إلى الأستاذ*عبد الحميد*

[2010houta]

السلام غليكم أستاذ أنا مجبتش لباك ومعرفتش واش ندير مع العلم أنوا خدمت مليح وصحولي أساتذا وضمنولي معدل مليح بصح زهر مكاش حبيت نسقسيك واش نقدر ندير ياك ماشي كلش بلباك أرجوك أفدني

[شيماء13]

ايه ختي

وعسى ان تكرهوا شيئا وهوخير لكم
خير لكم

عمرك ولا تفقدي الامل
مزال العام الجاي وتجيبيه باذن الله

ختي ماتحزنيش وخلي الامل وشوفي للقدام ماتشوفيش لهدي اللحظة

هذا مكتوب ربي

[2010houta]

وإذا ربي مكتبليش باش نجيبوا نقعد هكاك

[2010houta]

أرجوا الرد يا أستاذ

[بدرية 05]

ya okhti ana tani majbtouch n3awdouh l3am el jay nchalah w mourah mourah hata njibouh nchalah avec montion ana tani khdamt 9olt ida maditach kamel ndi 12 mai 3asa an takrahouchay w howa khayr lakoum

[2010houta]

أرجو الرد أستاذ

[2010houta]

يا أستاذ علاش ماجوبتنيش

[h3-power]

اطن انا الاستاذ لم ينتبه للموضوع

[minou22]

اعيدي المحاولة العام المقبل اكيد ستتحصلي على معدل جيد عسى ان تكرهوا شيئا و هو خير لكم

[2010houta]

.................................................. .............

[الأستاذ*عبد الحميد*]

السلام غليكم أستاذ أنا مجبتش لباك ومعرفتش واش ندير مع العلم أنوا خدمت مليح وصحولي أساتذا وضمنولي معدل مليح بصح زهر مكاش حبيت نسقسيك واش نقدر ندير ياك ماشي كلش بلباك أرجوك أفدني

عسى أن تكرهوا شيئا وهو خير لكم
والدليل على دلك هو أن معدلات الالتحاق ببعض الشعب ارتفعت
مثل الطب والصيدلة
ولهدا فأنا أنصحك أن لا تفقدي الأمل واصرارك على نيل شهادة الباكالوريا هو عزاؤك الوحيد
وبما أنك وبكل شجاعة وضعت موضوعك هنا انه لدليل كبير على اصرارك على نيل الباك
ولهدا نصيحتي هي أن تعيدي الباك ونتمنى سماع نجاحك السنة القادمة ان شاء الله

[القمر الحالم]

يا أختي راهو العام هذا كي اللي جاب كي اللي ماجابش
وانا ابسط مثال جبت 13.97 ومارايحة ندير بيها والو رايحة نعاود
غير اصبري برك

[الفقير لعفو ربه]

ختي من الافضل عاودي
انا تاني ماجبتوش و كنت حاط روحي ندي مي الله غالب كلشي باللمكتوب حاجة تاع ربي ماعليك الا تقولي الحمد لله و كلش يجي ساهل ان شاء الله
و عسى ان تكرهو شيئا و هو خير لكم
انا كيفك كنت خايف نعاودو العام الجاي و مانديش مي مع الوقت نحيت الفكرة هذي من بالي و قلت ندير لي عليا و الباقي على ربي و اكيد ربي مايخيبكش
و زيد هذي اول مرة نفوتو كاينة طفلة نعرفها هذي المرة الثالثة لي عاودت و ماجابتوش مي هي قالت نزيد نعاود للمرة 4 في ثانوية اخرى علاه مايكونش عندنا ارادة كيفها ولا خير علينا هي؟
اكيد هي انسان و حنا تاني كيفها على العموم
ان شاء الله نكون ساهمت ولو بالقليل باه تبدلي رايك و تعاودي
سلام

[2010houta]

بارك الله فيك خويا أنا ثاني هاذي لمرة3 ومجبتوش نقرا شعبة رياضيات كل عام يدوا 3برك نعاود حرة منقدرش هاذ لعام يدخلو لوضعية الادماجية نظامي كرهت هاذ الشعبة نبدل نعاود نقرا مدوزيام علوم منا كيف كيف فلعوم أدب منكيف كيف فلفلسفة والله مالقيت واش ندير وشوف خاوتنا لي جابوا لباك هاذ لعام كامل حاصلين نقلكم حاجة حنا كامل خسرنا نقولو لبن بوزيد مبروك غير هو لي راه رابح

[samira0205]

يوجد من أعاد 10 مرات و لم يتحصل على الشهادة العدد 3 هو رقم صغير جدا مازال عند الوقت و العمر ومارلت صغيرة فاحرصي على الدراسة وانتبهي .... واخطيك من الهدرة الزايدة في المنتديات

[hana2010]

السلام غليكم أستاذ أنا مجبتش لباك ومعرفتش واش ندير مع العلم أنوا خدمت مليح وصحولي أساتذا وضمنولي معدل مليح بصح زهر مكاش حبيت نسقسيك واش نقدر ندير ياك ماشي كلش بلباك أرجوك أفدني

rani m3ak khti ana tani majbtouch .machi la fin du monde 3awdih nah tadi une moyenne mliha wa diri wach tatmanay inchalh
rabi ewaf9ak wa nchoufou ton nom fi les journaux
adiha nasiha, many kount an9ol man3awadch mais rani haba an3awdou bah nadi un bac ta3 sah machè marchouch