فكرة مميزة ادخلو واعطونى رايكم

[خمينةb]

السلام عليكم و رحمة الله و بركاته

عندى اقتراح الى التلاميذ اللى راح يجوزو الباك 2011
وخاصة العلميين

وش رايكم هاذ العطلة نحفظو شخصيات التاريخ نحيوهم من العراضة ؟؟

قلت وش رايكم على الاقل نهزو عليهم نظرة باش نخففو شويا علينا

ونخلو العام كامل غير للمواد الاساسية

هااااااااااه وش رايكم ؟؟
انا لقيت شخصيات ياااااسر واذا وافقتونى نحاول نحطهم هنا ونحفظوهم كااااااامل مع بعضانا
والا لى عندو اقتراح اخر خاصة ذوى التجارب السابقة يعطينا اقتراحو
افيدونا جزاكم الله خيرا
وختاما الله ولى التوفيق

[hafou]

فكرة رائعة.أتمنى أن تتجسد فعلا.شكرا لك

[silver3100]

je ne suis pas pour
حفظ
et je ne peux pas moi j'oublie tous mais merci pour l'idée

[خمينةb]

شكرا لمروركما
انا ايضا اكره الحفظ لكن اعتقد انو لو حاولنا نهزو نظرة برك مش نحفظو
حتى السنة الدراسية نخلوها غير حفاظة
كاين ناس راح يحفظو حتى المصطلحات

[رحاب بن عودة]

فـــكرة طيــبة .. سيما و أنه في البكالوريا قد نمتحن في شخصيات لم تكن لدينا فكرة مسبقة عنها
و هكذا نستغل الوقت .. شكراً لك

[شيماء13]

والله فكرة راااااااااااائعة

[خمينةb]

شكرا لمروركما الله يخليكم

هاااااااااه وش رايكم نبداو باذن الله

[silver3100]

شكرا لمروركما
انا ايضا اكره الحفظ لكن اعتقد انو لو حاولنا نهزو نظرة برك مش نحفظو
حتى السنة الدراسية نخلوها غير حفاظة
كاين ناس راح يحفظو حتى المصطلحات

alors c'est d'accord

[خمينةb]

نعم اذن فلنبدا
ساعطيكم بعض الشخصيات التى اعتقد انها مهمة
لانو اخى جوز الباك و قالى احفظيهم راهم مهمين

[douniazed_setif]

و الله فكرتوني بالعام لي فات كيما هذا الوقت يا خاوتي استمتعو بالعطلة و انساو بلي عندكم باااااااااااااااااااااااااااااك نصيحة من ذهب جايتكم غير لحفاظة و راكم تنساو حتى لو حفظتوهم في ديسمبر مااااااتخموش بزاف انسسسسسسسسسسسسسسسسسساو بليييييييييييييييييي عندك هم الببببببببببببببباك اتمنى لو تعملو بالللللللللللللللللنصيحة.......... سلالالالالالالالالالالالالالالام

[SAWHIN]

فكرة مليحة انا نظن نبداو في رمضان خير هذاك هو ملقاوش واش نديرو نحفظو شوية ولا واش رايكم

[imane1]

الشخصيات لا تُحفظ

كي يكون عندك أستاذ مليح ، يشرح مليح ، رايح تفهم الدرس وما يدور حوله

احنا هاذ العام في الفصل الثالث كانت كاينة عدة شخصيات (هتلر ، ستالين ، لينين ، موسوليني ، .. )

لا أذكر أنني حفظت واحدة من هذه الشخصيات !

كانت الأستاذة تشرح ملييييييييح وكنا نفهمو كل شيء في القسم

خصوصاً أننا لسنا مطاللبين بتواريخ ميلادهم و وفاتهم

نحن مطالبون فقط بمعرفة إنجازاتهم ..

