الى مترشحي بكالوريا 2011

[Rafife09]

سلام عليكم :dj_17:

كيفاه راكم دايرين على ما أظن راكم قالقين لاحظت أن هناك طلبات كثيرة حول تقديم نصائح الى مترشحي 2011 و أنا فوتت الباك هاد العام اول مرة شعبة رياضيات و خدمت والحمد لله قد ما نقدرش نمدلكم ياسر نصائح و لكن رح نمدلكم مادا لاحظت و ما استفدت من تجربتي ودلك حتى ما تعملوش أخطاء بدائية

ادا كنت من النوع الدي يحب المختصر غير المفيد نقلك ما تقراش في الصيف ما تعولش على الأستاد ما تظنش أن التدعيم هو الحل ما تدوخش روحك بالمراجع و عول على روحك واقرا على روحك و بالتوفيق

أما ادا كنت تريد التفصيل المفيد فتفضل

أولا وقبل كل شيء نحب نبه على القراية تاع الصيف أحيانا تكون مضيعة للوقت و ما عندها حتى معنى شوفو أنا الصيف اللي فات ما قريتش برنامج السنة الثالثة وش عملت عاودت راجعت برنامج الرياضيات و الفيزياء لكل من السنة الأولى و السنة الثانية الحوايج اللي رح نحتاجهم في الباك و نقرا ساعات الفرنسية و الانجليزية في الوقت اللي كانو فيه كل زملائي يقراو برنامج الباك اللي يقرا في التدعيم و اللي يقرا وحدو و كي جات القراية ما لقينا حتى فرق بين اللي قرا و اللي ما قراش في الصيف علاه لأنهم ينساو حنا الحوايج تاع أول العام كان ما نبقاوش نراجعو ونعاودو رانا ننساوها وينك يا الحاجة تاع الصيف لا و بالعكس اصلا تعبو ياسر في لاصيف وش خلاو للعام كامل و فعلا بالرغم اللي معظم زملائي ممتازين و جيدين ولكن أنا اللي ما قريتش بقيت نجي الأولى عليهم لا و ممكن القراية تاع الصيف تعمل مشكل تاني أرواح هادم اللي قراو في الصيف قبل ما تفهمهم في الدرس فهمهم بللي ما همش فاهمين والله أعلم

ثانيا ننبه على قضية الأستاد يعني كاين وحايد ياسر يعتمدوعلى الأستاد بشكل أساسي وش قرا هو هاداك هو أنا مش فاهمة المشكل وين في البرنامج الجديد أو في الأساتدة انا نشوف شكون الأستاد اللي يخدم في خدمتو الامن رحم ربي و كاين صنف اخر من التلاميد خلاص لقى شماعة يعلق عليها أخطاؤو و اللي هي الأستاد يقلك الله غالب الأستاد ما يقريش فينا وش رح نعمل نربح غير الأسف وليكن في علمكم أنا في شعبة رياضيات و ما كنتش نحظر حصة الرياضيات اللي معاملها 7و ما نقراش دعم و نروح غير نفوت الامتحان و نجيب أكبر نقطة بالرغم من ان زملائي ما يغيبوش و يقراو تدعيم وكيما قلت ما همش تلاميد ضعاف بالعكس ممتازين خاصة في مادتي الرياضيات و الفيزياء يعني نحب نقلكم ما تحطوش الحق الكل على الستاد و اقراو مهما يكن و اعتمدو على أنفسكم بالدرجة الأولى أنا حسب ما شفت الأستاد ساعات ما يلعبش دور أصلا مع احترامي لبعض الأساتدة المحترمين والله أعلم

ثالثا ننبه على حكاية التدعيم تلقى التلاميد من قبل ما تبدا السنة الدراسية يحكمو في الأساتدة ويشوفو في التدعيم أهم عامل من عوامل النجاح و غير تبدا القراية تلقاهم غير يقراو من الثانوية للجمعية للنادي للثانوية يخرجو من دعم الفيزياء يجريو باه يلحقو على دعم الرياضيات اللي يقراوه في بلاصة اخرى
أنا في بداية السنة ما قريتش خلاص دعم و اللي نقلو ما نقراش دعم يقللي كيفاه مشك حابة تنجحي غير روحي أجري على روحك قبل ما يروح الحال و مع دلك ما قريتش الثلاثي الأول كامل وجبت اكبر معدل 15 عن جدارة و استحقاق في الوقت اللي نشوف فيه الباقي من زملائي أو من شعبة التقني أو العلوم تجريبية غير الأصفار و قريت في الثلاثي الثاني رياضيات شهرين وحبست وفي الثالث قريت الفيزياء يعني نحب نقلكم مش ديما لازم تقراو دعم أحيانا يكون الدعم مضيعة للوقت ادا كنت قادر تقرا وحدك و تقرا فقط لأنك كيما تشوف في وقتنا عاد التدعيم الناس تشوف فيه ضرورة حتمية و قد ما تحتاجش الى التدعيم من البداية قد تحتاجو في وقت معين تحصرت فيه أو في وحدات معينة جاتك صعيبة أما ادا كنت ما تقدرش تقرا وحدك و شفت روحك حاصل تقدر تقرا تدعيم و لكن انتبه ليس الدعم هوبالضرورة الحل الوحيد و الله أعلم

رابعا ننبه على حكاية المراجع ياسر اللي تدوخ وساعات تلقى فيها حاجة زايدة حاجة ناقصة حاجة غالطة تمرينات لا علاقة بالمنهجية الجديدة و ما تجيش كيفها في الباك أصلا أنا كي قريت لقيت بللي الكتاب المدرسي أحسن مرجع بالنسبة للرياضيات و الفيزياء بالرغم اللي ما همش خاليين تماما من الأخطاء ادا حليت كل تماريناتها تقدر تقول تحكمت في البرنامج نهائيا و لدلك المرجع الوحيد اللي استعنت بيه سلسلة هباج في كل من المادتين أما بالنسبة للمواد الأدبية أنا اعتمدت بشكل أساسي على الملخصات و شريت كتاب خاص بالشخصيات و التواريخ و المصطلحات التاريخيةو الجغرافية والله أعلم.

خامسا بالاك لاحظتو أني قلتلكم ما قريتش دعم في الصيف ما نحضرش حصة الرياضيات ما نقراش تدعيم ما نستعملش مراجع ولكن في المقابل كيفاه نجيب أكبر النقاط أنا كنت نعتمد على نفسي بالدرجة الأولى أهم حاجة عندي هي فهم الدرس نقرا الدرس مليح مليح و ما نخليش حاجة مانفهمهاش ومن بعد نروح للتمرينات تاع الكتاب بالنسبة للرياضيات و الفيزياء ما تتصوروش قداه حليت تمارينات تقريبا 95 بالية من تمرينات كل من كتاب الرياضيات و الفيزيا حليتهم و طبعا في التصحيح استعنت بسلسلة هباج
وكنت نقرا في الثانوية نرجع للدار نحط في بالي بللي هاد الليلة رح نحل 15 تمرين في الرياضيات 5 في الفيزياء نراجع درس العلوم على سبيل المثال ما نرقدش حتى نكمل اللي من المفروض نعملو كامل حتى وان ما رقدتش الليل الكل و نراجع يوميا و ما نخليش حتى حاجة تتراكم و ما نخليش حتى حاجة ما نفهمهاش طول الوقت نقرا الجمعة السبت العطل تعبت ما تتصوروش الى اي درجة يعني لازم تجتهدو قدر المستطاع و الله أعلم

سادسا ننصحكم وننصحكم ونعاودلكم ما تهملوش المواد غير الأساسية و خاصة العلميين و خاصة خاصة خاصة الرياضيين و التقنيين نسألكم علاه تلقى تلميد في شعبة الرياضيات معدلو 12 مستواه أفضل ب4مرات على الأقل من تلميد معدلو 12 في شعبة العلوم تجريبية و في الباك تلقى نسبة النجاح أكبر في شعبة التجريبية لا و تلقى المعدلات كبيرة في التجريبية و في شعبة الرياضيات العكس بالرغم من أن المستوى في هده الأخيرة أحسن بكثير من الأخرى درك نقلكم علاه على خاطر العلميين ما يهملوش المواد الأدبية بشكل كبير في حين الرياضيين يهتمو غير بالرياضيات و الفيزياء و لا شيء غير دلك بالرغم اللي العلميين عندهم 3مواد أساسية معاملاتها 5و 5و 6 يعني تطيح في وحدة تطلعك الأخرى و الرياضيين عندهم مادتين أساسيتين معاملتهم 7 و 6 و المعاملات الأخرى 2 يعني تجيب العام كامل تقرا في الرياضيات و من بعد تغلط في اشارة - أو + يروحلك كلش وقللي درك وش بقا ما يطلعك كي تهمل المواد الأخرى حطو ديما في بالكم المواد الأساسية تنجحو بيها أما المواد الأخرى تطلعو بيها المعدل و الله أعلم.

