استفسار عن الراتب في ولاية الطارف

[allmaza]

اريد ان استفسر عن الراتب هل من جديد صبوه و لا مازال راني معولة ي متعاقدي ولاية الطارف كي يصبو خبروني لانو la poste بعيدة علي

[الأستاذ رمزي]

الله اعلم
كاشما نسمع راني نقلك اختي
انا ننصحك تنسي الموضوع خير حتى لا يصيبكي الاحباط

[sousouhalima]

لقد اتصلت بمصلحة الرواتب وقد قيل لي ان التريزور قد قبل ملفاتنا و سوف يقوم بصب الرواتب قبل نهار لخميس ان شاء الله . وان لم يقم باصبان فانه على الاكثر سيصبهلنا قبل الثلاثاء القادم . وهذا على حساب ما يقولو .

[أبو عبد المالك2007]

يارب يخلصوكم قبل الخميس وتفرحو فيهم وبيهم والعاقبة لينا...آمين

[allmaza]

شكرا اخوتي راني حاطة امل كبير هدا الاسبوع
حبيت نسالك اختي سوسو حليمة تابعة اي مقاطعة بالضبط و في اي تانوية؟؟ارجو الرد اختي سوسو حليمة

[sousouhalima]

ان شاء الله يا رب . خويا تو واش راه صاري عندكم في عين الدفلى ؟ راكم تجريو على رواحكم عندكم الحق راكم في 700 متعاقد .

[الأستاذ رمزي]

السلام عليكم
بالنسبة لما قالوه لك الاخت سمية فارجوا ان لا تصدقيه لانه وببساتطة يوم الخميس القادم هو آخر يوم يعملون فيه في مصلحة الرواتب لانه ابتداءا من الاحد 1 اوت يدخلون في عطلة لمدة شهر يعني بالعامية احتمال كبير قاعدين يتمسخرو حتى يعقبو الايامات بينا

[** سدرة المنتهي **]

ههههههههههههههههههههههههههههههههههههههههههه

والله بلاد كوميك كل مرة ندخل لهذا القسم نقول كشما نفرح علخر نتشوكا اكثر واكثر

ولكان علي الدراهم مانسحقهمش ..........ايرسموني برك في هذا الكونكور برك هذل واش طالبة

يارب يارب يارب عاوني وعاون امة محمد كاملة

[أبو عبد المالك2007]

آ سوسو راكي تبعي الأخبار ..هههههههه...والله ماعلابالي ياختي راني كيفك صابر وراضي كيما تقول وحد الأغنية

[sousouhalima]

السلام عليكم
بالنسبة لما قالوه لك الاخت سمية فارجوا ان لا تصدقيه لانه وببساتطة يوم الخميس القادم هو آخر يوم يعملون فيه في مصلحة الرواتب لانه ابتداءا من الاحد 1 اوت يدخلون في عطلة لمدة شهر يعني بالعامية احتمال كبير قاعدين يتمسخرو حتى يعقبو الايامات بينا
يا خويا واش يهمك في مصلحة الرواتب ربي يسهللهم . المشكل تاعنا درك ولا مع التريزور وراه قبل الملفات تاعنا شويا صبر برك . و هاذوك تاني في مصلحة الرواتب راهم مساكن تاني راهم خدامة لتم ماعندهم حتى يد في المشكل تاعنا .

[sousouhalima]

شكرا اخوتي راني حاطة امل كبير هدا الاسبوع
حبيت نسالك اختي سوسو حليمة تابعة اي مقاطعة بالضبط و في اي تانوية؟؟ارجو الرد اختي سوسو حليمة
انا من الذرعان و ادرس في ثانوية الذرعان و انت ؟

[وليد عباسي]

ها نحن في نهاية شهر جويلية ولم يتم ادخال حتى دينار في حسابات المتعاقدين بولاية الطارف و كأنهم اشباح لا يأكلون و لايشربون و لا يتنقلون و لا مديونين طوال العام الدراسي و ولايتنا الطريفة تتمسخر و تتلاعب بينا كل يوم نقولو غدوا يفرج ربي بصح ربي خير

[أبو عبد المالك2007]

والله غير راهي باتو علينا ياووووووووووووووووووو

[sousouhalima]

نقلقم حاجا بطلت ما نسحقهمش راهم سماطو درك .

[الأستاذ رمزي]

يا خويا واش يهمك في مصلحة الرواتب ربي يسهللهم . المشكل تاعنا درك ولا مع التريزور وراه قبل الملفات تاعنا شويا صبر برك . و هاذوك تاني في مصلحة الرواتب راهم مساكن تاني راهم خدامة لتم ماعندهم حتى يد في المشكل تاعنا .

باينة عليك نية اختنا سوسو ..مصلحة الرواتب هي المسؤولة عن اجورنا والتريزور غير تجيه يصبهم وكيما قتك احتمال كبير مصلحة الرواتب راهم يكذبو علينا كي يقول راهم بعثوهم للتريزور و هذا باش يبردونا

[sousouhalima]

و الله يا رمزي عييت نفهم ما فهمتش ؟ لاكان عندك خبر مش مليح قولو و فرات . مش رايحين يصبو . ماعليهش . ربي وكيلهم . والله لا تربحهم دنيا و اخرة. .

