أرجوكم, مساعدة في أقرب وقت

[Rafife09]

السلام عليكم
التسجيلات انطلقت من يوم امس وانا ما زلت محتارة في أمري تحصلت على معدل 15.21 و انا في شعبة رياضيات
قررت نحط الطب كرغبة أولى و لكن خايفة كون ما يقبلونيش وما علاباليش وش نعمل في الرغبات الاخرى
والدتي تصر عليا و تقللي غير أعملي طب ثم صيدلة و ثم جراحة اسنان على الترتيب و لكن انا ما نحبش نقرا صيدلة لأن الصيدلة في بلادنا تجارة و انا ما نحبهاش يعني نقرا نقرا و من بعد نروح نبيع في حانوت يسموه صيدلية ويني قرايتي أنا نحب نعمل حاجة تنفع المجتمع و نستعمل فيها قرايتي
و ادا قريت صيدلة نكمل دراسة ونعود نخدم في الادوية و لكن كيما تعرفو هدا في بلادنا ...............
جراحة الاسنان ما نحبهاش جريحتي ما تحطش عليها خلاص
خممت في المدرسة العليا للهندسة المعمارية و العمران و لكن قريت في موضوع أنها ندخلولها بكونكور صعب جدا بحيث أنو في موضوع وحايد فوتوه العوام اللي فاتو قالو بللي راهم تحصلو على علامة 18 في الباك و1 في الكونكور و غيرهم علامات فوق الممتازة في الباك و علامات تخجل في الكونكور بالنسبة للصعوبة أنا عندي ارادة و قررت نبدا نراجع من درك الكونكور في 8 أوت باه في حالة ما قبلونيش في الطب نفت للهادي المدرسة
قالولي نفوتو الرياضيات و الفيزياء و الكيمياء و الفرنسية و الانجليزية و الرياضة وتاست بسيكو تكنيك و فحص طبي
وقالولي ثاني هادي المدرسة لا فيها استدراك و لا هم يحزنون اللي ما ينجحش في عام يسحتوه مباشرة حبيت نطلب نصيحة كل مجرب في الحوايج اللي حكيت عليها كامل
بالنسبة للمدرسة العليا للهندسة المعمارية و العمران كاين وحايد يوقولو بللي راهي عسكرية ووحايد يقولو مدنية
اللي عندو معلومة يقللي ما هو الصحيح عسكرية أم مدنية ؟
في حالة ما كانت عسكرية هل يسمح للبنات بارتداء الحجاب وكي تتخرج مدا سيكون مصيرك؟
هل فعلا رح يلزموك بتوقيع عقد ل 25 سنة و لا يخليوك تخدم وين تحب؟
في حالة ما نجحتش في سنة و تم طردي مادا سيكون مصيري؟
أرجوكم ساعدوني انا في امس الحاجة لنصيحتكم و ما لقيتش شكون فعلا ينصحني وش ممنكن نقرا
أنا من قبل كنت نحس أني بلا طموح ووبعد ما لقيت حاجة نحبها نحب نقراها هي الطب وأصبح عندي طموح ربما ما يقبلونيش في هادي الحالة أنا في مفترق الطرق وفي أشد الحاجة لمساعدتكم في اقرب وقت ممكن

[تاج الكرامة]

السلام عليكم ورحمة الله و بركاته

أعتقد ان لديك خلط بين مدرستين مختلفتين

بالنسبة للمدرسة الوطنية العليا للهندسة المعمارية هي مدنية التسجيل فيها وطني ولاتوجد اولوية بين الشعب و المعدل المطلوب مبدئيا 14 و يمكن ان يتزايد تتم الدراسة فيها لمدة سنتين جذع مشترك ثم تخوضين اختبار لمواصلة دراسة تخصصك
أما ما تكلمت عنه فهي مدرسة عسكرية تسمى بالمدرسة الوطنية لدراسات مهندس enpi
فيها امتحان دخول يقال أنه صعب نوعا ما في حال الفشل فيه سيقدم اليك اقتراحات لدراسات اخرى
أما عن مسألة الحجاب فقد رأيت منذ أقل من شهر حفل تخرج دفعات ولم اجد اي فتاة محجبة و اعتقد ان الحجاب مرفوض و الله اعلم
و بصراحة انا ايضا مثلك شعبة رياضيات حتى المعدل قريب منك و جد محتارة في التخصص

