مشاهدة النسخة كاملة : الشااب الجزائري..بين الواقع والخياااال
داعي الله ياسين
2010-08-03, 19:27
الشااب الجزائري بين الواقع والحلم
إلى متى ....؟؟
بقلم أخوكم ياااسين
ماكل...شارب...راقد..حاب يتزوج
ماكل...شارب...راقد..حاب يبني
ماكل...شارب...راقد..حاب ايعيش
ماكل...شارب...راقد..حاب ايكون راجل
ماكل...شارب...راقد..حاب يبكي مكانش خدمة
ماكل...شارب...راقد..حاب ينجح
ماكل...شارب...راقد..حاب ايحب
ماكل...شارب...راقد..حاب يخرج من الدزاير
ماكل...شارب...راقد..حاب ايحقق حلمه
ماكل...شارب...راقد..حاب ايتكيف
أنعم يتلاقى معااك يطلب منك 20دج باه يشرب قهوة
..أنا انمدلو صح مدّيتلو مصح تحس بالذنب راك تسجّع فيه باه
ميخدمش
كيف .. كيف .. حاب تعيش من أين لك أن تعيش ...؟؟
السكر برك راه 80دج يااو تزيد هكااك أنت يطلعلك السكر..
كاين لي يخدم ليل وانهااار مقدرش يشري السكر وأنت
ماكل...شارب...راقد..حبيت..حبيت ..حبيت..
اليوم باباك إيوكّل فيك غدوة ايروح اشكوون لي راح ايوكلك..؟؟
حبيت تتزوج متقدرش ..وين راهي الّي تقبل بيك وأنت بلا خدمة
يااو الوقت والله مايرحم....
الناس راهي خدّاامة وتبكي ... متقوليش مكااانش الخدمة
ياو انت لي ماش تاع خدمة ...كيف لااا.. تنوض على العاشرة
تاع الصباح
وتقولي راني عيّااان منين تعياا منين .. والله مافهمت !!!!..
******
نختم كلامي بقصّة واقعية أنشوفوا فيها لي واصل واش راه
ايخمّم
فيك يااالغافل بلا خدمة....
كاان زوج يمشو مع بعض في الدزاير مي هما أجااانب عندهم
حركة
في الدزاير واصلين ماشاء الله
أيّااا يمشوا ..يمشوا حتى تلاااقاو واحد قاعد في جنب الطريق
يطلب
أيّااا الأول ما مدلو والو ... مصح التاني خرّج من جيبو 100دج
وعطاهااالو
أيّااا الأول سقسى التاني علاش مدّيتلو...؟؟
بربكم واش كاان جواب التاني ...؟؟
واش كان ايخمّم في لي راه يطلب
*
*
*
*
*
أيّااا التاني قال الأوّل...
أوكان منمدلوش إيدير القلب إيروووح يخدم بلاك إيولي خير
مني... !!
إمّلاااك أنا مدّيتلو باه يقعد يطلب أوميفكرش في الخدمة...
واش دار الأول ..راااح يجري مدلو 100دج قالو راك فووور غير
ريّح...........؟؟
إإإإيه شفتوا ياااخوتي كيفاش الناس راهي تفكّر...
نووووووووض نوووووووض تخدم يااااو
خبز الدااار يكلو البرّاااني
سلااااااااااااااام
موضوووع للنقاااش وطرح بعض الحلووول لشبااابنا من فضلكم
لا تبخلواا بآرااائكم
بقلم أخوووكم يااااسين
سلااااااااااااام
داعي الله ياسين
2010-08-03, 21:15
.................................................. .................................................. .......
.................................................. ..............................................
.................................................. ................................
.................................................. ......
..................................
.....................
..........
؟!
عُضو مُحترم
2010-08-03, 21:22
وين نخدم يا خويا
؟؟؟؟
داعي الله ياسين
2010-08-03, 21:26
وين نخدم يا خويا
؟؟؟؟
اسمك الفتى الصغير
علاااابالي راك تقرى مزاااال
أقرى أقرى ربي اعاااونك كي تكمل تمّاااك نحكواا
كاااين الخدمة غير هي......
عبد النور مكي
2010-08-03, 21:32
اذا راك تشوف انت في كاش خدمة تقدر تاكل بيها الخبزة قول لي عليها...اعطيني امثلة على الخدمة ..ماتقوليش كاين خدمة و خلاص..
عندي ديبلوم في المحاسبة و صاحبي في التيكنولوجيا و صاحبي اعلام آلي و صاحبي و صاحبي و 1000 صحابي عندهم ديبلومات بمختلف المستويات
ايا قول لي وين راهي الخدمة
نزيد نقولك انا و صحابي نوضو بكري مع الفجر و نحوسو على الخدمة مكانش و اذا صبنا تصيب فيها كونكور و الكونكور باش تربحه لازم عرف و رشوة و اذا دخلت تخدم تخدم بالكونترا ......
