معدل القبول لـ :علوم اقتصادية، التسيير وعلوم تجارية

[x.26]

السلام عليكم
خاوتي الله يستركم ، شكون علابالو معدل القبول لـ :علوم اقتصادية، التسيير وعلوم تجارية

عندي الباك بـ 12.37 . مكاش كامل اختيارات ، حقوق و علوم اقتصادية و لخرين كامل موسيقى و سبور وو

هادا هو كشف النقاط ،

http://sphotos.ak.fbcdn.net/hphotos-ak-ash2/hs013.ash2/34027_141898912493342_100000197038161_418035_63310 05_n.jpg

يعطيكم الصحة
Bon chance a tous :)

[safioo]

انا يبالي خويا معدلك شباب
وعلى رأيي الموسيقة مش مليحا بزاف يلقالك باه تكمل وتلقى خدمة
بالتوفيق خويا والقرار الأخير لك

[zineb18]

والله أنا تاني حايرة واش نقرا
حاجة ما تصلح من الإختيارات
الحل الوحيد نعاودو الباك أحرار

[walid des]

بالتوفيق اخي و ممكن اسالك كيفاش جبت 20 في المحاسبة الله بارك و 18.5 في الاقصاد انا العام الجي نجوز ان شاء الله ما هو السر اخي وشكرا

[ابراهيم العادي]

اخي من الافضل لك ان تختار
العلوم الافتصادية لانها الافضل لنا

[x.26]

انا يبالي خويا معدلك شباب
وعلى رأيي الموسيقة مش مليحا بزاف يلقالك باه تكمل وتلقى خدمة
بالتوفيق خويا والقرار الأخير لك



لي يدير الموسسيقى مهبول ، يقدرو يعطيولو شهادة مهبول مؤقت :d
صحا خويا ،

[x.26]

بالتوفيق اخي و ممكن اسالك كيفاش جبت 20 في المحاسبة الله بارك و 18.5 في الاقصاد انا العام الجي نجوز ان شاء الله ما هو السر اخي وشكرا
يبارك فيك ،،

الا ماجبتش الباك بـ 14 كامل ماتهدرش .. لازملك تدخل كامل الحصص في المحاسبة و الرياضيات ، لخرين مايهموش و الا تقدر دير دروس خصوصية مع بداية العام عند أستاذ يكون مليح

اقتصاد و قانون تاريخ و جغرافيا علوم شرعية ..... كامل حفاظة لازم تحفظ و قسم وقتك مليح ،،،،



كاين واحد بدا يحفظ من سبتمبر 2009 ... خير منا كامل مجابش الباك تاعو الزوالي ،،


و الصح كامل القراية بالحيلة

Bon courage :)

[x.26]

اخي من الافضل لك ان تختار
العلوم الافتصادية لانها الافضل لنا

هادي هيا الأخ ، انا راني نسقسي على معدل القبول ؟ مكان حتى واحد عندو خبر :s

[walid des]

يبارك فيك ،،

الا ماجبتش الباك بـ 14 كامل ماتهدرش .. لازملك تدخل كامل الحصص في المحاسبة و الرياضيات ، لخرين مايهموش و الا تقدر دير دروس خصوصية مع بداية العام عند أستاذ يكون مليح

اقتصاد و قانون تاريخ و جغرافيا علوم شرعية ..... كامل حفاظة لازم تحفظ و قسم وقتك مليح ،،،،



كاين واحد بدا يحفظ من سبتمبر 2009 ... خير منا كامل مجابش الباك تاعو الزوالي ،،


و الصح كامل القراية بالحيلة

bon courage :)


اعطينا الحلية باش نجبو الباك بمعدل شباب وشكرا و لوكان تعطينا ال***** تعك ديرنا دروس في المحاسبة :1:

[smsm-91]

اولا مبرروك عنك وربي يوفقك ثانيا التسيير محقوريين للاسف تقيضك واحد يجيبو 12-13 ومايعطولوش حاجات زينين والله تفلق يعني دارونا لاشيء تحب تقرا ولا تقعد يالتسيير انا جبتو 11 اختياراتي كيفكيف مع وحدة جابتو 13 مش صدمة نوكلو عنهم ربي العلميين يعمرولهم الاختيارات اصلا في ذون الاختيارات ماينفع والو غير علوم اقتصادية هاذي لاعطاوهالنا وش نقلك انا كتسيير رايحة علوم اقتصادية مكانش حل اخر واما اذا ليقيت معاهد يدخلولها بالباك كمعهد لفندقة ندخلو احسن نفيذوه كالجامعة ياربي مدرسة عليا للادرة يعطوها للعلمي ربي يستر برك واخطيك من الموسيقى والمسرح

[hafou]