[belmani oussama]

أنا ننصحكم بالمدرسة الوطنية المتعددة التقنيات
تقراو فيها سنتين للتحضير ومبعد ديرو كونكور ولي ماينجحش يسحتوه
هدا على حسب ماقريت
ولا خيرو هندسة كهربائية والكترونيك هادي في جامعة في بومرداس

[Rafife09]

السلام عليكم ورحمة الله و بركاته

أعتقد ان لديك خلط بين مدرستين مختلفتين

بالنسبة للمدرسة الوطنية العليا للهندسة المعمارية هي مدنية التسجيل فيها وطني ولاتوجد اولوية بين الشعب و المعدل المطلوب مبدئيا 14 و يمكن ان يتزايد تتم الدراسة فيها لمدة سنتين جذع مشترك ثم تخوضين اختبار لمواصلة دراسة تخصصك
أما ما تكلمت عنه فهي مدرسة عسكرية تسمى بالمدرسة الوطنية لدراسات مهندس enpi
فيها امتحان دخول يقال أنه صعب نوعا ما في حال الفشل فيه سيقدم اليك اقتراحات لدراسات اخرى
أما عن مسألة الحجاب فقد رأيت منذ أقل من شهر حفل تخرج دفعات ولم اجد اي فتاة محجبة و اعتقد ان الحجاب مرفوض و الله اعلم
و بصراحة انا ايضا مثلك شعبة رياضيات حتى المعدل قريب منك و جد محتارة في التخصص

شرا لكي أختي

[Rafife09]

أنا ننصحكم بالمدرسة الوطنية المتعددة التقنيات
تقراو فيها سنتين للتحضير ومبعد ديرو كونكور ولي ماينجحش يسحتوه
هدا على حسب ماقريت
ولا خيرو هندسة كهربائية والكترونيك هادي في جامعة في بومرداس
شكرا لك و لكن ماكش تشوف معايا بللي اللي اقترحتو عليا مناسب اكثر للأولاد و لا يليق كثيرا بالبنات
بالنسبة للدراسة و للوقت القريب لا مشكل و لكن يعني الانسان لازم يخمم لبعيد ومشني حابة نعمل حاجة نندم عليها

[belmani oussama]

ههههههههههههه عندك حق نسيت
بصح مافمتش في هادو المدارس؟؟؟
تقرى عامين ومبعد دير كونكور وكي ماتنجحش يسحتوك مافمتش علاه يديرو في هادي

[Rafife09]

ههههههههههههه عندك حق نسيت
بصح مافمتش في هادو المدارس؟؟؟
تقرى عامين ومبعد دير كونكور وكي ماتنجحش يسحتوك مافمتش علاه يديرو في هادي
مام أنا راني حايرة ادا ما نجحتش في الكونكور وش رح يكون مصيري ورح يروحو عامين خسارة
هي من المفروض أنا ناوية نقرا وكي نحط حاجة في راسي لازم نلحقها يعني لازم ننجح غير لا ما كتبليش ربي و لهدا حبيت نعرف التفاصيل
أرجو من كل من عندو معلومات يفيدنا في اقرب فرصة تخلطت عليا الأمور كامل و ما فهمت فيها والو و الوقت ما بقاش

[belmani oussama]

المهم ربي يوفقك
عندي اقتراح ان شاء الله يكون الحل
صلي صلاة الاستخارة وان شاء الله ربي يوفقك
ماتقليش مانعرفهاش؟؟ قريتيوها في السنة التانية

[امين الاسلام]

اختي يخري براحتك وماتخليش واحد يضغط عليك ويقولك واش ديري
وبالتوفيق ان شاء الله

[أستاذ طه]

