المدارس التحضيرية

[amouna AYA]

السلام عليكم
ارجوكم احتاج معلومات عن المدارس التحضيرية كنت اريد الدراسة في المدرسة العليا للهندسة المعمارية
لكن هناك من قال ان المدارس التحضيرية مشكوك فيها و مستقبلك فيها مجهول اذا لم تنجح

[mouloudia_26]

انا درت مدرسة متعددة التقنيات حنا نتكلو على ربي
او اللي فيها الخير ربي يجيبها

[تيارتي1]

اللي قالها خويا مولودية صح

المستقبل قاع انتاع الناس مجهول ومايعرفه غير ربي سبحانه......عل العموم المدارس احسن من الجامعات..وإذا نجحت فيهم بإمتياز

فنظن تكون ليك الأفضلية على خريجي الجامعات ان شاء الله.......اذا كنت حابة ذيك المدرسة ولا غيرها توكلي على ربي وزدمي

وعلى ربي التوفيق

[amouna AYA]

المدرارس التحضيرية على ما اعتقد تقراي عامين تحضري روحك فيهم ومنبعد تجوزي امتحان فيه ادا نجحت تكملي الدراسة وادا لا رايحا يضيع عامين من عمرك فهمتي يا امينة وهنا عندنا من نسمعو كلمة كونكور يعني اي فيها المعرفة انا نصحك تتجنبيها والله اعلم المهم انتي شوفي واش يخرج عليك

[تيارتي1]

سمحيلي ختي أمونة ... تتمسخري بينا ؟؟؟ راكي تجاوبي في روحك ولا واش ؟؟؟

[amouna AYA]

شكرا جميعا
اخي تيارتي لم اجب نفسي فالعضوية لي و لصديقتي يعني لزوج عندنا الباسوورد
(منى علاه عليك حرام عليك اكي فضحتيني )

[mouloudia_26]

لا اظن دلك اختي امونة انا قالولي ادا تحصلت على معدل فوق 12 ستلتحق بالمدارس العليا دون مسابقة
ادا كانت لاتصلح لمادا تم فتحها
بصح شعبنا اللي يجي يطيح المورال لخاوتو انا درت حاجة مقتنع بيها
او اللي جابها ربي مرحبا بيها
بالتوفيق لكم اخوتي

[amouna AYA]

منى بنتلي نقمر بعامين و ندير واش حابة حابة مدرسة عليا للهندسة المعمارية و الله رحا نجن الحل نحرق كرهت من الكونكور و المعرفة ماشي خايفة ماننجحش خايفة من المعرفة انا واثقة من روحي نفس الشي قالهولي المستشار مسكين كما سمع بيا بعثلي مع خويا رحتلو اليوم لليسي قالي اكي تقمري بحياتك سيرتو نتي تروحي من جيجل للجزائر العاصمة قالي لازم يكون في ضحايا اكيد مرايحينش يضحيو بتاعهم قالي على الاقل لكان هنا فقسنطينة حتى نتي ديما ديما تلقاي يد تعاونك

[mouloudia_26]

يا اختي ماكاش تقمار
كبان حاجة ادا نجحتي في الكونكور تكملي
وادا قدر ربي او مانجحتيش وهدا لا نتمناه يتم توجيهك الى جامعة تتناسب مع اختصاصك دون تضييع السنتسن
تزيدي تقراي عام في الجامعة او تخرجي
ربي يكون معاك اختي

[amouna AYA]

اخي مولوديا 26 وقيلة ماكش عايش هنا فالجزائر ممم و لا اك قادر على روحك ياخويا عندنا كل شيء ممكن قادر تقرا عامين تحضيري عندك معدل مليح لاباس بيه متنجحش بالعربية مينجحوكش يطيشوك نورمال انا منا من جيجل نروح نقرا في الجي ههه اذا كان لازم ضحايا مراحش يقيمو على القدرات و انما على اشياء اخرى نعلمها جميعا بلادنا و نعرفوها و نعرفو اللي يخدمو فيها و الله اني نقمر بعمري

[amouna AYA]

حصلت حابة هندسة معمارية ماشي نظام ل م د بصح العام هذا مكانش كلاسك على بيها حبيت المدرسة العليا ف الجي للهندسة المعمارية

[amouna AYA]

عموما ربي يجيب اللي فيها خير

[تيارتي1]

ياختي كلمة تقمار هده ماتعاوديهاش نعلي بليس.....قولي نتكل على ربي وان شاء يجيب الخير

الواحد يزير روحه ويدير واش عليه ...وإذا ماكتبلهش ربي حاجة فلانية يحمد ربي ويكمل...قضية البيسطون صح يكون فيها

لكن ليس بالقدر الكبير ونظن خاصة في المدارس العليا...اخاتش اللي يخرج منها إطارات....ممكن واحد ولا زوج ولا حتى ثلاثة وصى عليهم