عندك إقتصاد وتجارة ومحاسبة يحسبولك المعدل +الرياضيات / 2 يعني يولي عندك معدل جديد هذاك لي يحسبولك به أنا كي جبت الباك محاسبة وتجارة حبست في 11.03 يعني كون عندك تحت ميدوكش واقتصاد 9فاصل أنا كون تاخذ راي دير اقتصاد ثم محاسبة ثم تجارة
تجارة خليها هي الأخيرة pcq اومبعد كي تخرج تخدم يبداو ب تع المدرسة العليا للتجارة تم inps تم نتوما

[ayouba]

والله ما عرفنا كيفاش نديرو يا إسلام
واحد صاحبي يقرا آداب وفلسفة دا 10.69 عندو نفس الشعب كيما أنا
ما عدا تع علوم اقتصادية، التسيير وعلوم تجارية وحاجة وحدوخرا
عيش تشوف

[ابراهيم العادي]

السلام عليكم انا يا خاوتي حكايتي تبكي الحجر
اديت الباك14 شعبة التسيير والاقتصاد واعطاوني نفس الشعب كيما صحاب اداو 10 و11
لا اعرف ما الحل ؟؟؟؟ لكن في الجامعة سأقيم مع اصحاب معدلات 10
الله غالب يا جماعة رانا في دزاير



ملاحظة : ممكمن نخير علوم اقتصادية في الاول

[ابراهيم العادي]

سؤال : هل شعبة علوم اقتصادية -علوم تسيير -علوم تجارية جذع مشترك

[smsm-91]

يا أخي الكريم :ابراهيم العادي نت جبت باك هذا العام 14؟ ومعطاولكش مدرسة عليا جاوبني الله يحفظك والله قهالك حقرة تع الصح قلت انا ديت 11 معليش معدلي مش زين بصح 14 يحقروه اه نسيت يخي حنا تسيير حنا لا شئ العلمي هو كل شئ بالتوفيق

[ابراهيم العادي]

اااااااااااااااااااااااااائبقلاغثشفيبسسسسسسسسسسسسس سسسسسسسسسسسس

[aln15]

السلام عليكم
هدي هي يا خاوتي السنة بزاف ربحوا الباك و بمعدلات عالية بزاف عليها غدي اولي ليدا 10 مع 13 كيف كيف!

[zush]

و الله كيف كيف جبت الباك ب 13 تسيير اقتصاد لقيت في الشعب المسموحة غير الفن و السسنيما و البلاستيك و musique ومختلف اللغات مدولنا غير وحدة من 28 اختيار و هي التسيير و علوم الاقتصاد والعلوم التجارية حنا طول العام نقراو غير محاسبة و اقتصاد و هوما مدولنا لغات vrais cata حنا في l'algerie

[مروة الايمان]

[quote][/quoteياجماعة
خير أنايا راني لعام لجاي باك ٌقتصاد كيفكم أنصحوني كفاه ندير؟؟ مروان

[smsm-91]

[quote][/quoteياجماعة
خير أنايا راني لعام لجاي باك ٌقتصاد كيفكم أنصحوني كفاه ندير؟؟ مروان

وش رايحة ديري ختي كبي على ربي واقراي ربما العام الجاي ماسكروش الابواب في وجوهكم مثلنا هذا العام ردمونا الله يردمهم
دنسقسيكم ادارة اعمال وين دارت
وبنوك كنت سامعة بلي كاين في الجامعة ذا العام فقدناهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[لبيبة.ALG]

wach hangolak khouya ana bakri kidit l BAC 2005 oui khayart systeme LMD wkhayart jid3 mochtarak li3oloum atasyiir wal iktisad ......oui rahou jid3 mochtarak mazak kifakèka ldorka ...wki tatla3 2ème année rayah tatkhasas fi haja ya gestion ya economié ya commerce(wadi faha finance-marketing-comtabilité) wkifkif kitpasi 3 ème tzid tatkhasas fi wahda mali golthom

[لبيبة.ALG]

اقراو بركا أ إبراهيم متتشاءموش ..................صح في شعبة التسيير و الغقتصاد راني معاكم ليجاب 10 ولا ليجاب 13 راهم كيف كيف على عكس جماعة العلوم .....انا كنت علوم سابفا و خيرت في الجامعة تسيير و إقتصاد و في السنة الثانية عملت تخصص مالية و كاين تخصص محاسبة كذلك مليح ياسر و الله أدوما ليصلحو ندبر عليكم خيروا ادوما راهم ادوما ليفيهم الخدمة أما الشعب الاخرى مفاها والوا...........

