بالنسبة لمن لم يرضى بمعدله لكونه غير كافي للشعبة المرغوبة

[silentman]

بسم الله الرحمن الرحيم
لقد اجتزت شهادة الباكلوريا شعبة علوم تجربية وتحصلت على معدل 12 حيث اعتقد انه غير كافي للحصول على مقعد في شعبتي المرغوبة لدا فلقد فكرت في عدة حلول وبحثت في منتدانا الغالي فلم اجد اقرب حل الى قلبي وهو اعادة الباكلوريا في الثانوية بشكل عادي .من هدا المنطلق أريد من اخوتي وأخواتي ان يتفضلوا علي وعلى كامل القراء بالإجابة الشافية والكافية على بعض الأسئلة :
rolleyes:
1_ ما رأيكم في إعادة الباكلوريا بشكل عادي اي الرجوع الى الثانوية رغم نجاحنا في هده الدورة؟

2_هل يمكن للطلبة المتحصلين على شهادة الباكلوريا الالتحاق بأقسام النهائي لإعادةاجتيازه في الدورة القادمة؟وهل لهم الأفضلية على الراغبين في الإعادة بسبب اخفاقهم في دورة جوان 2010؟

3_هل ينفع اعادة الباكلوريا كمترشح حر ودلك مع العلم ان التوقعات تأكد ان السنة القادمة ستكون أقل توترا من هاته السنة اي ان العتبة ستكون اعلى وبالتالي ستواجهنا دروس لم ندرسها خلال هده السنة؟

4_ ممكن بعض قصص من تعرض لنفس الموقف سابقا؟
والله ولي التوفيق سلام :19:

[❀ بَسْمَةْ أَمَلْ ❀]

نفس الاستفسارات للي حابة نعرفها علي خاطر انا ثاني حابة نعاود الباك حتى ورانى جبتو بصح تبانلي منقدروش نعاودو في الليسي نعاودوه احرار وخلاص

[silentman]

نفس الاستفسارات للي حابة نعرفها علي خاطر انا ثاني حابة نعاود الباك حتى ورانى جبتو بصح تبانلي منقدروش نعاودو في الليسي نعاودوه احرار وخلاص


بصح اختي العام الجاي جابلي ربي موش رايحين يديروا بزاف اضرابات يتسمى رايحين يقراو كثر من واش قرينا سنة على هادي خايف يكون عندنا دروس عمرنا لشفناهم

[b-flower]

مستحيــــــــل تعاودو في الليسي + ما تتسرعش استنى حتى يبداو التسجيلات بلاك تلقى شعبة تعجبك


لكن راني لاحظت بزاف لي ما عجبوهمش معدلاتهم على هاديك نقوللكم احمدو ربي و اشكروه كاين بزاف لي ما جابوهش و مادابيهم يكونو في بلاصتكم

و بالتوفيق ان شاء الله

[nadjibosse]

مبروك عليكم الباك بصح في القانون يمنع منعا بتا بإعادة البكالوريا في الثانويات ويحق لك بالإعادة حر ولا تنسى أن فترة التسجيل فترة ضييقة كيما العام الماضي حبست 15 ديسمبر2009 ولذا أنا أنصحك بالدخول للجامعة وتخير تخصص بالاك يخرج عليك وإذا ماعجبكش أنت راك تقرا فالجامعة وراك تعاود فالباك حر.ملاحظة مهمة لا تنسى أخي الكريم بأن قراءة المنشور الوزاي والدليل مهم جدا والكثيرين ينسو الأمر.ربي يوفقكم جميعا.

[منعم م]

1_ ما رأيكم في إعادة الباكلوريا بشكل عادي اي الرجوع الى الثانوية رغم نجاحنا في هده الدورة؟
لا انصحك بذلك
2_هل يمكن للطلبة المتحصلين على شهادة الباكلوريا الالتحاق بأقسام النهائي لإعادةاجتيازه في الدورة القادمة؟وهل لهم الأفضلية على الراغبين في الإعادة بسبب اخفاقهم في دورة جوان 2010؟
لا يمكن ذلك
3_هل ينفع اعادة الباكلوريا كمترشح حر ودلك مع العلم ان التوقعات تأكد ان السنة القادمة ستكون أقل توترا من هاته السنة اي ان العتبة ستكون اعلى وبالتالي ستواجهنا دروس لم ندرسها خلال هده السنة؟
هذا هو الحل الوحيد
4_ ممكن بعض قصص من تعرض لنفس الموقف سابقا؟
اعرف من لم يعجبه التخصص ولكن دخل للجامعة واعاد البكالوريا احرار
لذلك انصحك بدخول الجامعة لاخد الخبرة واعادة الباك حرا
والله ولي التوفيق

