والله يا بن بوزيد حطمت احلامنا بالمعدلات الخيالية [الأرشيف]

youcef_99

2010-07-07, 16:18

اولا اهنئ كل الناجحين:19: في شهادة البكلوريا وحظ اوفر للراسبين :mh31: العام القادم

انا احد الناجحين في البكالوريا بمعدل 13.55 ولا اظن انه معدل يستحق اختيار جامعي جيد
لا اظن انه كاف حتى لدخول علم النفس
لماذا المعدلات المرتفعة اذا كانت لا تحقق احلامنا .. كنت اتمنى الاعلام الالي في المدرسة العليا لكن لا اشك حتى
في انني ساراها امامي
ربما سيدخلني معدلي الى الادب واللغات بعد تعب عام طويل في العلوم التجريبة
فرحة :confused: ولم تدم

مريومة مريم

2010-07-07, 16:20

الف مبروك
واش راح ادير هادي هي البلاد تاعنا

youcef_99

2010-07-07, 16:25

بلاد الهبال يلعبهالك ب13
انا راهي جاية في بالي لا ما حطونيش تخصص مليح نعاود العام

سارة

2010-07-07, 16:29

مبروك عليك خويا عندك الحق

youcef_99

2010-07-07, 16:37

الله يبارك فيك اختي ان شاء الله تجيبي الباك العام الجاي بمعدل
شباب بزاف وتروحي وين تحبي بالتشناف

سطايفية بكل فخر

2010-07-07, 16:48

انا رايحة ندير بمعدلي هذا العام شعبة العاطلين عن العمل تخصص حيطيست لانه ماكانش شعبة تقبل معدلي غيرها هي
وحتى هاذي الشعبة قالولي مافيهاش الخدمة كي تخلص قرايتك

youcef_99

2010-07-07, 18:29

الحيطيست ولات بالباك روحي خرجي تعارف وجيبي تصاور وبالاك تصحلك

الهام الحياة

2010-07-07, 19:59

نقولك افرح دركا و من مبعد ربي يديلها 1000000000000 طريق
الف مبروك و لعقوبا لينا العام الجاي

❀ بَسْمَةْ أَمَلْ ❀

2010-07-07, 20:04

والله حقرة وظلم لهذي الدرجة ولا للي قرا كي للي مقراش العام كامل وانا نجبد كي التيس من بعد ميعطوليش وقيلة حتي فنون ولا سبور

Nour el houda93

2010-07-07, 20:12

الحمد لله معقبتش الباك هذا العام.....
ان شاء الله برك العام الجاي يصعبوه...هههههه

biberse1192

2010-07-07, 20:25

nta ou moin 13 ana 11 chandir biha keli marbahatch ze3ma i nesma ta3 farha w sayé bari wakila che3b ga ydir para medical welahla bzff

assoumat_dodi

2010-07-07, 22:32

ههههههههههههههههههههه ادا واش نقول انا لي ديتو ب 10 وقيلا عساس منلحقش باه نديرها المهم فرحنا وديناه عالخطرة الاولا وانا علا روحي مازالني صغيرة ودخلت نقرا في عمري 5 سنين نشا الله نعاودو بالمراسلة و نجيبو العام الجاي بمعدل مليح

kader7989

2010-07-07, 22:46

ما عليش ما تبكيش ............ كي نتي ما حبيتيش 19 اللي خسرو و لا لي جابو 10 واش يقولو خخخخخخخخخخ

minou22

2010-07-07, 23:22

هادي بلاد ميكي والتيكي انا صراحة تفاجئت بمن تحصلوا على 18 نحن في الغرب كان التصحيح نزيه جدا و اظن في الجنوب ايضا اما بقية الاتجهات التصجيح فيها فيه ان وكان واخواتهما

floritta

2010-07-08, 00:18

الله يهدي بن بوزيد في سبتو نص التلاميذ اللي جابوه راح يعاودو الباك و كأنو النسبة 32 بالمئة وزيد راح يعاود يخلق مشكل مع القبايل
الله يهديه ولا يديه هاذا واش نقدرو نقولو والله راني حاسة روحي فأرة تجارب كي رايحة نفوت الباك العام الجاي و سمعت بلي راح يبدلو البرنامج

hicham91

2010-07-08, 08:05

واش تحب... صحاب لمعارف هردونا

dadiidad

2010-07-08, 08:13

مبروك عليكم ياالي جبتو الباك
بصح الباك نتاع بلادنا كي يكون 18 على عشرين ماتقدر تخدم بيه والو في الخارج

