المدرسة التحضيرية للتسيير و التجارة !!!

[ianissam]

chkoun ba3touh lhad branche w li ya3ref 3liha ay haja ygoulhana

[❀ بَسْمَةْ أَمَلْ ❀]

انا حابة نروحلها بصح معلاباليش اذا مليحة ولا لا

[sara10]

انا فدالي براهسيم
علوم تسيير واقتصاد وعلوم تجارية

[islamm]

انا ايضا بعتوني لدالي براهيم
علوم تسييراقتصاد وعلوم تجارية

[east]

هاذي خويا خاصة بالتسيير بزاف لخطر عندهم زاد فيها ... نورمالمو يقراو عامين ومن بعد يتفرعو علوم تجارية تاع جاية في تافورة وكاين تاع الاحصاء والتخطيط

[zsou]

انا علوم تجريبية وبعتوني ليها ماعلاباليش وش يقراو فيها

[سامي سيقوس]

السلام عليكم
أنا أيضا علوم تجريبية وبعتوني للمدرسة التحضيرية علوم اقتصادية,تجارية وعلوم التسيير
قسنطينة

[amineleroi]

ana tani ba3touni costantine

[tarikou]

ana tani be3touni liha f konstnatine
ya9raw fiha 1ere anné
math b jami3 chou3abha jebr analyse probabilité .....
ya9raw philosophie informatik fandement du droit francé englais......etc
ay mli7a bezaf w brabi nchallah yneje7na

[ikram95]

انا تاني بعتوني ليها بصح في وهران قالولي مليحه بزاف و معلاباليش واش ندير.......

[mounabac]

أنا ثان بعثوني ليها بصح في تلمسان و أنا من تيبازة مانقدرش نروح بعيدة بزااااف زعمة لكان ندير طعن و نبدل لدرارية يقبلولي راني خايفة ما يقبلوش و تضيع قرايتي:sdf::mad:

[yacine(bombino)]

انا ايضا مدوهالي ولكن في وهران و انا حاب نقراها في العاصمة ممكن يبدلوني

[ron24]

انا من العاصمة و بعتوني ليها ايضا ف العاصمة بالضبط في درارية و نقراو فيها عامين تم التفرع الى ثلاث اكبر مدارس في الجزائر تدرس فيها 3 سنوات و تتحصل مباشرة على شهادة
ماستار متعرف عليها دوليا وانشاء الله ربي يوفقنا

[❀ بَسْمَةْ أَمَلْ ❀]

خويا ron24 ممكن تقولي هذي المدرسة نظام lmd والمدارس للي نتفرعو ليها موجودة فقط في الجزاائر ?????

[بوكاكرة جهاد]

يا خويا غير ما كان لاه ما عندها حتى معنى راكم كي تتخرجوا صعيب عليكم تلقاو الخدمة في هذا المجال
لخاطر خويا تاني دارها وراه قاعد بلا خدمة
أدعولوا نشاء الله يفرج عليه ربي

[ikram95]

لا لا انا قالولي بللي نلقاو فيها الخدمة........واش شكون اللي راهو عندو الصح....

[❀ بَسْمَةْ أَمَلْ ❀]

لا لا انا قالولي بللي نلقاو فيها الخدمة........واش شكون اللي راهو عندو الصح....

متخافيش راهم نظام معترف بيه دوليا و+ الرزق علي ربي بصح انا قالولي المدراس عندها مستقبل علي خاطر في الخدمة يخيرو قبل خريجي المدارس من بعد لخرين

[ikram95]

ايه تسما على لربي ان شاء الله نلقاو خدمه

هههههه حنا مازال كامل مابديناش لقرايا و رانا نخموا فل خدمه بصح في هاد=وا عاميم لازم نزيروا رواحنا بزاف باش نباسوا لل3 année
و ان شاء الله ربي يوفقنا

[❀ بَسْمَةْ أَمَلْ ❀]

ههههه طماعين خليها علي ربي ايه لازم تزيار نتاع الصح باه ميحاوزوناش علي خاطر للي مينجحش في الكونكور يفليكسوه للجامعة ربي يوفقنا كامل

[ikram95]

انا نموت على لفليكساج راني خايفه يفيقولي و يفليكسوني la fac
الله يجيب الخير.........

[❀ بَسْمَةْ أَمَلْ ❀]

انا نموت على لفليكساج راني خايفه يفيقولي و يفليكسوني la fac
الله يجيب الخير.........

علاه يفيقولك انتى اقراي مليح باه ميفليكسوكش للجامعة

[kadi mca]

من فضلكم الى عطاوله هادى المدرسة وبلاخص فى الجزائر
ممكن تقول المعدلات الى تحصلة عليها

[ron24]

زهرة الدنيا هي نظام ال م دي و هاد المدرسة بزاف مليحة والمدارس لي يبعتو ليها كلها في العاصمة

[❀ بَسْمَةْ أَمَلْ ❀]

زهرة الدنيا هي نظام ال م دي و هاد المدرسة بزاف مليحة والمدارس لي يبعتو ليها كلها في العاصمة

لالا راك غالط هي كلاسيك راني سقيت عليها شحال من مرةة

[sarah720]

السلام عليكم انا تان بعتوني المدرسة التحضيرية بدرارية و راني حايرة و لا مليحة ولا لالا لي عندو معلومات عليها يخبرنا مدا بيه رحت سجلت عجبني الحال بصح قلولي نقراو 30 ساعة في سمانة (اسبوع)و فيها 8 مواد معلباليش وعلاه الفلسفة داخلة معاهم و اما لغة المستعملة ارجوا منكم الرد على التساؤلات تاعي و جزاكم الله خيرا و صح رمضانكم

[ianissam]

rah nass kamel tgouul beli lé école mlaah w mana3ref !! el mouhim rana nakraw premier année 10 module : menhem l philo w droit en arabe mé lé autre kamel en francais

[sarah720]

ya3tik saha khoya 3la ijaba merci bcp saha ramdanak

[houssem-mouh]

السلام عليكم
أنا تاني بعثوني لهذي المدرسة التحضيرية لعلوم التسيير والاقتصاد و علوم تجارية راهي في قسنطينة أنا رحت باه نحجز الغرفة قالولي بالي لازم نرجع في 3 أكتوبر
والاقامة تاع الدراري راهي في علي منجلي 4 وتاع البنات راهي في المدرسة لي نقراو فيها بعد قريبة من كلية الطب
للاتصال بي عبر ***** houssem-04

[saraharaha]

بصح انا سكعت بلي راهي في بن باديس سنة يحلوها
قدش واحد في الشمبرة
؟

[azed1991]

أنا تاني باعتوني ليها و الإقامة تاع الذكور في النوفال علي منجلي 140 مسكن إقامة مليحة باسح بعيدة نورمالمو ل 7 أكتوبر ناديو لي شومبر وهي f2 و f3

[مسك الغزال]

السلام عليكم
حابة نسقسيكم شحال la moyene للدخول للمدرسة العليا للتجارة بتافورا

[❀ بَسْمَةْ أَمَلْ ❀]

اختى مسك الغزال وقيلة مسمعتيش بلي الدخول مباشرة للمدارس العليا نحاوه و لازمك تقراي سنتين تحضيريتين في المدرسة التحضيرية ثم بعد اجتيازك للمسابقة بعد السنتين من بعد يحدد دخولك للمدرسة العليا