[ben mohamed]

عندك الحق خويا
الي ربح الباك باقل من 14 يفرق عليه كاس ماء و ميعتبرش روحو بلي جاب الباك

[القمر الحالم]

الاعادة في الثانوية مستحيييييييييييييييييييييييييييييييييييييييييييييي يييلة
لأنك الآن ناجح في شهادة الباكالوريا
أما كمترشح حر فبامكانك أما بالنسبة للعتيبة فما عليك إلا بالدروس الخصوصية
وقد واجهت نفس المشكلة فمعدي 13.97 لم يؤهلني لدخول الطب والذي هو 14.00
لا علينا كل عطلة فيها خير

[silentman]

عندك الحق خويا
الي ربح الباك باقل من 14 يفرق عليه كاس ماء و ميعتبرش روحو بلي جاب الباك

للأسف عندك الحق

[القمر الحالم]

لالا ماشي شرط كاين يقراو معايا عندم والله العظيم 15 وحابسين منين جاهم المعدل مافهمتش

[silentman]

ممكن تفاعل أكثر نظرا لأهمية الموضوع والتركيز على الإجابة على التساؤلات

[asmamaam]

متتسرعش خويا اصبر حتى تشوف الاختيارات الممنوحة كل راهو عندنا نفس المشكل معدلات ناقصة انا مثلا معدلي 13.90 ومنقدرش ندير وش نحب

[asmamaam]

مستحيــــــــل تعاودو في الليسي + ما تتسرعش استنى حتى يبداو التسجيلات بلاك تلقى شعبة تعجبك


لكن راني لاحظت بزاف لي ما عجبوهمش معدلاتهم على هاديك نقوللكم احمدو ربي و اشكروه كاين بزاف لي ما جابوهش و مادابيهم يكونو في بلاصتكم

و بالتوفيق ان شاء الله


الحمد لله على كل شيئ لكن أختي عدم قبول المعدلات أمر طبيعي متنسايش أعلى معدل 18 يعني كما قال الاخ تحت 14 مكان والو والانسان دايم يشوف لي اكثر منو في المستوى يعني الغيرة هي لتخلي الانسان يقرا

[spinoza]

أنا ربحت الباك نتاعي بمعدل 11.87 و الحمد لله ... الشيئ الوحيد لي طلعلي المعدل العلوم الطبيعية و ما خدمتش في الرياضيات و الفيزياء مليح على خاتر نبغي العلوم و على هذا غادي ندير بيولوجيا وراني مقتنع بلي رايح نوصل بعيد و كاين لي يقولي ما دير بيها على خاتر لي داروها وصلو ليسنس و كرهو انا رايح نكملها دكتوراه بإذن الله ... و ربي يوفق الجميع

وننصحك خوي مانعاودش بالاك يصعبولهم و ماتربحش ....

[silentman]

المشكل اني ما نعرفش واش اندير نعاود الباك ولا تصدم ونقرى اللي جات معلاباليش خلاص

[silentman]

نتمنى المشاركة من الإعضاء بإبداء آراءهم

[maykel08]

1_ ما رأيكم في إعادة الباكلوريا بشكل عادي اي الرجوع الى الثانوية رغم نجاحنا في هده الدورة؟
اعادة الباكالوريا افضل حل انا مثلا اخدت 12.88 شعبة رياضيات و لم اجد شيا جيدا بهدا المعدل

2_هل يمكن للطلبة المتحصلين على شهادة الباكلوريا الالتحاق بأقسام النهائي لإعادةاجتيازه في الدورة القادمة؟وهل لهم الأفضلية على الراغبين في الإعادة بسبب اخفاقهم في دورة جوان 2010؟
يمكن بالمعرفة و انا ساقوم بدلك ايضا
و لكن سجل بالجامعة ايضا

