هل من مساعدة

[بستان الورود]

ابواي سيتركانني انا واختي لمدة 7 ايام في المنزل لوحدنا مع جدي


وانا اللتي ستطبخ لهما ولكنني لا اعرف سوى حاجات اللتي تقلى http://www.djelfa.info/vb/images/icons/rosiecheeks.gif وجدي انسان كبير ولازم نطبخلو حوايج تساعدو


واريد ان تقترحن لي الاكلات المناسبة و طريقة طبخها من فضلكم وجزاكم الله خيرا


http://www.3bsy.com/up/Mb255285.gif

[بستان الورود]

خسارة واحدة مقدرت تساعد معليش راح ندبر راسي

[سَلْسَبِيّلْ]

شوفي اختي ديريلو البويون صحي ولذيذ وسهل
الخضر اللي عندك بكل انواعها
بصل ثوم وبهارات
شوية طماطم مصبرة
ملح وزيت الزيتون
الكل قطعيهم قطع متوسطة الحجم وطيبيهم وعد مايطيبو ارحيهم وفي كل صحن ضعي شوية دبشة صدقيني جدك سيدعيلي لان كل كبار السن يحتاجونا الى وصفات سهلة الهضم وابي وامي يموتو عليها ربي يوفقك

[imene08]

بسم الله
شوفي أختي ديريلو شربة فريك:
أنا نديرها بالخضر
نحكم بصلة كبيرة نرحيها بالميكسور وحدها ثم حبيبة قرعة و حبيبة بطاطة و حبيبة زرودية ترحيهم كيف كيف و تخلطيهم مه لبصل يتقلاو و تسكرفجيلهم حبة طماطم من الفوق و حقليهم مع شوية لحم (لي عندك ) و فلفل أسود و جومبو (لأن جومبو عبارة عن توابل مغربية) و شوية ملح لأن الجومبو مالح (إذا أضفتي طبعا الجومبو)و يدبالو و او تزيدي تحكمي طماطم تاع لباطة تخفيفها في شوييييييية ماء مع فلفل احمر و تخليهم يتقلاو حتا يخلاصلهم الماء تاع لبصل و في نفس الوقت ديري ماء يغلي كي يتقلا وتضيفي الماء لي يغليللقدرة و تزيدي تضيفي الفريك تاعك قيس فنجال كبير
و تخليه يطيب و شهية طيبة

[imene08]

لي عودة لكي أختي دوك نروح ندير لعشا
حاندير كباب

[بستان الورود]

هنادي وايمان مشكورين بزاف

[مانو]

سامحني انا منعرفش اطبخ عمري 13 سنة تقبلي مروري

[imene08]

هاذي الوصفة تاع الكباب
تحكمي البطاطة تقليها
تحكمي بصلة كبيرة الحجم أو زوج صغار تسكرفجيهم و لا ترحيهم في الروبو
و تحطيهم في المرميطة (لي هي نوع من القدور على هذا الشكل)
http://www.mekshat.com/pix/upload02/images79/mk25428_121.jpg
ديري البصل تاعك في المرميطة و شوية فلفل أسود و حبة جومبو جاج (لا تضيفي الملح لأن جامبو جاج مالح و هو عبارة عن توابل مغربية) و إذا عندك طرف صغير جاج و شوية زيت
تقليهم حتا يدبال البصل (و في هذه الأثناء حطي كاسرونة ماء تغلي) و كي يدبال البصل زيدي الماء المغلي و لحميصة و خليها تعقد و كي تعقد نحي الجاج و فتتيه و رجعيه للقدر و خلطي البطاطة تاعك و خليهم فوق النار الهادئة و في نفس الوقت كسري 3 أو 4 حبات بيض ضربيهم في طبسي و أرميهم من الفوق و ردي الغطاء تاعك حتا يطيب البيض (ماتخلطيش البيض مع الكباب خليه من الفوق باش جي طبقة وحدة متجانسة تاع البيض) و من بعد شللي شوية معدنوس و قطعيه ملفوق
إن شاء الله تكوني فهمتيني

و شهية طيبة
لي عودة إن شاء الله

[noussaiba2007]

تقدري ديري الغراتان خضر مفورة بالسوس بيشامال لذيذة ومفيدة ولا معرفتيهاش قوليلي نشرحلك بالتفصيل

[noussaiba2007]

تقدري تفوري خضر وطيبيي دجاج في مرقة بيضة ومباعد ديري الخضر والمرقة البيضة والبيض ومعدنوس وشوي فرماج وديريها في الفرن

[noussaiba2007]

ايوا انا ذك نروح نطيب ومباعد نولي نزيدك افكار قوليليي واش رايك وكان مفهمتيش راني هنا

[بستان الورود]