[الأستاذ رمزي]

و الله يا رمزي عييت نفهم ما فهمتش ؟ لاكان عندك خبر مش مليح قولو و فرات . مش رايحين يصبو . ماعليهش . ربي وكيلهم . والله لا تربحهم دنيا و اخرة. .

قالك لي يستنى خير من اللي يتمنى...انا رحتلهم نهار الاثنين قاللي عمي صالح رئيس المصلحة بأنو بعثوهم للتريزور نهار 20 جويلية و قاللي ليمات هادو يخلصوك و نفس الشيء زاد قالهولي استاذ قراني بكري :d يخدم في مصلحة الرواتب وعطالي قداه نهز دراهم بالصح على حساب تجربة سابقة نظن راهم يصرفو فينا لانو غدوة آخر نهار لعمال مصلحة الرواتب في الخدمة بويسك رايحين يديو شهر أوت كونجي لذلك راهم يصرفو فينا حتى لنهار الخميس ومباعد فيلامان

[الأستاذ رمزي]

أصبري واحد 2 سوايع و نص يا سوسو و نشوف في الكونت سي سي بي كان صبو ولا ولا لنهار غدوة هذا ان بقينا حيين

[الأستاذ رمزي]

للأسف حتى اليوم الخميس لا جديد في الكونت

[biomano]

ياربي عالمستخلف يقعد يقعد دميا يخمم وكتا يصبو لو دراهم ..... يكفي تمرمـــــــــيد .....
حرام عليهم والله مش حاسين بينا طول ... ربي يجيب الي فيه الخير احنا العام الي قبلو جويلية 2008 حطونا في 29/07 والعام الماضي في اوت 2009 دخل بالضبط في 12 اوت هدا العام الله اعلم وكتى ربما يزيدو شهر اي سبتمر 2010

[أبو عبد المالك2007]

واش رايحين نعملو كيما قالو ناس زمان واش راح يعمل الميت في يد الغسال؟

[sousouhalima]

شكرا خويا رمزي على التعب . راني سقسيت وحدة تخدم في التريزور قالت لي ممكن تخلصو منا حتى لنهار الاثنين . نصبرو وخلاص .

[أبو عبد المالك2007]

إن شاء الله ربي يفرجها عليكم وعلينا

[sousouhalima]

خويا رمزي دفع الملفات يكون في القالة كالعادة ؟؟؟ ولا في بلاصة اخرى ؟ راني راح نعقب مساعد تربوي ثاني شوفلي الملف ربي يخليك واش هو ؟ و الملف تاع مسابقة التعليم الابتدائي. تدير فيا مزيا والله ياسر عليا نشقا من الذرعان حتى للقالة .

[الأستاذ رمزي]

خويا رمزي دفع الملفات يكون في القالة كالعادة ؟؟؟ ولا في بلاصة اخرى ؟ راني راح نعقب مساعد تربوي ثاني شوفلي الملف ربي يخليك واش هو ؟ و الملف تاع مسابقة التعليم الابتدائي. تدير فيا مزيا والله ياسر عليا نشقا من الذرعان حتى للقالة .

كي العسل اختي
ولكن ننصحك تديري تع استاذة خير لان المترشحين في مسابقة المساعدين يعدون بالالاف

[أبو عبد المالك2007]

أنا ننصحك سوسو جوزي مسابقة الأساتذة أحسن ليس من أجل حظوظ النجاح فحسب كيما قال الأخ رمزي ولكن هناك قانون متعسف في الوظيف العمومي بحيث إذا قدر الله ونجحتي كمساعدة تربوية لا يمكنك المشاركة مستقبلا في مسابقة الأساتذة أو غيرها في ميدان التربية ...ولكن لك الحق فقط في مسابقات الترقية....هذا هو المعمول به في ولايتي الحبيبة...إسألي جيدا سوسو قبل المخاطرة خاصة أنت لك الفرصة في النجاح في المسابقة ...ولك أنا أيضا مادمت نجحت كمساعد تربوي لا يحق لي المشاركة في مسابقة المقتصدين أو غيره.....موفقة بإذن الله

[sousouhalima]

الله لا تربحهم دنيا و اخرة .على القوانين هذي .

[الأستاذ رمزي]

يوم جديد ولا شيء جديد
1 أوت لا جديد في الكونت ccp

[allmaza]

كاش جديد في الكونت لولاية الطارف و بداو يحكموا الملفات تع المسابقات ا’؟؟؟؟؟

[الأستاذ رمزي]

لاجديد في الكونت ومازالو ما بداوش يحكمو في الملفات

[sousouhalima]

خويا رمزي كي تلقا الجديد في ولايتنا الحبيبة خبرنا وبارك الله فيك .

[الأستاذ رمزي]

للاسف ما كاين والو حتى اليوم 03/08

[الأستاذ رمزي]

خويا رمزي كي تلقا الجديد في ولايتنا الحبيبة خبرنا وبارك الله فيك .

أختي حليمة مادام قلتي أنك تعرفي وحدة تخدم في التريزور سقسيها ربي يسترك هل بعثولهم الملفات نتاعنا ولا لا