سامحيني خطيبتي لا استطيع.....

[عُضو مُحترم]

السلام عليكم

لا ادري كيف اناديك
خطيبتي السابقة
أو زوجتي ....لا

او حبيبتي او ماذا

؟؟؟؟

ليس مهام

اكتب لك لتعلمي أن لا استطيع مواصلة هذا المشوار معك

لم استطع

لم استطع توفير المبلغ الذي يطلبه مني والدك

و لا الأثاث الذي تطلبه امك

لا اتحمل رؤيتك تعملين و تكملين دراستك

لا يمكنني التنازل عن رضى والدتي

لن اترك ابي وحده يصارع المرض

لقد نويت الإتباط بك فعلا
و على سنة الله و رسوله

و لكن الظروف اقوى مني

و شروطك مستحيلة

اتمنى لكي الهناء و السعادة مع غيري

ادعيلي بأن يرزقني الله من تناسبني



السلام

=======================

انتي حرة لستي خطيبتي بعد اليوم

=======================

[ل..ب..ن..ى]

ربي يفرقكم بلا دنوب


يا خطيبته سهليلو في الشروط وربي يجيب الخير
ان شاء الله

ياسين.. اصبر عليها 4 سنين وارجع
وشوف الشروط
كلش راح ينحل ههههه


ربي يوفقكم
وادا افترقتوا

ربي يفرق بلا دنوب


سلااااااااااااااام

[بنت الحجاج]

مشكلة غلاء المهور .... مشكلة حقيقية ....


ربي يعوضكم برضاه عليكم ............... ان شاء الله ...............

[samasima]

والله يا أخي البنت إذا ما دات والو معاها يبقاو حياتها كامل والناس تضحك عليها هذا هو السبب في غلاء المهر
ربي يهدي الناس كامل تقول الواحد يتزوج خارج الجزائر

[صُبح الأندلس]

هذه رسالة مشفرة كالعادة من الفتى الصغير
يا جماعة راه يقولكم والده مريض و الفتى والده متوفي رحمه الله
أظنك تقصد من يربط فتاة معه لسنوات بداعي الحب و الارتباط ثم يسحب يده في الأخير للأسباب التي ذكرتها ، أليس كذلك ؟

[عُضو مُحترم]

هذه رسالة مشفرة كالعادة من الفتى الصغير
يا جماعة راه يقولكم والده مريض و الفتى والده متوفي رحمه الله
أظنك تقصد من يربط فتاة معه لسنوات بداعي الحب و الارتباط ثم يسحب يده في الأخير للأسباب التي ذكرتها ، أليس كذلك ؟



لا يا استاذة

[بوشادى]

http://www.majdah.com/vb/images/usersimages/3251_1140939807gif

القادم احلى و لانك تمنيت لها السعادة مع غيرك
فكل السعادة لك مع اخرى
http://www.bahrainevents.com/forum/u/13122/do3a.gif

[عُضو مُحترم]

والله يا أخي البنت إذا ما دات والو معاها يبقاو حياتها كامل والناس تضحك عليها هذا هو السبب في غلاء المهر
ربي يهدي الناس كامل تقول الواحد يتزوج خارج الجزائر



لأننا بعيدون عن دين الله

نصلي نصوم و لكن لا علاقة مع حقيقة الإسلام

اسمعي اختي


هذا هو عرس فاطمة بنت خير البشر


عَنْ عَائِشَةَ، وَأُمِّ سَلَمَةَ قَالَتَا : أَمَرَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ أَنْ نُجَهِّزَ فَاطِمَةَ حَتَّى نُدْخِلَهَا عَلَى عَلِيٍّ، فَعَمَدْنَا إِلَى الْبَيْتِ فَفَرَشْنَاهُ تُرَابًا لَيِّنًا مِنْ أَعْرَاضِ الْبَطْحَاءِ، ثُمَّ حَشَوْنَا مِرْفَقَتَيْنِ لِيفًا فَنَفَشْنَاهُ بِأَيْدِينَا، ثُمَّ أَطْعَمْنَا تَمْرًا وَزَبِيبًا، وَسَقَيْنَا مَاءً عَذْبًا، وَعَمَدْنَا إِلَى عُودٍ فَعَرَضْنَاهُ فِي جَانِبِ الْبَيْتِ لِيُلْقَى عَلَيْهِ الثَّوْبُ وَيُعَلَّقَ عَلَيْهِ السِّقَاءُ، فَمَا رَأَيْنَا عُرْسًا أَحْسَنَ مِنْ عُرْسِ فَاطِمَةَ