سابعا ننصحكم ردو بالكم من مازال الحال أنا كشغل البارح دخلت أول يوم نقرا باك درك راني فوت الباك وخلاص راك تقول مازال الحال ودرك نقرا ولكن حط هادي الجملة في بالك "الوقت مشوفي صالحك" أنا قريت عام كامل و ما استهونتش بحتى ساعة و كل دقيقة بحسابها وفي النهاية رحت نفوت الباك وأنا مشني مكملة كلش يعني استغلو كل ثانية و الله اعلم.

ثامنا ردو بالكم تحطو في بالكم حكاية السكانار و هادي الحوايج نشفا الأيامات اللخرة في الثانوية الناس الكل تحكي غير على السكانار و اللي نقلو ما عملتش سكانار يقللي يا مهبولة كيفاه رح تفوتي الباك راكي تغامري وللا يقولولكم درك تستعملو البورتابل احنا مترشحي شعبة رياضيات و التقني و التسيير فوتنا في ثانوية معروف عليها كل عام الداب راكب على مولاه هاد العام مساكن اللي عولو على السكانار فعلا تصدمو من الاجراءات المشددة اللي داروهالهم. الحركة ما كانش و الخروج حتى الى دورة المياه ممنوع وقتاه تخرج كي يشوفك مريض في حالة ورح تموت وحتى هنا لازم يستدعيولك رئيس المركز شخصيا هو اللي يرافقك بعد ما يفتشوك 10 مرات كل خطوة تلقى واحد يفركتك باه تشرب يجيبولك للقسم و باه يمدولك ورقة اضافية هاداك تاع الاتصال يفتحلك تحقيق يعني عولو على رواحكم خير ما تتصدمو كيما هكا و حطو الجملة هادي في بالكم
"لما طلب ادم الخلود في الجنة من جهة الشجرة عوقب بالخروج منها
ولما طلب يوسف الخروج من السجن من صاحب الرؤيا لبث فيه بضع سنين" تعلم ألا تطلب حاجتك الا من الله وحده

تاسعا اجتهدو على قد ما تقدرو هاد العام أهم مرحلة في حياتك وش رح يصرا لاكان اجتهدت عام في حياتك ما عندك ما خسرت أقراو مليح العام راه يفوت يجري و تبقى حكاية خير ما تندمو من بعد و يكون في علمكم أن الامر بسيط خلاص غير احنا الي نعقدو فيه خلي الأمور تمشي على بساطتها واعمل الي عليك و هدا ماكان و يقلك المتنبي
على قدر أهل العزم تأتي العزائم و تأتي على قدر الكرام المكارم
وتعظم في عين الصغير صغارها و تصغر في عين العظيم العظائم

عاشرا أي حاجة تحتاجوها راني لهنا و في خدمتكم و ما تنساوش تحطو الردود و بالتوفيق للجميع ان شاء الله تنجحو كامل و تجيبو معدلات مليحة

عندكم تنساوني بدعواتكم و ادعيولي نجيب معدل مليح في الباك

[تاج محل]

السلام عليك بارك الله فيك على النصائح القيمة
نتمنى لك التوفيق و النجاح
http://www.samysoft.net/forumim/shokr/1/5464564.gif

[مروة الايمان]

مشكوووووووووووووووووووووورة أختي الفاضلة على هذه النصائح الجد قيمه .........بخصوص كتاب الهباج أنا لم أجده في الأنترنت إذا كام لديك الموقع الذي أستطيع أن أتحصل عليه فأبلغيني فيكون لك مني كامل التقدير و الإحترام فقد اشتريت جزئين في الرياضيات و جزء في الفيزياء و هو غالي الثمن كثيرا ...........بوركت ..سلاااام و انا في انتظار ردك حنونتي

[امين الاسلام]

سلسة كتاب هباج بحثت عنها و وجدتها لدى سنة الاولى ثانهوي فقط
وانا من راء انه عندم تبدا السنة الدراسية لازم الشخص يركز مع الاستاد ويواضب في حل التمارين وتكرار مراجعة الدرس فكلما اتيحت فرصة للعمل بهاتين نصيحتين زادت في ترسيخ المعلومة لدى الفرد
وجاري البحث عن كتاب
وارجو من ثصاحبت الموضوع انت تدلينا على الكتاب مشكورة

[Rafife09]

مشكوووووووووووووووووووووورة أختي الفاضلة على هذه النصائح الجد قيمه .........بخصوص كتاب الهباج أنا لم أجده في الأنترنت إذا كام لديك الموقع الذي أستطيع أن أتحصل عليه فأبلغيني فيكون لك مني كامل التقدير و الإحترام فقد اشتريت جزئين في الرياضيات و جزء في الفيزياء و هو غالي الثمن كثيرا ...........بوركت ..سلاااام و انا في انتظار ردك حنونتي
أختي العزيزة أنا متأسفة جدا سامحيني ما نقدرش نساعدك بالنسبة لسلسلة هباج فالأمر ليس بيدي للأسف الكتاب على حد علمي غير موجود أصلا في الأنترنت وعلابالي بللي الكتاب هدا غير متوفر في كل المكاتب وعلابالي يسقام غالي ونتمنى أنك تلقاي الأجزاء كامل عن قريب و تقدري تشريهم
و لكن اقتراح اخر مش بالضرورة تشري كل الأجزاء أنتي ممكن تسلفي من المكتبة تاع الثانوية ادا توفر أو من عند زملائك أنا مثلا شريت الأجزاء ال5 تاع الرياضيات و3 أجزاء في الفيزياء و لكن نحكم الجزء اللي رح نراجع عليه و الباقي نسلفهم لزملائي ممكن تتعاملو هكا و أنا ان شاء الله ان امكنني مساعدتك درك نساعدك بالتوفيق و النجاح

[دارين92]

السلام عليكم
شكر اختي على النصائح
قوليلي برك كيفاش ندير مع الحفاظة باسكو راني خايفة غير منها
انا منقدرش نحفظ
و كشما عندك مراجع ملاح و لا دي سوجي تاع هدا العام تاع الباك راني نحوس عليهم و لا اي مواضيع اخرى في جميع المواد لعلمك انا طالبة قسم علوم تجريبية
شكرا

[الأستاذ*عبد الحميد*]

نتمنى لك التوفيق و النجاح

[Rafife09]

شكرا جزيلا للأستاد *عبد الحميد* أما أختي"حطيستة" نطلب منك ادا عرفتي او الاخرين ادا ممكن تحطولي الطريقة بالتفصيل باه نحطلكم الدروس اللي عندي في الميكرو الكل راني ما عرفتش الطريقة كيفاه تعملو باه تظهر روابط للتحميل

[raoulho]

جازاك الله خيرا
ان شاء الله mension tres bien

[إخلاص02]

ماشي كل واحد تساعدو الطريقة لقريتي بيها أخت رفيف. كاين نصائح قيمة نشكرك عليها وكاين حوايج نختلف فيها معاك كيما قلتي منبداوش les cours من بداية السنة أنا نقولك يبدا التحضير للباك من أول يوم في السنة الثالثة.
شكرا