قول لي انت وين راهي الخدمة اللي نقدر ناكل بيها الخبزة و نعيش بخير علي في هذي البلاد
داعي الله ياسين
2010-08-03, 22:06
اذا راك تشوف انت في كاش خدمة تقدر تاكل بيها الخبزة قول لي عليها...اعطيني امثلة على الخدمة ..ماتقوليش كاين خدمة و خلاص..
عندي ديبلوم في المحاسبة و صاحبي في التيكنولوجيا و صاحبي اعلام آلي و صاحبي و صاحبي و 1000 صحابي عندهم ديبلومات بمختلف المستويات
ايا قول لي وين راهي الخدمة
نزيد نقولك انا و صحابي نوضو بكري مع الفجر و نحوسو على الخدمة مكانش و اذا صبنا تصيب فيها كونكور و الكونكور باش تربحه لازم عرف و رشوة و اذا دخلت تخدم تخدم بالكونترا ......
قول لي انت وين راهي الخدمة اللي نقدر ناكل بيها الخبزة و نعيش بخير علي في هذي البلاد
صح أنت شخصيااا أنحاااورك بلاااك إيكووون الموضوووع
نقطة إيجااابية في حياااتك
يعني إلااا تقدر تبعت الملف ّأنتاااعك تاع الديبلوووم
وادا راك تقدر تخدم في الصحرا حاسي مسعووود مثلا ....
كاااين تمّاااك نعرف بزاااف بلاااك أنكووون فال خير ليك
نلقاااك خدمة
هدا إدا حبيت أنت
راني جاااد في كلااامي
عبد النور مكي
2010-08-03, 22:10
تعرف بزاف...يعني عرف......لا لا ...مانيش باغي عرف عندي العرف انا ثاني باغي نخدم حقي ممكن بالعرف ندي بلاصة وحد آخر
حفظك صاحبي
جزائر= لا عمل
داعي الله ياسين
2010-08-03, 22:14
تعرف بزاف...يعني عرف......لا لا ...مانيش باغي عرف باغي عندي العرف انا ثاني نخدم حقي ممكن بالعرف ندي بلاصة وحد آخر
حفظك صاحبي
جزائر= لا عمل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟
؟؟؟؟؟؟؟؟
؟؟؟؟
؟
ممكن الدزاير كيما راك تقووول
ربي ايعاااونك
أنا ربي شاااهد على كلامي كي رجعتلك في اللول
عبد النور مكي
2010-08-03, 22:18
صاحبي..انت راك تقول كاين خدمة
اعطيني مناصب شغل مفتوحة و بدون عرف ..
khaoula rouh
2010-08-03, 22:22
والله خويا ياسين الحل بين يديهم بصح هوما لي مامش باغيين يخدمو ربي يهديهم تقبل مروري كانت هنا خولة وشكرا على مواضيعك الرائعة المطروحة دوما
عبد النور مكي
2010-08-03, 22:24
والله خويا ياسين الحل بين يديهم بصح هوما لي مامش باغيين يخدمو ربي يهديهم تقبل مروري كانت هنا خولة وشكرا على مواضيعك الرائعة المطروحة دوما
الله يهديك .....الحل بين يدي؟...نخلص رشوة؟ هذا هو الحل؟؟؟؟؟؟
احنا ماشي باغيين نخدمو؟؟؟؟؟
سبحاااااااااااااااان الله...
كلام غير معقول
داعي الله ياسين
2010-08-03, 22:29
صاحبي..انت راك تقول كاين خدمة
اعطيني مناصب شغل مفتوحة و بدون عرف ..
يعني أنت ألقيت بالعرف متخدمش...؟؟
تحوس على مفتوووحة ....!!!!
كاااين مفتووووحة مصح ماتحتاااجش الديمبلوووم أنتاعك
يعني تخدم خدمة خااارج قرااايتك
مااام هذي راني أنشوووف أنك ترفضهااا
خويااا بالعرف ماشي بالعرف ألقيت خدمة بروفيتي
وادا محبيتش .........؟؟؟!!!!!!!!
ممكن تستنى الوحي........
قارئة السلام
2010-08-03, 22:29
مشكووور يا أخ ياسين على طرحك لهذا الموضوع الهااااام
والله الخدمة في بلادنا كااااينة ومنها ولا عليها وماتقوليش لا لا !!!!!!!