انا لن اكون أفضل من سيدي علي

و زوجتي لن تكون أفضل من سيدي فاطمة

فلماذا نطلب من الدنيا ما لم يطلبه منها أخيارها

؟؟؟؟؟؟؟؟؟؟؟؟؟

[عُضو مُحترم]

ربي يفرقكم بلا دنوب


يا خطيبته سهليلو في الشروط وربي يجيب الخير
ان شاء الله

ياسين.. اصبر عليها 4 سنين وارجع
وشوف الشروط
كلش راح ينحل ههههه


ربي يوفقكم
وادا افترقتوا

ربي يفرق بلا دنوب


سلااااااااااااااام


لم تكن لتخسر شيئا لو تساهلت في المهر

لو تنازلت عن السكن وحدها

لو رضيت بما لديّ
لو
لو
لو
لو


لو...........

[عُضو مُحترم]

http://www.majdah.com/vb/images/usersimages/3251_1140939807gif

القادم احلى و لانك تمنيت لها السعادة مع غيرك
فكل السعادة لك مع اخرى
http://www.bahrainevents.com/forum/u/13122/do3a.gif



شكر

ا و ان كنت صراحة قد فقدت الأمل في ان اجدها

معليش ههههههه

============
ربي برحمتو

[بحر العطاء]

الزواج هذو ليامات ولا صعيب...و صعيب بزاف.
الأب يشرط...الأم تشرط...هي تشرط.
مشاكل إكمال الدراسة...العمل بعد دخول القفص الذهبي.
السكن وحدها...ما تشاركش حماتها.
و الزوج ما لكاش روحو...شكون يرضي.
أمها و لا أبوها و لا أمو و لا أبوه و لا هي و لا الناس و لا ضميرو.
ربي يعينكم يا ليجان...ربي يعينكم.

[عُضو مُحترم]

ليجان

ههههههههههههه


و يوقللك حق المراو مهضوم

ياو احنا اللي حقنا مأكول

رانا نعانو مع المهر و الشرط و .....

هههههههههههه

[*المشتاقة للرحمن*]

ربي يجيب اللي فيه الخير

كل شيئ بالمكتوب

[بحر العطاء]

ليجان
ماعجبتكش هذي الكلمة و لا كرهتها.
ههههههههههههه


و يوقللك حق المراو مهضوم
أنا نشوفو مهضوم بعد الزواج...مي قبل هي ألي حاكمة في كلش.
بعد الزواج ينتقم منها راجلها.
ياو احنا اللي حقنا مأكول
مأكول قبل الزواج منبعد تاكلو حق المرا.
رانا نعانو مع المهر و الشرط و .....
و الله هكدا التقاليد و العادات...و لا واش.
هههههههههههه
هههههههههههههههههههه.
ألي زوج أزوج بكري...مي دركا صعاب كلش.

[كمال الاسلام]

وعليكم السلام




لو كنتِ تحبيني فضحي من اجلي كما اضحي من اجلك

وترفعي عن الصغائر

[أبو خالد سيف الدين]

أمرك محير أيها الفتى الصغير !

لم نعد نعرف هل أنت متزوج و لك طفلة ؟
أم أنت خاطب ؟
أم تبحث عن خطيبة ؟
أم مطلق و تبحث عن زوجة ثانية ؟

خولة و أم خولة ؟

؟؟؟؟؟؟

؟؟؟؟؟؟

المهم راك مليح ؟؟؟؟

[صُبح الأندلس]

لا يا استاذة

إن كان هذا الشخص هو فعلا أنت فأنا أذكر أنك قلت أن والدك رحمه الله و لهذا استبعدت أن يكون المعني هو حضرتك :rolleyes:

[عُضو مُحترم]

أمرك محير أيها الفتى الصغير !

لم نعد نعرف هل أنت متزوج و لك طفلة ؟
أم أنت خاطب ؟
أم تبحث عن خطيبة ؟
أم مطلق و تبحث عن زوجة ثانية ؟

خولة و أم خولة ؟

؟؟؟؟؟؟

؟؟؟؟؟؟

المهم راك مليح ؟؟؟؟



الحمد لله

===================
يا اباخالد
لا تعاملني كشخص ياسين

عاملني حسب موضوعي


شكرا

[المهندس هلال]

اقول لك شيئا
اذا كان هذا تفكيرا فانت رجل وقليل مثلك في هذا الزمان
لست اخشى عليك شيئا ، اخشى ان تغلبك العزوبة فقط

تحياتي الكاملة لك يا احسن الرجال
اتشرف بكم سيدي الفتى

[nasma belle]