[narouma]

شكرااااااا على النصائح القيمة ولكن انا لدي راي اخر وهو انو كل تلميذ اوكيفاه طريقة الدراسة تاعو ان شاء الله دجيبو الباك بمعدل مليح

[*قلبي ملك ربي*]

نشكرك بلبزاف ختي رفيف ماكاش نقطة و مهدرتيش عليها و هادوما النصائح حلونا بزاف عينينا.بارك الله فيك.
بالصح كاينة حاجة مادابيك لوكان تقولينا على مادة التاريخ و الجغرافيا كيفاش نديرو معاها يعني الحفيظة
علاخاطر الأساتذة اللي يقرونا خلعونا بزاف من هاد الناحية surtout الشخصيات و التعاريف حتى كاين اللي يقولك بللي
ماشي شرط يدريلك اللي قريتيهم في السنة الثالثة برك حاب يقول تقدر تكون حاجة تاع السنة الثانية donc في هاد الحالة واش بيدنا
نديرو ؟ و راني نخمم باش نبدا نحفظ شوية في هاد les vacances
و الحاجة لوخرا هي الفلسفة : شفت هنايا بزاف مواضيع تاع أهم المقولات في الفلسفة ووووو يعني الحالة chargé شوية منين تروحي تصيبي الحفيظة
علاهادي هاني حايبة نقص شوية في هاد الصيف مع حنايا scientifique يعني au moins تمدي وقتك للـ physique و science و math
واش رايك نتيا ؟

[Rafife09]

نشكرك بلبزاف ختي رفيف ماكاش نقطة و مهدرتيش عليها و هادوما النصائح حلونا بزاف عينينا.بارك الله فيك.
بالصح كاينة حاجة مادابيك لوكان تقولينا على مادة التاريخ و الجغرافيا كيفاش نديرو معاها يعني الحفيظة
علاخاطر الأساتذة اللي يقرونا خلعونا بزاف من هاد الناحية surtout الشخصيات و التعاريف حتى كاين اللي يقولك بللي
ماشي شرط يدريلك اللي قريتيهم في السنة الثالثة برك حاب يقول تقدر تكون حاجة تاع السنة الثانية donc في هاد الحالة واش بيدنا
نديرو ؟ و راني نخمم باش نبدا نحفظ شوية في هاد les vacances
و الحاجة لوخرا هي الفلسفة : شفت هنايا بزاف مواضيع تاع أهم المقولات في الفلسفة ووووو يعني الحالة chargé شوية منين تروحي تصيبي الحفيظة
علاهادي هاني حايبة نقص شوية في هاد الصيف مع حنايا scientifique يعني au moins تمدي وقتك للـ physique و science و math
واش رايك نتيا ؟

سلام أختي
أنا ثاني عندي مشكلة في الحفاظة و ثاني حاجة نعاني منها هي داكرتي أعاني من داكرة سيئة جدا و لكن القناعة هي الحل الوحيد صدقيني لمجرد انك تقتنعي أو بالأحرى تقنعي نفسك أنك لازم تحفظي ,,أنك مجبرة على الحفاظة ’’و ما عندكش خيار وأهم حاجة لازم تقنعي نفسك أنها طريقة للنجاح و ادا حفظتي رح تنجحي تحققي الهدف اللي تحلمي بيه

و لازم تنقنعي نفسك بللي الحفاظة عملية سهلة جدا درك تلقايها سهلة وحطي في بالك "أن الانسان لا يرى الأشياء كما هي وانما يرى الأشياء كما يريد هوأن يراها" يعني كي تقنعي نفسك بللي راهي ساهلة فعلا تلقايها ساهلة ربما أقصر طريق باه تفهمي حاجة أنك تقنعي نفسك على أنك قادرة على دلك

ومن بعد انت باه تجيك ساهل حاولي انك تفهميها ومن بعد تحفظيها وبالنسبة للشخصيات راهم ما يمدوهالكمش في الدرس وانما انت تبحثي وحدك وتجيبيها اما من الانترنت أوتشري كتاب خاص بالشخصيات و من المفروض الشخصيات اللي تجي في الباك باينة تلقايها عند الناس الكل و ما يجيبولكش شخصية بعيدة على البرنامج

أما المصطلحات فهي أيضا ما تجيش خارج البرنامج و بامكانك تفهميها وتحفضيها بكل سهولة
أما بشأن الفلسفة فأكبر نقطة تجي على المنهجية كل مقالة عندها منهجية خاصة بيها كي تتبعيها تهزي نقطة مليحة بالاضاقة الى دلك كاينة دروس باينة لازم تفهميها مع الأستاد مثلا المشكل والاشكالية ,,السؤال العلمي والسؤال الفلسفي ,, الرياضيات ,, البديهية و المصادرة ,,المنهج التجريبي........الخ و أيضا تحفظي أقوال الفلاسفة الأقوال يعني جمل قالوهافلاسفة يعني عند كتابتك للمقالة لازم تحترمي المنهجية تكوني فاهمة الدرس حافظة مقولات فلاسفة و بامكانك تكتبي مقالة خير من الأستاد


ولكن كاين حاجة ما نوافقكش فيها أنك تبداي الحفيظة من درك تأكدي تماما مهما كانت داكرتك قوية فهدا ما ينفعكش تحفظي من جوان 2010 الى جوان 2011 راني نقلك الرياضيات والفيزياء و تنسايهم مابلك التاريخ والفلسفة

ما تزربيش روحك عندك عام كامل يسنى هو رح يكفيك بشرط يتوفر عندك الارادة,, العزيمة,, والصبر,,الجدية وتنظمي وقتك أهم حاجة تنظمي وقتك وتتجاوزي الصعوبات "القوي مش اللي ما يطيحش خلاص القوي هو اللي يطيح ويعرف كيفاه ينوض و يستفيد من أخطائه
نتمنالك التوفيق و النجاح و ان شاء الله تنجحي و تجيبي معدل مليح

[*قلبي ملك ربي*]

سلام أختي
أنا ثاني عندي مشكلة في الحفاظة و ثاني حاجة نعاني منها هي داكرتي أعاني من داكرة سيئة جدا و لكن القناعة هي الحل الوحيد صدقيني لمجرد انك تقتنعي أو بالأحرى تقنعي نفسك أنك لازم تحفظي ,,أنك مجبرة على الحفاظة ’’و ما عندكش خيار وأهم حاجة لازم تقنعي نفسك أنها طريقة للنجاح و ادا حفظتي رح تنجحي تحققي الهدف اللي تحلمي بيه

و لازم تنقنعي نفسك بللي الحفاظة عملية سهلة جدا درك تلقايها سهلة وحطي في بالك "أن الانسان لا يرى الأشياء كما هي وانما يرى الأشياء كما يريد هوأن يراها" يعني كي تقنعي نفسك بللي راهي ساهلة فعلا تلقايها ساهلة ربما أقصر طريق باه تفهمي حاجة أنك تقنعي نفسك على أنك قادرة على دلك

ومن بعد انت باه تجيك ساهل حاولي انك تفهميها ومن بعد تحفظيها وبالنسبة للشخصيات راهم ما يمدوهالكمش في الدرس وانما انت تبحثي وحدك وتجيبيها اما من الانترنت أوتشري كتاب خاص بالشخصيات و من المفروض الشخصيات اللي تجي في الباك باينة تلقايها عند الناس الكل و ما يجيبولكش شخصية بعيدة على البرنامج