نقولك علاه ماتقوليش لا لا؟؟؟
لا خاطرش أنا كل يوم نسمع في الشناوة قابضين مشروع تاع سكاني ويبنوا فيه ............... ولا نقولك أنت ماتقدرش علا الشناوة .......لا خاطرش هوما : يبكروا على ال7 تاع الصباح ..........و الوقت عندهم محسوب بالثانية ...............في الليل يرقد على ال9................. ماشي يقعد سهران حتى الواحدة ولا الزوج تاع الصباح من بعد ينوض على ال10....................... ويقول راني .........عيان...................
يا خويا نوض إجري علا روحك بكر ودور في كل بلاصة علا خاطر الخدمة صح راهي تقارعلك بصح عمرها ماغادي تجي تطبب عليك في داركم أوكي
نصيحة من أختكم في الله أنفااال
داعي الله ياسين
2010-08-03, 22:32
الله يهديك .....الحل بين يدي؟...نخلص رشوة؟ هذا هو الحل؟؟؟؟؟؟
احنا ماشي باغيين نخدمو؟؟؟؟؟
سبحاااااااااااااااان الله...
كلام غير معقول
أنااا قتلك في الرد الأول رشوة ...؟؟؟
أقسم بالله ماتخلص حااااجة ماااشي أنت الأول
لي وقفت معاااه والحمد لله
قااالو رشوة
*ألخيال*
2010-08-03, 22:35
السلام عليكم ورحمة الله وبركاته
فعلا لم نعد نعي الوضع في الجزائر
ربي يجيب الخير
بارك الله فيك
عبد النور مكي
2010-08-03, 22:44
مشكووور يا أخ ياسين على طرحك لهذا الموضوع الهااااام
والله الخدمة في بلادنا كااااينة ومنها ولا عليها وماتقوليش لا لا !!!!!!!
نقولك علاه ماتقوليش لا لا؟؟؟
لا خاطرش أنا كل يوم نسمع في الشناوة قابضين مشروع تاع سكاني ويبنوا فيه ............... ولا نقولك أنت ماتقدرش علا الشناوة .......لا خاطرش هوما : يبكروا على ال7 تاع الصباح ..........و الوقت عندهم محسوب بالثانية ...............في الليل يرقد على ال9................. ماشي يقعد سهران حتى الواحدة ولا الزوج تاع الصباح من بعد ينوض على ال10....................... ويقول راني .........عيان...................
يا خويا نوض إجري علا روحك بكر ودور في كل بلاصة علا خاطر الخدمة صح راهي تقارعلك بصح عمرها ماغادي تجي تطبب عليك في داركم أوكي
نصيحة من أختكم في الله أنفااال
بغيت نسقسيك......انت عندك ديبلوم في البيولوجي..تروحي تبني مع الشناوة و تخلصي 2 دورو؟ و تخدمي بالكونترا ؟؟
يا خي حالة يا خي
و شكون اللي قالك انا نسهر حتى الوحدة و نوض حتى ال10؟؟....هذا لغو..الله يهديك
khaoula rouh
2010-08-03, 22:54
الله يهديك .....الحل بين يدي؟...نخلص رشوة؟ هذا هو الحل؟؟؟؟؟؟
احنا ماشي باغيين نخدمو؟؟؟؟؟
سبحاااااااااااااااان الله...
كلام غير معقول
امين خويا وربي يهدينا اجمعين بصح لي نقول فيه راه صح وماناش راح نعمموه باش مايغيض الحال حتى واحد حوس على الخدمة ومالقاش بصح والله العظيم شباب اليوم كلهم يحوسو على الخدمة الساهلة ذات المدخول الجيد بصح نقولك حاجة ماتجي بساهل الا بتعب والكد بصح ليجان نتاعوعنا ايخمو غير كيفاه يهربو من لبلاد وانت تقولي رشوة واش من رشوة رشوة تدفعها كي تكون باغي تخدم ورا البيرو هنا برك وين تدفع رشوة بصح الخدمة مايش عيب واي خدمة تعتبر شرف وهذا رايي واذا انت شايف راي واحد اقنعني بيه هادا ماكان ونتما ليجان تاع ضرك راكم تحوسو غير كيف تبيشو تتقلشو وتعدلو والباقي تاكل بعضاها وتقولو مكاشو خدمة هذا مجرد راي
khaoula rouh
2010-08-03, 23:01
بغيت نسقسيك......انت عندك ديبلوم في البيولوجي..تروحي تبني مع الشناوة و تخلصي 2 دورو؟ و تخدمي بالكونترا ؟؟
يا خي حالة يا خي
و شكون اللي قالك انا نسهر حتى الوحدة و نوض حتى ال10؟؟....هذا لغو..الله يهديك