هذا تفكير شخص واعي فقد افسح لها الطريق ولم يبقى يوهم في نفسه وفي هذه الفتاة وان شاء الله سيجد من ترضى به كما هو دون المبالغة في الطلبات

[عُضو مُحترم]

اقول لك شيئا
اذا كان هذا تفكيرا فانت رجل وقليل مثلك في هذا الزمان
لست اخشى عليك شيئا ، اخشى ان تغلبك العزوبة فقط

تحياتي الكاملة لك يا احسن الرجال
اتشرف بكم سيدي الفتى

بارك الله فيك
يا سيدي سيد الرجال
يا خويا

الراجل ما بقاتلوش بلاصة
في هذا الوقت

قال

انت معقد و ماتصلحش
انت روطار

كي شغُل... أنا قديم

ههههههههههههههه
==============
ربي برحمتو

[عُضو مُحترم]

هذا تفكير شخص واعي فقد افسح لها الطريق ولم يبقى يوهم في نفسه وفي هذه الفتاة وان شاء الله سيجد من ترضى به كما هو دون المبالغة في الطلبات


شكرا اختي

ربي يجيب الخير

[عُضو مُحترم]

إن كان هذا الشخص هو فعلا أنت فأنا أذكر أنك قلت أن والدك رحمه الله و لهذا استبعدت أن يكون المعني هو حضرتك :rolleyes:

يبدو اني فقدت صفة ***الاخ الصغير***؟؟؟

مع ذلك مازلتي اختي

[ل.آمال]

نعرف وحدا تسامحت في المهر و السكن و العمل و نسيت أن كل شيء مكتوب من الله ، لا يهم لا شروط الزواج و لا القدرة على الزواج و لا التكاليف

[امل حياتي22]

بعض الوالدين ربي يهديهم على جال كلام الناس يشرطو بزاف على الشباب و الله بزاف

[عُضو مُحترم]

بعض الوالدين ربي يهديهم على جال كلام الناس يشرطو بزاف على الشباب و الله بزاف



ما تقوليش هكذاك

يكبر وليدك
و تكبر بنتك

و تقول عليك هكذا

الوالدين والدين

مهما يكون

[أم يقين]

أمرك محير أيها الفتى الصغير !

لم نعد نعرف هل أنت متزوج و لك طفلة ؟
أم أنت خاطب ؟
أم تبحث عن خطيبة ؟
أم مطلق و تبحث عن زوجة ثانية ؟

خولة و أم خولة ؟

؟؟؟؟؟؟

؟؟؟؟؟؟

المهم راك مليح ؟؟؟؟



السلام عليكم ،
اعتقد ان الفتى الصغير يحب تقمص افكاره ليطرحها للنقاش و هذا شيء لطيف .فما قولك يا أيها الفتى المتقمص.

[عُضو مُحترم]

السلام عليكم ،
اعتقد ان الفتى الصغير يحب تقمص افكاره ليطرحها للنقاش و هذا شيء لطيف .فما قولك يا أيها الفتى المتقمص.


أجل انا كذالك

اريد التعبير عمكا يدور في خاطر الجزائري مهما كان عمله او مسكنه او انتمائه
فبيننا دائما امور مشتركة



انا شاب جزائري

ممكن اكون في قرية أو مدينة
قد أكون في واحة في صحرائنا

او على شرفة على الساحل

ممكن فلاح في حقل
أو راع في حقل

لا يهم
من
أين
متى
كيف و لماذا

المهم هو ان نتناقش حول المشكل
ولعل احد ما

يسمع كلامنا
و يرجع للصواب

شكرا اختي

[منى]

على حسب معلوماتي الفتى الصغير مزال صغير ممكن جدا عندو 20 سنة و لي متأكدة منها أنو مزال طالب جامعي... أما موضوع الزواج الأهل أولى من الزوجة البنات كاين خيرات أتخير على روحك.. و لي ما فيهش الخير لأهلو ما فيهش الخير لآخرين.. أما المهر الله يهدي الناس يحسبو رواحهم يجلبو في المعيز قليل لي راه فاهم بلي راه يزوج في بنتو ميسش يبيع فيها،، و المشكل أنو قليل لي ؤيزوج بنتو على أساس أخلاق الزوج يعطيك يبوط صويردات و خلاص الله يهديهم و يكون في عون الشاب الحلايلي...