الأخت rafife09 دعي القلق جانبا فهو لن يحل أية مشكلة
أنصحك بما يلي :
انتبهي أنه عليك ملأ 10 رغبات كاملة وليس رغبة واحدة لذلك عليك بحصر رغباتك في 20 أو حتى 30 رغبة تكتبينها في ورقة وبعد أن تأخذي قسطا من الراحة أو حتى غدا خذي الورقة من جديد وشطبي على الرغبات التي عدلت عن اختيارها (رفضتيها )بقي عدد قليل من الرغبات
ضعي رغبة الصيدلة رقم 1 واعلمي أنها لن تعطى لك sur لأن المعدل سيكون مرتفعا وهذا ما عهدناه في هذا الفرع وحتى وإن أعطيت لك فإني أعرف صيادلة يأتيهم الأطباء ليشرحوا لهم الدواء بالتفصيل فالقضية ليست تجارة فقط وانما دراسة فأنا أعتقد أن الصيدلي الحاذق أدرى في كثير من الأحيان من الطبيب وهذا بالتجربة + وقت فراغ كبير + راحة تامة ورفاهية + سفريات إلى دبي وفرنسا والمغرب كل سنة جراء تنزيل طلبات من بعض العملاء يعني نعمة غاية
الرغبة الثانية هي الطب وأنا أحس بأنها هي التي ستلبى لك
الرغبة الثالثة جراحة الأسنان ولا تقولي جوارحي ما حطتش عليها فهو أيضا فرع ممتع ومفيد للمجتمع وأخف حتى في العمل ( لا يعملون في الليل )
الفروع الأخرى التي أنصحك بها هي : الهندسة المعمارية ، الإعلام الآلي ،الإدارة ، المحروقات ، المدارس العليا بكافة تخصصاتها بالترتيب الذي ترينه مناسبا
واعلمي أنه لا يدري أحد ما سيحدث في الجزائر بعد 4 أو 5 سنوات ( نمشو بالبراكة ) وممكن الفرع اللي تحقريه الآن يصبح مطلوب جدا في ذلك الوقت
توكلي على الله ولن يكون إلا ما يفرح قلبك
وكما يقال : أنا أريد وأنت تريد والله يفعل ما يريد

[أستاذ طه]

بخصوص المدرسة العليا لدراسات مهندس enpei أنصحك بعدم الدخول لها أما الحجاب فلا يوجد بالمرة لأنك في مدرسة عسكرية وعندها نظام منضبط للغاية ، الطاقم التربوي من خيرة الأساتذة الجامعين ،التكوين عالي ، تستطيع الخروج للعمل كمهندس مدني أو البقاء في الجيش عقد بـ 25 سنة ، أنا عندي واحد من العائلة يدرس بها لكن أظن أنه نائم ويضع الهاتف في الوضع الصامت
بالمناسبة عندي ملف عنها سأبعثه لك على نفس الصفحة بعد قليل - شريط حول هذه المدرسة -
وكنصيحة أرجوك لا تجعلي أحدا يقرر مكانك ولو كان أقرب الناس إليك فأنت من سيدرس وليس هو ، من حقه أن يوجهك من بعيد حتى لا يتحمل تبعية اختياراتك في المستقبل وتقولي لو كان درت هذي خير ووووو .....

[أستاذ طه]

الملف على الرابط :
محذووووووووووووووووووووووووووووووووووووووووووووووو وف

[أستاذ طه]

السلام عليكم
الأخت Rafife09 سأضطر لحذف الملف أرجو أن تكون قد اطلعت عليه وتعرفتي على المدرسة العليا التحضيرية لدراسات مهندس أظن أنها موجودة بالرغاية
هل من جديد في اختيارتك هل حزمت أمرك

[Rafife09]

شكرا جزيلا لك يا استاد بارك الله فيك وجزاك الله خيرا

اطلعت على الملف كافي و وافي ما شاء الله

ولكن أنا حبيت نعرف ادا ما كانت المدرسة المتعددة العلوم للهندسة المعمارية و العمران تابعة للمدرسة العليا التحضيرية لدراسات مهندس
في حالة لا هل هي عسكرية أم مدنية؟ هل يسمح للبنات بارتداء الحجاب؟ قالولي نقراوعامين تحضيري ونفوتو كونكور
حبيت نعرف الكونكور قبل الدخول الى المدرسة التحضيرية ولا بعد عامين من الدراسة في المدرسة التحضيرية؟
في حالة ما نجحتش في الكونكور لا قدر الله بعد الدراسة لمدة سنتين وش رح يكون مصيري هل سيتم طردي و لا كيفاه؟
ما هي المواد اللي يقراوها؟ و كي يتخرج ماهي الدرجة التي يحصل عليها ووش ووين ممكن يخدم؟
ادا ممكن اللي يعرف أي معلومة يساعدني

