يا وردة

[الزكراوي]

يسعدني ان اضع بين ايديكم هذه الأبيات وارجو ان تنال اعجابكم.
ــــــــــــــــــــــــــــــــــــ
ياوردة طلي غيابك عنـــي طال
قلبي من لفراق شي ما يحلالو
جار الوحش عليه مانجم يعقال
ماهناني والصبر مـــــا طقنا لو
في قربك واشياختك راحة للبال
وفي بعدك تظــــــلام ليام اقبالو
ياوردة لفراق منه ضاق الحال
بعدك هجروني الناس ولا سألو
مـــا يدري بيا اللي ماعني سال
والسايل نلقاه مثلــــــــي يجرالو
نساني في حالتي كي باح وقال
وحدثني باللي امقـــدي مشعالو
عدت انصبر فيه وادموعو تنهال
على خدو عبرات من كثر اهبالو
شارد نومه ساهر الليل وما طال
ديمة في تفكير حيرنـــــــي حالو
في بحر العشاق ما تسلك محال
دخلاته لباس والخرجـــــة والو

تحياتــــــــي.عمر موسى

[محمد لعمارة]

أخي الشاعر عمر موسى اشكرك لقد ابهرتنا بهذ القصيدة الجميلة ودمت لنا شاعرا منور المنتدى.

[الحسيني]

يسعدني ان اضع بين ايديكم هذه الأبيات وارجو ان تنال اعجابكم.
ــــــــــــــــــــــــــــــــــــ
ياوردة طلي غيابك عنـــي طال
قلبي من لفراق شي ما يحلالو
جار الوحش عليه مانجم يعقال
ماهناني والصبر مـــــا طقنا لو
في قربك واشياختك راحة للبال
وفي بعدك تظــــــلام ليام اقبالو
ياوردة لفراق منه ضاق الحال
بعدك هجروني الناس ولا سألو
مـــا يدري بيا اللي ماعني سال
والسايل نلقاه مثلــــــــي يجرالو
نساني في حالتي كي باح وقال
وحدثني باللي امقـــدي مشعالو
عدت انصبر فيه وادموعو تنهال
على خدو عبرات من كثر اهبالو
شارد نومه ساهر الليل وما طال
ديمة في تفكير حيرنـــــــي حالو
في بحر العشاق ما تسلك محال
دخلاته لباس والخرجـــــة والو

تحياتــــــــي.عمر موسى

حال العاشق نار وتخمامو طال *** حاجة في الدنيا ما تهني بالو
إذا لقى الحبيب يزيد لحالو حال *** واذا غاب عليه يركن لهبالو
الله يكون في عون سي موسى من قال ***واقصيدو واشحال نفسي تصغى لو
بامثاله في الناس تتعقد الآمال ***ويسترجع الكلام سره وجَمالو ..

[الزكراوي]

حال العاشق نار وتخمامو طال *** حاجة في الدنيا ما تهني بالو
إذا لقى الحبيب يزيد لحالو حال *** واذا غاب عليه يركن لهبالو
الله يكون في عون سي موسى من قال ***واقصيدو واشحال نفسي تصغى لو
بامثاله في الناس تتعقد الآمال ***ويسترجع الكلام سره وجَمالو ..
ـــــــــــــــــــــــــــــــــــــــ
الحسيني بان شاعر من لي قال**العاشق ممحون ما يهنى بالو
ظني فيه ايعود باشعارو جوال**وتتغنى لجيال بكـــلام ان قالو
رب يجمعــــنا وتسقــم لحوال**ايجيــــنا والاّ احــنا من يغدالو

[الحسيني]

ـــــــــــــــــــــــــــــــــــــــ
الحسيني بان شاعر من لي قال**العاشق ممحون ما يهنى بالو
ظني فيه ايعود باشعارو جوال**وتتغنى لجيال بكـــلام ان قالو
رب يجمعــــنا وتسقــم لحوال**ايجيــــنا والاّ احــنا من يغدالو


مرحبا بيك يا سي عمر بن موسى ..وين حبيت ..قسنطينة والا أولف ..تنزل دائما على الرحب والسعة ..وان كان في العمر متسع -بإذن الله -زرناك والأحباب هناك في بسكرة

[الزكراوي]

شكرا أخي الحسيني
ما زلت مافهمت والو ، المهم الله ايلاقينا في ساعة الخير والسعادة.
تحياتـــــــــــــــــــــــــــــــــــــــــي