[عُضو مُحترم]

على حسب معلوماتي الفتى الصغير مزال صغير ممكن جدا عندو 20 سنة و لي متأكدة منها أنو مزال طالب جامعي... أما موضوع الزواج الأهل أولى من الزوجة البنات كاين خيرات أتخير على روحك.. و لي ما فيهش الخير لأهلو ما فيهش الخير لآخرين.. أما المهر الله يهدي الناس يحسبو رواحهم يجلبو في المعيز قليل لي راه فاهم بلي راه يزوج في بنتو ميسش يبيع فيها،، و المشكل أنو قليل لي ؤيزوج بنتو على أساس أخلاق الزوج يعطيك يبوط صويردات و خلاص الله يهديهم و يكون في عون الشاب الحلايلي...



شكرا اختي

ربي يجيب الخير

[حسن مصطفى]

فلت هذا الكلام لخطيبتي ظنا مني اني افعل الخيار الصحيح لها بس ندمت عليه كثيرا لانها ماتت وتركتني فعلا

[قلم : داعية]

ربي يسهل امورك ان شاء الله

[mahmod hitman]

شكرااااااااااااااا على الموضوع

[عُضو مُحترم]

فلت هذا الكلام لخطيبتي ظنا مني اني افعل الخيار الصحيح لها بس ندمت عليه كثيرا لانها ماتت وتركتني فعلا

رحمها الله

قضاء الله لا مرد منه

المهم انك لم تخطئ

ماذا لو ماتت و هي متعلقة بك

[ساحرة الجزائر]

ربي يجيبلك مكتوبك الي تليق بيك وبظروفك

[الفارس الجدَّاوي]

السلام عليكم:
أنا بصراحة لا أحب هذا النوع من المواضيع المفتوحة غير المحددة.تقبلوا مروري جزاكم الله خيرا.

[اميرة اليالي البيضاء]

بارك الله فيك

ولماذا السماح

أنت عندما تخليت عنها درت فيها معروف

يعني ماحاجة فتاة إلىشخص ليس له على الاقل سيارة ( r4) ولا عندك .............هههههه

انتما ثاني راني نشوف فيكم طايرين هذوا ليمات

وأنت وشداك لوحدة تتقلش وتحوس على الدراهم

روح لوحدة متواضعة على قدها متفهمة للظروف

علابالك مرات كي نسمع نقول يستهلوا ومزال يصرا فيهم ومرات يغيضوني

ونقولك هذي ليمات راني كل ماندير المشاركات الجديدة يطلعلي موضوعك

كي يروحوا يخطبوا واش يقولوا

لا حبيت نقلك واش يقولوا

عندنا شهر برك ملي خطبنا لخويا

جزاك الله خيراااااااااا

[مايليس]

النساء زادوا في القيمة المادية لكن القيم الاخرى نزلو فيها بزااااااااااااااااااااااف
ربي يجيب اللي فيه الخير

[قطر النى]

لدي مدة ثلاث سنوات وانا انتظر خطيبي وانا اعلم انني سانتظر على الاقل مدة تعادلها وانا صابرة والحمد لله بالرغم من عدم وجود المنزل والسيارة والعمل الثابت الا انني اعتقد انني مع الرجل الذي يستحق كلمة معنى الرجل بكل معانيها .

[/سالم الزير/]

لدي مدة ثلاث سنوات وانا انتظر خطيبي وانا اعلم انني سانتظر على الاقل مدة تعادلها وانا صابرة والحمد لله بالرغم من عدم وجود المنزل والسيارة والعمل الثابت الا انني اعتقد انني مع الرجل الذي يستحق كلمة معنى الرجل بكل معانيها .


شكرا اختي

ربي يسهل

======================

ليس كل النساء مثلك

و ليس كل الرجال مثل خطيبك

======================

ربي يسهل

[ريم91]

لم تكن لتخسر شيئا لو تساهلت في المهر

لو تنازلت عن السكن وحدها

لو رضيت بما لديّ
لو
لو
لو
لو


لو...........

اولا السلام عليكم

انا حابة انقلك حاجة خويا لازم اتديرها في بالك

لو كانت البنت بالفعل باغياتك م كنتش حطت كل هذوا الشروط وكان قبلاتك كيما انت

ان الفتاة اذا احبت تهب عمرها لمن تحب ولا تسال

انساها وعش حياتك برضى الوالدين وان شاء الله ربي يعوضك

ورمضان كريم

[قطر النى]

شكرا اخي سالم الزير اتمنى لكل الاعضاء السعادة خاصة الباحث عنها الفتى الصغير

[rouny87]

لابد من الايمان بالقضاء والقدر.