أما المصطلحات فهي أيضا ما تجيش خارج البرنامج و بامكانك تفهميها وتحفضيها بكل سهولة
أما بشأن الفلسفة فأكبر نقطة تجي على المنهجية كل مقالة عندها منهجية خاصة بيها كي تتبعيها تهزي نقطة مليحة بالاضاقة الى دلك كاينة دروس باينة لازم تفهميها مع الأستاد مثلا المشكل والاشكالية ,,السؤال العلمي والسؤال الفلسفي ,, الرياضيات ,, البديهية و المصادرة ,,المنهج التجريبي........الخ و أيضا تحفظي أقوال الفلاسفة الأقوال يعني جمل قالوهافلاسفة يعني عند كتابتك للمقالة لازم تحترمي المنهجية تكوني فاهمة الدرس حافظة مقولات فلاسفة و بامكانك تكتبي مقالة خير من الأستاد


ولكن كاين حاجة ما نوافقكش فيها أنك تبداي الحفيظة من درك تأكدي تماما مهما كانت داكرتك قوية فهدا ما ينفعكش تحفظي من جوان 2010 الى جوان 2011 راني نقلك الرياضيات والفيزياء و تنسايهم مابلك التاريخ والفلسفة

ما تزربيش روحك عندك عام كامل يسنى هو رح يكفيك بشرط يتوفر عندك الارادة,, العزيمة,, والصبر,,الجدية وتنظمي وقتك أهم حاجة تنظمي وقتك وتتجاوزي الصعوبات "القوي مش اللي ما يطيحش خلاص القوي هو اللي يطيح ويعرف كيفاه ينوض و يستفيد من أخطائه
نتمنالك التوفيق و النجاح و ان شاء الله تنجحي و تجيبي معدل مليح

صح tu as raison و ماكاش حاجة مستحيلة vouloir c'est pouvoir و علابالي بلي كي تكوني في هاديك الحالة obligée عليك تحفظي
ماشي مشكل كبير بالنسبة ليا بالصح tellement شفت الحفيظة بزاف قلت نقص شوية على روحي و تبقالي غير la révision و surtout اللي الوقت مايكفيش و au même temps نكرس وقتي للـ les matières scientifiques فهمتي؟ بالصح يعني عندك الحق نكون نورمال
وهاد les vacances لازم نرتاحو فيهم باش نقدرو نبداو مليح
بالصح قوليلي ماكاش فرق بين السنة تاع الباك و السنوات لوخرين حاب يقول تقدري تدي la moyène كيما مالفة ؟
ان شاء الله ربي يعاونا كامل و تربحو نتوما في هاد العام و مبعد حنايا و ماتنسايش كي تربحي تقولينا شحال اديتي علاخاطر شوقتينا باش نعرفو
معدلك
يعطيك الصحة ختي لعزيزة على هاد الوقفة اللي وقفتيها معانا علاخاطر تاع الصح رانا مخلوعين
ربي يجازيك

[Rafife09]

صح tu as raison و ماكاش حاجة مستحيلة vouloir c'est pouvoir و علابالي بلي كي تكوني في هاديك الحالة obligée عليك تحفظي
ماشي مشكل كبير بالنسبة ليا بالصح tellement شفت الحفيظة بزاف قلت نقص شوية على روحي و تبقالي غير la révision و surtout اللي الوقت مايكفيش و au même temps نكرس وقتي للـ les matières scientifiques فهمتي؟ بالصح يعني عندك الحق نكون نورمال
وهاد les vacances لازم نرتاحو فيهم باش نقدرو نبداو مليح
بالصح قوليلي ماكاش فرق بين السنة تاع الباك و السنوات لوخرين حاب يقول تقدري تدي la moyène كيما مالفة ؟
ان شاء الله ربي يعاونا كامل و تربحو نتوما في هاد العام و مبعد حنايا و ماتنسايش كي تربحي تقولينا شحال اديتي علاخاطر شوقتينا باش نعرفو
معدلك
يعطيك الصحة ختي لعزيزة على هاد الوقفة اللي وقفتيها معانا علاخاطر تاع الصح رانا مخلوعين
ربي يجازيك

سلام أختي
الحمد لله فهمتي المقصود و لكن الحفيظة ماهيش فعلا ياسر كيما تتصوري قتلك حافظي على حظورك للحصص و حافظي على تركيزك في الحصص و من بعد مش لازم في كل درس تحفظي 20 ورقة درك نقلك احفظي الملخصات و افهمي الدرس أنا حفظت غير الملخصات العلوم الاسلامية بالاك 5ورقات برك و جاوبت في الباك كلش صحيح لقيت السئلة هاديك الكل في الموضوعين حافظتها
و التاريخ ثاني الملخصات 4و لا 5 ورقات هدا ماكان و معاها الشخصيات و المصطلحات و التواريخ بالطبع
و ما تنسايش بعد ما تكملي تحفظي تشوفي المواضيع تاع البكالوريات اللي قبل و الحلول النمودجية تاعها لازم تعرفي الطريقة اللي تجي بيها الأسئلة والطريقة اللي لازم تجاوبي بيها

هزي العطلة تاعك كاملة و ارتاحي مليح وما تقلقيش روحك ياسر قتلك أسهل طريق ممكن تديه أنك تشوفي الأمور على بساطتها ولازم كيما قتلك تقنعي نفسك بللي راهو عام عادي وما يختلفش على العوام الأخرى

و بالنسبة للمعدل عادي جدا كاين اللي يهبط كاين قرا معايا طول عمرو يجيب غير معدل 17 و 18 و درك 11 يجيبها بالسيف, تحسيه فعلا دكي,, تحسيه فعلا فاهم ولكن ما تفهميش وش مشكلتو و لكن هو وحدو يقدر يعرف المشكل تاعو وين
وكاين اللي مستواه متوسط و لكن قدر يحافظ على مستواه طول عمرو يجيب 14و لدرك حتى في الباك يجيب 14
و كاين اللي يتعثر و يقوم هادي المجموعة أنا واحدة منها العام اللي فات جبت معدل الثلاثي الأول 14و هاد العام 15 و النقاط نشوف بللي عادي جدا سواء المواد الأساسية ولا الأخرى كاين "حسان يبدا" وكاين "مجيد بوقرة" ههههها
نتمسخر يعني كاين 19 و كاين 2

نسيت نقلكم على حاجة تعرفي الثقةفي النفس مهمة جدا في هاد العام بالدات لاحظتها أنا و قالوهالي ناس قبلي يعني اللي تلقايه يقلك أنا بربي 1000 بالمية ناجح هاداك مبروك عليه راو ناجح و قد تلقاي واحد ممتاز و لكن خوفو من أنو ما ينجحش يأثر عليه أنا شخصيا تقدري تقولي عام كامل حاطة في راسي بللي بربي 99,99999999999999999 بالمية ناجحة يعني لازم تنساي احتمال أنك ما تنجحيش و حطي غير احتمال النجاح

ردي بالك تهملي الامتحانات كاين اللي يقول أنا نخدم للباك و ما يهمنيش في الامتحان اخدمي للباك كلنا نخدمو للباكو لكن الامتحان تعاملي معاه بجدية لأنو رح يكون تقييم فعلي ليك و ادا كانت طريقتك غالطة او عندك مشكلة تقدري تعرفيها بعد الامتحانات و الثلاثي الأول مهم جدا بيه تقدري تقيمي الانطلاقة تاعك كيفاه كانت وكاين ياسر اللي يقولو معدل الثلاثي الأول غالبا يكون هو معدل الباك أو قريب منو


ربي يوفقك وينجحك و ينجحني أنا تاني راني قالقة في حالة خااااااااااااااايفة ما نجيبش معدل مليح باه نقرا طب
ادا فعلا حابة تعرفي معدلي أنا بالاك ما نقدرش نقلك و لكن انتيا تستعنلي الأنترنت الا حبيتي تعرفي هدا رقم التسجيل تاعي 4016433 كي تخرج النتيجة شوفي في الانترنت
ربي ينجحني و ينجحك

[الهام الحياة]

انا نسمع كلمة باك 2011 نتخلع ... نفضل فيلم رعب على هاد الكلمة
شكرا على النصائح .. انا علوم تجريبية عندي 2 مشاكل
الاولى في الرياضيات كيما ندير ما نلحقش مع اني ممتازة في الفيزياء
و في التاريخ و الجغرافيا و التربية اسلامية ... الله غالب ما نقدرش نحفظ