امين ويهدينا اجمعين وفي قصة لبيولوجي كاينين بزاف لي حاملين هاد شهادة بصح الخدمة وينها منين ايجيبو مشروع جديد ايمدوه للشناوة ..........وراني معاك في قصة تنوضان لانو كل واحد علابالو في روحو يظهرلي انا هادي حرية شخصية ومبعد نوض على 12 المهم نخدم نكسب قوتي حاجة وحدا اخرى ماتهمش لانا في عصر السرعة حيث لا مكان لحسابات الوقت ايه ونرجع لشناوة راهم يخدمو ليل مع النهار علابالي راني كثرة عليك تقبل تعقيبي
عبد النور مكي
2010-08-03, 23:08
امين خويا وربي يهدينا اجمعين بصح لي نقول فيه راه صح وماناش راح نعمموه باش مايغيض الحال حتى واحد حوس على الخدمة ومالقاش بصح والله العظيم شباب اليوم كلهم يحوسو على الخدمة الساهلة ذات المدخول الجيد بصح نقولك حاجة ماتجي بساهل الا بتعب والكد بصح ليجان نتاعوعنا ايخمو غير كيفاه يهربو من لبلاد وانت تقولي رشوة واش من رشوة رشوة تدفعها كي تكون باغي تخدم ورا البيرو هنا برك وين تدفع رشوة بصح الخدمة مايش عيب واي خدمة تعتبر شرف وهذا رايي واذا انت شايف راي واحد اقنعني بيه هادا ماكان ونتما ليجان تاع ضرك راكم تحوسو غير كيف تبيشو تتقلشو وتعدلو والباقي تاكل بعضاها وتقولو مكاشو خدمة هذا مجرد راي
مشكرة على الراي تاعك هذا نقاش
المهم
راني معاك بلي ماشي كامل ليجان قافزين لكن ماشي كام الليجان راقدين
و الخدمة انا نحوس على الخدمة اللي تناسب تخصص تاعي و هي رايحة تكون ساهلى او صعيبة على حساب التخصص
اذا كنتي تقولي اي خدمة شرف..انا علاش نضيع سنين حياتي في القراية؟؟ نقرا بيولوجي و من بعد نخدم ماصو؟
هذا ماشي عدل...
تقبلي مروري
قارئة السلام
2010-08-03, 23:09
بغيت نسقسيك......انت عندك ديبلوم في البيولوجي..تروحي تبني مع الشناوة و تخلصي 2 دورو؟ و تخدمي بالكونترا ؟؟
يا خي حالة يا خي
و شكون اللي قالك انا نسهر حتى الوحدة و نوض حتى ال10؟؟....هذا لغو..الله يهديك
والله يا أخي أنا تكلمت بالعموم ولم أخصص ونحن نعيش نفس الواقع فكلانا يعيش في قطر من أقطار الجزائر الحبيبة ونحن نرى أن معظم الشباب الجزائري لا ينام إلا في ساعات متأخرة من الليل حتى وإن لم يكن لدي أخ يكبرني سنا إلا أنه لدي جيران وأبناء العائلة وأعايشهم تقريبا يوميا ينامون في ساعات متأخرة ولا يستفيق معظمهم إلا على الساعة العاشرة صباحا وأنا أكتب هذا الرد وهم لازالوا ساهرين في الخارج أو بالأحرى الآن تبدأ سهرتهم
وإن تكلمنا عن البيولوجيا فوالدي يعمل في هذا المجال و أختي أيضا وأعلم أنك بحملك لديبلوم في هذا المجال تستطيع أن تعمل في الميناء أو في شركات صنع الأغذية أو الحليب *تدير الكونترول* أو تعمل في المستشفيات في مخابر التحاليل إسع للعمل تجده
وليس لدينا أحد نقتدي به خير من سيد الأنام محمد صلى الله عليه وسلم عندما قال: (لو أنكم توكلون على الله حق توكله لرزقكم كما يرزق الطير، تغدو خماصا وتروح بطانا)
وإن شاء الله يهدينا وكل شباب المسلمين آمين
تقبلوا مروري وكلماتي بصدر رحب أختكم في الله أنفااال
عبد النور مكي
2010-08-03, 23:11
امين ويهدينا اجمعين وفي قصة لبيولوجي كاينين بزاف لي حاملين هاد شهادة بصح الخدمة وينها منين ايجيبو مشروع جديد ايمدوه للشناوة ..........وراني معاك في قصة تنوضان لانو كل واحد علابالو في روحو يظهرلي انا هادي حرية شخصية ومبعد نوض على 12 المهم نخدم نكسب قوتي حاجة وحدا اخرى ماتهمش لانا في عصر السرعة حيث لا مكان لحسابات الوقت ايه ونرجع لشناوة راهم يخدمو ليل مع النهار علابالي راني كثرة عليك تقبل تعقيبي
الخدمة وينها؟
هذا هو السؤال
