اضرابات بالجملة و بعدها نتائج خرافية لا تصدق

[darksayuki1]

السلام عليكم و رحمة من الله تعالى و بركاته
اخواني سمعت ان نسبة النجاح في البكالوريا لهذه السنة حققت رقما قياسيا جديد منذ فترة الاستقلال حيث ذكرت بعض المصادر ان نسبة النجاح بلغت 62%،و هي نسبة منقطعة النظير عن سابقاتها ، و لكن العجيب في الامر ان بداية الموسوم شهدت اضرابات بالجملة من قبل الاساتذة و في الاخير ياتي الوزير و يصرح بان نسبة النجاح كبيرة وهذا جاء نتيجة لثمرة الاصلاح التربوي وووووووووو.
غريب ما يحدث في بلادنا

[أبو نعيم]

صدقت يا مواطن صالح....، والله شيء يخرش في المخ، وخاصة إذا راكم قرأتم في صحافة هذا اليوم 05 / 06/ 2010 ، أن النسبة العالية في منطقة معروف عليها إهمال الحرف العربي ، وهي لا تريد أن تفهم ولا تعطي القيمة الكافية للغة الضاد التي بها التدريس والفهم للدروس ، فكيف تتفوّق فيها ؟؟؟؟؟؟؟؟؟؟؟؟؟؟؟ والله عالم بالسرّ. وهو الهادي إلى طريق الحقيقة.

[شيماء13]

والله لرانا عايشين فالعجب

قال اصلاح تربوي قال

[Tsukikaze]

ما هذا؟؟؟؟؟؟؟؟؟؟ أرى أن العنصرية لا تزال موجودة عندكم
أنا قبائلية ولعلمك لغة الضاد مرفوعة فوق رؤوسنا لأنها لغة القرآن وليس لأنني لا أتحدثها في الحياة اليومية علاقة بتفوقي فيها

[''أسيل'']

حاجة تحيَر ...

[riro1992]

ماعلابالكش بلي دولتنا دولة سياسة .........في بالك علاه أكبر نسبة نجاح في تيزي وزو ..........علاخاطر إذا مانجحوش فوق 80 بالمئة رايحة تنوض الفيشطة و الحريق ........و على هذا السبب زادوا طلعوا في المعدلات ........قول أستاذ مصحح من أقربائي ........قالنا يدخل المفتش و يقول للأساتذة زيدو شوية نقاط ماذابيكم ......و هذا لأسباب أمنية

[تاج الكرامة]

لا حول ولا قوة الا بالله العلي العظيم .......

[رحاب بن عودة]

وعليـكم الســلام
الأمـر واضح كالشمس ... هو يريد أن يـقول أنه نجح في العملية الإصلاحية .. و في نفس الوقت لكي يخرج من ورطة و كارثة كانت يمكن أن تحصل لو لم تكن النسبة بهذا الشكل الذي يشيب له شعر الرأس من الحيرة
و لكن الله يمهل و لا يهمل .. سوف يدفع غداً ثمن كل هذه الأكاذيب و المراوغات ..
مبروك لجميع الناجحين عن جدارة واستحقاق .. و العاقبة لنا في الأيام القادمة .. 2011 هو لنا بإذن الله

[darksayuki1]

صراحة الف ترليون تزليون بليون مبرووووك للناجحين ، و ان شاء 2011 عامنا و باذن و بدون اضرابات و تحديد عتبة دروس عازمون على تحطيم الارقام القياسية باذن الله

[khaled-19]

الجزائر ان دامت تسير على هذه الوتيرة فستنهار يوما ما
فكل الارقام غير صحيحة حاليا في الجزائر
لا حول ولا قوة الا بالله العلي العظيم
البكالوريا فقدت مصداقيتها منذ زمن بن بوزيد

[بالقيم نرتقي]

نورمالمون راكم تباركو للناجحين
ماشي تنتقدو في النظام
ان شاء الله يا ربي تدي اختي بركا

[sami19280]

ياخويا خللي الناس تنجح وتفرح ماشي وقتووووووووو

[ميرانار]

صدقت يا مواطن صالح....، والله شيء يخرش في المخ، وخاصة إذا راكم قرأتم في صحافة هذا اليوم 05 / 06/ 2010 ، أن النسبة العالية في منطقة معروف عليها إهمال الحرف العربي ، وهي لا تريد أن تفهم ولا تعطي القيمة الكافية للغة الضاد التي بها التدريس والفهم للدروس ، فكيف تتفوّق فيها ؟؟؟؟؟؟؟؟؟؟؟؟؟؟؟ والله عالم بالسرّ. وهو الهادي إلى طريق الحقيقة.
من قال لك ان منطقة القبائل لا يجيدون استعمال لغة الضاد ؟ وهل اوراق البكالوريا لولاية تيزي وزو صححت في مراكز التصحيح بنفس الولاية ؟ انها ثمرة عملنا المتواصل ولا تنسوا ان هناك اساتذة درسوا طول السنة دون اضراب بل العكس لديهم ساعات اضافية . المثل يقول عاند لا تحسد. فاعملوا حتى تحسنوا مستواكم و تتصدروا المرتبة الأولى بالعمل ان شاء الله.

