظة و التمارين
في الدار و التركيز مع الاستاد لي يمده الاستاد في القسم ما يمدهلكش استاد دروس خصوصية

[-تيتو-تقي الدين]

انا بدات الدروس الخصوصية في 14 جوان ولكن مع بداية العام الدراسي وجدت نفسي متعبا ولا أستطيع تقبل المزيد خاصة إذا رأيت أن الأساتذة بداوا في إعادة ما كنت قد درسته سابقا نصيحتي لك اعتمد على الدروس المقدمة لك في المدرسة لا غير
أخوك:مباركة تقي الدين :متحصل على الشهادة الورقة

[jana46]

ana jé 15.19 +math é jaarrive pas a atteindre mon but la medecine c pr sa j v refé lané SE si t v klk chose chui la

[SILENT CONTROL]

tahya hna vive DZ