لقد ظلموني في التصحيح

[yahya1991]

السلام عليكم
انا عديت الباك حر و خدمت ملييييييييييييييييييييييييييييح
المهم كنت متوقع معدل 13 او 14
المهم جا الميساج و جات معاه الصدمة
لقيتو 11
المهم انا تليشارجيت التصحيح و بديت نقارن فيه مع اجاباتي طبعا في المسودات
لقيتو تقريبا صحيح معناه المعدل لازم يكون اكثر من 11
رحت سقسيت صحابي قلتلهم ندير طعن
قالولي اخطاك يا راجل راهم يعذبوك و يتعبوك و ما يعطوكش النقطة تاعك+ لازمك تكون عندك كتاف و لا معريفة كيما نقولو
و انا ما عندي غير وجه ربي
يا جماعة نصحوني وش ندير راني ضيعت عام تاع في الجامعة على جال الباك هادي
و راني ناوي على باك اخرى و نحمد ربي راني مازلت صغير في العمر
سمحولي طولت عليكم مي قولولي وش ندير
نعفس على قلبي و ندير باك اخرى و لا وش ندير

[الـ^ـسَّــآآحِـ^ــرْ ،]

أخي مادام ظلموك لازم تطعن .

[yahya1991]

قالولي لازمك معريفة ولا اكتاف باه يعطوك حقك
و قالولي ممكن ما يخلوكش دير طعنأخي مادام ظلموك لازم تطعن .

[نحب الناس]

انا نقلك كمل روح اقرى الجامعة نتاعك

[نحب الناس]

المعدل 11 ناس ماقتهاش

[oper]

ياسلام على اللغة العربية الفصحى

[الـ^ـسَّــآآحِـ^ــرْ ،]

ياسلام على اللغة العربية الفصحى
أخي إذا أنت راضي بالوضع انتظر عاما كاملا ً ،

لكن الانتظار صعب

[نحب الناس]

ياسلام على اللغة العربية الفصحى
واش حاسب في روحك خو

[nadjibosse]

الطلاب لم يتحصلو على الباك راضون على النتيجة ويحمدون ربهم وأنت نجحت بمعدل 11 ماحمدتش ربي هيا خلينا.في هدي الدنيا تدي واش مكتبلك ربي.

[ikram95]

إذا درت طعن و لقاو بلي نتا را غالط و هوما راهم صح 5 سنين ما تفوتش الباك

و في التصحيح تاع أوراق الإمتحانات يصحوهم زوج خطرات و إذا لقاو الفارق بين المصحح الأول و الثاني كبير يصححها مصحح آخر .

و الباقي عند ربي .

[صُبح الأندلس]

يا أخي أحيانا يظن الطالب أنه أجاب إجابة كاملة و يتفاجأ بالعلامة السيئة و السبب أنه قد يكون وقع في زلة و لم ينتبه لها أو ظن نفسه أجاب و هو لم يفعل و قد يكون نسي بعض الأسئلة أو لم يفهمها و أجاب إجابة خارج الموضوع
أما عن حالتك أنت و ما دمت تقول أنك قارنت التصحيح مع إجاباتك فلتعلم أخي أن الاجابة دائما تكون نسبية و خاصة إذا كنت امتحنت في شعبة أدبية
نصيحة لا تحاول الطعن لأنك لن تتعب إلا نفسك و لم يحدث يوما أن طعن أحدهم و أعيد تصحيح أوراقه
لا تيأس و أعد المحاولة في السنة القادمة إن شاء الله

[yahya1991]

اوكي
ان شاء الله خواتي و مشكورين على النصيحة
مي خواتي الي قالولي 11 تكفيك
انا راني ناجح قبل و عديتها الباك و انا عمري 16 سنة عام 2008 علوم تجريبية
و ان شاء الله راح نعاودها
و الباقي على ربي

[الفضل]

احمدوا ربي انا كمان خدمت وجبت بس كنت انتظر اكتر من هيك

[سامية الجزائر]

كملي روحي الى الجامعة احسن

[manouchebsm]

روحوااااا للجامعة بركوكم هذا مكتوبكم كونوا نذمن الاوائل في الجامعة وجوزوااا الماجستير
بالتوفيق للجميع

[hichammed]

السلام عليكم
بصفتي كنت مصححا في البكالوريا فإني أطمئنك بأن التصحيح دائما في صالح التلميذ ، وإمكانية أن يظلموك غير واردة أصلا ، بل بالعكس تأكد أن النقطة الممنوحة لك أكبر من النقطة الفعلية لو تم التصحيح بكل صرامة .

[محبة الله ورسوله]

انا من رائي هل انت متاكد لان صعب تحكم هيك
خصوصا يصحو استاذة صحو اكثرمن مرة يعني 3استاذة يعقبو عليكم تصحيح
انا بصراحة قلهم يعودلك تصحيح هيك تكون مطمن هم يكنو مظلمكش
احمد ربي انك جبتو
عندي صديقتي تحصل في معدل فصلي 13 بعدين صدمة وجدة نفسها مهيش ربحة
صديقتي ايضا بعرفها كان ظمنة روحها تدي 14 13 صدمة وجدت نفسها مربحتش
الله اعلم
قول استاذتك
هم يقدرو يساعدك
تقبلو مروري

[chamseddine]

ana kont dayar fibali njib 10.00 hata lkit 11.32

[chamseddine]

bassah na3raf math wo fizik bazaf w mikanik hada wach na3raf nakra

[سمر954]

مكانش ظلم كل واحد وخدمتو