[يسمة الزمان]

أكيد أخي أنا أشاطرك الرأي في موقفك إتجاه طلبات والديها ، و لكن يأخي لو تحدتث إلى الفتاة ربما و صلتما إلى حل يرضيكما أنتما الإثنين لإنه مايدريك قد تكون الفتاة أيضا ضحية تعسف والديها وليست موافقة على رأيهما .هناك حالات كثيرة تكون فيها الفتاة غير مادية و لاترى بالعين التي يرى بها والديها ، لو أعطيتها الفرصة .

[ملكة الورود]

يا خي شروطكم بزاااااااااف حنا معندناش هذه الشروط اللي عندكم علاه وين تسكنو نتوما في المريخ
الوالد يشرط أنو بنتو تتهنا في حياتها برك
و المهر على حساب مقدرتو هذا مكان وهي تاني تدي الجهاز اللي من مقدورها راني حايييييييرة فيكم الصح
مع إني مخطوبة من شاب غني جدا من عائلة غنية جدا غير أننا لم نطلب منهم شيئا و لم نشرط الا الهناء
ز نزيدك حاجة نسكن مع حماتي عجوززززتي مع أنو عندو الدار بصح لازم نسكن مع أمو الله يجيب اللي فيه الخير

[haragsat]

السلام عليكم

لا ادري كيف اناديك
خطيبتي السابقة
أو زوجتي ....لا

او حبيبتي او ماذا

؟؟؟؟

ليس مهام

اكتب لك لتعلمي أن لا استطيع مواصلة هذا المشوار معك

لم استطع

لم استطع توفير المبلغ الذي يطلبه مني والدك

و لا الأثاث الذي تطلبه امك

لا اتحمل رؤيتك تعملين و تكملين دراستك

لا يمكنني التنازل عن رضى والدتي

لن اترك ابي وحده يصارع المرض

لقد نويت الإتباط بك فعلا
و على سنة الله و رسوله

و لكن الظروف اقوى مني

و شروطك مستحيلة

اتمنى لكي الهناء و السعادة مع غيري

ادعيلي بأن يرزقني الله من تناسبني



السلام

=======================

انتي حرة لستي خطيبتي بعد اليوم

=======================

قــــــــــــــــــــمــــــــــــــــــــــــــــ ـــــــــــة

[عُضو مُحترم]

قــــــــــــــــــــمــــــــــــــــــــــــــــ ـــــــــــة

فعلا

قمة الواقعية


شكرا على مرورك اخي

[وحيد الحيراني]

لست مشكلتك وحدك...
تكاد تنطبق على جميع الشباب...
واذا وُجد حل لها...
فهنيئا لنا جميعا...

ما بقالكش بزاف وتولي شاعر كبير :1:

[عُضو مُحترم]

لست مشكلتك وحدك...
تكاد تنطبق على جميع الشباب...
واذا وُجد حل لها...
فهنيئا لنا جميعا...

ما بقالكش بزاف وتولي شاعر كبير :1:


طبعا الحل في ايديهم

==================

انت لا تعرفني جيدا

عندما اخترت اسم الزير سالم لم اكن مخطأ

فالشعر كان يمشي في عروقي
و خصوصا الغزل

و لكني طلقته بالثلاث

هههه

[الجزائـ عشقي ــر]

السلام عليكم

لا ادري كيف اناديك
خطيبتي السابقة
أو زوجتي ....لا

او حبيبتي او ماذا

؟؟؟؟

ليس مهام

اكتب لك لتعلمي أن لا استطيع مواصلة هذا المشوار معك

لم استطع

لم استطع توفير المبلغ الذي يطلبه مني والدك

و لا الأثاث الذي تطلبه امك

لا اتحمل رؤيتك تعملين و تكملين دراستك

لا يمكنني التنازل عن رضى والدتي

لن اترك ابي وحده يصارع المرض

لقد نويت الإتباط بك فعلا
و على سنة الله و رسوله

و لكن الظروف اقوى مني

و شروطك مستحيلة

اتمنى لكي الهناء و السعادة مع غيري

ادعيلي بأن يرزقني الله من تناسبني



السلام

=======================

انتي حرة لستي خطيبتي بعد اليوم

=======================

السلام عليكم و رحمة الله تعالى و بركاته
السؤال الذي يتبادر الى ذهني دائما هو:
لماذا يتوجه الرجل غالبا الى فتاة تفكر بعكس ما يفكر به؟

هناك فتيات يقبلن بالعيش مع اهل الرجل
و هناك من لا تقبلن

فلماذا اخترت من تريد بيتا و تريد و تريد؟
لما جعلت الناس جميعا على علم بارتباطكما لتفسخ الخطبة لاحقا؟
ألم تكن على علم بشروطها من قبل؟
أم أنك استفقت لكن بعد ماذا؟

تريد جعلها علكة في افواه من يعرفها و من لا يعرفها؟
عجيب امرك اخي

لو اخترت فتاة قبلت منذ البداية بظروفك لكان الامر اهون عليك و عليها
اما و ان تقبل في البداية ثم تفسخ الخطبة فهنا تستحق كل اللوم.