بالنسبة للرغبة الأولى أنا قررت طب وخلاص و نظرتك للصيدلة يا أستاد لا أوافقك فيها و ان كان الطبيب يستعين بالصيدلي للمعرفة بخصوص الأدوية لأن الصيدلي هادي خدمتو وهادي بمجرد انك تخدم 6 شهر تقدر تعرفها
و أصلا الصيدلي مش يعرفها لأنو يطلع أو يحب يقرا أو لأنو عمل مجهود وتعب روحو و انما لأنو يتعامل مع الdélégué هدا ال délégué يدور على الصيدليات ويعطي معلومات عل الأدوية بعد ما يحفضوهوملو كيف الطفل الصغير تبعثو أمو و توصيه على حاجة قبل ما يخرج و هو يوصل و يعاود الهدرة وخلاصل و بعيد عن هادي الطبيب بامكانو يخدم خدمة الصيدلي مهما كان وبالاك يخدمها خير منو و لكن الصيدلي لو تجيبو و تقلوشخص المرض ولا أعمل عملية مش ممكن يخدمها

يعني لا مجال للمقارنة وش جاب لجاب
بالنسبة للرحلات الى فرنسا وغيرها كل واحد وشطارتو مش الصيادلة كامل يروحو يروح واحد في 100
و هدا لا يعني أن الأطباء ما يروحوش رحلات أحنا نعرفو طبيب صديق ويجينا للدار و يخدم لهنا و طبيب عام مش حتى مختص و دائما يروح رحلات يعملوها للأطباء في كل رحلة يروح يعني مش كل طبيب يروح رحلة وكل صيدلي يروح رحلة

وبالنسبة لوقت الفراغ اللي عند الصيادلة يسمحلهم بالاطلاع اكثر مش بالضرورة يكون عندك وقت فراغ باه تطلع اللي يحب يطلع لازم يطلع حتى لوكان مخنوق خلاص وكي يعود واحد ما عندوش طموح تلقاه فاتح صيدلية و جايب ناس يخدموعندو وهوكأنو فاتح سوبيرات يطل عليهم ساعات و خلاص يعني كل واحد و طموحو تلقى واحد وحدويحب ويصر على انو يعرف كلش و واحد خلاص المهم يجيب دراهم هكاك عندو راو نجح
و نشوف بللي الطبيب الحق ما يحبش يخللي حاجة ما يعرفهاش طول الوقت يطلع و قد ما يقرا يقول ما قريتش و كي يلقى بللي الخدمة و القراية أصبحت تمثل الغالبية القصوى لوقته وحياته هداك هو البليزير تاعو من المفرزض هدا هو الطبيب وطالب الطب و هادي شخصيتو و هويته مبنية على المطالعة والدراسة
ولكن احنا تخلطت عليناالدنيا بعد ما رتبو الصيدلة قبل الطب وهدا كاين غير في بلاد ميكي أين الناس تقيم على حسب المادة و ما تشوفش قيمة المهنة النبيلة في دول أخرى شفت بلي باه يدخل طب لازم يكون عندو مجموع 90 من 100
و اللي حز في نفسي أني لما قريت في الدليل تاع تونس قالولهم بللي الأوائل يبعثوهم يقراوفي سويسرا و فرنسا وألمانيا ووو.................
و اللي يجيو الأخيرين ويصرو على دراسة حاجة مثل الطب يبعثوهم لسينيغال و الجزائر يعني .......

