ارجوكم ساعدوني "هل ممكن ادرس بيلوجيا +نعقب باك احرار؟"

[ريم91]

السلام عليكم


انا اكيد عرفتوني طبعا من كثرة اسئلتي هههههههههههه

المهم انا وجهوني علوم طبيعية والحياة في جامعة مسيلة وانا اسكن في بوسعاد يعني مو بعيدة تستغرق حوالي 45 د الى ساعه

انا معدلي 13 وحابة نعاود الباك حرة ونقرا في الجامعه في نفس الوقت مي كاين بزاف الي قالولي صعيب باش تدي معدل مليح مع القرايا في الجامعه

بصح كاين ايضا الي قالولي ما نبلوكيش العام حتى استطيع ان اتعود عن الجامعه وتخصص البيولوجيا يعني يساعدني نتاقلم مع الطب او الدونتيست اذا وفقني الله العام المقبل وجبت معدل مليح

وقالولي تاني بلي قالولي كي تقعد في الدار ما تقدرش تقرا ياسر يعني نوالفها الكسل هههههههههه:o

المهم ساعدوني ارجوكم وصديقوني انو رايكم راح اخذوا بعين الاعتبار

والي يدرس هذا التخصص في الجامعه يساعدني وخاصة لمسيلة لانهم قالولي في القطب وانا ما اعلابالي عليه والوا


شكرا سلفاااااااااااااااااااااااا

[ريم91]

قولولي وشكون اصعب بيولوجي او رياضيات و اعلام الي ؟

[Moh-Ec$perT]

L'ESI est la plus difficile
Go on my sister

[silentman]

سلام
أنا لا أدرس بيولوجيا ولكن اعطاولي علوم الأرض والكون وحاب انعاود الباك ونقرا شعبة الرياضيات بدل العلوم التجريبية لأنو نفس الدروس في الرياضيات والفيزياء مع افضلية للرياضيين بسبب عدم وجود العلوم كمادة أساسية ضيفي إلى دلك قضية الأولوية
أنا شخصيا لا أنصح بالدراسة في الجامعة وإعادة الباك خصوصا ان الجامعة تتطلب دراسة كثيفة خصوصا البيولوجيا وهي ل م د أي يتوجب النجاح في عدة مواد وهدا عبء زايد وغير مبرر عليك لأنك ان شاء الله لو وفقت في الباكالوريا القادمة وانتقلت الى الشعبة المرغوبة لن تستفيدي كثيرا من دراستك للبيولوجيا يمكن في حالة واحدة الجمع بين اعادة الباك والجامعة في حالة الأدبيين بدراسة العربية في الجامعة مثلا والتحضير للباك سلام

[ريم91]

شكرا خويا

مي ما قتليش نقدر نعقب وندرس في الجامعه في نفس الوقت وانجيب معدل مليح ؟؟؟؟

[ريم91]

اخي silentman

شكرا كثيرا على النصيحة وان شاء الله يساعدنا جميعا

انا ما نقدرش اندير رياضيات لخاطر حابة الشعب العلمي في الجامعه طب وجراحة اسنان او علوم مدرسة عليا

شكرا مرة اخرى على المرور الكريم

[-تيتو-تقي الدين]

شكرا خويا

مي ما قتليش نقدر نعقب وندرس في الجامعه في نفس الوقت وانجيب معدل مليح ؟؟؟؟

إن شاء الله تقدري أختي أنا تاني هندسة معمارية وراح نقرا ونعقب الباك في نفس الوقت وعندي خويا انجليزية وعقب الباك وداها وهو يقرا بالرغم انو قرايتو صعيبة بزااااااااااااااااااااااااااااااااااف
رربي يسهل ليا وليك ولينا كامل

[silentman]

سلام
بصراحة انا موش شايف فايدة كي نعاودو باك ونقراو في الجامعة مثلا انا عطاولي في باب الزوار والقراية تكمل في 18 جوان يتسما بعد الباك ومايكونش ليا وقت نوجد فيه للباك وزيد بزيادة العام الجاي العتبة تكون كبيرة على هدا العام ولازم يكون عندك وقت توجدي فيه الدروس اللي ما درناهومش سنة ويدا قريتي في الجامعة رايحة تعبي روحك بزاف
عاودي باك وعطيليه كامل وقتك ويدا حبيتي ديري formation في اللغات سلام