3_هل ينفع اعادة الباكلوريا كمترشح حر ودلك مع العلم ان التوقعات تأكد ان السنة القادمة ستكون أقل توترا من هاته السنة اي ان العتبة ستكون اعلى وبالتالي ستواجهنا دروس لم ندرسها خلال هده السنة؟

بالاجتهاد النجاح و تاني العام الجاي يطيحو شوية معدلات القبول في الجامعات
مثلا الطب في 2008 كان 14 و في 2009 اصبح 12.5 و في 2010 اصبح 14
4_ ممكن بعض قصص من تعرض لنفس الموقف سابقا؟
والله ولي التوفيق سلام
انا هاد العام درست معي فتاة تحصلت على 11 العام الفائت و اعادت الباكالوريا في الليسي معانا و لكن كانت مسجلة في الجامعة و كانت بمثابة احرار في الليسي

انا انصح بالتسجيل في الجامعة و اعادة الباكالوريا احرار و ادا كان كاين العرف تدخل تقرا في الليسي

[islamoc]

لالا ماشي شرط كاين يقراو معايا عندم والله العظيم 15 وحابسين منين جاهم المعدل مافهمتش

هادي الناس لي تحفض متأكد أنكي حطيتي روحك فاهمة و كلحوك هدا واش صرالي مع أنني جبت 16.4 و لكن سبقوني عباد لم أكن أتصور أنهم رايحين يسبقوني

[admiti]

إعادة الباكلوريا بشكل عادي اي الرجوع الى الثانوية

[Vimana_Ch+]

السلام عليكم,
أولا يا أخي من غير المسموح للناجح بشهادة البكالوريا إعادة الرجوع إلى المؤسسة التربوية, أي أنه في حالة رغبتك بإعادة إجتياز الإمتحان لا تملك غير خيار الإعادة بصفة حر -هذا قانونيا, لكن الكثير من يعيد بصفة حر و في مؤسسة تربوية-

-بكالوريا 2009 هي خير مثال, فأوائل السنة الفارطة أغلبيتهم الساحقة من معيدي البكالوريا نتيجة عدم رضاهم بالمعدلات, و فد تراوحت معدلات البكالوريات التي تحصلوا عليها لأول مرة من 10 إلى 14.10 أما بعد الإعادة: من 14.10 إلى 17.5. و هذا فأل حسن, لأن عتبة 2009 كانت أعلى من 2008 رغم ذلك جاءت النتائج إيجابية.

-يمكنك في حالة الإعادة الإستعانة بالدروس الخصوصية و هي الحالة الوحيدة المسموحة للتلميذ الناجح بالإتصال بأستاذ ثانوي.
لكن الدروس الخصوصية تتطلب جهدا و وقتا فإذا كنت مثلا تدرس في جامعة بعيدة عن مقر السكن, سيستعصي عليك الأمر.

-يمكنك التسجيل الجامعي, ثم تعطيل السنة الدراسية: بالأحرى Bloquer l'année للتفرغ التام لشهادة البكالوريا, هذا ما يعطي نتائج فعالة و لكنك بكونك لا تعلم القدر و ما يخفيه لا يمكنك الجزم بأن نتائجك المستقبلية ستكون أحسن لأنه في حالة حصولك على معدل أدنى لا يمكنك التسجيل -إذا لم تسجل سابقا في الجامعة- بمعدلك الأول, إنما سيكون معدلك الثاني هو صاحب الكلمة.

أنا من رأيي إستشر ربك, ثم فكّر مليّا هل فعلا يمكنك إيقاف السنة الجامعية و التفرغ مرة أخرى للبكالوريا مع العلم أن بقية الناجحين سيتخرجون قبلك بسنة إذا درستم لنفس المدة

و هل لك المقدرة على تنظيم الوقت و التركيز في دراستك الجامعية و شهادة البكالوريا؟ إعلم أولا أن الكلام سهل, فمهما هانت في نظرك الدراسة التي ستختارها فهي بدون شك تحتاج للتفرغ و بذل الجهد و الإرادة.