[narouma]

حقيقة الاخت رفيف انت تشوقيني اكثر فاكثر للبكالوريا والله مشكورة على النصائحححححححح انا خواااااااااافة بزاف او كي نسمع كلمة الباك نزيد اكثر بسح رني متحمسة باش نجيبو وان شاء الله بمعدل مليح خاصة المعدل لاهلني باش نقرا واش راني حابة

[*قلبي ملك ربي*]

سلام أختي
الحمد لله فهمتي المقصود و لكن الحفيظة ماهيش فعلا ياسر كيما تتصوري قتلك حافظي على حظورك للحصص و حافظي على تركيزك في الحصص و من بعد مش لازم في كل درس تحفظي 20 ورقة درك نقلك احفظي الملخصات و افهمي الدرس أنا حفظت غير الملخصات العلوم الاسلامية بالاك 5ورقات برك و جاوبت في الباك كلش صحيح لقيت السئلة هاديك الكل في الموضوعين حافظتها
و التاريخ ثاني الملخصات 4و لا 5 ورقات هدا ماكان و معاها الشخصيات و المصطلحات و التواريخ بالطبع
و ما تنسايش بعد ما تكملي تحفظي تشوفي المواضيع تاع البكالوريات اللي قبل و الحلول النمودجية تاعها لازم تعرفي الطريقة اللي تجي بيها الأسئلة والطريقة اللي لازم تجاوبي بيها

هزي العطلة تاعك كاملة و ارتاحي مليح وما تقلقيش روحك ياسر قتلك أسهل طريق ممكن تديه أنك تشوفي الأمور على بساطتها ولازم كيما قتلك تقنعي نفسك بللي راهو عام عادي وما يختلفش على العوام الأخرى

و بالنسبة للمعدل عادي جدا كاين اللي يهبط كاين قرا معايا طول عمرو يجيب غير معدل 17 و 18 و درك 11 يجيبها بالسيف, تحسيه فعلا دكي,, تحسيه فعلا فاهم ولكن ما تفهميش وش مشكلتو و لكن هو وحدو يقدر يعرف المشكل تاعو وين
وكاين اللي مستواه متوسط و لكن قدر يحافظ على مستواه طول عمرو يجيب 14و لدرك حتى في الباك يجيب 14
و كاين اللي يتعثر و يقوم هادي المجموعة أنا واحدة منها العام اللي فات جبت معدل الثلاثي الأول 14و هاد العام 15 و النقاط نشوف بللي عادي جدا سواء المواد الأساسية ولا الأخرى كاين "حسان يبدا" وكاين "مجيد بوقرة" ههههها
نتمسخر يعني كاين 19 و كاين 2

نسيت نقلكم على حاجة تعرفي الثقةفي النفس مهمة جدا في هاد العام بالدات لاحظتها أنا و قالوهالي ناس قبلي يعني اللي تلقايه يقلك أنا بربي 1000 بالمية ناجح هاداك مبروك عليه راو ناجح و قد تلقاي واحد ممتاز و لكن خوفو من أنو ما ينجحش يأثر عليه أنا شخصيا تقدري تقولي عام كامل حاطة في راسي بللي بربي 99,99999999999999999 بالمية ناجحة يعني لازم تنساي احتمال أنك ما تنجحيش و حطي غير احتمال النجاح

ردي بالك تهملي الامتحانات كاين اللي يقول أنا نخدم للباك و ما يهمنيش في الامتحان اخدمي للباك كلنا نخدمو للباكو لكن الامتحان تعاملي معاه بجدية لأنو رح يكون تقييم فعلي ليك و ادا كانت طريقتك غالطة او عندك مشكلة تقدري تعرفيها بعد الامتحانات و الثلاثي الأول مهم جدا بيه تقدري تقيمي الانطلاقة تاعك كيفاه كانت وكاين ياسر اللي يقولو معدل الثلاثي الأول غالبا يكون هو معدل الباك أو قريب منو


ربي يوفقك وينجحك و ينجحني أنا تاني راني قالقة في حالة خااااااااااااااايفة ما نجيبش معدل مليح باه نقرا طب
ادا فعلا حابة تعرفي معدلي أنا بالاك ما نقدرش نقلك و لكن انتيا تستعنلي الأنترنت الا حبيتي تعرفي هدا رقم التسجيل تاعي 4016433 كي تخرج النتيجة شوفي في الانترنت
ربي ينجحني و ينجحك


يعطيك الصحة ختي رفيف بيّنتينا حوايج بزاف و كي قلتيلي على الثقة بالنفس هادي ثاني عندك فيها الحق
بالصح أنايا كي قتلك رانا مخلوعين مارانيش نقصد بللي ماننجحش بالصح نخاف لو كان المعدل يحبط
فهمتيني يعني تخافي لوكان ماجيبيهش avec mention بالصح خلاص دوك هاكي هنيتيني كي قلتيلي
كيما لعوام لوخرين
ان شاء الله ربي يحققنا أمانينا كامل و ينجحنا بامتياز يارب ليكم و لينا
باذن الله نشوفلك النتيجة كي تخرج
تحياتي ليك ختي رفيف و سامحيني اذا كثرت عليك

[Rafife09]

يعطيك الصحة ختي رفيف بيّنتينا حوايج بزاف و كي قلتيلي على الثقة بالنفس هادي ثاني عندك فيها الحق
بالصح أنايا كي قتلك رانا مخلوعين مارانيش نقصد بللي ماننجحش بالصح نخاف لو كان المعدل يحبط
فهمتيني يعني تخافي لوكان ماجيبيهش avec mention بالصح خلاص دوك هاكي هنيتيني كي قلتيلي
كيما لعوام لوخرين
ان شاء الله ربي يحققنا أمانينا كامل و ينجحنا بامتياز يارب ليكم و لينا
باذن الله نشوفلك النتيجة كي تخرج
تحياتي ليك ختي رفيف و سامحيني اذا كثرت عليك
سلام حنونة :mh92:
ما كثرتي ني والو و أي حاجة تحتاجيها راني لهنا أو بالأحرى فارغة شغل ههها على بالك راني نسنى في النتيجة و نحوس غير على حاجة نتوله بيها كشما ننسى;)
قتلك انا العام اللي فات قلقت و تخلعت في الصيف بصح غير بدات القراية ما كاين خلعة ني والو الناس كامل تقرا عادي جدا
ربي ينجحكم و يوفقكم وينجحنا ان شاء الله كامل بمعدلات مليحة :)

[Rafife09]

انا نسمع كلمة باك 2011 نتخلع ... نفضل فيلم رعب على هاد الكلمة
شكرا على النصائح .. انا علوم تجريبية عندي 2 مشاكل
الاولى في الرياضيات كيما ندير ما نلحقش مع اني ممتازة في الفيزياء
و في التاريخ و الجغرافيا و التربية اسلامية ... الله غالب ما نقدرش نحفظ
سلام أختي :dj_17:
أول حاجة نقلك ما تتخلعيش خلاص راهو عام كيما العوام كامل ارتاحي في العطلة و حتى ان راجعتي ما تظغتيش على روحك و اكتفي بمراجعة الدروس تاع العوام اللي فاتو و للا مراجعة اللغات

بالنسبة للرياضيات انت من بامكانه معرفة مشكلتك ادا عرفتي المشكل الحل يكون سهل :confused:
ننصحك أهتمي أكثر حاجة تهتمي بالدرس بالدرحة الأولى و من بعد تروحي للتمرينات ادا فهمتي الدرس تقدري تحللي التمرينات بكل سهولة و ما تنسايش ياسر
كاين تلاميد يزربو غير للتمرينات قبل حتى ما يكملو يفهمو الدرس مليح تبانلهم بللي كي يحلو التمرينات يفهمو الدرس مليح و هادي مغالطة كبيرة يعني حنا من المفروض نفهمو الدرس باه نحلو التمارين و مش نحلو التمارين باه نفهمو الدرس راهي تبانلهم في هاديك الساعة تبانلهم بللي التمرينات ساعدتهم ولكن ادا قريتي بالطريقة هادي تكون معرضة اكثر للنسيان من بعد مدة يجيبولك نفس التمرينات اللي حليتيهم تلقاي روحك نسيتي كلشو مش عارفة تحليهم مرة أخرى علاه لأنك مش فاهم الدرس