سطايفية بكل فخر

2010-07-08, 14:49

حسبنا الله ونعم الوكيل في الوزارة نتاع الهم

youcef_99

2010-07-08, 17:22

شفتو الاعلام الالي دارولوا 14 .... الطب 15 .... طب اسنان 14 .... واش بقا بقالنا غير نروحو محروقين مشي محروقات
يخي بلاد ... طول وانا كي نسمع بواحد جاب الباك ب12 ولا 13 نقول بلي هذا نجح في هذه الدنيا .. وتلقاه قادر يدير واش يحب
بصح السنة هذهه كلاتنا قراية علم النفس ... والله نقولكم انا كرهت خلاص ما حبيت نلحق ل 14 .. ما حبيت ندي 10 ونسكت كي خاوتي
شيعة بلا شبعة

walid5891

2010-07-08, 18:54

j'ai une nouvelle pour les nouveaux bacheliers voici les moyens limites d'entrée aux differentes filliere de l'université d'apers MESRS:
PHARMACIE 15,76
MEDECINE 15,16
INI 16,58
éPAU 15,08
MEDECINE MILLITAIRE 17,87
PHARMACIE MILLITAIRE 17;91
CHIRIRGIE DENTAIRE 14,98
POLYTECH 17,19
ARCHITECTURE 11;65
ENPEI 13 POUR PARTICIPER AU CONCOURS D'ACC2E

asin

2010-07-08, 22:00

الله يحطم احلام بن بوزيد كيما حطم احلامنا وانا صراحة نقول لكم انه لو يعاودو الباك للداو بمعدل 14 فما فوق ما يدو منهم غير ثلاثة او ربعة

asma1856

2010-07-08, 22:05

سمحولونا بصح هكا ما ولاش قع كاين مستوى يا درا شحال رتبتنا في العالم الف مبروك للناجحين و لعقوبة للباقين

جزائري وأفتخر

2010-07-09, 10:57

أنسقسيك وعلاش علم النفس قليل آو يحبلك باش تقرا علم النفس
نوصيك دير حقوق

youcef_99

2010-07-09, 11:21

ياو اسمحلي خويا انت روح اقرا علم النفس انا راحا نعاود الباك
كي عاد 13 ما ديلك والو
نعاودو الباك وخلاص

sat08

2010-07-09, 13:21

املا عان جاي النسبة تكون 20 ويكون صعيب ربي يكون معنا برك

°•°• همس الخواطر •°•°

2010-07-30, 12:38

هههههههههههههههههههههه
اعلام آلي راهي ب 16.89
مدرسة عليا ماكانش تحت 16
و الله عير انا كنت متؤكدة بلي يمدولي علوم دقيقة لدرجة انو كي قريت رياضيات و اعلام آلي قلتلهم يخي قلتلكم يمدوهالي
صخبتهم مدولي مدرسة عليا هههههههههههههههه
خطراكش أنا معدل حسابي نتاعي فيها 16.30 كنت متؤكدة 200/100 بلي يمدولي مدرسة عليا
بصح في بلاد ميكي تتوقع كلش

bou48

2010-07-30, 20:28

انا تحصلت على بكالوريا 2010 بمعدل 15.27 أمنيتي كانت دراسة الصيدلة و لكن قد وجهوني الى جراحة الاسنان جامعة وهران السانيا .يمكنني اعادة البكالوريا العام القادم و دخول الصيدلة ان شاء الله . ولكن الصدمة كانت جد قوية بعد تحطم حلمي وحلم عائلتي ..

sofiane_2052

2010-07-30, 21:27

انا يا أخي جبتو ب13.45
يعني رانا قراب
وحاس بلي احلامي كلها تحطمت
ومتنساش بلي كلش بالمكتوب

nesrine-girl

2010-07-30, 22:22

لي جاب فوق 15 علاه يشقي روحو و يعاود الباك كيما
انا تحصلت على بكالوريا 2010 بمعدل 15.27 أمنيتي كانت دراسة الصيدلة و لكن قد وجهوني الى جراحة الاسنان جامعة وهران السانيا .يمكنني اعادة البكالوريا العام القادم و دخول الصيدلة ان شاء الله . ولكن الصدمة كانت جد قوية بعد تحطم حلمي وحلم عائلتي ..

العام الجاي ماكانش النتائج الخيالية هدي مالا سجلي في الجامعة جراحة أسنان و بلوكي العام و ريحي في داركم والعام الجاي 15 ديري وش تحبي طرونسفيري من جراحة اسنان لصيدلة و فرات انا نعقب الباك هاذ العام و الله حاسة فيك تتغبي مرتين هذا رايي