اعذرني ان كان كلامي قاسيا لكن كان يجب ان تفكر من البداية و ليس الآن

صح فطورك اخي

[سعيد الجزائــري]

ليجان

ههههههههههههه


و يوقللك حق المراو مهضوم

ياو احنا اللي حقنا مأكول

رانا نعانو مع المهر و الشرط و .....

هههههههههههه

والله هاذي تعجب برشا يا اوخيي راك مريقل 100 بالمئة

[عُضو مُحترم]

والله هاذي تعجب برشا يا اوخيي راك مريقل 100 بالمئة

هههه

راني مريقل

[/سالم الزير/]

السلام عليكم و رحمة الله تعالى و بركاته
السؤال الذي يتبادر الى ذهني دائما هو:
لماذا يتوجه الرجل غالبا الى فتاة تفكر بعكس ما يفكر به؟

هناك فتيات يقبلن بالعيش مع اهل الرجل
و هناك من لا تقبلن

فلماذا اخترت من تريد بيتا و تريد و تريد؟
لما جعلت الناس جميعا على علم بارتباطكما لتفسخ الخطبة لاحقا؟
ألم تكن على علم بشروطها من قبل؟
أم أنك استفقت لكن بعد ماذا؟

تريد جعلها علكة في افواه من يعرفها و من لا يعرفها؟
عجيب امرك اخي

لو اخترت فتاة قبلت منذ البداية بظروفك لكان الامر اهون عليك و عليها
اما و ان تقبل في البداية ثم تفسخ الخطبة فهنا تستحق كل اللوم.

اعذرني ان كان كلامي قاسيا لكن كان يجب ان تفكر من البداية و ليس الآن


صح فطورك اخي



و لم الغضب اختي

اعلمي اننا عنما نذهب لنخطب

نتوقع ان نلاقي تلك التسهيلات

و نحلم ان تزول كل تلك الحواجز

بناءا على وعود مسبقة ... ربما

أو بناءا على ما نرى

و لكن

التوقعات شيء

و الواقع شيء
آخر

شكرا اختنا الفاضلة

[الجزائـ عشقي ــر]

و لم الغضب اختي

اعلمي اننا عنما نذهب لنخطب

نتوقع ان نلاقي تلك التسهيلات

و نحلم ان تزول كل تلك الحواجز

بناءا على وعود مسبقة ... ربما

أو بناءا على ما نرى

و لكن

التوقعات شيء

و الواقع شيء
آخر

شكرا اختنا الفاضلة


اذن هي ليست خطيبتك
فمن يأت لخطبتي و من ثم يقول له والداي شروطهم و يرى انها لا تناسبه و ينسحب مثلا فهو لا يعتبر خطيبي و نفس الأمر ينطبق عليك أخي و هنا الأمر عادي

أما ان كانت بينكما علاقة فهذا أمر آخر
و هذا من سلبيات ربط العلاقة قبل الزواج

لان العلاقات العاطفية ماهي إلا وهم و حياة رومنسية لا أكثر بعيدا عن الواقع

يومك سعيد اخي

[شهيد غزة]

ليش تطلبين منه كل هذا وعندما كنت فتاة قبل الزواج كنتي تطلبين اي رجل يتقدم لخطبتك لا يهمك شكله اواي شئ عنه بس ولما تقدم اليك اشترطت عليه كل هذا ليش مع العلم انك تحبينه وتريدين ان تبني معه البيت فانت تهدمينه وشكرا

[fatouma alg]

لو كانت تحبك حبا حقيقيا لتنازلت عن كل الشروط ورضيت بالقليل
ربي يعوضك خير
تحياتي

[أم عائشة أنفال]

السلام على الجميع

ظاهرة غلاء المهور وكثرة الشروط راهي كاينة بزاف في مجتمعنا , بصح لوكان جاو لبنات قاع يفهموا ياك يقولو : خير النساء أقلهن مهورا.
نحكيلكم على وحدا جارتنا خطبها واحدفقير ما بغاتهش وقلتله لا ..........................................ومن بعد فاتو عامين وحتى واحد ما جا خطبها من بعده وحست روحها بارت ........أيا عاودت رسلتله وقالته غير أرواح راني قابلة بدون شرووط ....وهو مسكين ولالها وتزوجو..................................بصح ما سلكتش من كلام الناس اللي بداو يقولو : حتى مين بارت و ما لقات عليه وين رسلتله......................وهو ثاني هدرو فيه وقالو: لوكان عنده النيف قاع ما يوليلهاش.......................................... .............وهادي هي