[لبيبة.ALG]

ndabar 3lik latkhayar la fan la sinima la tmaskhir èni ngoulhalak rana fi dzayar mach fi masr........walah nanshak khalik f domaine ti3ak ba3da wkhayar jid3a mochtarak li3oloum atasyiir wal iktisad
wkitanjah 2ème année f jami3a khayar takhasos comptabilité wala finance kima ana ...adohoma liyaslhou f gestion w l'economie c tout....................

[لبيبة.ALG]

mabrouk 3lik khouya l bac
wach hangolak mo3adal alkaboul l sience de gestion et économie bal mo3adal ada yakblouk w3aynihom mghamdin .......ana kbal jabt 11 mo3adal mé takhasos sience wkablouni normal..........
èy gestion yakblou faha normal f jami3a mathayarch rouououhek khlaaaaaaaaah khlaaaaaaah
anta khayar fi la liste ta araghabèt
sience de gestion -économie et commerce...wkitpassi 2ème w 3ème année nchalah nanshak tkhasas fi wahda man adouma bark ( finance wala comptabilité et ausit ( ya3ni tadkik) wala dir takhasos les banques.............wala les 3 adouma liyaslhou f sience de gestion et économie bark mé lbaki kamal walah walou èni krit f jami3a ada atakhasos wchaft ......................b tawfik wadouma lifihom alkhadma mé bakaha akol walou ok !!!!!!

[لبيبة.ALG]

choufi ya ( smsm-91 rakom mkharbtin khlah bachwiya barka dorka nfahamkom ....ana tkharajt hèda al3am master takhasos finance dorka ngolkom l passage kifèh ytam ok hawlou tafhmouni..............
alors oui raho kayan takhasos banque w takhasos managment wghirou..........mais hadouma rakom matalgawhomch fi la liste ta araghabèt lit3amrouha non !!..................antouma awal hèja khayrou takhasos
جدع مشترك لعلوم التسيير و الإقتصاد و التجارة
fal awal 1ère année hakoun asmha haka
mé ki tpassiw 2 ème année tayhin tatkhasou naw3an maaa
matalan tatkhasou fi 3oloum atasyiir bark wala économié bark wala 3oloum tijariya w maliya
wlama tpsiw 3ème année tatkhasou tèna antoum w wach habin ykoun licence ta3kom fi wach !! matalan
likhayar 2ème année sience economie hadi l branche tandarich tahtha takhasosat far3iya
wadika hiya litkhayrouha 3ème année
matalan likhayar 2ème année branche (sience commercielet finance wkayan tèna -audit et comptabilité wkayan tèna - les banques.
voila okhti wahna f 3 ème année bèh takdri tatkhasi banque
mach kima todkhli ajami3a ba3d talgèw banque katakhasos non ...
nchalah tkounou fhamtouni ya ikhwati.......d'acord w btawfik laljami3 nchaaaaaaaaaaaaaaaaaaaaaaalah
kima wasitkom 1ère année hatakraw kajid3 mochtarak li sience de gestion +économie et commerciel
wba3dha bèh takdrou tkhayrou takhasosatkom alokhra fhamtouni ................................hada makan !!

[x.26]

لبيبة.alg
يعطيك الصحة الأخت ، بارك الله فيك : )

[ayouba]

يعطيك الصحة يا لبيبة.alg
والله الشرح تاعك راه فادنا بزااف
بارك الله فيك : )

[ayouba]

&
مبروك عليك الماستر والعاقبة لحاجة أخرى إن شاء الله
ربي يوفقك : )

[مريم بكالوريا2010]

اريد ان اسال هل يستطيع الادبيون التسجيل في شعبة التسيير بمعدل 13 او 14

[مريم بكالوريا2010]

هل من ردووود على سؤالي؟؟؟؟؟ بسرعة انا احتاج الى اجابة

[hafou]

لا لا ما يقدروش

[smsm-91]

mabrouk 3lik khouya l bac
wach hangolak mo3adal alkaboul l sience de gestion et économie bal mo3adal ada yakblouk w3aynihom mghamdin .......ana kbal jabt 11 mo3adal mé takhasos sience wkablouni normal..........
èy gestion yakblou faha normal f jami3a mathayarch rouououhek khlaaaaaaaaah khlaaaaaaah
anta khayar fi la liste ta araghabèt
sience de gestion -économie et commerce...wkitpassi 2ème w 3ème année nchalah nanshak tkhasas fi wahda man adouma bark ( finance wala comptabilité et ausit ( ya3ni tadkik) wala dir takhasos les banques.............wala les 3 adouma liyaslhou f sience de gestion et économie bark mé lbaki kamal walah walou èni krit f jami3a ada atakhasos wchaft ......................b tawfik wadouma lifihom alkhadma mé bakaha akol walou ok !!!!!!