المهم كل واحد و قناعتوأنا هادي قناعتي و نظرتي و الله أعلم

شكرا جزيلا مرة اخرى الملف كان رائع جدا

[*قلبي ملك ربي*]

استخيري الله واختاري مايريحك
و لكن أظن الطب أحسن خاصة في بلدنا اضافة الى مايناسب الفتاة
موفقة اختي رفيف
يسر الله خطاك

[maissa38]

السلام عليكم اخت Rafife09
ممكن يكون هدا تطفل مني لاني رايحة نمدلك رايي وبكل صراحة
الطب صح حاجة مليحة ومليحة بزاف بصح متنسايش بلادك راهي في حاجة لتطوير صناعة الادوية . مانيش عارفة علاه تشوفو الصيدلي كيما واحد يبيع حضرة في الحانوت .....حتى لوينتا و حنا نبقاو نجيبو الدوا من الخارج علاه ما نصنعوهش هنا في الجزائر
انا العام الجاي ان شاء الله نفوت الباك وادا جبتو و قدرني ربي ندير صيدلة ... انا ضد اي واحد يقرا لمصلحته الشخصية ...انت قلتي الطب باش تساعدي الناس ....كون الدوا يتصنع علي يدك انت ويد صيادلة آخرين ... نقدرو نقصوا من الادوية المستوردة و بالتالي تنخفض الاسعار وتكوني قدمت معروف كبير للناس
أنا في رايي الخاص .... الصيدلة احسن من الطب باش تخدمي بلادك... لانو دوك راه اللي يجيب الباك بتقدير يقول نقرا طب
فكري مليح وما تتسرعيش لأنو إدا راكي تقراي على جال بلادك قطاع الصيدلة أي صناعة الادوية يحتاجك ..
في الاخير اسمحيلي إدا ما عجبكش رايي
موفقة بإذن الله

[silver3100]

السلام عليكم
التسجيلات انطلقت من يوم امس وانا ما زلت محتارة في أمري تحصلت على معدل 15.21 و انا في شعبة رياضيات
قررت نحط الطب كرغبة أولى و لكن خايفة كون ما يقبلونيش وما علاباليش وش نعمل في الرغبات الاخرى
والدتي تصر عليا و تقللي غير أعملي طب ثم صيدلة و ثم جراحة اسنان على الترتيب و لكن انا ما نحبش نقرا صيدلة لأن الصيدلة في بلادنا تجارة و انا ما نحبهاش يعني نقرا نقرا و من بعد نروح نبيع في حانوت يسموه صيدلية ويني قرايتي أنا نحب نعمل حاجة تنفع المجتمع و نستعمل فيها قرايتي
و ادا قريت صيدلة نكمل دراسة ونعود نخدم في الادوية و لكن كيما تعرفو هدا في بلادنا ...............
جراحة الاسنان ما نحبهاش جريحتي ما تحطش عليها خلاص
خممت في المدرسة العليا للهندسة المعمارية و العمران و لكن قريت في موضوع أنها ندخلولها بكونكور صعب جدا بحيث أنو في موضوع وحايد فوتوه العوام اللي فاتو قالو بللي راهم تحصلو على علامة 18 في الباك و1 في الكونكور و غيرهم علامات فوق الممتازة في الباك و علامات تخجل في الكونكور بالنسبة للصعوبة أنا عندي ارادة و قررت نبدا نراجع من درك الكونكور في 8 أوت باه في حالة ما قبلونيش في الطب نفت للهادي المدرسة
قالولي نفوتو الرياضيات و الفيزياء و الكيمياء و الفرنسية و الانجليزية و الرياضة وتاست بسيكو تكنيك و فحص طبي
وقالولي ثاني هادي المدرسة لا فيها استدراك و لا هم يحزنون اللي ما ينجحش في عام يسحتوه مباشرة حبيت نطلب نصيحة كل مجرب في الحوايج اللي حكيت عليها كامل
بالنسبة للمدرسة العليا للهندسة المعمارية و العمران كاين وحايد يوقولو بللي راهي عسكرية ووحايد يقولو مدنية
اللي عندو معلومة يقللي ما هو الصحيح عسكرية أم مدنية ؟
في حالة ما كانت عسكرية هل يسمح للبنات بارتداء الحجاب وكي تتخرج مدا سيكون مصيرك؟
هل فعلا رح يلزموك بتوقيع عقد ل 25 سنة و لا يخليوك تخدم وين تحب؟
في حالة ما نجحتش في سنة و تم طردي مادا سيكون مصيري؟
أرجوكم ساعدوني انا في امس الحاجة لنصيحتكم و ما لقيتش شكون فعلا ينصحني وش ممنكن نقرا
أنا من قبل كنت نحس أني بلا طموح ووبعد ما لقيت حاجة نحبها نحب نقراها هي الطب وأصبح عندي طموح ربما ما يقبلونيش في هادي الحالة أنا في مفترق الطرق وفي أشد الحاجة لمساعدتكم في اقرب وقت ممكن




en médecine je suis presque sure qu'il vont t'accepter

[Rafife09]

