هل حظي كبير للالتحاق بـ ini

[djremix19]

السلام عليكم و رحمة الله و بركاته

اودا لالتحاق بالمدرسة العليا للاعلام الآلي و ان لم أقبل فيها سأعيد السنة

معدلي 14.16 شعبة رياضيات ..علامة الرياضيات 16.5 .. علامة الفيزياء14

فيكون المعدل الحسابي 14.88 أي أني سألتحق بالترتيب لأن المعدل الحسابي الأدني13.00 بالنسبة للرياضي

لكن بعد الدخول في الترتيب .. هل حظي كبير للالتحاق بالمدرسة :rolleyes:

ثم هناك أمر أققلقني كيف لشعبة العلوم أن يكون لها باك"" ثم يتعاملون معها بنفس طريقة تعاملهم مع الرياضيين في الترتيب الجامعي

[yaniso]

po a 100/100 mè takdarrrrrrrrrrrrrrr
w nchalah yakablouk

[ghostdz30]

يا خويا 16 و في الشك انا معدلي الحسابي 15.04 لكن شعبة علوم و لاكان الباك خبزة كيما راك تقول علاه ماجيتش قريتها و هنيت روحك

[تاج الحكمة]

وما الفرق بين العلميين والرياضيين حتى الرياضيين هذا العام عندهم الباك خبزة الرياضيات داروهالكم ساهلة بزاف:rolleyes: حتى ولاو يدو فيها 20 /20 واحنا العلميين عندنا العلوم ماهيش صعيبة بصح مافيهاش ال20/20 لأن اجباتها ترجيحية :rolleyes:
لذلك لا ارى أي فرق بين العلميين والرياضيين لوكان صعبولكم المات والفيزياء وحتى ولو تدو 13 المعدل نقولو بلي انتم الاولوية بصح مادام نتوما سهلولكم في المات والفيزياء وحنا في العلوم رانا كيف كيف:)

[دمعه بريئة]

هادي باك خبزة ماكانش منها
مصطلح ماعندوش بلاصتو في الدراسة
خاطر الي اداه يعني راه قرالو
هادي هيا


+++++++++++++++++++++++++++++++++++
اما فيما يخص الاختصاص الي تحبو نظن عندك حظ لكن
مش كبير
ومادام تقني
عنكم انتم الاولوية
ومازال ما تنساش
هاد المعدل الادنى الي راك تقول عليه هذا اولي
ضرك حتى يشوفو الرغبات ومن بعد يطلعو المعدل اذا كان الطلب على l'ini

وان شاء الله ربي يوفقك الي تمنيتو

[djremix19]

لي غاضتهم هدرتي على باك خبزة .. انا نشوف ناس بزاف كانو يجيبو 10 و 11 و 9 داو الباك حتى ب 14 هادو علميين بصح رياضيات كل قسم تلقا 4 حتى 10 كي يكترو من 40 لي نجحو .. و مبعد يجيو يفسدو علينا فالجامعة .. الأفضل تبانلي كون يديرلك كونكور انفورماتيك فالدخلة .. خاطر كاين حتى لي جامي قراو في ثانوية يقريو لي ماجار دو برومو تم .. مثال دي زاد تيم فيهم لي حبس 1 متوسط

[C0M0D0]

ما تنساش لحكاية تع الأولوية
حنا شعبة رياضيات عندنا الأولوية
أي حتا ندخول قع باه يقدر لمخير تع العلميين باه يدخل

أنا نظن عندك فرصة

[C0M0D0]

بالإضافة لو كان تشوف الترتيب تع جيد جدا في الشروق
تلقى كل 20 و 30 واحد علمي في وسطهم واحد رياضيات

شوف في الشروق تفهمني

[amin.best]

هههههههههههههههههههههههه
لقد اضحكتني....باك خبزة

وعلاش نت ماقريش علوم تجريبية وهنيت روحك؟؟؟؟؟؟؟؟

الله يهديك

[amin.best]

ااااااااه حق نسيت

ماغاديش يقبلوك المعدل تاعك ضعيف بزااااااااااف
سواء العام او الحسابي

روح شوف حاجة وحدة اخرى تخرج عليك
مثل ل.م.د ادب ولا ل.م.د فلسفة
نظن غادي تنجح فيهم

اخطيك من الاعلام الالي
راك ضعيف في الرياضيات والفيزياء
ماراحش تقدرلها

[C0M0D0]

علاه يا خو تهبطلو في المورال

عندوا حظ كبير

[hafid47200]

khouya wach bik nta math w ga3ed ghir taw3ar 3lina
ana b 10 é science w raye7 noudkhoulha w rassi lfou9
oug3oud inta i7seb

[ghostdz30]

ما تنساش لحكاية تع الأولوية
حنا شعبة رياضيات عندنا الأولوية
أي حتا ندخول قع باه يقدر لمخير تع العلميين باه يدخل

أنا نظن عندك فرصة

ههههههههههههه أقعد أتسنا

[ghostdz30]