الوزير ولكن الباقي يستحق.....ربي يعطيك حاجة ترتاحي فيها وتنجحي ان شاء الله

[mouloudia_26]

انا الحمد لله مي اختي امونة صح نعرفو بلادنا بلاد المعرفة , مام انا راني رايح نريسكي شوية انا نسكن في المدية مي راني حاب نقرا في الجزائر
انا لوكان لقيت اختصاص في نظام الكلاسيك في الجامعة نقرا في الجامعة خير مي مالقيتش لهدا درت مدرسة متعددة التقنيات
مي لازم نديرو حاكا اختي 13 سنة او حنا صابرين امالا نكملو صابرين او ربي مافيه عير الخير اختي
خنا نديرو اللي علينا والباقي على ربي

[amouna AYA]

شكرا جميعا انا صايي اكدت اختياراتي
1 صيدلة
2 طب
3 هندسة معمارية قسنطينة
4 مدرسة عليا اعلام الاي
5 مدرسة عليا هندسة معمارية مع سنتين تحضيري
.
.
. عموما لن يتعدو الاختيار الثالث عندي معدل 15.51 صراحة خفت كنت اريد اعلام الي المعدل الحسابي 16.84 اعلم انه صعب او هندسة معمارية مدرسة عليا في الخيار الثاني و الثالث لكن في بلادنا احنا المساكين و ياربي يعطونا طب باه يسكتونا و الناس تقرا فالمدارس العليا اللي جابو المعدل بصحتهم و ربي يزيدلهم بصح فليكونكور رانا كامل عنبالنا واش ورا الستائر
مانيش حابة نريسكي بحياتي اني بنت مرحاش نخلص عمري فالقراية اكثر شي 31 او 32 سنة اذا درت اختصاص فالطب و بعدها معانات العزوبية على بيها مانيش حابة نضيع عامين فالتحضيري

[amouna AYA]

بالنسبة لك اخي تيارتي اها صحيح واح او اثنين او ثلاثة وصا عليهم الوزير فبلاصت شكون فبلاست ناس من حقهم و هذو الناس شكون اللي معندهمش يد

[mouloudia_26]

بالتوفيق لك اختي في دراستك

[amouna AYA]

سلام امينة سمحيلي ادا درتلك مشكل علابالي درك اعضاء الجلفة مايفهموا والوا مي درك نشرحلهم

اعضاء الجلفة هده العضوية لصديقتي ولي في نفس الوقت هي واسمها امينة وتقرا علوم وانا واسمني منى ونقرا لغات اجنبية

نقولك حاجة امينة الاختيارات تاعك راهم ملاح عرفتي تحطيهم في بلاصتهم كيما 5 الاوائل ماعندي مانهدر عليهم ربي يوفقك ان شاء الله وتروح كيما يحب قلبك ان شاء الله


تنبيه يا اعضاء الجلفة ماتقولوش بلي امونة مهبولة جاوب على روحها لاني لست امونة انا صديقتها منى من ميلة ورانا عندنا نفس العضوية * نفس كلمة المرور ونفس الاسم * هي عطاتهولي في بداية العام باش نقرا بيه ومانساش نقولك يا امينة بارك الله فيك

[Vimana_Ch+]

شكرا جميعا انا صايي اكدت اختياراتي
1 صيدلة
2 طب
3 هندسة معمارية قسنطينة
4 مدرسة عليا اعلام الاي
5 مدرسة عليا هندسة معمارية مع سنتين تحضيري
.
.
. عموما لن يتعدو الاختيار الثالث عندي معدل 15.51 صراحة خفت كنت اريد اعلام الي المعدل الحسابي 16.84 اعلم انه صعب او هندسة معمارية مدرسة عليا في الخيار الثاني و الثالث لكن في بلادنا احنا المساكين و ياربي يعطونا طب باه يسكتونا و الناس تقرا فالمدارس العليا اللي جابو المعدل بصحتهم و ربي يزيدلهم بصح فليكونكور رانا كامل عنبالنا واش ورا الستائر
مانيش حابة نريسكي بحياتي اني بنت مرحاش نخلص عمري فالقراية اكثر شي 31 او 32 سنة اذا درت اختصاص فالطب و بعدها معانات العزوبية على بيها مانيش حابة نضيع عامين فالتحضيري

السلام عليكم,

أختي العزيزة ^^ أرى أنك لا تملكين المعلومات الكافية... إذا درست في مدرسة عليا تحضيرية و لم تنجحي - فرضا - في المسابقة, لن تخسري سنتي التحضيري إنما تحوّلين إلى السنة الثالثة في الجامعة العادية... بالطبع توجد جامعتان لتدريس الهندسة المعمارية, عنابة systeme LMD و قسنطينة systemem classique و لهذا أتمنى أن تعيدي تفكيرك, أنا وضعت المدرسة العليا للهندسة المعمارية في المرتبة الثانية من الإختيارات, ^^

Bonne chance à tous et à toutes, ^^
Salamu Alaikom, ^^