راه كلش نورمال خويا ....

[أيمن عبد الله]

*** صراحة لا أحب استخدام الكلمات الاجنبية ولكن ..............
كلما رايت شيئا غير صحيح وتكلمت قالوا لك عادي ...........نورمال خويا
* إذا انقطعت الكهرباء في جنوب الجزائر في الظهيرة وراحلك الاوكسجين .......نورمال خويا
* إذا بدا التيار الكهربائي في التقطع و تغيير في شدة قوته وافسد لك الاجهزة الكهرومنزلية ...نورمال خويا
*إذا ذهبت لإدارة من الإدارات ولم تجد أحدا وبحثت وسألت قالوا لك ....نورمال خويا
*إذا قصدت المستشفى ولم يسعفو مريضك وتركوه يتألم ويصرخ دون رحمة ....نورمال خويا
* إذا احتاج نزيل المستفشى لمساعدة في الليل الممرض ونادى حتى بح صوته ولم يجبه أحد (لأنه نائم أو يشاهد التلفازا ...قالوا لك نورمال خويا
*إذا رايت الناس يشترون ويشترون ثم يشتكون ( من الكماليات) ثم يشتكون من ارتفعاع الاسعار فقل انت ...نورمال
* إذا رايت التلميذ الذي لا يستطيع ان يكتب اسمه صحيحا بالعربية ينتقل من سنة إلى أخرى حتى يصل للمتوسطة ...قالوا لك نورمال خويا
*إذا قصدت شاطئ البحر ورايت العائلة مجتمعة الاب والام يلبسون ملابس السباحة دون حياء ولا حشمة قالوا لك ..نورمال خويا
*إذا قصدت المخبزة ووجدت الناس يتداحسون وكادوا يقتتلون من أجل خبزة رغم انه كاين الي كفي ويزيد ...نومال خويا
*إذا تفاهمت مع عامل (بناء كهربائي اوسباك او غيرهم ) من أجل اتمام عمل في مدة 3 أيام وتركك تنظر وانت معلق مدة شهر ..نورمال
* إذا قصدت بائع الخضر و زين طاولته بالخضر والفواكه ثم إذا وزن لك وضع لك من أمامه التي ترمي نصفها ...نورمال خويا
*إذا كان المسؤول في مؤسسة هو آخر من يحضر و أول من يخرج ...نورمال خويا
*إذا كانت البنت تتعرف على الشاب من خلال الهاتف وتتزوج فسوف تتطلق برسالة قصيرة من الهاتف (ميساج) نومال خويا
* إذا كان الشاب يتعرف على فتاة من خلال النت و تزوجها لم وجدها ادير الشات والصداقات مع غيره ثم طلقها وابعثلها ورقة الطلاق عن طري الايمايل نومال خويا
* إذا كتبت موضوع في منتدى الجلفة وحذفوه ...نورمال
* إذا عجبك هذا الموضوع نورمال خويا زيد أكتب شويا من النورمال الذي تعرفه انت
* إذا لم يعجبك الموضوع ...جد نورمال خويا قول بانه لم يعجبني
* هذه بعض ظواهر النورمال التي حضرت بذهني الآن

والآن نخليكم و أنتم نورمال في النورمال و نلتقي و أنتم جد نورمال

[oussama-dz]

إذا قلتلك بلي كلش في الجزائر نووووووورماال

[ذكرى مضت]

اذا منعت تلميذ من الغش في الباك ......... بحكم مهنتك ........ و سمعت عائلته تتعرض لك و لوالديك
باقبح الكلام و الصفات ........ و التبرير انه الاول في كل العائلة من اليمين الى الشمال .......و لازم
ينجح قوة ............ نووووووووووووووووورمال خو

[القذافي999]

عندنا فتحو مسبح



الناس الي يعومو اكثر من الماء



نورمااااااال

[أيمن عبد الله]

عندنا فتحو مسبح



الناس الي يعومو اكثر من الماء



نورمااااااال
يسمى اقولو رد بالك تغرق في الناس ماهوش في الماء
وهكذا وكلش نورمال
شكرا على المشاركة النورمال

[أيمن عبد الله]