لي غاضتهم هدرتي على باك خبزة .. انا نشوف ناس بزاف كانو يجيبو 10 و 11 و 9 داو الباك حتى ب 14 هادو علميين بصح رياضيات كل قسم تلقا 4 حتى 10 كي يكترو من 40 لي نجحو .. و مبعد يجيو يفسدو علينا فالجامعة .. الأفضل تبانلي كون يديرلك كونكور انفورماتيك فالدخلة .. خاطر كاين حتى لي جامي قراو في ثانوية يقريو لي ماجار دو برومو تم .. مثال دي زاد تيم فيهم لي حبس 1 متوسط

مادا بينا يديرو كونكور باه نعرفو شكون اللي يستاهل هاذاك الوقت تنشوفوك إذا تتصحلك

[ianissam]

li da l bac dah lroho éé je pense koun koul wahed yekta broho kima rakem latyine benass rakem mach kima heka pffffff

[hocine101]

أخي الغزير في الجزار تقري في ini او في داركم في عندك عمك كيف كيف الانه في النهاية ستكون بطال بتفوق اما الباك هذا شانك اما المدرسة العليا او الجامعة لي قرى يلقى أنا عندي باك 10 قريت اعلام الى في الجامعة وخلصت بمعدل عام في الجامعة 15 ولقيت خدمة و راني راح نكمل ماستر و صاحبي راهو خلص من المدرسة العليا و راهو يبيع في السوق الحوت .

[أتال]

ربي إسهل خويا حتى المعهد راهوا حاجة فور و القراية فيه حاجة فور أس نون ................bon courage mon frére

[djremix19]

ااااااااه حق نسيت

ماغاديش يقبلوك المعدل تاعك ضعيف بزااااااااااف
سواء العام او الحسابي

روح شوف حاجة وحدة اخرى تخرج عليك
مثل ل.م.د ادب ولا ل.م.د فلسفة
نظن غادي تنجح فيهم

اخطيك من الاعلام الالي
راك ضعيف في الرياضيات والفيزياء
ماراحش تقدرلها

وحدة وحدة برك خويا ... زعم ما قتلتلك حتى واحد .. مافهمتش علاه العنف هدا

[djremix19]

هيا شكون عندو جواب

[حارق روما]

لي غاضتهم هدرتي على باك خبزة .. انا نشوف ناس بزاف كانو يجيبو 10 و 11 و 9 داو الباك حتى ب 14 هادو علميين بصح رياضيات كل قسم تلقا 4 حتى 10 كي يكترو من 40 لي نجحو .. و مبعد يجيو يفسدو علينا فالجامعة .. الأفضل تبانلي كون يديرلك كونكور انفورماتيك فالدخلة .. خاطر كاين حتى لي جامي قراو في ثانوية يقريو لي ماجار دو برومو تم .. مثال دي زاد تيم فيهم لي حبس 1 متوسط


خويا نظن باللي اللي قراو شعبة رياضيات هما دوك الضعاف اللي مقبلوهم في شعبة العلوم التجريبية الا المتفوقين اكيد بالصح نقولك بللي احنا علوم 5 معامل الرياضيات و الفيزياء اما العلوم 6 اما نتم معامل العلوم 2 فقط يعني رانا جمعنا كلش و شفنا اسئلتكم تع الباك جد عادية الا انو توجد بعض الامور خارجه من البرنامج تعنا هذا كل ما في الامر .. اما تقول باللي باك علوم خبزة هذا كلام يقولو واحد عقلو كلاه الجهل..و الباك باك و اذا كان ساهل ساهل على اللي قرالو مهيش واحد قاعد و يديه اما هذا االي كان يدي 9 و دا 14 خاصة اذا خدم في المات و الفيزيك راح يقدر يدخل ليني و نتا تريح تكحل برك وراه حشاهالك زير روحو شهر و جاب 14 .. باش متفشلش ممكن جدا مقبلوكش في المدرسة الوطنية للاعلام الآلي لأنو معدلك الحسابي ضعيف شوي ..

[محبة الحبيب]

بناتي و أبنائي الطلبة الناجحين الجدد في شهادة البكالوريا

أولا هنيئا لكم النجاح بعد جهد سنوات كثيرة كللت في الأخير بهذه الشهادة التي تعتبر من أغلى الشهادات و مفتاح لكل نجاح في المستقبل
لكن لدي ملاحظة بعد أن تتبعت جدالكم حول أحسن الشعب
هل الرياضي أحسن من العلمي
بل وصل الأمر إلى تحقير الفلسفة و العلوم الإنسانية
و لعل هذا من الأمور التي جعلت مجتعنا متخلف عن باقي المجتمعات
لابد أن تؤمنوا بقيمة التخصص فكل تخصص له قيمته العلمية و المعرفية و أكيد سيكون له شأن في تقدم المجتمع ليس فقط في المجال العلمي بل المجال الفكري و العقلي و الأخلاقي
لهذا ترون مثلا أنه في ألمانيا يدرس طلبة الطب و الهندسة مقياس الفلسفة و معاملها 7 و هذا لأنهم يدركون قيمة الفكر و الإنسان و أكيد الحضارة تبنى على الفكر و الانسان و التقنية
لهذا نرجو أن يتم النقاش بينكم في احترام و ود لأن الهدف هو تبادل الخبرات خاصة و أنكم في فترة حساسة فترة التسجيلات
وفقكم الله لما يحبه و يرضاه