[silentman]

اخي silentman

شكرا كثيرا على النصيحة وان شاء الله يساعدنا جميعا

انا ما نقدرش اندير رياضيات لخاطر حابة الشعب العلمي في الجامعه طب وجراحة اسنان او علوم مدرسة عليا

شكرا مرة اخرى على المرور الكريم


سلام مليح كي سقسيتيني سؤال هدا
احنا لازم انخممو باش نوصلوا الشعبة اللي نحبوها وما يهمش الطريق اللي تجوزو عليه على حساب واش فهمت انتي جوزت باك scienceهدا العام راكي عارفة الدروس وفاهمتيهم مليح ضرك عندك une objective تروحي ديري جراحة اسنان système معوج تاع دزاير يمد أولوية لles mathelemes على هادي لوكان ديري رياضيات رايحة تقربي طريقك سلام

[ريم91]

شكرا اخ تقي الدين على المرور الكريم والنصيحة

ان شاء الله انت تاني تقدر توفق بيناتهم لخاطر الارشي صعيبة بزاف

[ريم91]

سلام
بصراحة انا موش شايف فايدة كي نعاودو باك ونقراو في الجامعة مثلا انا عطاولي في باب الزوار والقراية تكمل في 18 جوان يتسما بعد الباك ومايكونش ليا وقت نوجد فيه للباك وزيد بزيادة العام الجاي العتبة تكون كبيرة على هدا العام ولازم يكون عندك وقت توجدي فيه الدروس اللي ما درناهومش سنة ويدا قريتي في الجامعة رايحة تعبي روحك بزاف
عاودي باك وعطيليه كامل وقتك ويدا حبيتي ديري formation في اللغات سلام


والله غير راني تحيرت بزاف

شكرا على المرور والله يوفقنا جميعا

[ريم91]

سلام مليح كي سقسيتيني سؤال هدا
احنا لازم انخممو باش نوصلوا الشعبة اللي نحبوها وما يهمش الطريق اللي تجوزو عليه على حساب واش فهمت انتي جوزت باك scienceهدا العام راكي عارفة الدروس وفاهمتيهم مليح ضرك عندك une objective تروحي ديري جراحة اسنان système معوج تاع دزاير يمد أولوية لles mathelemes على هادي لوكان ديري رياضيات رايحة تقربي طريقك سلام

اها انا سمعت بلي شعبة رياضيات ما يمدولهمش طب ولا جراحة اسنان؟؟

هل صحيح يمكننا دخول هذه التخصصات اذا درسنا رياضيات؟؟


شكرا اخي واسمحلي تعبتك بالاسئلة

[silentman]

سلام
تقدري تشوفي ختي في le guide الي عطاوهولنا تشوفي الأولوية للرياضيات malgre que معامل العلوم عندهم يساوي 2 وبالنسبة للتقني رياضي génie procédé مايقراوهاش كامل وعندهم الأولوية علينا حنا les scientifiques مع هدا système معوج لازم نفكروا مليح وبدون la logique باش نجيبو وانديرو واش انحبوا

[saraharaha]

سلام

الرياضيين عندهم الاولوية في جميع المجالات وهي احسن شعبة طبعا
ويمدولهم الطب والصيدلة وجراحة اسنان عندهم كلش احسن من العلميين

زيد اخت ريم91

اولا :
فترة امتحان البكالوريا مكانش لي يقرا فيها سواء طلاب او اساتذة لأنه هناك اساتذة يعقبو لباك سواء جامعيين او .... ايضا الطلاب ممكن لاحظتي كي كنا نعقبو لباك مقراوش ذيك سمانة خاطر كاين فيهم لي يعقب لباك
ثانيا :
كثير ممن قراو في الجامعة وعقبو لباك ونجحو طبعا بذكائهم استطاعوا يوفقو بين الجامعة والباك وكثير فشلوا ثاني

لذلك نقلك هاذي حاجة ترجع ليك نتي الدروس اغلبها قاريتيها يعني الباك يطلبوا مراجعة قضية شهر شهرين لا اكثر
يعني لازم توفقي بين الباك والجامعة تعود عندك زوج حوايج تقرايها

نظن انك طامحة للطب او شعب العلمية الاخرى لذلك لازم قراية بزااف لأن المعدلات طالعة وبعض الدروس محذوفة لازم تقرايها وتلقاي فيها مشاكل شوي بلا استاذ