فاين الجواب
عبد النور مكي
2010-08-03, 23:15
والله يا أخي أنا تكلمت بالعموم ولم أخصص ونحن نعيش نفس الواقع فكلانا يعيش في قطر من أقطار الجزائر الحبيبة ونحن نرى أن معظم الشباب الجزائري لا ينام إلا في ساعات متأخرة من الليل حتى وإن لم يكن لدي أخ يكبرني سنا إلا أنه لدي جيران وأبناء العائلة وأعايشهم تقريبا يوميا ينامون في ساعات متأخرة ولا يستفيق معظمهم إلا على الساعة العاشرة صباحا وأنا أكتب هذا الرد وهم لازالوا ساهرين في الخارج أو بالأحرى الآن تبدأ سهرتهم
وإن تكلمنا عن البيولوجيا فوالدي يعمل في هذا المجال و أختي أيضا وأعلم أنك بحملك لديبلوم في هذا المجال تستطيع أن تعمل في الميناء أو في شركات صنع الأغذية أو الحليب *تدير الكونترول* أو تعمل في المستشفيات في مخابر التحاليل إسع للعمل تجده
وليس لدينا أحد نقتدي به خير من سيد الأنام محمد صلى الله عليه وسلم عندما قال: (لو أنكم توكلون على الله حق توكله لرزقكم كما يرزق الطير، تغدو خماصا وتروح بطانا)
وإن شاء الله يهدينا وكل شباب المسلمين آمين
تقبلوا مروري وكلماتي بصدر رحب أختكم في الله أنفااال
مشكورة على الرد..:19:..الله يجيب الخير
khaoula rouh
2010-08-03, 23:24
الخدمة وينها؟
هذا هو السؤال
فاين الجواب
الجواب هو حاول تفرض روحك فالحجة لي تقدر عليها والخدمة كاينة معليك غير تحوس اذا مالقيتش ماتياسش وتفاءل دايما حوس حوس تلقى ايه ربي مادام خلق العبد ماوش راح ايخليه ايموت بالشر .........ولا تقنطوا من رحمة الله...................وانا ماقلتلكش اخدم ماسو كيما كنت تقول بصح خدمة ماسو ماشي عيب واذا على الشهادة راها سلاح في يدك المهم انت ديباني روحك بماسو مبعد ربي ايفرج ايه راكم ليجان تاع الجزائر تخمو غير كيفاه تخدم فالاختصاص انتاعك ماتقدرش تخدم في اختصاص واحد اخر المهم انت اتعب تلقى لخدمة تطايش هذا مجرد راي تقبل مروري
عبد النور مكي
2010-08-03, 23:39
الجواب هو حاول تفرض روحك فالحجة لي تقدر عليها والخدمة كاينة معليك غير تحوس اذا مالقيتش ماتياسش وتفاءل دايما حوس حوس تلقى ايه ربي مادام خلق العبد ماوش راح ايخليه ايموت بالشر .........ولا تقنطوا من رحمة الله...................وانا ماقلتلكش اخدم ماسو كيما كنت تقول بصح خدمة ماسو ماشي عيب واذا على الشهادة راها سلاح في يدك المهم انت ديباني روحك بماسو مبعد ربي ايفرج ايه راكم ليجان تاع الجزائر تخمو غير كيفاه تخدم فالاختصاص انتاعك ماتقدرش تخدم في اختصاص واحد اخر المهم انت اتعب تلقى لخدمة تطايش هذا مجرد راي تقبل مروري
الخدمة كاينة....وييييييييين راهي؟
ما نخدمش ماصو باش نديباني روحي...لاااااا....و علاش نخدم باش نديباني؟...علاخاطرش ماكتش خدمة....راكي وليتي لهدرتي
و الماصو ماشي عيب...الله يعاونه..لكن كله و تخصص تاعه....
و انت كيفاش حبيتي نقدر نخدم في اختصاص واد آخر؟..!!!!!!!! باي منطق هذا؟....انا قاري في اختصاص و نخدم في اختصاص وحد آخر؟......لا لا لا لا.....بما انك راكي تقولي كاين الخدمة اذا كاين في التخصص تاعي..ماشي كاين الخدمة و مين نقولك على التخصص تقولي اخدم في تخصص وحد آخر.....
داعي الله ياسين
2010-08-04, 09:41
ربي ايجيب الخير ..........؟؟؟؟؟؟؟
عبد النور مكي
2010-08-04, 11:48
واه صاحبي...ربي يجيب الخير
داعي الله ياسين
2010-08-04, 12:08
واه صاحبي...ربي يجيب الخير
يعني تمنيت نلقااااو ا حلوووول
مصح معدناااش او مخصنااااش
الله غااالب هذا شعااارالجزااائر
عبد النور مكي
2010-08-04, 12:37
تفضل اعيطنا الحلول.....