[ArANYA_NEGRE]

اخي مشكور علتى الكلام الشاب تاعك على شعبة العلوم ولكن انا بعثوني رياضي وماحبيتش نروحلها لأنها صراحة شعبة تاع شيعة برك زعما رانا رياضي كيما شعبة الطب فالجامعة ولات نفس الشيئ
اما فيما يخص المدرسة العليا للإعلام الآلي والله صعب الدخول ليها
انا عندي الباك
14.43 والماط 17.5والفيزيك16
المعدل الحسابي جا تقريبا 16 (15.98)
ودرنها خيار أول وماشكيتش ادا تطيرلي بلاصة
ونزيد نفهمك في حاجة على هدرتك فيما يخص الكونكور اللي تقول عليه راني هنا نهدرو على واش حبيت
من البرمجة للينيكس لل.....والدي زاد ايم اللي هدرت عليهم نقهمك بلي الإعلام الآلي ماهوش يعني الإختراق
الإختراق قطرة في بحى الإعلام الآلي

وادا تحب تنظم لفريق مليح كيما دي زاد تيم ارواح نديرلك test
ماداخلش فيها الأجهزة غير مواقع من Sql لل Perl
اتهلا في روحك واسمحلي راني نهدر بزاف:1:

[ArANYA_NEGRE]

للتدكير العام الماضي المعدل النهائي وصل ل12.96 بالنسبة لل ini
والعام اللي قبلو وصل 16.55 الله يسترك برك

[djremix19]

اخي مشكور علتى الكلام الشاب تاعك على شعبة العلوم ولكن انا بعثوني رياضي وماحبيتش نروحلها لأنها صراحة شعبة تاع شيعة برك زعما رانا رياضي كيما شعبة الطب فالجامعة ولات نفس الشيئ
اما فيما يخص المدرسة العليا للإعلام الآلي والله صعب الدخول ليها
انا عندي الباك
14.43 والماط 17.5والفيزيك16
المعدل الحسابي جا تقريبا 16 (15.98)
ودرنها خيار أول وماشكيتش ادا تطيرلي بلاصة
ونزيد نفهمك في حاجة على هدرتك فيما يخص الكونكور اللي تقول عليه راني هنا نهدرو على واش حبيت
من البرمجة للينيكس لل.....والدي زاد ايم اللي هدرت عليهم نقهمك بلي الإعلام الآلي ماهوش يعني الإختراق
الإختراق قطرة في بحى الإعلام الآلي

وادا تحب تنظم لفريق مليح كيما دي زاد تيم ارواح نديرلك test
ماداخلش فيها الأجهزة غير مواقع من sql لل perl
اتهلا في روحك واسمحلي راني نهدر بزاف

وحدة وحدة برك شريكي ... انا سؤالي هل حظي كبير للالتحاق ما سألتش كم لغة برمجة تحفظ اسمها

[amin.best]

خويا نظن باللي اللي قراو شعبة رياضيات هما دوك الضعاف اللي مقبلوهم في شعبة العلوم التجريبية الا المتفوقين اكيد بالصح نقولك بللي احنا علوم 5 معامل الرياضيات و الفيزياء اما العلوم 6 اما نتم معامل العلوم 2 فقط يعني رانا جمعنا كلش و شفنا اسئلتكم تع الباك جد عادية الا انو توجد بعض الامور خارجه من البرنامج تعنا هذا كل ما في الامر .. اما تقول باللي باك علوم خبزة هذا كلام يقولو واحد عقلو كلاه الجهل..و الباك باك و اذا كان ساهل ساهل على اللي قرالو مهيش واحد قاعد و يديه اما هذا االي كان يدي 9 و دا 14 خاصة اذا خدم في المات و الفيزيك راح يقدر يدخل ليني و نتا تريح تكحل برك وراه حشاهالك زير روحو شهر و جاب 14 .. باش متفشلش ممكن جدا مقبلوكش في المدرسة الوطنية للاعلام الآلي لأنو معدلك الحسابي ضعيف شوي ..

كلامك صح اخي مئة بالمئة

[RiADATVENT]

لا توجد أولوية في المنشور للـ ini


+ لدي 15.52 كمعدل حسابي و خائف ...

[ArANYA_NEGRE]

وحدة وحدة برك شريكي ... انا سؤالي هل حظي كبير للالتحاق ما سألتش كم لغة برمجة تحفظ اسمها

اسمحلي خويا مي والله راك عندك مرض من جماعة العلوم وزيد ادا كان في اسماء اللغات
ارواح نعطيك ليست ومعاها دروس :19:

[googlell]

script kiddies