بسم الله
شوفي أختي ديريلو شربة فريك:
أنا نديرها بالخضر
نحكم بصلة كبيرة نرحيها بالميكسور وحدها ثم حبيبة قرعة و حبيبة بطاطة و حبيبة زرودية ترحيهم كيف كيف و تخلطيهم مه لبصل يتقلاو و تسكرفجيلهم حبة طماطم من الفوق و حقليهم مع شوية لحم (لي عندك ) و فلفل أسود و جومبو (لأن جومبو عبارة عن توابل مغربية) و شوية ملح لأن الجومبو مالح (إذا أضفتي طبعا الجومبو)و يدبالو و او تزيدي تحكمي طماطم تاع لباطة تخفيفها في شوييييييية ماء مع فلفل احمر و تخليهم يتقلاو حتا يخلاصلهم الماء تاع لبصل و في نفس الوقت ديري ماء يغلي كي يتقلا وتضيفي الماء لي يغليللقدرة و تزيدي تضيفي الفريك تاعك قيس فنجال كبير
و تخليه يطيب و شهية طيبة

درتها وصلحتلي يعطيك الصحة على الوصفة :19:

[بستان الورود]

هاذي الوصفة تاع الكباب
تحكمي البطاطة تقليها
تحكمي بصلة كبيرة الحجم أو زوج صغار تسكرفجيهم و لا ترحيهم في الروبو
و تحطيهم في المرميطة (لي هي نوع من القدور على هذا الشكل)
http://www.mekshat.com/pix/upload02/images79/mk25428_121.jpg
ديري البصل تاعك في المرميطة و شوية فلفل أسود و حبة جومبو جاج (لا تضيفي الملح لأن جامبو جاج مالح و هو عبارة عن توابل مغربية) و إذا عندك طرف صغير جاج و شوية زيت
تقليهم حتا يدبال البصل (و في هذه الأثناء حطي كاسرونة ماء تغلي) و كي يدبال البصل زيدي الماء المغلي و لحميصة و خليها تعقد و كي تعقد نحي الجاج و فتتيه و رجعيه للقدر و خلطي البطاطة تاعك و خليهم فوق النار الهادئة و في نفس الوقت كسري 3 أو 4 حبات بيض ضربيهم في طبسي و أرميهم من الفوق و ردي الغطاء تاعك حتا يطيب البيض (ماتخلطيش البيض مع الكباب خليه من الفوق باش جي طبقة وحدة متجانسة تاع البيض) و من بعد شللي شوية معدنوس و قطعيه ملفوق
إن شاء الله تكوني فهمتيني

و شهية طيبة
لي عودة إن شاء الله

نديرها للعشا ان شاء الله ميرسي:19:

[بستان الورود]

تقدري ديري الغراتان خضر مفورة بالسوس بيشامال لذيذة ومفيدة ولا معرفتيهاش قوليلي نشرحلك بالتفصيل

تقدري تفوري خضر وطيبيي دجاج في مرقة بيضة ومباعد ديري الخضر والمرقة البيضة والبيض ومعدنوس وشوي فرماج وديريها في الفرن

ايوا انا ذك نروح نطيب ومباعد نولي نزيدك افكار قوليليي واش رايك وكان مفهمتيش راني هنا

ميرسي اختي .....

بصح كان تحطي بالتفصيل احسن ..

[عفة روح]

حساء الخضار متنوع بمكوناته وغني بفوائده صحي ولذيذ:

http://www.aawsat.com/2007/11/12/images/food1.445213.jpg

المقادير:
ـ ملعقتا زيت زيتون للتحمير.
ـ بصلة متوسطة الحجم.
ـ 3 حبات من الثوم.
ـ 1 بطاطا متوسطة الحجم.
ـ جزرتان متوسطتا الحجم.
ـ كوب من البازلاء الخضراء.
ـ كوب من الفاصولياء الخضراء.
ـ حبتا بندورة متوسطة الحجم.
ـ حبة كوسا مقطعة.
ـ كوب من الكرفس المقطع.
ـ كوب من اللوبياء المقطع.
ـ ملعقة صغيرة من الكمون + ملعقة صغيرة من الفلفل الأسود + ملعقة صغيرة من البهارات المشكلة + ملح حسب الرغبة.
ـ خلاصة الدجاج الجاهزة.
ـ 3 ـ 4 أكواب ماء للطبخ أو حسب الحاجة.
طريقة التحضير:
1 ـ نضع في وعاء كبير زيت الزيتون ونحمّيه قليلا، ثم نضع عليه البصل المفروم والثوم ونقلبه إلى أن يذبل ويصفر لونه.
2 ـ نضيف أنواع الخضار ونتركها مغطاة على نار هادئة لمدة 10 دقائق مع التحريك بين الحين والآخر.
3 ـ نضيف البهارات جميعها والملح وخلاصة الدجاج أو اللحم ونحركها جيدا. نضيف الماء حتى يغمر خليط الخضار.
4 ـ نتركها على نار متوسطة لمدة 20 دقيقة حتى نتأكد من أن الخضار نضجت.