[سُمو الأمــيرَة]

طبعا الحل في ايديهم

==================

انت لا تعرفني جيدا

عندما اخترت اسم الزير سالم لم اكن مخطأ

فالشعر كان يمشي في عروقي
و خصوصا الغزل

و لكني طلقته بالثلاث

هههه
هههههههه الف مبروك يا زير المنتدى ...فالغزل امر تافه تافه تافه بالثلاث

[عُضو مُحترم]

لو كانت تحبك حبا حقيقيا لتنازلت عن كل الشروط ورضيت بالقليل
ربي يعوضك خير
تحياتي

شكرا اختي

ربي برحمتو

[عُضو مُحترم]

هههههههه الف مبروك يا زير المنتدى ...فالغزل امر تافه تافه تافه بالثلاث

شكرا يبارك فيك


االغزل ابو الشعر لا تنسي ذلك يا اختي

[عُضو مُحترم]

السلام على الجميع

ظاهرة غلاء المهور وكثرة الشروط راهي كاينة بزاف في مجتمعنا , بصح لوكان جاو لبنات قاع يفهموا ياك يقولو : خير النساء أقلهن مهورا.
نحكيلكم على وحدا جارتنا خطبها واحدفقير ما بغاتهش وقلتله لا ..........................................ومن بعد فاتو عامين وحتى واحد ما جا خطبها من بعده وحست روحها بارت ........أيا عاودت رسلتله وقالته غير أرواح راني قابلة بدون شرووط ....وهو مسكين ولالها وتزوجو..................................بصح ما سلكتش من كلام الناس اللي بداو يقولو : حتى مين بارت و ما لقات عليه وين رسلتله......................وهو ثاني هدرو فيه وقالو: لوكان عنده النيف قاع ما يوليلهاش.......................................... .............وهادي هي

المهم راهي في دار راجلها

و المهم هو تزوجها بالحلال

و اللي يهدر .... يهدر
==================
ياك دارو
عقد شرعي

و عقد مدني

و عرس و لو بسيط

كيما قاع لناس و العباد
==================
المهم الزوج و الزوجة يتفاهمو

الشعب الآخر

ما يهمش


و لا راني غالط اختي؟؟؟؟؟

[أم عائشة أنفال]

المهم راهي في دار راجلها

و المهم هو تزوجها بالحلال

و اللي يهدر .... يهدر
==================
ياك دارو
عقد شرعي

و عقد مدني

و عرس و لو بسيط

كيما قاع لناس و العباد
==================
المهم الزوج و الزوجة يتفاهمو

الشعب الآخر

ما يهمش


و لا راني غالط اختي؟؟؟؟؟


لا لا ما راكش غالط.........بصح مشي أنا اللي هدرت فيهم .......الناس ...الناس هوما اللي هدرو.... والله ما أنا.

[عُضو مُحترم]

لا لا ما راكش غالط.........بصح مشي أنا اللي هدرت فيهم .......الناس ...الناس هوما اللي هدرو.... واللللله ما أنا.

اعرف

فقط اردت ان اوصل لك فكرة

ان المهم بالنسبة للمرأة ان يكون لها زوج و يرزقها ربي منه الاولاد

و الرجل المهم بالنسبة له زوجة و ربي يرزقهم الاولاد

أما قضية .... بارت و..... ما بارت ....و كلام الناس
لا يهم

أمام الله و العباد

هما زوج و زوجة على سنة الله و رسوله

و هذا هو المهم
=======================


هكذا لازم يخمم الشعب ........هههههههههه

===================

اختي

ارجو ان تقومي يتعديل مشاركتك لسابقة

و هذ بكتابة لفظ الجلالة كما يجب

الله

[حواء الجزائر]

الله يسهل ماكنش غير انت راجل .ليس مشكل ان تدهب والاهم عندى انى حتى بدونك انا موجودة ولكن توقف شكرا على الصراحة وشكرا جزيلا على الرحيل والخير من بعدك جاى ماديتوش معاك .اتمنى ان يكون رد خطيبتك بهدا الشكل مع احترامى الفائق لك اخى الصغير.

