مافهمت والو فهاد المدارس التحضيرية

[dj92]

ربي يجازيكم قولولي انا راني حايبة نخير المدرسة الوطنية المتعددة التقنيات وعلى حساب واش نعرف بلي هي مليحة بزاف وزيد انا تساعدني psk ماشي بعيدة
الحاجة لي مافهمتهاش انا اعطاوني فالاختيارات المدارس التحضيريةعلوم وتقنيات اي على حساب ماشفت فالدليل تاع هاد العام حب يقول هاد المدرسة التحضيرية فيها (المدرسة العليا المتعددة التقنيات/المدرسة الوطنية للاشغال العمومية/ري/معادن ومناجم)
انا مافهمتش نقراو عامين تحضير قالك بغض النظرعن ولاية الاقامة حاب يقول نقراو مايشبه الجدع المشترك ولا كيفاش ? وبغض النظر عن ولاية الاقامة مادخلتش في راسي
من بعد نديرو كونكور باش نقراو في وحدة من هاد المدارس الكبرى ?وهل المدرسة حنا لي نخيروها ولا هوما لي يبعثونا وين حبو ?
وشحال نقراو من سنة مور العامين تع المدارس التحضيرية ?
ربي يجازيكم جاوبوني
راهو يجوز الوقت وانا مالقيت واش ندير
جزاكم الله الف خير عاونوني
مارانيش حايبة نندم

[أسامه123]

نفس الأسئلة راهي تسوني في راسي

[dj92]

لي علابالو كاش حاجة يفيدنا

[تاج الكرامة]

مدرسة تحضيرية تابعة لمدرسة عليا معينة مثلا مدرسة تحضيرية للاعلام الالي تابعة للمدرسة العليا للاعلام الالي تدرس فيها لمدة سنتين جذع مشترك و في النهاية تمتحن لتتمكن من مواصلة تخصصك في المدرسة العليا
بالنسبة لتوجيه الطلبة لا أعلم كيف يحتسبونها المهم ليش مثل الجامعات التي تعتمد على الاقرب من حيث الاقامة
اي استفسار اخر انا في الخدمة

[سلمى سلمى]

يا اختي كل مدرسة عليا عندها مدرسة تحضرية تابعة ليها واما بغض النظر على ولاية الاقامة فهذا معناه انه ممكن اي واحد وين مايسكن يقسوه في مدرسة تحضرية تابعة للمدرسة العليا لاختارها وهذا لقلة المدارس التحضرية واحدة لكل اختصاص ام اعوام الدراسة بعد المدرسة التحضرية فهذا حسب الاختصاص واختي نصيحة فكري في حاجة اخرى لانها شوية واعرة بصح اذا اكي قادرة توكلي على ربي ومتتقلقيش مازال الوقت اذا مفهمتيش قوليلي نعاودلك سلام

[sofiane_2052]

السلام عليكم
صح كل مدرسة عليا عندها مدرسة تحضيرية؟؟؟؟
نورمالمو مش كامل عندهم مدرسة تحضيرية
كيما المدرسة العليا تاع الاستاذة نورمالمو معندهاش

[adel yahiaoui]

مرحبا
بالنسبة للمدرسة التحضيرية تدرس عامين ثم تنتقل للدراسة في المدرسة الوطنية المتعددة التقنيات بعد إجراء مسابقة ..
يمكن ان يتم أرسالك إلى أي ولاية ( الجزائر عنابة تلمسان وهران ) بغض النظر عن ولاية الإقامة حيث هناك من يقطن بالعاصمة وتم إرساله إلى عنابة . الدراسة بعد ذلك 3 سنوات يقال أنها صعبة لكن كل شخص وقدراته ما أأكده لك هو أنها مكتظة و ساعات الفراغ نادرة وتتطلب الإنظباط .

إليك الموقع الرسمي يمكن أن يساعدك
www.enp.edu.dz