اذا منعت تلميذ من الغش في الباك ......... بحكم مهنتك ........ و سمعت عائلته تتعرض لك و لوالديك
باقبح الكلام و الصفات ........ و التبرير انه الاول في كل العائلة من اليمين الى الشمال .......و لازم
ينجح قوة ............ نووووووووووووووووورمال خو
الوزارة تريد النجاح للجميع و أنت يا أخي تمنع الغش راك ماشي نورمال
شكرا على المشاركة التري نورمال

[أيمن عبد الله]

إذا قلتلك بلي كلش في الجزائر نووووووورماال
ياو على بالي بلي كلش نورمال يا الخو

[أيمن عبد الله]

** في احد الايام ذهبت لمؤسسة لسونلغاز ووجدت من مجموعة من المواطنين يشتكون
لآن كابل كهربائي سقط من الاعمدة و أصبح يشكل خطرا على الجميع وعندما طرحوا المشكل
قالوا لهم بان عندنا شخص واحد فقط يقوم بهذه الاعمال واصبروا ولا تطلبوا خدمات وكانكم في الماريكان
فقلنا عادي يا الخو راه كلش نورمال واعلاه نروحو للماريكان

[حمراوي نت]

الظاهر معناها ، نــــــور مــــــال ، جاءت من الميلان أي العوج ، فكل شيء أعوج في هذه البلاد ، من المواطن للعامل للمسؤول .......

[سومية1]

ادا رديـــــــــــــــــــت في موضوعـــــــك لمجرد الــرد بدون تقديم أي إضـــافة منشــودة.... نورمـــــــــــال

[أيمن عبد الله]

الظاهر معناها ، نــــــور مــــــال ، جاءت من الميلان أي العوج ، فكل شيء أعوج في هذه البلاد ، من المواطن للعامل للمسؤول .......
شكرا لك على المشاركة النورمال

[أيمن عبد الله]

ادا رديـــــــــــــــــــت في موضوعـــــــك لمجرد الــرد بدون تقديم أي إضـــافة منشــودة.... نورمـــــــــــال
نورمال بارك الله فيك

[أبو فاطمة الزهراء]

Ce qui n'est pas normal en Algérie c'est le mot "NORMAL"!!l

[أيمن عبد الله]

ce qui n'est pas normal en algérie c'est le mot "normal"!!l
شكرا لك على الرد الي تري نورمال
ياك نورمال كي نتكلمو عربية وفرنسوية

[أيمن عبد الله]

* في المستشفى
1* عند زيارة المريض يلتف حوله الزائرين والزائرات بكثرة ويرتفع الصوت وتكثر الحكايات فيقول المرضى يا ليتهم لم ياتوا لزيارتنا .... ويقول الآخرون ....نورمال خويا
*2* الاجهزة الطبية متوفرة لكن يقولولك راهي معطلة ...نورمال خويا
*3* يعطيك الطبيب عدة تحاليل واشعة ويقلك روح عند المخبر الفلاني (يخدمو بالنسبة ) هذه حاجة نورمال
*4* الطبيب يكتب لك وصفة دواء تشبه الجريدة من كثرة ما كتب فيها وتبدا في رحلة البحث والشراء ويبقى دواء
أو اثنين و تعجز عن الحصول عليه وعندما تتعب وترجع لطبيبك وتخبره بانك لم تجد هذا الدواء يقول لك نورمال حتى إذا لم تجده فهو نورمال ؟؟؟؟؟؟؟؟؟؟؟؟؟
*5* في ثلاجة الموتى بعض العاملين سامحهم الله يتعاملون مع صناديق الموتى وكانه يتعامل مع صندوق سلعة من السلع و إذا تكلمت معه قال لك .....نورمال واش بيك
*6*الطبيب في المستشفى العام لا يستطيع أن يجري لك عملية جراحية لكن روحلو للعيادة الخاصة التي يعمل فيها وتشوف كيفاه يهتم بك ...نورمال
*6* بعض الممريض والممرضات يعمل بوظيفتن عند العام وعند الخاص في المستشفى العام كسول مهمل وغير مهتم
وفي العيادة الخاصة نشيط منضبط وكله حيوية ...نورمال
هذه بعض من النورمالات انتاع المشتشفيات وجعتلي قلبي وقلتها