انا الحل اللي راه قدامي دروك هو الدرك الوطني
مجنونة بخيالي
2010-08-04, 14:09
تفضل اعيطنا الحلول.....
انا الحل اللي راه قدامي دروك هو الدرك الوطني
قريت جميع ردودك
وراح نصارحك عقليتك هذي مهيش راح توصلك لبعيد في بلادنا
المعيشة في بلادنا صعيبة والقافز يعيش:cool:
راجع نفسك مليح وابني حياتك من الصفر
ومتتكبرش على اي خدمة المهم تكون حلال
الخدمة مهيش عيب
انت ماعلابالكش وين يجيك رزقك
القراية مراحتش في الخسارة على الاقل راك متعلم وعندك ديبلوم
هذا رأيي واسفة على التدخل
***تحياتي ليك***
داعي الله ياسين
2010-08-04, 14:41
قريت جميع ردودك
وراح نصارحك عقليتك هذي مهيش راح توصلك لبعيد في بلادنا
المعيشة في بلادنا صعيبة والقافز يعيش:cool:
راجع نفسك مليح وابني حياتك من الصفر
ومتتكبرش على اي خدمة المهم تكون حلال
الخدمة مهيش عيب
انت ماعلابالكش وين يجيك رزقك
القراية مراحتش في الخسارة على الاقل راك متعلم وعندك ديبلوم
هذا رأيي واسفة على التدخل
***تحياتي ليك***
ممتااااااااااز
ولكن الأخ مصر على رأيه وهو حر في ذلك
المهم أنناااا قمنا بواجبنااا ... وإن كااان يخاااف الرشوة كمااا قال ....
فاللهم إن رشيت في حيااااتي أحدا فاقطع يدي
وتحمّلي أي رد ............؟؟
عبد النور مكي
2010-08-04, 16:45
قريت جميع ردودك
وراح نصارحك عقليتك هذي مهيش راح توصلك لبعيد في بلادنا
المعيشة في بلادنا صعيبة والقافز يعيش:cool:
راجع نفسك مليح وابني حياتك من الصفر
ومتتكبرش على اي خدمة المهم تكون حلال
الخدمة مهيش عيب
انت ماعلابالكش وين يجيك رزقك
القراية مراحتش في الخسارة على الاقل راك متعلم وعندك ديبلوم
هذا رأيي واسفة على التدخل
***تحياتي ليك***
مرحبا بيك في الموضوع ..طرح مبارك ان شاء الله
و علاش ما تخرجنيش هذي العقلية؟...نبقاو ديما نقولو واه واه؟....
...انا العبد الضعيف ما نتكبرش على الخدمة مادام راهي حلال...لكن نبغي ثمرة سنين من القرايا تخرج ...ماشي حياتي راحت قرايا في المحاسبة و من بعد نبيع النعناع....صحيح نولي شاب مثقف لكن هذ ما يكفيش باش نعيش او باش نتزوج....فيميزك انت علاش الشباب اليوم ماراهش يحب يكمل القرايا؟؟؟...عارف بلي مكانش الخدمة اللهم يدبر على خدمة من ضرك و يبدى حياته.....
على العموم الرزق على الله و الحمد لله على كل حال
:19:
عبد النور مكي
2010-08-04, 16:57
ممتااااااااااز
ولكن الأخ مصر على رأيه وهو حر في ذلك
المهم أنناااا قمنا بواجبنااا ... وإن كااان يخاااف الرشوة كمااا قال ....
فاللهم إن رشيت في حيااااتي أحدا فاقطع يدي
وتحمّلي أي رد ............؟؟
..انا مانيش نتهم فيك بلي انت تاع رشوة.....و انا نخاف من الرشوة لان عقايبها كبار...اذا كان انت ماتخافش هذا شيئ آخر
مزال ما قنعتنيش بلي كاين خدمة في البلاد...
داعي الله ياسين
2010-08-04, 18:00
..انا مانيش نتهم فيك بلي انت تاع رشوة.....و انا نخاف من الرشوة لان عقايبها كبار...اذا كان انت ماتخافش هذا شيئ آخر
مزال ما قنعتنيش بلي كاين خدمة في البلاد...
في الأول حبيت نفهم واش معناااتها كي قوتلي ...انت ماتخافش هذا
شيئ آخر....وقبل قوتلي
مانيش نتهم فيك بلي انت تاع رشوة.....
مي.. لي يقررراها يفهم بلي تناقض
...................