ومن بعد فهم الدرس تجي الممارسة لازم تحلي تمرينات قد ما تقدري حتى من بعد يتحول الاحساس بالتعب الى متعة و تعودي كي تحلي تمرينات الرياضيات و كأنك تلعبي في ألعاب مسلية. أنا حبيت الرياضيات حتى عدت كي نقلق نحل تمرين رياضيات تتنحى عليا القلقة و لكن لازم كل تمرين تحليه تفهميه مليح و نفضل أنك تحلي تمرين واحد تعاوديه 10 مرات باه تفهميه بهدف أنك تحتفظي بالمعلومة على أنك تحللي 10 تمرينات و ما تفهميهمش مليح و من بعد تنساي كلش

و التاريخ و الجغرافيا و العلوم الشرعية كيما قلت تعودي مجبرة على الحفيظة و تعرفي بللي راي حاجة لازمة باه تحققي الهدف تاعك و اللي هو النجاح و علابالك بللي ما عندكش خيار اوخر تحفظي تلقائيا
ملاحظة: الدروس تاع الباك تاع المواد الأدبية تبانلي مش مملة عكس العامين اللي فاتو و زيد كي تسعملي الملخصات ما تجيكش حاجة كبيرة

نتمنالك النجاح و التوفيق ووش احتجتي راني لهنا :)

[Rafife09]

حقيقة الاخت رفيف انت تشوقيني اكثر فاكثر للبكالوريا والله مشكورة على النصائحححححححح انا خواااااااااافة بزاف او كي نسمع كلمة الباك نزيد اكثر بسح رني متحمسة باش نجيبو وان شاء الله بمعدل مليح خاصة المعدل لاهلني باش نقرا واش راني حابة
سلام اختي:mh92:
نتمنالك النجاح و التوفيق و أي حاجة تحتاجيها انا في الخدمة;)

[Rafife09]

شكرااااااا على النصائح القيمة ولكن انا لدي راي اخر وهو انو كل تلميذ اوكيفاه طريقة الدراسة تاعو ان شاء الله دجيبو الباك بمعدل مليح
سلام:mh92:
عندك الحق كل واحد و طريقتو في المراجعة و لكن أنا فقط نبهت على حوايج وحكيتلكم على الطريقة اللي تبعتها ممكن تستفيدو منها
مش مهم أي طريقة تتبع و لكن المهم أولا أنك تؤمن بالطريقة اللي تبعتها و مقتنع بيها مهما يكون حتى و ان كانو الناس كامل ضدها و الناس الكل يشوفو عكس وش راك تشوف مش تتبعي طريقة في سبتمبر و تجي من بعد في مارس وتقولي انا نادمة و تبعت طريقة غالطة و خسرت كلش و يطيحلك المورال هاداك الوقت خلاص
مش مهم ادا كانت طريقة فيها اخطاء -هي مستحيل تكون خالية من الأخطاء- المشكل مش انك تعملي أخطاء -وهو أكيد أنك رح تعملي اخطاء- ولكن يكون مشكل فعلي ادا كنتي تفشلي و يطيحلك المورال عند أول أخطاء تعمليها وكيما قلت من قبل "القوي ليس هو من لا يسقط وانما هو من يسقط وفي كل مرة يعرف كيف ينهض"
و مش مهم أي طريق تديه بقدر ما هو مهم انو الطريق يوصلك وتخرجي منو بأقل خسائر ممكنة
نتمنالك التوفيق والنجاح أي حاجة تحتاجيها راني لهنا:)

[narouma]

merci khti ya3tik saha ourabi njhak b la moyenne liraki tatmainayha

[*قلبي ملك ربي*]

سلام حنونة :mh92:
ما كثرتي ني والو و أي حاجة تحتاجيها راني لهنا أو بالأحرى فارغة شغل ههها على بالك راني نسنى في النتيجة و نحوس غير على حاجة نتوله بيها كشما ننسى;)
قتلك انا العام اللي فات قلقت و تخلعت في الصيف بصح غير بدات القراية ما كاين خلعة ني والو الناس كامل تقرا عادي جدا
ربي ينجحكم و يوفقكم وينجحنا ان شاء الله كامل بمعدلات مليحة :)

ربي يخليك ختي
مرسي على كل حاجة قدمتيهانا و ان شاء الله ربي يحققلك أمانيك
بارك الله فيك

[فليون]

والله الشكر ما يكفي ولو مانرد نكون ناكرة للخير.مشكوووووووورة.ونتمنالك النجاح مع الدعاء لكي بان يوفقكي الله ويوصلك ماتتمنين.
يا اختي انا خائفة من البكلوريا لدرجة كبيرة واظن سبب خوفي صدمة لهلية فقد نلت علامة لم ترضيني ولم ترضي اهلي فقد كنت متوقعة الاكثر والعام المقبل الجميع ينتظر مني الالتحاق باختي في جامعة الطب اخشى ان يتكرر ذلك الموقف.
انا لا انكر اني احفظ مادة الاجتماعيات فانا ثقيلة الحفظ.فما رأيك انت في هذا و اتمنى ان تكوني صديقة ناصحة لي؟

[*عاشقة الجنة*]

شكرا...شكرا...شكرا...شكرا...شكرا...شكرا...شكرا...

مهما كان ردنا على موضوعك لا يمكن أن نرد جميلك

نظرا لما قدمته لنا من نصائح....والله زاد شوقي

للبكالوريا ومتحمسة لتطبيق نصائحك....

حقا موضوع يستحق التثبيت............

ما عسانا فعله هو الدعاء لك ولكل الطلبة

بالنجاح ان شاء الله.

.....اللهم نجح Rafife09 بتقدير: امتياز.....

[Rafife09]

والله الشكر ما يكفي ولو مانرد نكون ناكرة للخير.مشكوووووووورة.ونتمنالك النجاح مع الدعاء لكي بان يوفقكي الله ويوصلك ماتتمنين.
يا اختي انا خائفة من البكلوريا لدرجة كبيرة واظن سبب خوفي صدمة لهلية فقد نلت علامة لم ترضيني ولم ترضي اهلي فقد كنت متوقعة الاكثر والعام المقبل الجميع ينتظر مني الالتحاق باختي في جامعة الطب اخشى ان يتكرر ذلك الموقف.
انا لا انكر اني احفظ مادة الاجتماعيات فانا ثقيلة الحفظ.فما رأيك انت في هذا و اتمنى ان تكوني صديقة ناصحة لي؟
سلام عليكم
وهادي محتاجة سؤال طبعا لي الشرف في أن أكون صديقة ناصحة لك:)
من كل قلبي نتمنالك التوفيق والنجاح و الالتحاق بكلية الطب وتحقيق رغبة أهلك
و ما تخافيش خلاص و اقنعي نفسك بللي راهو امتحان عادي جدا
سلاااام.

[Rafife09]

شكرا...شكرا...شكرا...شكرا...شكرا...شكرا...شكرا...

مهما كان ردنا على موضوعك لا يمكن أن نرد جميلك

نظرا لما قدمته لنا من نصائح....والله زاد شوقي

للبكالوريا ومتحمسة لتطبيق نصائحك....

حقا موضوع يستحق التثبيت............

ما عسانا فعله هو الدعاء لك ولكل الطلبة

بالنجاح ان شاء الله.

