2010 باك الهف

[ilyes113]

السلام عليكم
خاوتي انا ما نجحت في البكالوريا و راها غادتني بزاف و ما قديت نتملك نفسي .لي يستهل نجح §§§مبروك وعقوية

لينا ان شاء الله العام الجاي§§§ مي لي راها تحرق وكاوية القلب هي هديك السهرةو التعب ما جاب حق و كاين بزاف لي

ما تعب واخذ الباك.والله مايستهل .

§§§ عسى ان تكرهوا شيئا و هو خير لكم ....§§§

فلاخر نقول يا بن بوزيد le jeu راه كي الشمس بغيت تعزز اسمك و بلاستك فالوزارة م 62 مكانش نسبة نجاح كيما 2010

حسبي الله و نعم الوكيل

[NESSE72]

كلمة الحق خرجت من فمك خويا ...... والله غير عند الحق انا راني مدهوش في النسبة تع السنة و في 19 في الفلسفة...... والله نعرف وحدين ربحو ميرفو كلمة لا في الانجليزية و لا في الفرنسية.....بصح بلادنا الله غالب

[wailmira0129]

ربي يساهل لكل واحد

[maro3434]

اولا مبروك للناجحين ثانيا اذا كان باك الهف لماذا لم تنجحوا ولا نتوما ماتعرفوش الهف " ومن شر حاسد اذا حسد''

[tريماس ليشانة]

انا راني حاسة بيك خويا ربي يصبرك وينجحك العام الماجي انشاء الله راك كي حا لة ناس عزاز عليا ربي يكون معاكم

[ضرار بن الازور]

مــــــــــــــا تـــكسر راسك ما تكسرنا روســــــــــــــــنا لي خـــــدم يدي لي ما ما خدمش مااااااا يتعبش روحو هذي هي الحقيقة لا تقولي بن بوزيد ولا هم يحزنون و في الاخير احزق روحك العام الجاي ان شاء الله ..................:cool:

[أم أسيل الاثرية]

لا معاه الحق صح الي تعب القا مي كاين اللي ماستاهلش ودا ب 15 وميش قرايتهم اخواني الجزائر ذرك مصالح لاغير اذا راك معرفة تفوت غير هك ستوب حمرة الا فئة قليلة هي التي اخذت الباك بذراعها ولكن ميش 62 بالمئة كامل وهذا واقع عايشينو الله المستعان

[nadjibosse]

شوف خو كل واحد يدي واش مكتبلو ربي ماتقلي ني بن بوزيد ني طكوك المفيد لي جاب الباك مبروك عليه ولي عاود نتمناولو الخير العام الجاي إن شاء الله وصاحبي راك قلت كلمة ماجياش أي ماتنقالش وهي باك الهف .العام الجاي إن شاء الله كي جيبو واحد يقلك هكد تولي تنطق من جنابك.صديقي كون عندك الروح الرياضية والتفائل لأنه بن بوزيد مقالهمش أعطلهم كامل الباك غير هدا السيد إذا كانت كاينة غلطة فهي قد أقول قد تكون في بعض الأساتذة الذين ليس لهم قلب.جزاك الله كل خير.

[el ouss]

لا لالا خويا عندك الحق الباك تاع اسنة تاع الهف انا جبت البك مي نقول تاع الهف خاطر ناس ياسر نجحت ب12 و 13 و14 و15 وتحساب تعبوا ولا قراوا اي القراية اذي مايعرفوش كيفاه راكبة وكاين ناس وتعبوا وضحوا باليالي وانفقوا المال والجهد في سبيل النجاح ولكن كان مصيرهم النج النج لكن اتجري الرياح بما لاتشتهي السفن

[el ouss]

لا لالا خويا عندك الحق الباك تاع اسنة تاع الهف انا جبت البك مي نقول تاع الهف خاطر ناس ياسر نجحت ب12 و 13 و14 و15 وتحساب تعبوا ولا قراوا اي القراية اذي مايعرفوش كيفاه راكبة وكاين ناس وتعبوا وضحوا باليالي وانفقوا المال والجهد في سبيل النجاح ولكن كان مصيرهم الرسوب النجاح لكن ياليت فكيف لاتقولوا تاع هف خاطر الحكمة تقول من جد وجد مع حكومتنا من جد لايجد ومن ومن لم يزرع حصد

[koupkoup]

والله مع كل اسف انا واحد منهم اديتوا بتكسال

[3abood]

khawti esmholi ntouma ga3din tgoulou bli elbac sahl matjem3ouch ana rani nakra sience exacte editou 12,09 koun jit sience rani ditou 18,00 elbac ta3koum li yakra fi smana bark yadih sirtou math et fizique rahom gato safi li madach fi sience elbac raho dab

[المخلب]

§§§ عسى ان تكرهوا شيئا و هو خير لكم ....§§§
الله الموفق

[NESSE72]