[houcme]

كي تركب سيارة اجرة في باب الزوار و تقوله و صلني لاقامة رقم 1 و يوصلك للاقامة رقم 3 و يخلص عليك 300 بالرغم انه لم يمشي بك الا مسافة 700 متر لاني اول مرة نروح للعاصمة راها نورمال خويا

[ضيف السلام]

تشوف بنت مروحة لدارها مع صاحبها ويقلولك نورمااال خويا تشوف لي يعاود العام اكثر من لينجح في الدراسة ولي يسحت اكثر منهم كل و نورماااال خويا

[القذافي999]

طلبت أخر زمن حتا الماكلا تع الريستو قاعدين يشتكو منها وش رح تديرلهم هاذيك الدودة في وسط الشلاضة



طلبة ماهمش نورمال

[samasima]

واش هو النورمال في الجزائر

[أيمن عبد الله]

كي تركب سيارة اجرة في باب الزوار و تقوله و صلني لاقامة رقم 1 و يوصلك للاقامة رقم 3 و يخلص عليك 300 بالرغم انه لم يمشي بك الا مسافة 700 متر لاني اول مرة نروح للعاصمة راها نورمال خويا
وهذي قلقاتك راهي اتري نورمال
وشكرا على المشاركة النورمال

[أيمن عبد الله]

واش هو النورمال في الجزائر
هذي خليناه ليك يا أختي الفاضلة هناك اشياء كثيرة نورمال هيا ابحثي عنها
شكرا على المشاركة التي ليست نورمال

[أيمن عبد الله]

تشوف بنت مروحة لدارها مع صاحبها ويقلولك نورمااال خويا تشوف لي يعاود العام اكثر من لينجح في الدراسة ولي يسحت اكثر منهم كل و نورماااال خويا
آه آه آه من كثرة النورمالات راحو لفرانات
شكرا لك على المشاركة النورمال

[أيمن عبد الله]

** حتى بيوت الله مسها النورمال
الإمام جالس في المسجد والمصلون ينتظرون من يصلي بهم وقالوا له هيا يا شيخ صلي بنا فيقول لهم : إنني في عطلة
..... هذا نورمال.
* الإمام يلقي خطبة الجمعة و بعض المصلين يتكلمون وبل ويمنشرون الإمام ....نورمال
*الجمعية والامام في بعض المساجد يمارسون لعبة القط والفار.....نورمال.
*بعض المصلين يتركون هواتفهم النقالة مفتوحة وقت الصلاة ترن بأغاني ....؟؟؟؟ وإذا تكلمت معهم قالولك ...نورمال
*أفرشة المساجد فيها الروائح والاتربة وفي رمضان تجد فيها حتى بقايا الطعام وإذا تكلمت قالوا لك ..نورمال.
* الوزارة المعنية ومن تحتها المديرية وجدوا بأن حيط الإمام واطي ففعلوا فيه قطعة اليد ومنعوهم حتى من نقابة ..نورمال
*بعض الناس يكره صوت الأذان ويقلقه ويعمل زيطة وزنبريطة حوله ولو وجد رأيه لنزع كل مكبرات الصوت ..نومرمال...وهنا تذكرت الحديث الذي يبن أن الشيطان إذا سمع الأذان ولى وله ضراط
*في بعض المساجد مؤذنين بسم الله ما شاء الله ...والبعض الآخر أصواتهم .......و إذا تكلمت قالوا لك نورمال راه موظف .رغم أن النبي -صلى الله عليهى وسلم - أوضح بان الذي يؤذن لا بد ان يكون صوتا حسنا وندي الصوت ( إنه أندى منك صوتا )
*بعض المصلين يبحثون عن المسجد الذي يكون إمامه خفيفا ظريفا وعنده خطبة من نوع فلاش ...نورمال
*بعض الائمة يتكلمون ويتكلمون ويتكلمون حتى تصل الخطبة لاكثر من ساعة وبعض المصلين ربما يعيد وضوءه مرتين أو أكثر وإذا ناقشته في الامر قال لك نورمال
هذه بعض نورمالات المساجد ذكرناها من أجل محاولة اصلاحها والله من وراء القصد