شكرا ليك ختي والله ينورك ممكن نطلب منك طلب عندي اسئلة : قالولي بلي علوم اقتصادية صاعبة .... ومنقدش نقراها ....الخ وين تكم الصعوبة
وحابة نسقسيك احسن جامعة تقري هذا التخصص وين بالضبط وشكرا وبالتوفيق في ماستر والعقوبة للدكتراء جاوبيني في اقرب وقت بالعربية حابة نتواصل معك لاكان مكانش مشكل انا هذا *****ي sarah-dz17 تلقايني فيه راني فتاة طرونكيل هههههههههه سلام ولكي مني كل الاحترام
شكرا

[shadow30]

السلام عليكم
اخي الكريم انصحك دير علوم اقتصادية ل م د وتصيبهاا في بطاقة رغبات 0 علواقتصادية وتجارية وعليوم تسيير 0 كشغل جدع مشترك فلول ومن يعد كتوصل سنة تالتة راح تخير تخصص ويمدولك واش حبيت نورمال كاين تسويق محاسبة ومالية و بنوك وتامنات هدا في جامعة البليدة وكل جامعة واش فيها تخصص قراية فجامعة بليدة مليحة ومشي مزيرة وننصحك ان شاء الله كتطلع سنة تالتة دير محاسبة هي ميوور وفيها خدمة ونوصيك اقرا مليح ومتدخلش للراترباج باش تضمن ما ستر ان شاء الله وربي يوفققققققققققققققققققققققققققققك

[djamelboy]

اختيارات عايين للتسيير والاقتصاد

[smsm-91]

السلام عليكم
اخي الكريم انصحك دير علوم اقتصادية ل م د وتصيبهاا في بطاقة رغبات 0 علواقتصادية وتجارية وعليوم تسيير 0 كشغل جدع مشترك فلول ومن يعد كتوصل سنة تالتة راح تخير تخصص ويمدولك واش حبيت نورمال كاين تسويق محاسبة ومالية و بنوك وتامنات هدا في جامعة البليدة وكل جامعة واش فيها تخصص قراية فجامعة بليدة مليحة ومشي مزيرة وننصحك ان شاء الله كتطلع سنة تالتة دير محاسبة هي ميوور وفيها خدمة ونوصيك اقرا مليح ومتدخلش للراترباج باش تضمن ما ستر ان شاء الله وربي يوفققققققققققققققققققققققققققققك

شكرا ليك اخي الكريم دنسقسيك احسن جامعة تقري علوم اقتصادية وتجارية وين بليدة؟؟؟؟؟؟ وشكرا علاه قالو نتفرعو في 2 من 3 وانا قالولي محاسبة وجباية زينة صحا؟ ولا بنوك؟

[shadow30]

في كل بلاص مليحة اققرا وين اصيب راحتك واحسن تخصص هو محاسبة

[@احمد ياسين@]

الله غالب يل جماعة كاين لداي 10 كيما 12 كيف كيف
ولي مدش قول كان غير ديت الباك غير 10
الحمد الله على كل حال

[روضة الانوار]

أنا عندي ختي سهيلة عندها17 رايحة تجوز الباك لعام الجاي شعبة تسيير واقتصاد

راهي تقرا من دوك للباك واش كتابات وواش كايات

ووين تلقاها تلقاها تبكي خايفة من دوك

شافت لي جابو الباك هدا العام واش صرا فيهم

مع لي هيا تقرا مليح وماراهيش حابة تجيب قل من16

وقالولها كيفك كيف لي يجيبوا ب10

[safioo]

أودي قاع رانا رايحين فيها
غادي يديرا القاري مع الي جابوا بمعدل 10 بالدعيز
وعيش يا الجزائري

[sihem13]

يا اخي انا نقرا في هذه الشعبة...هي جدع مشترك ...مليحة بزاف malgré اني كنت علمية...تقرا عامك الاول كجدع مشترك والسنة الثانية دير تخصص..اقتصاد او تسيير او مالية...كمل فيها راك تنجح

[دراوي عبدالرزاق]

السلام عليكم معدل القبول لعلوم إقتصادية هو10.00 والاولوية لشعبة التسيير وإقتصاد.

[safioo]

ممكن نسقسيكم
انا راني باغيا نتخصص محاسبة وجباية فهل هي خير ولا تمويل خير منها ؟؟؟

[lalakarimanouri]

معدل القبول في العلوم الاقتصادية 10 فما فوق بالنسبة لبكالوريا التسيير و الشعب العلمية انا نقرا محاسبة سنة ثالثة جامعي ل م د عندي الباك 14.58 لقيت جماعة 10 كامل معايا نحن جماعة الاقتصاد معندنا حتى اختيار الا علوم اقصادية و علوم التسيير و مبعد تتفرع