خلعوني من ايني بعتوني اعلام آلي و رياضيات لجامعة هواري بومدين وش رايكم

[djremix19]

السلام عليكم و رحمة الله و بركتاه
درت الخيار الاول المدرسة العليا للاعلام الآلي مبعد مدولي الخيار الثاني رياضيات و اعلام آلي جامعة هواري بومدين
وش رايكم فيها .. وليت نخمم نعاود العام .. و كيفاش تقارنوها مع المدرسة العليا للاعلام الآلأي ..و كيفاش الظروف فيها و المرتبة تحا .. وفي أي سنة نتخصص اعلام آلي وحدو خاطر راني حاير .علاش مدايرين جدع مشترك رياضيات و اعلام آللي

[منعم م]

صعيبة لقراية فباب الزوار
الله معاك

[ismail47100]

السلام وعليكم
شحال المعدل الادنى لرياضيات و اعلام آلي بباب الزوار

عااااجل ارجوا الافادة .

[جزائري أصيل]

فرق شاسع أخي المدرسة العليا للإعلام الآلي قبلوها هاذ العام بـ 18,02

[محبة الحبيب]

صعيبة لقراية فباب الزوار
الله معاك

يا أخي لا يجب أن نشعر التلاميذ باليأس و هم في هذه المرحلة الحساسة
كل تخصص حتى يبدع فيه الشخص لابد عليه و الجد و العمل و أنا لا أعرف طالب جامعي لامع في الجامعة رسب أو لم ينجح

أما عن السائل باعتبار انها اختيارك الثاني فهذا يعني أنك كنت ترغب في الدراسة في هذا التخصص لهذا توكل على الله

[ArANYA_NEGRE]

يالتوفيق أخي الكريم
واداممكن تفيدني وين حبسو المعدلات تاعكم تاع الرياضي والله غير خلطوها

[بيبيone]

رياضيات و اعلام آلي جامعة هواري بومدين مدرسة دولية يعني مستقبل زاهر

[صديقة الجميع]

أنا ثاني بعثوهالي ...درتها الرغبة الرابعة ..بالصح الحمد لله ...اللي خيرهالنا ربي نرضاو بها ...

[sami bett]

أكيد أنا ثاني مدولي رياضيات وإعلام آلي

والحمد لله نحمدو ربي

والله كنت نطلب في ربي يمدوهالي شعبة رائعة ومطلوبة في الخارج بزاف خاصة في بريطانيا

[djremix19]

أكيد أنا ثاني مدولي رياضيات وإعلام آلي

والحمد لله نحمدو ربي

والله كنت نطلب في ربي يمدوهالي شعبة رائعة ومطلوبة في الخارج بزاف خاصة في بريطانيا

هدرت على بريطانيا تقول طليت على قلبي هداك علاماش معول انا .. رام يقولو ال ام دي مليح للدراسة فالخارج لانو متطابق مع نظامهم مانعرف يصبرو فينا ولا كاينة صح .. مرسي

[محبة الحبيب]

هدرت على بريطانيا تقول طليت على قلبي هداك علاماش معول انا .. رام يقولو ال ام دي مليح للدراسة فالخارج لانو متطابق مع نظامهم مانعرف يصبرو فينا ولا كاينة صح .. مرسي

فعلا نظام ل م د موجود في الدول الانجلوسكسونية و الولايات المتحدة الامريكية و الكثير من الدول
عليكم فقط بالتميز و الدراسة بجد هذا هو الأهم

[sami bett]

هدرت على بريطانيا تقول طليت على قلبي هداك علاماش معول انا .. رام يقولو ال ام دي مليح للدراسة فالخارج لانو متطابق مع نظامهم مانعرف يصبرو فينا ولا كاينة صح .. مرسي


علابالك اصحبي والله واحد من منظقتنا دا معدلو في زمان النية في الباك أول واحد على مستوى الوطن بمعدل 16 راح لبريطانيا يقرا وراهو يقرا تما درك

ويقول راني ندمت علاش مادرتش رياضيات وبالرغم أنو داير إعلام آلي في التخصص تاع السنة الثانية

قال الرياضيات والإعلام الآلي مطلوبة بزاف هنا في بريطانيا وخاصة الرياضيات غير ارواح تقرا برك

[mimi002]

mliha bsahtek

[cooldadi7]

il te faut 17.16 de moyen(mg+m+ph) pour pour pouvoir aller laba

http://ups.imagup.com/ano1/1280483208.JPG (http://www.imagup.com/pics/1280483209.html)

[°•°• همس الخواطر •°•°]

أنا أيضا رياضيات و اعلام آلي

[cooldadi7]

18.02 si tu est sc expé

[الأستاذ رمزي]

يا جماعة الخير اختاروا الاختصاصات التي تضمن لكم مستقبلا في عالم الشغل واخطاكم من فكرة الخروج الى الحارج هادي ثاني اكنوا يغنيولنا فيها حتى لو انك تخرج وتتحصل ان شاء الله على الدكتوراه حط في بالك انك ما تقعدش في الخارج لانو الامور تغيرت في اوربا
سقسيو المجرب و ما تسقسيوش الطبيب

[sami bett]

يا جماعة الخير اختاروا الاختصاصات التي تضمن لكم مستقبلا في عالم الشغل واخطاكم من فكرة الخروج الى الحارج هادي ثاني اكنوا يغنيولنا فيها حتى لو انك تخرج وتتحصل ان شاء الله على الدكتوراه حط في بالك انك ما تقعدش في الخارج لانو الامور تغيرت في اوربا
سقسيو المجرب و ما تسقسيوش الطبيب

سقسينا المجرب ياأخي والحمد لله

[karima.akram]

تخصص جيد ربي يوفقك في دراسة الجامعية

[sami bett]

تخصص جيد ربي يوفقك في دراسة الجامعية



آمين أجمعين أختي

وربي يوفقك أنت ثاني وجميع المسلمين

وكل الي داو الباك تاعهم بعرق حبينهم حتى وإن كانوا مظلومين

لأنو البكالوريا تاع الغش من خلال المفتيين والله حرام وكل شيء الخدمة واللبسة والماكلة وكلش الي يجي منها حرام

ربي يهدي الي يغشو كامل للطريق الصحيح

وربي يوفق الي داوها بذرعيهم وعرق جبينهم إن شاء الله