[حمزة ملياني 121]

عندنا فتحو مسبح



الناس الي يعومو اكثر من الماء



نورمااااااال

اهاهاهاهاهاهاهاهاهاا والله هذي فووووووووووووووور بزاف

[حمزة ملياني 121]

اذا رحت للبلدية تخرج نقمة يقلك لي كاشي السيد شاف سرفيس ماهوش نا استناه واذا كنت مقلق روح نورماااااااااااال

[أيمن عبد الله]

اذا رحت للبلدية تخرج نقمة يقلك لي كاشي السيد شاف سرفيس ماهوش نا استناه واذا كنت مقلق روح نورماااااااااااال
الادارات في بلادنا (إلا ما رحم ربك )
كلها تمشي بالتري نورمال
شكرا على المشاركة النورمال

[salimer]

إنما يرجع هذا إلى قلة الوازع الديني فينا

[هشام البرايجي]

Si vous êtes étudiant de l'ENS n'oubliez pas que vous êtes dans une école NORMALE

[alkhansaae]

السلام عليكم
قلبك راه معمر خويا بالعقل عليك
راه كلش نورماااااااااال ههههههههه
ربي يهدينا ويقلب الناس يميزو بين النورمال ولي ماشي نورماااااال

[أيمن عبد الله]

إنما يرجع هذا إلى قلة الوازع الديني فينا
قولك صحيح شكرا لك

[أيمن عبد الله]

السلام عليكم
قلبك راه معمر خويا بالعقل عليك
راه كلش نورماااااااااال ههههههههه
ربي يهدينا ويقلب الناس يميزو بين النورمال ولي ماشي نورماااااال
شكرا لك على المشاركة النورمال
وربي يوفقك في دراستك

[أيمن عبد الله]

si vous êtes étudiant de l'ens n'oubliez pas que vous êtes dans une école normale
شكرا لك
نورمال إذا كان موضوع مكتوب بالعربية ويكون الرد عليه بحروف اجنبية (ربما لكلافي )
شكرا على المشاركة النورمال

[amura8]

السلام
ياودي الانورمال ولى نورمال..............سي نورمال
ههههههههههههههه

[أيمن عبد الله]

السلام
ياودي الانورمال ولى نورمال..............سي نورمال
ههههههههههههههه
شكرا لك على المشاركة النورمال

[بهاء الدين 93]

مع النورمال الإنسان كي ما يكونش نورمال سي نورمال

[zanoubia2009]

هذه الكلمة اصبحت في متناول حتى الاطفال الصغار

وحتى الذين تجدهم لا يعرفون حرف


فمثلا انا مرة احد التلاميذ قال لي اكتب بالسيالة الحمراء يخي نورمال

[أيمن عبد الله]

هذه الكلمة اصبحت في متناول حتى الاطفال الصغار

وحتى الذين تجدهم لا يعرفون حرف


فمثلا انا مرة احد التلاميذ قال لي اكتب بالسيالة الحمراء يخي نورمال
راه النورمال اهلك كل شيء في هذه لبلاد ربي يبقي الستر
شكرا لك على المشاركة وعودة ميمونة وموفقة

[أيمن عبد الله]

مع النورمال الإنسان كي ما يكونش نورمال سي نورمال
و انا أقول لك شكرا على المشاركة النورمال

[أيمن عبد الله]