السلام عليكم اخت rafife09
ممكن يكون هدا تطفل مني لاني رايحة نمدلك رايي وبكل صراحة
الطب صح حاجة مليحة ومليحة بزاف بصح متنسايش بلادك راهي في حاجة لتطوير صناعة الادوية . مانيش عارفة علاه تشوفو الصيدلي كيما واحد يبيع حضرة في الحانوت .....حتى لوينتا و حنا نبقاو نجيبو الدوا من الخارج علاه ما نصنعوهش هنا في الجزائر
انا العام الجاي ان شاء الله نفوت الباك وادا جبتو و قدرني ربي ندير صيدلة ... انا ضد اي واحد يقرا لمصلحته الشخصية ...انت قلتي الطب باش تساعدي الناس ....كون الدوا يتصنع علي يدك انت ويد صيادلة آخرين ... نقدرو نقصوا من الادوية المستوردة و بالتالي تنخفض الاسعار وتكوني قدمت معروف كبير للناس
أنا في رايي الخاص .... الصيدلة احسن من الطب باش تخدمي بلادك... لانو دوك راه اللي يجيب الباك بتقدير يقول نقرا طب
فكري مليح وما تتسرعيش لأنو إدا راكي تقراي على جال بلادك قطاع الصيدلة أي صناعة الادوية يحتاجك ..
في الاخير اسمحيلي إدا ما عجبكش رايي
موفقة بإذن الله
سلام أختي
علاه نعتبرو تطفل فالدعوة للجميع
و علاه نتغشش ألأنك قلتي رايك بصراحة أم لأن رأيك معارض لرأيي
أنا انسانة ديموقراطية واتقبل اراء الجميع
بالنسبة لصناعة الأدوية هل تظنين أنها تقتصر على الصيادلة لا الأطباء أيضا يساهمون في صنع الدواء و دلك بمواصلة الدراسات العليا في مجال الأدوية و ربما الطبيب ادرى و أعرف في صنع الأدوية من الصيدلي لأن الطبيب يقدر يشخص المرض أكثر و بالتالي يقدر يوجدلو حل أكثر
فكرتك رائعة في مجال تطوير صناعة الأدوية وانا ان شاء الله ان قريت طب رح نكمل باه نساهم في تطوير الأدوية
أنا لا أقلل من شأن الصيدلة أبدا ولكن الواقع اللي في بلادنا هو اللي يقلل من شأنها ويقارنها بحانوت خضرة
ان المشكل هي قلة التطلع والطموح المفقود يعني الطبيب غير يكمل 7 سنين يفشل وكون ماجاش الاختصاص هو المطلوب في الوقت الحالي والطبيب العام ماعندوش مستقبل ما يكملوش الاختصاص اصلا
ونفس الشيء بالنسبة للصيدلي تلقى الطالب غير يكمل ال5 سنين يحب يفتح صيدلية ويبيع و يربحو خلاص انتهى الطموح ولا صنع أدوية و لا غيرها
ولكن أظنك تريدين اكمال الدراسة لصناعة الادوية وهادي فكرة رائعة
نتمنالك تجيبي معدل مليح في الباك وتقراي الحاجة اللي حابتها و اللي تنفع المجتمع
بالتوفيق أختي

[Rafife09]

en médecine je suis presque sure qu'il vont t'accepter
ان شاء الله يا رب

[Rafife09]

يا جماعة أرجو الاجابة على الاسئلة التي وضعتها حول المدرسة المتعددة العلوم للهندسة المعمارية
في أسرع وقت ارجوكم هل هي تابعة للمدرسة الوطنية العليا لتحظيرات مهندس؟

[Nour el houda93]

صيدلية ثاني مليحة........

