وااااش رايكم

[❀ بَسْمَةْ أَمَلْ ❀]

اعطوني رايكم في مهندس البترول

اي تخصص متعلق بالمحروقات

هل ياساعدني وانا بنت لانو حاسة فيه شقا ممكن تقولولي واش فيه

[القمر الحالم]

صح لأنو العمل تاعك رايح يكون في الصحراء على الدوام
بالتوفيق لك

[منعم م]

مكانش مهندس محروقات كاين ل م د
يوجد تخصصات في المحروقات ممكن تساعد البنات مثل transport

[nadjibosse]

واش نقولك سقسيني وأنا نجاوبك حول إستفساراتك.كوني أنا أدرس محروقات.وهي نظام ل م د 3 سنوات ليسانس وعامين ماستر ودكتورة وهي تدرس في جامعة بومرداس.

[❀ بَسْمَةْ أَمَلْ ❀]

انا عيييت لي نعول نديرها نلقي فيها مشكل ياربي ساعدني

[nadjibosse]

علاش فيها مشاكل أنا يقراو معايا بنات وكل واحدة واش خيرت تخصص عندنا 12 تخصص ختي شوفي نت واش راكي حابة الديري.ديري في بالك مراكيش ر ايحة باش ترقدي راكي رايحة باش تقراي أنت وشطارتك وزيدي وديري في بالك بالاك تخرجي تخدمي فالصحراء .و معدل الأولي للقبول 14/20 وأنا على مأظن أنه سيصل إلى 15/20.

[❀ بَسْمَةْ أَمَلْ ❀]

علاش فيها مشاكل أنا يقراو معايا بنات وكل واحدة واش خيرت تخصص عندنا 12 تخصص ختي شوفي نت واش راكي حابة الديري.ديري في بالك مراكيش ر ايحة باش ترقدي راكي رايحة باش تقراي أنت وشطارتك وزيدي وديري في بالك بالاك تخرجي تخدمي فالصحراء .و معدل الأولي للقبول 14/20 وأنا على مأظن أنه سيصل إلى 15/20.

انا معدلي 14 هذا اذا قبلوني قبل ممكن تقلي واش مستقبلهااا

[nadjibosse]

مستقبلها على حسب معلوماتي زاهر هي لي فيها مستقبل في الجزائر بصح إن شاء الله يقبلوك فيها وسوف أزودكي بكل المعلومات عنها.لا تترددي بأي إستفسار.

[❀ بَسْمَةْ أَمَلْ ❀]

شكرا خويا ربي يخليك ويسترها معايا في التخصص الجامعى

[zakamar]

Koul wahed wech rahou Yahki ! fo Demander au gens du milieu comme najib

[nouar_yassine]

اختيار مليح اختير...اختاريه على بركة الله و ماتسقسيش بزاف...باسكو راي الناس مايديكش بعيد..ديري الحاجة اللى راكي حابة تقرايها ماشي اللى راهم حابينها الناس
ربي يوفقك

[mouloudia_26]

اخي nadjibosse
السلام عليك اخي انا طالب حصبت على البكالوريا تمنيت ان ادرس الطيران لكن اظن ان الامر صعب
لدا اردت ان اطلب رايك في اختصاص محروقات كونه اختصاصك ووليد المدية ايضا
هل هي صعية ام هي سهلة وماهي اللغه التي يدرس بهاااا قالولي بالانجليزية وانا لا اعرف الانجليزية
علما اني خصلت على 14.98 علوم تجريبية ارجو رايك اخك وشكرااا لك

[نينو]

المحروقات تخصص رائع وممتاز
الدراسة متوسطة ليست صعبة وليست سهلة
+
اضن ان الهندسة الكهربائية والالكترونية جيدة ايضا وهي اسهل منها

[❀ بَسْمَةْ أَمَلْ ❀]

شكرا لكم علي الافادةو ربي يجيب للي فيه الخير لكل واحد

[nadjibosse]

فيما يخص المحروقات نحن ندرس باللغة الفرنسة في جامعة أحمد بوقرة في بومرداس النظام ل م د معدل القبول الأولي هو 14/20 فما فوق ويتم حسابه كالتالي )معدل الباك+معدل الرياضيات+معدل الفيزياء)/3= يجب أن يساوي 14/20 أو أكثر .
فيما يخص الدراسة أي تخصص تذهب إليه لا تجده ساهل بل يجب عليك بالدراسة ولي يقرا ينجح ولي يديها تمسخير يلقى روحو برا.
الإقامة الجامعية الذي يريد تخصص محروقات بالنسبة لذكور في زموري و البنات الإقامة الوناس زياني موجودة بالجنب من الجامعة وهي أمام المحطة القطار.
أي إستفسار أنا في الخدمة.

[❀ بَسْمَةْ أَمَلْ ❀]

شكرا اخي مساعدتك مليحة بزاف بصح انا لحد الان معرفتش وش ممكن ندير بيها في المستقبل نروح نخدم في الصحراء ولا كيفاش

[nadjibosse]

هي باش ما نكذبش عليك إحتمال 65بالمئة تروحي تخدمي فالصحراء لأن هناك تخصصات ليس في الصحراء هناك في وهران و سكيكدة وهناك شراكات ممكن أن تنخرطي معهم سونتراك وسونالغاز .
وأنا أنصحك بزيارة هذا الموقع فيه كل شيء
http://www.9alam.com/forums/showthread.php?t=19000

[❀ بَسْمَةْ أَمَلْ ❀]

شكرا خويا علي المساعدددددة ربي يحفظك

[nadjibosse]

العفو لا شكر على واجب.ربي يوفقك .لاتنسينا من خالص الدعاء.