.....اللهم نجح rafife09 بتقدير: امتياز.....
لا شكر على واجب
نتمنالك التوفيق و النجاح و أي حاجة تحتاجيها راني لهنا

[belmani oussama]

السلام عليكم أختي
أولا بارك الله فيك على النصائح علابالك والله طلعتيلي المورال
وبالتوفيق ان شاء الله تكوني من بين الأوائل على مستوى الجزائر وتكوني من الدين يكرمهم بوتفليقة ونشوفوك في التلفزيون ان شاء الله
المهم كاش معندك نصائح ليا بشأن الرياضيات أنا قوي في كل المواد وخاصة الهندسة الكهربائية لأني شعبة تقني ياضي
لكن تبقى الرياضيات هي المشكل بالنسبة ليا كاش معندك نصائح للرياضيات
هل نراجع دروس السنة الأولى؟؟أم السنة الثانية أم نراجعهم في زوج؟
أنا لازن ندير لاباز في الرياضيات
أرجو أن تردي في أقرب وقت لأن الوقت يمر بسرعة نحن في شهر جويلية ولازم قبل مايفض هادا الشهر نكون عندي لاباز في الرياضيات
عندنا المعامل تاعها 7
كون نولي قوي في الرياضيات نقدر نجيب المعدل 17 حتى 18
لأني كما قلت لك قوي ففي كل المواد وخاصة الهندسة الكهربائية والفيزياء
وشكرا وان شاء الله تجيبي احسن معدل يارب

[Rafife09]

السلام عليكم أختي
أولا بارك الله فيك على النصائح علابالك والله طلعتيلي المورال
وبالتوفيق ان شاء الله تكوني من بين الأوائل على مستوى الجزائر وتكوني من الدين يكرمهم بوتفليقة ونشوفوك في التلفزيون ان شاء الله
المهم كاش معندك نصائح ليا بشأن الرياضيات أنا قوي في كل المواد وخاصة الهندسة الكهربائية لأني شعبة تقني ياضي
لكن تبقى الرياضيات هي المشكل بالنسبة ليا كاش معندك نصائح للرياضيات
هل نراجع دروس السنة الأولى؟؟أم السنة الثانية أم نراجعهم في زوج؟
أنا لازن ندير لاباز في الرياضيات
أرجو أن تردي في أقرب وقت لأن الوقت يمر بسرعة نحن في شهر جويلية ولازم قبل مايفض هادا الشهر نكون عندي لاباز في الرياضيات
عندنا المعامل تاعها 7
كون نولي قوي في الرياضيات نقدر نجيب المعدل 17 حتى 18
لأني كما قلت لك قوي ففي كل المواد وخاصة الهندسة الكهربائية والفيزياء
وشكرا وان شاء الله تجيبي احسن معدل يارب
سلام عليكم

امتحان الرياضيات ما يتطلبش تكون عبقري باه تجيب فيه 18 بل يمكن لأي شخص يجتهد يجيب فيه العلامة الكاملة بشرط يكون محظر مليح و يكون نهار الامتحان في نفسية جيدة وفي صحة جيدة و ان شاء الله تكون كدلك. وملاحظة الاختصاص فقط معاملو 7 و الرياضيات والفيزياء معاملاتها 6 بالنسبة ليكم أنتم التقني.*

أولا باه تعمل لاباز درك نقلك على حوايج و الله أعلم ان شاء الله ما تدخلش تعديلات على الحوايج الي رح نقلك عليهم في العام تاعكم.

عندك في امتحان البكالوريا في الرياضيات أكبر نقطة تجي على الدوال و تجي في الموضوعين هاد العام حنا جاتنا عليها 7 نقاط يعني أول حاجة لازم تراجعها من السنة الأولى والسنة الثانية هي الدوال العددية و تراجع النهايات و الاشتقاقية و المماسات و المستقيمات المقاربة و طريقة رسم المنحنى و في السنة 3 رح يزيدو يقريولك الدوال الأسية و اللوغاريتمية سهلة جدا و تقرا الدوال الأصلية أنت اكتفي بمراجعة حوايج العوام اللي فاتو

من المفروض الأستاد كي يقريلك الدوال الأصلية يعطيك الهدف منها و اللي هوحساب المساحات. في تمرين الدوال من المفروض يعطيك سؤال عليها ويكون السؤال احسب مساحة .............من المنحنى طبعا
هادي الدوال الأصلية ما تضيعش وقتك في الصيف و تقراها وحدك هي مش صعيبة و لكن ممكن جدا ما تقدرش تفهمها من غير أستاد

و لكن ممكن جدا في الجزء الثاني من تمرين الدوال يكون حول المتتاليات وفي هادي الحالة يكون التمرين أسهل بياسر من لوكان يجيبلك دالة أصلية يعني نحب نقلك لازم تراجع المتتاليات وحط في بالك بللي ما كانش حاجة أسهل من المتتاليات أسهل درس عندنا في البرنامج كامل.

نروحوللتمرينات الأخرى ممكن جدا يجيبلك تمرين حول الهندسة الفضائية حنا هاد العام جاتنا في الموضوعين و صدقني أكثر تمرين ممكن تضمن فيه العلامة هوتمرين الهندسة الفضائية.
يعني راجع فيها وش قريتي في السنتين الأولى والثانية : التمثيل الوسيطي, معادلة مستقيم في الفضاء , معادلة مستوي , معادلة سطح كرة , وما تنساش تراجع درس المرجح و درس الجداء السلمي...........
هادم تحتاجهم في تمرينات الهندسة الفضائية و في تمارين الأعداد المركبة والتشابه المباشر
تحتاجهم في تعريف مجموعة نقط يعني أنا نشفى معظمها قريناها في السنةالثانية

والأعداد المركبة ما تقراهاش في الصيف قتلك ما تضيعش وقتك في العطلة تقرا دروس السنة 3 وفي الباك تحصل تولي تعاود ترجع لدروس العوام اللي فاتو.
الاعداد المركبة درس ثاني ساهل ساهل ما تتصورش لأي درجة و أصلا حلو كي تفهم وتبدا تحل التمرينات ما تغلبش وما تشبعش منهم خلاص كل ما تحل تمرين تزيد تحلالك وتحب تحل زيد تمرينات أخرى و لكن لازم تكون تعرف مليح وقاري مليح درس الدائرة المثلثية وعارف الزوايا الشهيرة و كامل خواصها و الجداء السلمي ولازم تعرف أهم قواعد الزوايا
اللي قريناهم في السنة الثانية كامل تحتاجهم. بالاضافة الى التحويلات النقطية:الانسحاب, التحاكي, و الدوران اللي قريناه في السنة 1 تحتاجهم ثاني.

التشابه المباشر يعتمد على الأعداد المركبة ,ما فيه والو و يعتمد على التحويلات النقطية و في الباك عادة ما يجيش وحدو تجي معاه الأعداد المركبة و في بعض التمرينات يجيبو معاه المتتاليات و ساعات يحتاج الى الهندسة .

الاحتمالات أيضا ساهلة جدا أساتدة الرياضيات يقولو ما تجيش ياسر لأنو جات مرة واحدة برك في الباك عام 2009 و ما كانش حتى عام اوخر جات فيه و لكن جاتهم ساهلة وجاتهم شجرة الاحتمالات يعني راجع فيها غير وش قريت في السنة 2 و كي تفهم المتغير العشوائي راك مشيت نص الطريق وفي الباك أقراها كاملة و ما تهملهاش لأنو ادا جاك تمرين الاحتمالات ممكن يكون أسهل تمرين و تضمن فيه النقطة.