حب من حب وكره من كره الباك تع السنة باك الهف و البيستو و الترافيك والغش....كيفاه بغيتو البلاد تسقم بالله عليكم ووو الله كون دجي عايا وتاحد ميدخلش عنا للجامعة حتا يفوت امتحان اااااخر.....باك تع 0000000000000000000000000 باك مع كل اسف وكل احترام للاخوة الطلبة الحمار لوكان فوت يربح ......متاسفة عن هده الكلة

[سارة]

خويا ربي يجيب لبن بوزيد ظربة انا تان منجحتش راني حايرة

[❀ بَسْمَةْ أَمَلْ ❀]

عندكم الحق لكن متجمعوش والله غير كاين ناس تعبت وحرثت وسهرت ونالت من جد وجد وحسبيا الله ونعم الوكيل

[nasser26]

ما تتقلقوش كامل ما نجحناش حتى انا الله غالب قرينا و ربي ما كتبش العام الجاي ان شاء الله

[minou22]

l bint li kalat bali l bac nta3 ls sientifics kan gateau nkolha bali lbac nta3kam kan ma la preuve fatou l3ilmyin fls montions w deja hna ls sientific 3andna 3 matieres escentiel lmath 5 wel fphisic 5 wel seince nta3 tmakhmikh li raki nasyaha 6 ntouma ghir zouj tconsontriw 3lihem w zid ghi dituo chi3a nta3 math naksoulkem doros ktar mana

[salim241]

علاه راكم تصمطوا في الفرحة على اللي نجحوا حرام وش راكم ديروا خلوهم يفرحوا أوموا سمانة

[ilyes113]

bn khawti ana sah kritlou mais hadak wech kan kateb rebi §§§ hmdoulah§§§ we lhadra ta3 lahmar yjib lbac ida jewez f2010 ya kho yatik saha we rebi yahefdek yakhi y9olou ma yhos b eldjamra ghir li kwatou khoya nta njaht rake tkoull haka mais ma tensache beli denia dor liom 3lia rodwa lia .f la fin rebi ytewel fi la3mar we ykheli saha

[x.26]

هههههه والله عندك الحق 100/100 باك الهف Malgré انا جـبتو بـ 12 :D

كي ترجع للصح ، لي جابو بـ 12 معنتها الحقيقة 10 وهي رايحة ، من وقتاش الشعب كامل رجع يدي 16 ؟

[x.26]

+ كاينة حاجة ،
دير في بالك بلي القراية حيلة ، وقت النية مبقاش ، لازملك دير كلش باش تنجح ،

كوبياج تحلال الله يسهل عليك ، ماشي نتا عام كومبلي و نتا راقد أومبعد تقل باك الهف ، صح الهف بصح لازم تدي الفرصة و تديه مع جماعة الهف :)


Bon chance

[سمر954]

اللي خدم لقى

[ايمان30]

لالالا
من جد وجد
لي عرف كيفاه يقرا يجيب
مي كاين وحايد يقراو بصح الله غالب معرفوش كيفاه

[*mina*]

راااااااااااكم غاااااااااااااالطين اللي يتعب ويقرا ويسهر ويجتهد ينااااااال مستحيل تقولي ما كانوش يقرو وداو الباك اااااامبوسيبل ااامبوسيبل ان شاء الله تتعبو العام الجاي وتربحو وكي يقولكم واحد باك الهف ما تنساوش تخبرونا على احساسكم تعبنا ونلنا والحمد لله وحده ومن بعد نشكرو الاساتذة المسؤولين اما الراقدين ليهم ربي

[nawel91]

انا تاني ماجبتوش مع اني مديتلو قاع وقتي وقريتلو بزاف بصح الحمد لله على كل شيء والله يمهل ولا يهمل بصح كي نرجعو للحقيقة كاين بزاف اللي نعرفهم تعبوا كثر مني وجابوه بمعدلات يستهلوها بصح كاين مانقولش الأكثرية قليل منهم جابوه بالرقاد والغش انا نعرف ناس والله مايحضرو قاع الحصص ودايما دايينها قسارة ومع التالي جابوه بمعدلات عالية على اللي قراولو
المهم ربي يوفقهم ومشي اللي جا بالغش يكمل كيما يقولو مول النية يربح وقاع يلا ماربحش يخرج سلامات و ربي ينجحنا العام الجاي وربي يهدي اللي مايخافوش ربي
و الباك تاع السنة كان شوية شوية ماهو ساهل ماهو صعيب خصنا شوية تركيز ونلحقو لخرين
ربييييييييييييييييي ينجحنااااااااااااااااااا العـــــــــــــــــــــــــــام الجـــــــــــــــــــــــــاي
ويربي يوفق اللي جابوه هدا العام ادعونا معاعكم وماتنساوناش

[intissar_09]

انا من مواليد 91
و عاودت الباك نتاعي 3 مرات
هادي المرة 3 باااش جبتو حتى قريب ما سوتنيت ف تارمينال و الله

و نورمال العام راهو كيما الشهر تعاودو و تنالو خير و ما اكتر
و خيرها في غيرها
دير القلب على قرايت برك
و جيبو باذن الله