معليش هذي مدام كاين ربي هو لي يعلم
ناكل التمروالماااء حياتي كاااملة أو منرشيش
والنقطة التانية مزال مقنعتكش بالخدمة
يعني أنا اهدرت معاااك هدرت رجّااالة
باااه تخدم وليت تقووول منخدمش خدمت معااارف
واش راح انديرلك أنا درت النيف باه تخدم
وليت أنت تعلّم فية الهدرة ..الرشوة ومعلاباليش
أخويااا في هاد الوقت قليل لي اقوووولك
اندبّرلك خدمة ....اليوم طحت معااايا غدوة عندك لاطيح
مع واحد ...خطيه هاااد لعفااايس واتقولو ...رشوة برك
تخسر راااجل برك
معندي واش راح انديرلك ...سلاااام
مجنونة بخيالي
2010-08-04, 18:54
مرحبا بيك في الموضوع ..طرح مبارك ان شاء الله
و علاش ما تخرجنيش هذي العقلية؟...نبقاو ديما نقولو واه واه؟....
...انا العبد الضعيف ما نتكبرش على الخدمة مادام راهي حلال...لكن نبغي ثمرة سنين من القرايا تخرج ...ماشي حياتي راحت قرايا في المحاسبة و من بعد نبيع النعناع....صحيح نولي شاب مثقف لكن هذ ما يكفيش باش نعيش او باش نتزوج....فيميزك انت علاش الشباب اليوم ماراهش يحب يكمل القرايا؟؟؟...عارف بلي مكانش الخدمة اللهم يدبر على خدمة من ضرك و يبدى حياته.....
على العموم الرزق على الله و الحمد لله على كل حال
:19:
رايك واكيد نحترمو
نتمنالك تتوفق وتلقى خدمة في التخصص نتاعك
ربي يخلق و ماينساش الرزق
***تقبل تحياتي***
مجنونة بخيالي
2010-08-04, 18:56
في الأول حبيت نفهم واش معناااتها كي قوتلي ...انت ماتخافش هذا
شيئ آخر....وقبل قوتلي
مانيش نتهم فيك بلي انت تاع رشوة.....
مي.. لي يقررراها يفهم بلي تناقض
...................
معليش هذي مدام كاين ربي هو لي يعلم
ناكل التمروالماااء حياتي كاااملة أو منرشيش
والنقطة التانية مزال مقنعتكش بالخدمة
يعني أنا اهدرت معاااك هدرت رجّااالة
باااه تخدم وليت تقووول منخدمش خدمت معااارف
واش راح انديرلك أنا درت النيف باه تخدم
وليت أنت تعلّم فية الهدرة ..الرشوة ومعلاباليش
أخويااا في هاد الوقت قليل لي اقوووولك
اندبّرلك خدمة ....اليوم طحت معااايا غدوة عندك لاطيح
مع واحد ...خطيه هاااد لعفااايس واتقولو ...رشوة برك
تخسر راااجل برك
معندي واش راح انديرلك ...سلاااام
اللي كيفك ماشي بزاف
سبحان الله الناس راهي تحوس على واحد يلقالهم خدمة وناس العكس
بارك الله فيك خوي
***وتقبل تحياتي***
داعي الله ياسين
2010-08-04, 19:12
اللي كيفك ماشي بزاف
سبحان الله الناس راهي تحوس على واحد يلقالهم خدمة وناس العكس
بارك الله فيك خوي
***وتقبل تحياتي***
العمل أمر ضروري، إذا لم يكن نابعا من الرغبة، فإنه على الأقل
يكون نابعا من اليأس
يااااحسرتاااه على ما فعلت...!!!
عبد النور مكي
2010-08-04, 19:20
انا مانيش نعلم فيك الهدرة صاحبي......و مازال ما بينتليش مناصب شغل .....
و نقولها و نعاودها..انا مانخدمش خدمة المعارف.....كي الخدمة راهي بالمعرفة اذا اللي ماعندهش عرف مايخدمش.....
انا اعطيني مناصب شغل اللي راك تهدر عليها ...قتلي كاين خدمة..اذا اعطيني المناصب.....
و بلا معرفة...
عبد النور مكي
2010-08-04, 19:21
اللي كيفك ماشي بزاف
سبحان الله الناس راهي تحوس على واحد يلقالهم خدمة وناس العكس
بارك الله فيك خوي
***وتقبل تحياتي***
راكي تمعني علي بتاع و ناس العكس؟؟؟؟
مجنونة بخيالي
2010-08-04, 19:29
راكي تمعني علي بتاع و ناس العكس؟؟؟؟
مايهمش على من راني نهدر
اللي يهم معنى الهدرة نتاعي
***سلام***
عبد النور مكي
2010-08-04, 23:29
مايهمش على من راني نهدر
اللي يهم معنى الهدرة نتاعي
***سلام***
بغيتي تناقشيني في موضوع مرحبا بيك بصح تبداي تمعني علي نشكلها عليك.....ديريها في راسك هذي.
مجنونة بخيالي
2010-08-05, 11:09
بغيتي تناقشيني في موضوع مرحبا بيك بصح تبداي تمعني علي نشكلها عليك.....ديريها في راسك هذي.
