هل أنا ناجح ( نظام lmd المعقد)

[الأمين2008]

السلام عليكم

أنا طالب في السنة 2 حقوق نظام lmd وتحصلت على رصيد 104 التفصيل كالتالي :
السنة الأولى : ناجح
- السداسي 1 :30ر
-السداسي 2: 30ر
السنة الثانية : علمها عند ربي
السداسي1: 30ر
السداسي2: 14ر

و الإشكال في السداسي الثاني طبعا حيث لم أتحصل على الوحدة الأساسية ولكني تحصلت على رصيد اجمالي يقدر ب 14
بعد هذه المعلومات هل يمكن أن أنجح بتأخير كريدي وأمر بسلامات الى السنة 3 أم أنا راسب

والله طار النوم من عيني وأنا نخمم في الموضوع هذا راني خايف بزااف نعود نكون دوبليت

أتمنى واحد من الاخوة يفيدني و شكرا :)

[المعزلدين الله]

ùùùùùùùùùùùùùùùùùùùùùùùùùùùùùùùùùù

[ندرومة49]

اخي كم معدلك في السداسي الثالث والرابع

[الأمين2008]

خويا العزيز :

السداسي 03 : معدلي 10.30
السداسي 04: معدلي 09.05

[ندرومة49]

قدر الله أخي
المواد اللي تحت 10 كامل تفوتهم ...اتابع أخبار الجامعة ديالك متى يفوتوا الإستدراك .
وأنا سالتك عن معدلك لأنه تم تطبيق قانون جديد هذه السنة وهو إضافة السداسي الأول للثاني إذا كان طلعوا في اثنين فوق ال 20 طالع دون دين...

المهم أنت طالع للسنة الثالثة ولكن بالكريدي ....ماتخممش بزاف مافيها حتى تشويش عن شهادتك ...كشم يخصك فهاما عن أي شيء رانا هنا

[etoile filante]

روح للسنة الثالثة متهني خويا

[الأمين2008]

مشكورين و بارك الله فيكم

خويا ميلود بصح الكاتبة نتاع مسؤول الال م دي قالت لي الوحدة الأساسية ( les module t.d) لازم تكون طالعة يعني 10 وفوق ، قل من 10 تعاود العام في لي موديل اللي طحت فيهم يعني على حساب هذه المخلوقة اللي طيحت لي المورال الوحدة الأساسية هي الرسمي وعليها يكون مستقبل الطالب في نظام الأل م دي
المهم خويا ميلود أنا عندي في الوحدة الأساسية 09.10 ( السداسي الرابع طبعا المشكل كامل راهو فيه)
وش رايك خويا العزيز ولا الكاتبة هذي راهي لا علاقة تهدر من فم خاطيها و زادت وسوستني كي قالتلي قانون جديد اللي ميطلعش الوحدة الأساسية يعاود العام لاشتا اذا كان عنده فوق 10 المعدل العام
واسمح لي بزاف بزاف عمبالي راني زدت عليك
بارك الله فيك و الله يحفظك خويا :)

[ندرومة49]

مشكورين و بارك الله فيكم

خويا ميلود بصح الكاتبة نتاع مسؤول الال م دي قالت لي الوحدة الأساسية ( les module t.d) لازم تكون طالعة يعني 10 وفوق ، قل من 10 تعاود العام في لي موديل اللي طحت فيهم يعني على حساب هذه المخلوقة اللي طيحت لي المورال الوحدة الأساسية هي الرسمي وعليها يكون مستقبل الطالب في نظام الأل م دي
المهم خويا ميلود أنا عندي في الوحدة الأساسية 09.10 ( السداسي الرابع طبعا المشكل كامل راهو فيه)
وش رايك خويا العزيز ولا الكاتبة هذي راهي لا علاقة تهدر من فم خاطيها و زادت وسوستني كي قالتلي قانون جديد اللي ميطلعش الوحدة الأساسية يعاود العام لاشتا اذا كان عنده فوق 10 المعدل العام
واسمح لي بزاف بزاف عمبالي راني زدت عليك
بارك الله فيك و الله يحفظك خويا :)


من جيهتي روح تخلص
ل م د في أدرار ولا الطارف ولا مغنية كيف كيف حراوبية هو حراوبية..........
القانون الجديد ل م د قليل لي يعرفوا اما الإدرايين 98 /100 من روسهم ولا يقلك مانيش عارف .....
المهم خويا أمين نعطيك مادة من نظام ل م د وهي 18
تقول في معناها يمكن أن يسمح بالإنتقال من السنة 2 الى السنة 3 ليسانس ل م د لكل طالب متحصل على 80 /100
وأنت على حسب كلامك قتلي أنه لديك 104 رصيد يعني بعدما حسبتها وجدتك أن رصيدك 83.33/100
وهو مايعني صعودك بالكريدي
لكن لا تنسى أخي نحن في بلد اسمه ..............الجزااااااااااااااااااااااااائــــــ ـــــــــــــــــر
كل شيء ممكن
لكن توكل على الله ولا تجعل نفسك في ورطة اقرا تدي المعدل فوق 11
تصور أنت كانت ناقصتك حوالي 5 نقاط في مادة معاملها 3 يعني كان في يديك وكنت ماتحتاجش ....لهاذوك تاع الجا.معة لي كرهونا تاع الصح ................
مازلت هنا وكشما يخصك رانا هنا لي نقدروا عليهاl

[الأمين2008]

888888888888

والله خويا في جامعات ميكي كل شيء جايز علابيها توسوست شوي
وحكاية الوحدة الأساسية دارتلي كوشمار
المهم ان شاء الله ما يكون والو وانا نستاهل المعمعة اللي راني فيها خليت روحي في يد ادارة مخرفة بالبيروقراطية و المعريفة و التشيبا ..
الله يجازيك خير خويا ميلود وربي يعيشك على اهتمامك بالموضوع هذا ..
ربي يزوجك اذا راك مازلت عازب
وإن شاء الله هذي توصي على الجاية

ربي يهنيك خويا ميلود :)

http://www.alharary.com/vb/imgcache/4858.imgcache.gif

[نور الهدى دريد]

ربي ينجحك ويوفقك في اتمام دراستك.

[ندرومة49]

888888888888

والله خويا في جامعات ميكي كل شيء جايز علابيها توسوست شوي
وحكاية الوحدة الأساسية دارتلي كوشمار
المهم ان شاء الله ما يكون والو وانا نستاهل المعمعة اللي راني فيها خليت روحي في يد ادارة مخرفة بالبيروقراطية و المعريفة و التشيبا ..
الله يجازيك خير خويا ميلود وربي يعيشك على اهتمامك بالموضوع هذا ..
ربي يزوجك اذا راك مازلت عازب
وإن شاء الله هذي توصي على الجاية

ربي يهنيك خويا ميلود :)

http://www.alharary.com/vb/imgcache/4858.imgcache.gif

بلا مزيا خويا ربي يوفقك ويوفقنا أجمعين
إن شاء الله نكون ممّن يقيمون رمضان إيمانا واحتسابا