تقدري تسجلي في الجامعة عادي وشوفي روحك اذا قدرت تكملي وتضمني انك تمدي للباك حقوا كملي قرايتك

اذا مقدرتيش والوقت ضيق تخلاي عن وحدة منهم باش تفرغي للاخر

والقراار دائما يرجعلك نتي خاطر نتي لي تقراي مش حنا
هنا لتبادل الرأي وليس للاوامر

سلام

[bac_2011]

تمعني جيدا في هذه الجملة :
قال الإمام ابن القيم الجوزية رحمه الله :
" لو أن رجلا وقف على جبل و عزم على ازالته لأزاله " ..

[ghost_imn]

اللي حب يقرا مايقول شيئ صعيب
العزيمة تقهر كل شيئ

[inssafehana]

:mh92:انا ثاني راني كيفك راح نعاود الباك وراهم وجهوني بيولوجيا لكن سالت اهل الخبرة وخذيت برايهم راح نعاود الباك فقط والقراية في الجامعة راح نبلوكيها والعلم لله خطراكش القراية على الجهتين صعيبة بالزاف من ناحيتين التعب عقلي خطراكش تخمي على زوج حوايج لازم توفقي بيناتهم وتجيبيهم في زوج وثانيا التعب نتاع الجهد العضلي والجسماني تروحي من الجامعة تعبانة لازم تاخذي وقت للراحة انا المهم خذيت قراري واكتفيت بوش كتبلي ربي العام الجاي اذا بقيت من اهل الدنيا راح نضاعف مجهوداتي اكثر خاصة وان امكانياتي تسمح لي بذلك بالاضافة الى انني سازود معلوماتي بالدروس الخصوصية بالرغم من اني فاهمة وحافظة كل الدروس لكني خممت على الدروس الاخيرة في الرياضيات مثل الاحتمالات والعلوم مثل الجيولوجيا وباقي المواد خطراكش حنا عندنا في عنابة كي ما تدخليش في الدروس الخصوصية من الاول ما يقبوكش في الاخير، المهم ربي يوفقنا ويكون معنا وكي تحطي حاجة في بالك لازم تعمليها وتتقنيها وفي الاخير انا عزيمتي زادت قوات وتضاعفت وبربي انشاء الله العام الجاي راح نكون من الاوائل في الجزائر لان قلبي كالبركان الذي سينفجر من شدة التحسر ولعلمك بيولوجيا راهي حفظ وكي ما تحضريش للكور ما تفهميش لازم اتبعي كل يوم باي
قولي مجرد راي ونصيحة وفقي الله يا اختاه ريم
وجعلك الله من المتفوقين العام الجاي

[أمنية الجزائر]

أنا رايحة ندير كيفك ، نقرا الهندسة المعامرية و نعقب الباك مترشحة حرة في نقس الوقت ، و ربي يكون في العون ، اعرفي برك كيفاه تقسمي و قتك و إن شاء الله تنجحي و تديري طب ، كيما أنا راني حابة صيدلة .

[ريم91]

سلام
تقدري تشوفي ختي في le guide الي عطاوهولنا تشوفي الأولوية للرياضيات malgre que معامل العلوم عندهم يساوي 2 وبالنسبة للتقني رياضي génie procédé مايقراوهاش كامل وعندهم الأولوية علينا حنا les scientifiques مع هدا système معوج لازم نفكروا مليح وبدون la logique باش نجيبو وانديرو واش انحبوا

اهاا والله جيد

بصح عندك الحق سيستام معوج ههههههههههههههههه هم اصلا عندهم غير شوي البرنامج تاع العلوم

[ريم91]

سلام

الرياضيين عندهم الاولوية في جميع المجالات وهي احسن شعبة طبعا
ويمدولهم الطب والصيدلة وجراحة اسنان عندهم كلش احسن من العلميين

زيد اخت ريم91

اولا :
فترة امتحان البكالوريا مكانش لي يقرا فيها سواء طلاب او اساتذة لأنه هناك اساتذة يعقبو لباك سواء جامعيين او .... ايضا الطلاب ممكن لاحظتي كي كنا نعقبو لباك مقراوش ذيك سمانة خاطر كاين فيهم لي يعقب لباك
ثانيا :
كثير ممن قراو في الجامعة وعقبو لباك ونجحو طبعا بذكائهم استطاعوا يوفقو بين الجامعة والباك وكثير فشلوا ثاني