[FATINE29]

هاد الهدرة تاع الشكيل ..خلوا الناس تفرح بالنتيجة الي حقوها تعبنا قاع العام و جرينا و الحمد لله الي ما خيبناش *باركو للناجحين*

[loujayne.r]

والله غي حاجة تحير

عندهم الزهر حنا تطفر فينا العام الجاي 2011

صحبتي دات 17 فاصل خلعتني جامي صرات في مدينتنا


علابيها الباك تاعنا ماشي معترف بيه دوليا

[aminaziz]

ياخويا خللي الناس تنجح وتفرح ماشي وقتووووووووو


ياخويا أفهم هذي بلاد العجائب كل شي يحصل .................
وكل شيء ممكن
كيلي دا في البكالوريا 12 و 10 و 14 و 18
ليست معترفة دوليا ومما زاد الطين بلت أن إضراب 2 شهر زاد شهادة البكالوريا خرابا..................................

و الله أعلم ...................... وربى يهدي كل ضال طريقه

[الواحةالحمراء]

مكان لا تيزي وزو لا عربي لا صحراوي ....اللي يقرى اديه نيف ميحوس على الاخرين كيفاش طلعو
رانا في زمان نفسي نفسي ....اللي حوس ينجح يتعب عليه وحلل روحو مع ربي
تحياتنااااااااااااااااااا

[الهام الحياة]

ana rani mchokia man hadou les résultat ... la majorité de mes amis ont eux 14 et plus malgré que ils ont pas un bon niveaux
rabi youstour l'année al jaya balak ysa3boulna al bac

[Romo92]

I want to say to those who have not passed the baccalaureate exam this year don't talk about somthing you have no idea what it is Subjects were not easy like they said .who study hard can ansewr them easily
I got 15 And congratulations to those who have succeeded in the baccalaureate :cool:

[رامي 11]

باك اخر زمن الذي يجيب في الفصول 5 المعدل يدي 11 و يلي يدي 8 يربح ب12 و الي يدي 14 في الفصول ما نعرف بقداه يربح .
ولا باك حاشاكم . راحت بنتو واحد ما يفرحلو غير الحابس . قالك نهار يسجلوا يقولولهم مبروك عليكم .
السنة القادمة واحد ما يروح يفوت الباك خطركش النسبة 100 بال100.
ضك يجي جيل الطبيب يصبح قاتل ليس شافي و قس على ذلك .
الجزائر ذاهبة الى الهاوية و انتم تفرحون .لانه شعب جاهل و امي بالفعل.

[mazia houda]

mabrouk lanasse ga3 ly daw .walah haja thayar hade les moyenne sly rana nsam3ou bihoum 15 16 17 nasse kamal rabi yjib alkhir nchalah bark ydirou ly matmanyinou fi luniversite wyakadrou 3la wach ykhayrou rabi yjib alkhir bark f hade lablade

[dana maram]

اولا الف مبروك على جميع الناجحين و فرحتلكم من كل قلبي لكن كلمة الحق تقال الباك مابقاش باك من 2007 كيفاه باك بمواضيع اختيارية و بزيادة في الوقت و بتحديد الدروس و بتصحيح متساهل و بسلم تنقيط مفصل على حسب اجابات الطلاب و غيرها و غيرها و معدلات خرافية كارثة و خلاص وين راه الباك الحقاني الي كنا نجيبوه بعرقنا و باه نجيبو 12 نجيبوها بدمنا حتى نخلاصو و ينشفو عروقنا باه نشوفوها الله يستر و خلاص راح كلش .................... المهم مصائب قوم عند قوم فوائد و لكن المشكلة انو نحن هم نفس القوم نفس الشخص الذي يستفاد و فرح بتفوق ابنو اليوم في الباك هو نفسو الي راح يبكي عليه لما يكمل قرايتو و مايلقاش خدمة خاطر هنا شعب كامل متحصل على الباك و الليسانس .................................................. ..........

[هند25]

ألف مبروووك لكل النآجحين وخاصة اللي داها بقرآيتٌو مش بالنقيـل

[هند25]

I want to say to those who have not passed the baccalaureate exam this year don't talk about somthing you have no idea what it is Subjects were not easy like they said .who study hard can ansewr them easily
I got 15 And congratulations to those who have succeeded in the baccalaureate :cool:

i really do agree with u .. they r talking about things that they don't know even how it was .. i'm really sorry about them .. who studied well he will succed .. thank goodness i passed all the year studying nd i got 16.30 nd i know that i deserv it .. congratulation to every body

[ورثان الجنان]

لاحول ولا قوة إلا بالله

الله يستر نا في باك 2011

دك أتشوفو يخلفو فينا واش أصرا في هذا العام

أنا عندي صحابي حياتهم غير الزرب الزرب بر ك أو دك جابوه ب12 أو 13

الله يسترنا