[عُضو مُحترم]

الله يسهل ماكنش غير انت راجل .ليس مشكل ان تدهب والاهم عندى انى حتى بدونك انا موجودة ولكن توقف شكرا على الصراحة وشكرا جزيلا على الرحيل والخير من بعدك جاى ماديتوش معاك .اتمنى ان يكون رد خطيبتك بهدا الشكل مع احترامى الفائق لك اخى الصغير.

بالنسبة لي

ليس مهما ما تقوله

بعد ما قلت انا

فلم يعد يربطني بها رابط

فهي من الماضي

و كلامها لا يهمني
==================
شكرا اختي على التفاعل

[أم عائشة أنفال]

اعرف

فقط اردت ان اوصل لك فكرة

ان المهم بالنسبة للمرأة ان يكون لها زوج و يرزقها ربي منه الاولاد

و الرجل المهم بالنسبة له زوجة و ربي يرزقهم الاولاد

أما قضية .... بارت و..... ما بارت ....و كلام الناس
لا يهم

أمام الله و العباد

هما زوج و زوجة على سنة الله و رسوله

و هذا هو المهم
=======================


هكذا لازم يخمم الشعب ........هههههههههه

===================

اختي

ارجو ان تقومي يتعديل مشاركتك لسابقة

و هذ بكتابة لفظ الجلالة كما يجب

الله


صاحا يا سيدي راني عدلتها ( مع انها كانت غلطة غير مقصودة)
بصح أنا في الرد الاول تاعي كنت جايا في صفك و وقلت بلي ما حقش عليها خطيبتك وكي زدت لك قصة جارتنا كان قصدي باه نقولك بلي حتى لمين تزيرت باه عرفت بلي ما يليقش تكثر الشرووط وتغلي المهر.......
..قولي الصراحة لوكان جيت انت في بلاصته زعما توليلها بعدما رفضاتك في الخطرا الاولى..

[عُضو مُحترم]

صاحا يا سيدي راني عدلتها ( مع انها كانت غلطة غير مقصودة)
بصح أنا في الرد الاول تاعي كنت جايا في صفك و وقلت بلي ما حقش عليها خطيبتك وكي زدت لك قصة جارتنا كان قصدي باه نقولك بلي حتى لمين تزيرت باه عرفت بلي ما يليقش تكثر الشرووط وتغلي المهر.......
..قولي الصراحة لوكان جيت انت في بلاصته زعما توليلها بعدما رفضاتك في الخطرا الاولى..

لا محال

علاه غير هي اللي مرا فوق هاذي الارض

كاين خير منها الالاف

و زيد

فكرة الزواج كامل نحيتها من بالي

ضرك

القراية و الخدمة و الدراهم...برك

الزواجح مؤجل الى ما بعد 2015

[أم عائشة أنفال]

لا محال

علاه غير هي اللي مرا فوق هاذي الارض

كاين خير منها الالاف

و زيد

فكرة الزواج كامل نحيتها من بالي

ضرك

القراية و الخدمة و الدراهم...برك

الزواجح مؤجل الى ما بعد 2015


علابالي بلي عندك النيف ...................
يااااا ياسين خويا الله يهنيك ويكملك ما راك متمني.......وزير روحك 2015راه قريب

[قمر الهضاب]

ربي يعوضك ماخير منها الى كانت القصة قصتك صح وربي يسهل على كل شاب ناوي لحلال ويهدي كل طفلة عاميينها الدراهم

ناس تحوس على الدراهم وناس تحوس على الهنا مش كامل كيف كيف

سلااااااااام

[ذكرى مضت]

انتيا وقيلة تحوسي على مخالفة اخرى يا طفلة ما كفاتكش تاع لبارح

[قمر الهضاب]

انتيا وقيلة تحوسي على مخالفة اخرى يا طفلة ما كفاتكش تاع لبارح

هههههه خلعتيني وعلاه وش درت راني عاقلة :o:o:o:o:o خاطييييييييني :1::rolleyes:

[ذكرى مضت]

هههههههههههههههه ما تشاركيش في مواضيع الفتى في اليل تعودي ما تشوفيش القسم
و في الصباح تلقاي روحك عندك بروسي .........

[قمر الهضاب]

هههههههههههه لوكان يطل عليك وش راكي تهدري في موضوعو ظك يديقاجيك هههه بصح والله يا لبارح مادرتها بالعاني مشفتش وش من قسم اتيراني لعنوان دخلت

[ذكرى مضت]

المرة الجاية شوفي القسم و من بعد العنوان

[قمر الهضاب]

ههههههه خلاص شهمت بصح انت وعلاه دخلتي لعندهم ولا كامل ضربنا لعمى لبارح