لذلك نقلك هاذي حاجة ترجع ليك نتي الدروس اغلبها قاريتيها يعني الباك يطلبوا مراجعة قضية شهر شهرين لا اكثر
يعني لازم توفقي بين الباك والجامعة تعود عندك زوج حوايج تقرايها

نظن انك طامحة للطب او شعب العلمية الاخرى لذلك لازم قراية بزااف لأن المعدلات طالعة وبعض الدروس محذوفة لازم تقرايها وتلقاي فيها مشاكل شوي بلا استاذ

تقدري تسجلي في الجامعة عادي وشوفي روحك اذا قدرت تكملي وتضمني انك تمدي للباك حقوا كملي قرايتك

اذا مقدرتيش والوقت ضيق تخلاي عن وحدة منهم باش تفرغي للاخر

والقراار دائما يرجعلك نتي خاطر نتي لي تقراي مش حنا
هنا لتبادل الرأي وليس للاوامر

سلام


والله كلام عبر اخي

انا قررت اني ادرس شهر او شهرين واذا ما وفقت اترك الجامعه وادرس للباك

اعجبني كلامك بزاف خويا تشكر

جزيت خيرا على النصائح :19::19:

[ريم91]

اللي حب يقرا مايقول شيئ صعيب
العزيمة تقهر كل شيئ

اكيد اخي بالمثابرة ما في شيء صعيب :1:

بالتوفيق لك ولي يارب:19:

[silentman]

ممكن تفاعل في هدا الموضوع
http://www.djelfa.info/vb/showthread.php?t=359503

[ريم91]

:mh92:انا ثاني راني كيفك راح نعاود الباك وراهم وجهوني بيولوجيا لكن سالت اهل الخبرة وخذيت برايهم راح نعاود الباك فقط والقراية في الجامعة راح نبلوكيها والعلم لله خطراكش القراية على الجهتين صعيبة بالزاف من ناحيتين التعب عقلي خطراكش تخمي على زوج حوايج لازم توفقي بيناتهم وتجيبيهم في زوج وثانيا التعب نتاع الجهد العضلي والجسماني تروحي من الجامعة تعبانة لازم تاخذي وقت للراحة انا المهم خذيت قراري واكتفيت بوش كتبلي ربي العام الجاي اذا بقيت من اهل الدنيا راح نضاعف مجهوداتي اكثر خاصة وان امكانياتي تسمح لي بذلك بالاضافة الى انني سازود معلوماتي بالدروس الخصوصية بالرغم من اني فاهمة وحافظة كل الدروس لكني خممت على الدروس الاخيرة في الرياضيات مثل الاحتمالات والعلوم مثل الجيولوجيا وباقي المواد خطراكش حنا عندنا في عنابة كي ما تدخليش في الدروس الخصوصية من الاول ما يقبوكش في الاخير، المهم ربي يوفقنا ويكون معنا وكي تحطي حاجة في بالك لازم تعمليها وتتقنيها وفي الاخير انا عزيمتي زادت قوات وتضاعفت وبربي انشاء الله العام الجاي راح نكون من الاوائل في الجزائر لان قلبي كالبركان الذي سينفجر من شدة التحسر ولعلمك بيولوجيا راهي حفظ وكي ما تحضريش للكور ما تفهميش لازم اتبعي كل يوم باي
قولي مجرد راي ونصيحة وفقي الله يا اختاه ريم
وجعلك الله من المتفوقين العام الجاي



الله يوفقك يارب وانشوفك العام الجاي الاولى على الوطن وانا تاني معاك :d

[ريم91]

امنية اختي العزيزة

امين يارب ننجح كلنا وبمعدلات تفرح

والله الطب رغبة الوالد وان شاء الله نفرحوا ونحقق هالوا

[reves]

moi ossi jvai faire comme vs nakra architecture ou n3awad le bac inchallah rabbi m3aya
malgré ke lakraya wa3raya mais....

[ريم91]

توكلي على الله اختي

بصح جربي شهر او شهري واذا جاتك صعيبة اقراي للبا وحدوا والله يوفقك يارب


وبالتوفيق للجميع