وربي يوفق الجميييييييييييييع

[theorthopidique]

انا عن نفسي منحفظش ضرك علخاطر منشفاش وديجا المواد تاع الحفاضو هوما لنخليهم الاخرين هذا راي والله اعلم

[achour idoughi]

فكرة رائعة لكن أحبذ عدم استعمال كلمة حفظ

[الفلاح المحترف]

انا عن نفسي منحفظش ضرك علخاطر منشفاش وديجا المواد تاع الحفاضو هوما لنخليهم الاخرين هذا راي والله اعلم

أنا ايضا من رأيك
العام طوييييييييييييييل
مجرد رأي

[darknight]

فكرة رائعة شكرا لك

[silver3100]

moi si je commence maintenant
je vais tout oublier

[خمينةb]

شكرا و بارك الله في الجميع على المرور
مع احترامى الفاااائق لارائكم لى تعليق بسيط على كلامكم
بالنسبة للى قالو الحفظ مش مليح انا اوافقكم الراى كلش على الفهامة
لكن
المقرر طويل وحنا العام الجاى مش كيما هاذ العام مايعملولناش عتبة وماكانش تحديد وانتم شفتم المقرر قدواش كبير
انا فكرت انى فى العطلة نفهم الشخصيات مليح و نحيهم على العراضة
وكذلك اللغات الاجنبية ان امكن
بش فى كامل العام الدراسي نتوله للحوايج الاساسية و حوايج لحفاظة
وبالنسبة ليا شخصيا ماعندناش فى ليسي تاعنا اساتذة ملاح فى الاجتماعيات حتى يشرحولنا كما تفضلتم انتم بالقول
مع فائق احترامى لارائكم
اتمنى تعطونى رايكم وش نقدرو نعملو ؟؟؟؟؟؟؟
انا اتكلم هكذا لانى بصراحة والله حابة نجيب معدل كبير حابة صيدلة وعندى وحدا جابت 16 تقرب لينا قرات من الصيف الباك تاعها
////////هيا قرات الرياضيات و الفيزياء فى الصسف
لكن انا مانقدرش لازملى استاذ يشرحلى ////////

[ميس الجزائر]

أنا راي نطالعو منحفضوش ومن ف ضلك أعطينا الشخصيات ألا تقدري
فكرة رائعة
ربي ينجحنا كامل
شكرا

[خمينةb]

حاضر ميس لجزائر على العين و الراس
فقط هذه الفترة مسافرة لا استطيع لكن وعد شرف منى وين نرجع نحط المصظلحات
شكرااااااااااااااااااااااااااا جزيييييييييييلااااااااااااااااااااا

[darknight]

ايه من فضلكم يلي عندو الشخصيات يحطهملنا

[imane1]

يا أختي الفاضلة ، هذا كله حماس فقط

مليح الحماس للباك ، لكن نحتاجه في بداية العام ليس الآن

لا تصرفوا حماسكم الآن ثم لا تجدون حماساً تبدءون به عامكم الدراسي

من انطلق قبل خط البداية ، توقف قبل خط النهاية(الوصول) !

الشخصيات ما تفكروش فيها بزاف ، ما تشوفوش ليها على أساس انها مشكل

اللي حاب فعلا يراجع للباك ، باش يكون مستعد ومرتاح نفسياً وبدنياً

يخلي الـ15 اللخرين تاع العطلة ، ويبدا يراجع في الحاجات اللي يحتاجهم ا لعام الجاي ان شاء الله

في المواد العلمية بالأخص ..كيما النهايات كيما الاشتقاقية كيما الكيمياء كيما الـadn

هذا رأيي والله ولي التوفيق

ملاحظة : أنا بلا قرايه بلا مراجعة ، غير مالتخمام برك وراني نقول عييت

[mari23]

انا جوزت لباك هذا لعام لهدا انصحكم متبداوش بلحفاضة من درك اتمتعو مليح و ديفوليو و كتدخلو تكراو ابداو احفضو مناه درك معندها حتى معنا

[amar93]

ياختى يعطيك الصحة ولكن من قدرش نحفظ