طريقة أخرى:
http://www.samsem.net/images/news2009/13102009115811.jpg
المقادير:
لتر من مرق الدجاج
1 حبة جزر
1 حبة بطاطا
بصلة خضراء
1حبة كوسا
عود كرفس (سلري)
كوب من الذرة
ملح
فلفل أسود

طريقة التحضير:
1. تقطع الخضروات إلى مكعبات صغيرة
2. تضاف الخضروات إلى مرق الدجاج وكذلك يضاف الملح والفلفل الأسود ويترك على نار هادئة إلى أن تنضج الخضروات ثم يقدم ساخنا.

[عفة روح]

شوربة اليقطين (( القرع )):

http://www.q8start.com/ups/share1/504d57b3f4.jpg

المقادير:
2/1 كوب يقطين مفروم
3/2 كوب بصل مفروم
ملعقة شاي ثوم مهروش
2 ملعقة اكل زيت
مكعب خضار
3 كوب ماء
علبة روب
2/1 ملعقة شاي فلفل اسود
ملح

طريقة التحضير:
يحمر البصل والثوم في الزيت ثم يضاف اليه مكعب الخضار، اليقطين والماء ويطهى لمدة 2/1 ساعة او حتى ينضج اليقطين.يضاف الروب الى الخليط السابق ثم يخلط بالخلاط الكهربائي حتى يتكون خليط متجانس. يعاد الخليط على النار ثم يتبل بالملح والفلفل الاسود ويترك حتى يغلي ثم تقدم الشوربة ساخنة.

[imene08]

درتها وصلحتلي يعطيك الصحة على الوصفة :19:

صافي راني نفيد فيك الحمد لله لقد أسعدتني
غدوة إن شاء الله رايحة ندير الرز
دوك نحطلك الوصفة تاعو
لي عودة

[imene08]

بطلت حا ندير شطيطحة بطاطة
و هاي الوصفة
حبة بصل مقطعة ,
5 فصوص ثوم متوسطة الحجم,
ملعقة و نصف طماطم معلبة
زيت حسب الحاجة لقلي الثوم و البصل,,يعني حسب ما يكونون مغمورين فيه شوية و بس,
بطاطا مقطعة مكعبات صغيرة|,
ماء,
كمون,
فلفل أسود
ملح,
ورقة رند


أولا,,,قطعي البطاطا في اناء و رابي rapi البصل و الثوم
في قدر,,,ضعي الزيت و حطي البصل و الثوم ينقلوا و بعدين لما تشوفيهم انقلوا يعني تقلوا أسكرفجيلهم حبة طماطم و نصف ملعة طماطم معلبة و اخلطي قليلا فقط و حطي الماء حسب الحاجة,,حوالي كاس متوسط الحجم,~و أضيفي البهارات المذكورة في الوصفة من كمون و فلفل اسود و ملح,,
خلي المرقة تعقد شوي و من بعد اضيفيلها نصف كاس ماء ثاني و خليها تغلي حوالي 3 دقائق,,و حطي البطاطا في الصوص (لأنك لوكان تحطي البطاطة قبل ما تغلي المرقة ممكن تذوب البطاطة)
إن شاء الله فهمتيني أختي
و إذا حبيتي ننزلك الوصفة تاع الروز ماكانش مشكل

[بستان الورود]

يعطيكم الصحة لكم خالص التقدير

[بستان الورود]

بطلت حا ندير شطيطحة بطاطة
و هاي الوصفة
حبة بصل مقطعة ,
5 فصوص ثوم متوسطة الحجم,
ملعقة و نصف طماطم معلبة
زيت حسب الحاجة لقلي الثوم و البصل,,يعني حسب ما يكونون مغمورين فيه شوية و بس,
بطاطا مقطعة مكعبات صغيرة|,
ماء,
كمون,
فلفل أسود
ملح,
ورقة رند


أولا,,,قطعي البطاطا في اناء و رابي rapi البصل و الثوم
في قدر,,,ضعي الزيت و حطي البصل و الثوم ينقلوا و بعدين لما تشوفيهم انقلوا يعني تقلوا أسكرفجيلهم حبة طماطم و نصف ملعة طماطم معلبة و اخلطي قليلا فقط و حطي الماء حسب الحاجة,,حوالي كاس متوسط الحجم,~و أضيفي البهارات المذكورة في الوصفة من كمون و فلفل اسود و ملح,,
خلي المرقة تعقد شوي و من بعد اضيفيلها نصف كاس ماء ثاني و خليها تغلي حوالي 3 دقائق,,و حطي البطاطا في الصوص (لأنك لوكان تحطي البطاطة قبل ما تغلي المرقة ممكن تذوب البطاطة)
إن شاء الله فهمتيني أختي
و إذا حبيتي ننزلك الوصفة تاع الروز ماكانش مشكل

شكرا ايمان افدتيني بزاف يعطيك الصحة وصفاتك هايلين

راني جربت هاذو بزاف .......شكرا مرة اخرى