***و هذه بعض نورمالات المؤسسات التعليمية :
*1* تلميذ لا يعرف كتابة اسمه ينتقل إلى المتوسط .....نورمال
*2* تلميذ السنة الأولى ابتدائي اعطاوه ستة كتب تقريبا مثل وزنه .....نورمال
*2* تلميذ السنة الأولى ينتقل للسنة الثانية ابتدائي قانويا ولو لم يدرس إلا شهرا واحدا....نورمال
*3* المعلم و الأستاذ يدرس في القسم الواحد حتى 48 تلميذ ....نورمال
*4* بعد منع الضرب وما تبعه من قوانين اصبح الاستاذ هو الذي يخاف من الطالب ...نورمال
*5* بعض المعلمين سامحهم الله ماهو جايب للدنيا خبر لاتي بالشهرية أما التلاميذ وتحصيلهم العلمي آخر اهتمامه...نورمال
*6* البعض الأخر وبحجة مصاحبة الطلبة أصبح ياخذ من عندهم السجائر ...نورمال
*7* لباس الفتيات حدث ولا حرج وكأنهم في حفلات عرس...نورمال
*8* تغيرت الحكومات والوازارات وحتى الرؤساء تغيروا وأما وزير القطاع فباق مثل أبي الهول ....نورمال
*9* النقابات تتصارع من أجل الغث والسمين وفي بعض الأحيان يروح الطالب في الرجلين ...نورمال

[أسمومة]

*إذا كانت البنت تتعرف على الشاب من خلال الهاتف وتتزوج فسوف تتطلق برسالة قصيرة من الهاتف (ميساج) نومال خويا
هاذي الجملة هايلة.

[أيمن عبد الله]

*إذا كانت البنت تتعرف على الشاب من خلال الهاتف وتتزوج فسوف تتطلق برسالة قصيرة من الهاتف (ميساج) نومال خويا
هاذي الجملة هايلة.
ومشاركتك هايلة وتري نورمال شكرا لك

[أيمن عبد الله]

هذه الايام إذا أردت أن تنتقل بوسائل النقل العمومية (سيارة أو حافلة للنقل الحضري)
تجد النساء أكثر من الرجال حتى تحسب بأنه ما بقات حتى امراة في الدار
لما قلتهم هذا الكلام
قالوا نورمال خويا

[أيمن عبد الله]

من كثرة النورمالات في بلادي داخ راسي وحكمتني السطرة
يا يا يا يا يا ه
هيا اكتب وفرغ قلبك من بعض النورمالات الي في بالك

[imene76]

صح بلادنا كلش فيها نورمال والي تاكدت منها اني كنت مريضة لحقت وين شهدت وصيت امي و ابي باش يدعولي و يصدقوا كل حاجة تخصني ووو وكي داوني للمستشفى قالوا لابي استنى 4ساعات باه يجي طبيب امبعد اداوني العيادة خاصة كيفكيف بصح الحمد لله الي كاين معريفة رحت المستشفى العسكري تهلاو فيا كيما يلزم وكي شكينا قالك نورمال بصح ابي والله ماسكت حتى خلصوها ايييييييووووووو هاذي هي بلادنا نورمال......

[أيمن عبد الله]

صح بلادنا كلش فيها نورمال والي تاكدت منها اني كنت مريضة لحقت وين شهدت وصيت امي و ابي باش يدعولي و يصدقوا كل حاجة تخصني ووو وكي داوني للمستشفى قالوا لابي استنى 4ساعات باه يجي طبيب امبعد اداوني العيادة خاصة كيفكيف بصح الحمد لله الي كاين معريفة رحت المستشفى العسكري تهلاو فيا كيما يلزم وكي شكينا قالك نورمال بصح ابي والله ماسكت حتى خلصوها ايييييييووووووو هاذي هي بلادنا نورمال......
ياك قلنالكم راه كلش نورمال وعلاه ادوخ راسك
شكرا لك أختي الفاضلة والحمد لله على سلامتك

[walid & nor]

إذا قلتلك بلي كلش في الجزائر نووووووورماال

[أيمن عبد الله]

إذا قلتلك بلي كلش في الجزائر نووووووورماال
على بالي راه كلش نورمال
وكل المشاركات الخاصة بهذا الموضوع راهي اتري نورمال
شكرا لك خارجة على النورمال

[أيمن عبد الله]

*إذا قصدت المستشفى ولم يسعفو مريضك وتركوه يتألم ويصرخ دون رحمة ....نورمال خويا
* إذا احتاج نزيل المستفشى لمساعدة في الليل الممرض ونادى حتى بح صوته ولم يجبه أحد (لأنه نائم أو يشاهد التلفازا ...قالوا لك نورمال خويا