إذا كان لابد من الإختيار فانا أقترح: إعرف نفسك, قوة إرادتك, و ماذا تريد فعلا؟ ربما هناك من الإختصاص ما تحبه و ترتاح إليه... لا تستعجل الأمور ::

أختك في الله, شهرزاد
و السلام عليكم و رحمة الله و بركاته

[babi_555]

هذا لي يقولك !!!

يا عباد الله اتقوا الله في انفسكم كنتو تسناو في النتيجة أي خرجت النتيجة دركا زيدو برك اسناو معدلات القبول وكل واحد يعرف واش يخير ولا يعاود حر بلاش ه بلاش هذه المواضيع كلها والإستفسارات و الماوضيع كل أحد يجيب كلام ماعندوش اصدار هكذا راح يتوتر المترشح المقبل على الشهادة القدامة بحولي الله و راح يخاف المقبة

والسلام ورحمة الله وبركاته

[silentman]

السلام عليكم,
أولا يا أخي من غير المسموح للناجح بشهادة البكالوريا إعادة الرجوع إلى المؤسسة التربوية, أي أنه في حالة رغبتك بإعادة إجتياز الإمتحان لا تملك غير خيار الإعادة بصفة حر -هذا قانونيا, لكن الكثير من يعيد بصفة حر و في مؤسسة تربوية-

-بكالوريا 2009 هي خير مثال, فأوائل السنة الفارطة أغلبيتهم الساحقة من معيدي البكالوريا نتيجة عدم رضاهم بالمعدلات, و فد تراوحت معدلات البكالوريات التي تحصلوا عليها لأول مرة من 10 إلى 14.10 أما بعد الإعادة: من 14.10 إلى 17.5. و هذا فأل حسن, لأن عتبة 2009 كانت أعلى من 2008 رغم ذلك جاءت النتائج إيجابية.

-يمكنك في حالة الإعادة الإستعانة بالدروس الخصوصية و هي الحالة الوحيدة المسموحة للتلميذ الناجح بالإتصال بأستاذ ثانوي.
لكن الدروس الخصوصية تتطلب جهدا و وقتا فإذا كنت مثلا تدرس في جامعة بعيدة عن مقر السكن, سيستعصي عليك الأمر.

-يمكنك التسجيل الجامعي, ثم تعطيل السنة الدراسية: بالأحرى bloquer l'année للتفرغ التام لشهادة البكالوريا, هذا ما يعطي نتائج فعالة و لكنك بكونك لا تعلم القدر و ما يخفيه لا يمكنك الجزم بأن نتائجك المستقبلية ستكون أحسن لأنه في حالة حصولك على معدل أدنى لا يمكنك التسجيل -إذا لم تسجل سابقا في الجامعة- بمعدلك الأول, إنما سيكون معدلك الثاني هو صاحب الكلمة.

أنا من رأيي إستشر ربك, ثم فكّر مليّا هل فعلا يمكنك إيقاف السنة الجامعية و التفرغ مرة أخرى للبكالوريا مع العلم أن بقية الناجحين سيتخرجون قبلك بسنة إذا درستم لنفس المدة

و هل لك المقدرة على تنظيم الوقت و التركيز في دراستك الجامعية و شهادة البكالوريا؟ إعلم أولا أن الكلام سهل, فمهما هانت في نظرك الدراسة التي ستختارها فهي بدون شك تحتاج للتفرغ و بذل الجهد و الإرادة.

إذا كان لابد من الإختيار فانا أقترح: إعرف نفسك, قوة إرادتك, و ماذا تريد فعلا؟ ربما هناك من الإختصاص ما تحبه و ترتاح إليه... لا تستعجل الأمور ::

أختك في الله, شهرزاد
و السلام عليكم و رحمة الله و بركاته



سلام
اشكرك على الإفادة
أنا أعتقد ان أفضل حل هو إيقاف السنة كما سبق وقلت إلا أنه يتوجب علينا إنتظار معدلات القبول والتوجيه والدعاء بالحصول على الشعبة المرغوبة إن شاء الله

[*mina*]

من الاحسن ادخل الجامعة خويا وربي يدير الخير ممكن ما تلقاش فرصة الفوز العام الجاي هذي نصيحتي والقرار يعود اليك