ممكن احد يفهمنا في شعبة تكنولوجيا من فضلكم

[قصر البخاري]

السلام عليكم :

لقد اعطوني تكنولوجيا بفففففف كي انا كي اللي طلعب 10 و 11 و 12 كيفكيف بفففففف بلاد تع شكوبي بلاد ميكي الله لا تربحهم قع وجوه الشر يطلعلك نسبة النجاح من بعد ما عندك ما تدير خطة محكمة من الحكومة الفاشلة اللعينة !!

المهم حبيت نسقسيكم على فرع تكنولوجيا لم افهم جيدا ما وجدته في دليل الطالب فقد وجدت امامها عدة شعب ممكن احد يشرح لي ماذا يتم الدراسة فيها ووو شكرا لك اخي !!

[mano-h-h]

يا وخويي مركي وخلاص رلااهم كامل كيف كيف الي يكمل يلحق والي يقرا ثلاث سنين معندو ميدير بيها وعلوم وتكنولوجيا
تقراها العام الاول جذع مشترك ومبعد تتخصص والمواد الي تقراهم هم
physique chimie math informatique mecanique electricite engle francais histoire

متخافش راها صعبة وتطلع العام كي انت كيلي يبات يقرا مع نظام الكريدي هذا وشكرا

[جزائري أصيل]

شوف خويا علابالي المورال طايحلك و أنا رايح نزيدلك
ST هي أسوء تخصص بالنسبة إلي درستها و أعرفها جيدًا .... تكره حياتك فالأيام الأولى mais مبعد توالف
الدراسة باللغة الفرنسية في كل المقاييس
تدرسوا في السداسي الأول مقياس الرياضيات ( جبر و تحليل ) و الكيمياء و الفيزياء و الإعلام الآلي ( بيروتيك و ديكوفار ) و الفرنسية و الأعمال التطبيقية في الفيزياء و الكيمياء TP و علم المحيط ، و في السداسي التاني نفس المقاييس بينما تغير علم المحيط بتاريخ العلوم و تحذف إعلام آلي بيروتيك
السنة الأولى جدع مشترك و في السنة الثانية في السداسي الثاني تتخصص في أحد التخصصات الموجودة في جامعتك مثلا : هندسة مدنية إعلام آلي .... إلخ
بالتوفيق أخي ، و لازم ما يطيحلكش المورال لأنو هذا هو الواقع في بلادنا تفرح بالباك و مبعد تكره حياتك في الجامعة

[إيمي66]

السلام عليكم انا سقسيت عليها ومعظم الطلاب مدولهم علوم وتكنلوجيا كيف كيف كي لي جاب 10 ولا 13 هي شعبة جد سيئة و صعبة للغاية التعليم خير منها

[إيمي66]

انشاء الله يكون وصلك ردي