رأيك واحترمه
اسفة على الازعاج
***سلام***
بسم الله الرحمن الرحيم
يقول الله تعالى :
( وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا )
سورة الطلاق 2-3 .
بارك الله فيك
المجهـول
2011-07-19, 09:27
ربي ورحمـــــــــــــــــته
ربي خلق وفرق
شهد حنان
2011-07-19, 10:14
؟؟؟؟؟؟؟؟؟؟؟؟؟؟؟؟؟؟؟؟؟؟؟
بدون تعليق
نظام الفوضى
2011-07-21, 00:46
كيما قالوا يا ياسين
الي حاب يتزوج يخدم
واللي حاب يخدم يسعى
عندك الحق
احيانا اناس كيما هكا في المجتع من 10 دج
حتى يوالف ويعشي داير شهريا لعمرو
وزيد المشاكل رانا نخدموهم برواحنا
دراناهم بيدينا ونسينا نحلوهم بسنينا
الله يجعل الخير
داعي الله ياسين
2011-07-21, 00:50
أمين خويا فارس
بارك الله فيك
ماكل...شارب...راقد..حاب يتزوج
يستنى المدام تخدم عليه
ماكل...شارب...راقد..حاب يبني
حتان يموت الوالد ... كي تجيه حصتو من الورث يبني بيها دار
ماكل...شارب...راقد..حاب ايعيش
راك عايش ... ماكل ...شارب
واش يخصك
ماكل...شارب...راقد..حاب ايكون راجل
يعرفو تشراك لفام برك .... والمشكل يقولولك رانا رجالة
مش راناحابين نولو رجالة
ماكل...شارب...راقد..حاب يبكي مكانش خدمة
الخدمة كاينة في كل بلاصة... أنا قادرة ندبر خدمة:1:
ماكل...شارب...راقد..حاب ينجح
من طلب العلا سهر الليالي
ماكل...شارب...راقد..حاب ايحب
تحبك حبة ... أخدم وعود راجل ومن بعد استغني على الحب
روح طول أخطب
ماكل...شارب...راقد..حاب يخرج من الدزاير
تعيش هنا ... وتموت هنا ...
ماكل...شارب...راقد..حاب ايحقق حلمه
اللي حاب يحقق أحلامو يستيقظ من النوم
ماكل...شارب...راقد..حاب ايتكيف
إذا يتكيف مع المجتمع ميقدرش
مادامو ق ماكل شارب راقد
ندرومة49
2011-07-21, 14:42
شوفولي خدمة معاكم
ولا دبروا لواحد وزوج وخلاااص الباقي كلاه بوبي
ندرومة49
2011-07-21, 14:47
ماكل...شارب...راقد..حاب يتزوج
يستنى المدام تخدم عليه
ماكل...شارب...راقد..حاب يبني
حتان يموت الوالد ... كي تجيه حصتو من الورث يبني بيها دار
ماكل...شارب...راقد..حاب ايعيش
راك عايش ... ماكل ...شارب
واش يخصك
ماكل...شارب...راقد..حاب ايكون راجل
يعرفو تشراك لفام برك .... والمشكل يقولولك رانا رجالة
مش راناحابين نولو رجالة
ماكل...شارب...راقد..حاب يبكي مكانش خدمة
الخدمة كاينة في كل بلاصة... أنا قادرة ندبر خدمة:1:
ماكل...شارب...راقد..حاب ينجح
من طلب العلا سهر الليالي
ماكل...شارب...راقد..حاب ايحب
تحبك حبة ... أخدم وعود راجل ومن بعد استغني على الحب
روح طول أخطب
ماكل...شارب...راقد..حاب يخرج من الدزاير
تعيش هنا ... وتموت هنا ...
ماكل...شارب...راقد..حاب ايحقق حلمه
اللي حاب يحقق أحلامو يستيقظ من النوم
ماكل...شارب...راقد..حاب ايتكيف
إذا يتكيف مع المجتمع ميقدرش
مادامو ق ماكل شارب راقد
بركيك
لبنات علابالنا يلقاو الخدمة عادي
يا حنا لي رانا نطايشو بالديبلومات نتاوعنا ومالقيناش
وإذا راك تقول كاين خدمة ........ حتى في أديس أبابا مستعد نرووح نخدم ..........وأمثالي الملايين وليس الألاف
المهم ماعليهش نخليو الوقت يعقبنا في المنتدى لأنه مجرد كلام
والصح روح أنزل للواقع
راك تلقى خدمة
ماكل شارب راقد ونبقى هاك حتى تأتي ساعة العمل
تحياتي
vBulletin® v3.8.10 Release Candidate 2, Copyright ©2000-2024, TranZ by Almuhajir