[أستاذ طه]

يا جماعة أرجو الاجابة على الاسئلة التي وضعتها حول المدرسة المتعددة العلوم للهندسة المعمارية
في أسرع وقت ارجوكم هل هي تابعة للمدرسة الوطنية العليا لتحظيرات مهندس؟

السلام عليكم
كتبت لك موضوع طويل عريض ولكن لما أرسلته تذكرت أني لم أدخل للموقع فراح كل شيء
المدرسة الوطنية للهندسة المعمارية والعمران مدنية 100في 100 وليست تابعة لـenpei
كنت قبل قليل مع الطالب الذي يدرس سنة5 بـ enpei ولكي لا أطيل عليك نصحني بأن تنزعي الفكرة من رأسك
إذا حبيتي نحكيلك التفاصيل من باعد أن شاء الله

[Rafife09]

السلام عليكم
كتبت لك موضوع طويل عريض ولكن لما أرسلته تذكرت أني لم أدخل للموقع فراح كل شيء
المدرسة الوطنية للهندسة المعمارية والعمران مدنية 100في 100 وليست تابعة لـenpei
كنت قبل قليل مع الطالب الذي يدرس سنة5 بـ enpei ولكي لا أطيل عليك نصحني بأن تنزعي الفكرة من رأسك
إذا حبيتي نحكيلك التفاصيل من باعد أن شاء الله
شكرا جزيلا بارك الله فيك و جزاك الله خيرا
ادا ممكن وادا مافيهش ازعاج و لو أني رح نتعبك معايا تفاصيل أكثر حول المدرسة متعددة العلوم للهندسة المعمارية والعمران
شكرا جزيلا

[أستاذ طه]

المدرسة المتعددة العلوم للهندسة المعمارية والعمران EPAU مدرسة من المدارس العريقة في الجزائر
لك الحق في اختيارها واضح من اسمها أنها تخرج مهندسين في الهنسة المعمارية وما يتعلق بالعمران والتهيئة العمرانية
المواد التي تدرس عدة في الجذع المشترك هي الرياضيات والفيزياء وبعض المواد المتعقة بالهندسة المدنية يعني ما هيش حاجة اللي تخوف
فرع الهندسة المعمارية أصبح من الفروع المهمة في الجزائر خاصة وأن الجزائر أصبحت ورشة كبيرة جدا يعني فرع له مستقبل زاهر
إذا أردت دراسة هذا الفرع فأنصحك بدراسته في هذه الجامعة العريقة
موقع الجامعة :
http://www.epau-alger.edu.dz/ (http://www.epau-alger.edu.dz/)

[Rafife09]

شكرا جزيلا لك خلاص جاوبتك على الايميل

[أستاذ طه]

ما زال لديك خلط بين enpei العسكرية و epau المدنية
الأولى هي اللي فيها اللي يعاود يطردوه ويكمل دراسته سنة أولى أو ثانية في جامعة مدنية
أما المدرسة الثانية فلا يوجد أي مؤشر بالدليل - صفحة 25 - على أن هناك مسابقة أو أي شيء من هذا القبيل

[Rafife09]

ما زال لديك خلط بين enpei العسكرية و epau المدنية
الأولى هي اللي فيها اللي يعاود يطردوه ويكمل دراسته سنة أولى أو ثانية في جامعة مدنية
أما المدرسة الثانية فلا يوجد أي مؤشر بالدليل - صفحة 25 - على أن هناك مسابقة أو أي شيء من هذا القبيل
شكرا جزيلا بارك الله فيك طمنتني و ساعدتني كثيرا و وظحتلي الكثير من الامور
شكرا مرة أخرى و جزاك الله خيرا

[algerianovic]

الله يبارك 15 غير مادوخيش راسك يعطيوك طب ان شاء الله
خاصة ادا ديتي مليح في العلوم و الفرنسية
ادا لا داعي لتكسار الراس يزاف

[Rafife09]

الله يبارك 15 غير مادوخيش راسك يعطيوك طب ان شاء الله
خاصة ادا ديتي مليح في العلوم و الفرنسية
ادا لا داعي لتكسار الراس يزاف
ان شاء الله و لكن أنا في العلوم تحصلت على 8 من 20
و هل النقطة ثاني يشوفوها كنت نحساب ما عندهاش علاقة؟