تبقى كاين دروس أخرى خاصة بقسم الرياضي و التقني هي دروس: القسمة في Z , القواسم و المضاعفات, الموافقات بترديد n ,التعداد.............هادي كاين تلاميد ياسر يخافو منها, و من كثر ما التلاميد يقولو راهي صعيبة حتى ما عدتش قادرة نقتنع بللي راي ساهلة بالرغم الي عام كامل التمرين اللي نحاول فيه نحلو صحيح, و قد ما حليت فيها تمرينات قلبي بقا هارب منها وقلت في الباك ما نحلش الموضوع اللي تجي فيه. و لكن لقيتها في الموضوعين وما لقيتش تمرين المتتاليات اللي هو أسهل تمرين و كنت نسنى فيه.
و لكن يوم امتحان الباك برك اقتنعت بللي ساهلة كي راح عليا الحال وبقالي تمرين التعداد ما حليتوش وطلبت من الأستادة اللي تعس عليا ورقة اضافية. راحت باه تجيبلي, هي وصلت للباب و هو دق الجرس شافتلي و قتلي ما كالاه فض الوقت, قلتلها لا ربي يعيشك جيبيلي .
غضتها, جابتلي و ثم حليت تمرين التعداد كامل في هاداك الوقت القياسي و أنا عينيا بالدموع و ايدي ترجف. وكي شفت في التصحيح النمودجي لقيت روحي حليتو صحيح لتما قلت سبحان الله هاد اللي كنت خايفة منو أسهل تمرين و أسهل درس.

على العموم 75 بالميا من برنامج السنة الثالثة متناول في السنة الثانية. درك كي تبدا تقرا في الباك تلاحظ بللي معظم الدروس اللي دكرتهلك في الكتاب المدرسي ما يكتبلكش خلاص الدرس يكتبلك "تدكير" ويفوت للي بعدو ومعظم الأساتدة حسب ما نشوف ما يحبوش يعاودو يقريوهم, يقلك قريتهم العام اللي فات,و ما دخلنيش فيك لوكان قريت على روحك راك فهمت. المهم انت باه ما توقعش في هاد المشكل حاول أنك تتمكن من برنامج السنة 2 و بالاك نكون نسيت حاجة ولكن اعلم أنو برنامج السنة 2 كامل مهم.

ملاحطة: كي تقرا في الصيف ما تروحش لدروس السنة 3 لأنو الوقت تاع الصيف يكفيك فقط باه تراجع الدروس اللي قتلك عليهم.
و ما تظغتش على روحك ومادامك في العطلة ما تخممش في الوقت و حتى لاكان ما كملتش مراجعة مش مشكل أنا ثاني في الصيف ما كملتش المراجعة و من بعد عدت قبل كل درس نعاود نشوف وش قرينا قبل.
لازم تحبس المراجع بشهر على الأقل قبل الدخول المدرسي.

وفي السنة 3 ادا ما قدرتش وحدك استعين بالدروس الخصوصية.

نتمنى نكون دكرت حوايج تفيدك.
نتمنالك النجاح والتوفيق.
سلااااام.

[SORROUR]

مشكوووووووووووووووووووووووووووووورة ،بارك الله فيك
بغيت برك نسقسيك اذا كنت دايرة جدول للمراجعة اليومية ولا لا ،و اذا كنتي دايراته اعطينا نموذج..
بالنسبة لكيفية التحميل يلزم تسجلي في مركز تحميل مثلا 4 shared ولمزيد من المعلومات اكتبي في قوقل كيفية تحميل الملفات ستجدي العديدي من المواضيع و بالصور
وتمنياتي بالنجاح...

[belmani oussama]

سلام عليكم

امتحان الرياضيات ما يتطلبش تكون عبقري باه تجيب فيه 18 بل يمكن لأي شخص يجتهد يجيب فيه العلامة الكاملة بشرط يكون محظر مليح و يكون نهار الامتحان في نفسية جيدة وفي صحة جيدة و ان شاء الله تكون كدلك. وملاحظة الاختصاص فقط معاملو 7 و الرياضيات والفيزياء معاملاتها 6 بالنسبة ليكم أنتم التقني.*

أولا باه تعمل لاباز درك نقلك على حوايج و الله أعلم ان شاء الله ما تدخلش تعديلات على الحوايج الي رح نقلك عليهم في العام تاعكم.

عندك في امتحان البكالوريا في الرياضيات أكبر نقطة تجي على الدوال و تجي في الموضوعين هاد العام حنا جاتنا عليها 7 نقاط يعني أول حاجة لازم تراجعها من السنة الأولى والسنة الثانية هي الدوال العددية و تراجع النهايات و الاشتقاقية و المماسات و المستقيمات المقاربة و طريقة رسم المنحنى و في السنة 3 رح يزيدو يقريولك الدوال الأسية و اللوغاريتمية سهلة جدا و تقرا الدوال الأصلية أنت اكتفي بمراجعة حوايج العوام اللي فاتو

من المفروض الأستاد كي يقريلك الدوال الأصلية يعطيك الهدف منها و اللي هوحساب المساحات. في تمرين الدوال من المفروض يعطيك سؤال عليها ويكون السؤال احسب مساحة .............من المنحنى طبعا
هادي الدوال الأصلية ما تضيعش وقتك في الصيف و تقراها وحدك هي مش صعيبة و لكن ممكن جدا ما تقدرش تفهمها من غير أستاد

و لكن ممكن جدا في الجزء الثاني من تمرين الدوال يكون حول المتتاليات وفي هادي الحالة يكون التمرين أسهل بياسر من لوكان يجيبلك دالة أصلية يعني نحب نقلك لازم تراجع المتتاليات وحط في بالك بللي ما كانش حاجة أسهل من المتتاليات أسهل درس عندنا في البرنامج كامل.

نروحوللتمرينات الأخرى ممكن جدا يجيبلك تمرين حول الهندسة الفضائية حنا هاد العام جاتنا في الموضوعين و صدقني أكثر تمرين ممكن تضمن فيه العلامة هوتمرين الهندسة الفضائية.
يعني راجع فيها وش قريتي في السنتين الأولى والثانية : التمثيل الوسيطي, معادلة مستقيم في الفضاء , معادلة مستوي , معادلة سطح كرة , وما تنساش تراجع درس المرجح و درس الجداء السلمي...........
هادم تحتاجهم في تمرينات الهندسة الفضائية و في تمارين الأعداد المركبة والتشابه المباشر
تحتاجهم في تعريف مجموعة نقط يعني أنا نشفى معظمها قريناها في السنةالثانية

والأعداد المركبة ما تقراهاش في الصيف قتلك ما تضيعش وقتك في العطلة تقرا دروس السنة 3 وفي الباك تحصل تولي تعاود ترجع لدروس العوام اللي فاتو.
الاعداد المركبة درس ثاني ساهل ساهل ما تتصورش لأي درجة و أصلا حلو كي تفهم وتبدا تحل التمرينات ما تغلبش وما تشبعش منهم خلاص كل ما تحل تمرين تزيد تحلالك وتحب تحل زيد تمرينات أخرى و لكن لازم تكون تعرف مليح وقاري مليح درس الدائرة المثلثية وعارف الزوايا الشهيرة و كامل خواصها و الجداء السلمي ولازم تعرف أهم قواعد الزوايا
اللي قريناهم في السنة الثانية كامل تحتاجهم. بالاضافة الى التحويلات النقطية:الانسحاب, التحاكي, و الدوران اللي قريناه في السنة 1 تحتاجهم ثاني.

التشابه المباشر يعتمد على الأعداد المركبة ,ما فيه والو و يعتمد على التحويلات النقطية و في الباك عادة ما يجيش وحدو تجي معاه الأعداد المركبة و في بعض التمرينات يجيبو معاه المتتاليات و ساعات يحتاج الى الهندسة .

الاحتمالات أيضا ساهلة جدا أساتدة الرياضيات يقولو ما تجيش ياسر لأنو جات مرة واحدة برك في الباك عام 2009 و ما كانش حتى عام اوخر جات فيه و لكن جاتهم ساهلة وجاتهم شجرة الاحتمالات يعني راجع فيها غير وش قريت في السنة 2 و كي تفهم المتغير العشوائي راك مشيت نص الطريق وفي الباك أقراها كاملة و ما تهملهاش لأنو ادا جاك تمرين الاحتمالات ممكن يكون أسهل تمرين و تضمن فيه النقطة.

تبقى كاين دروس أخرى خاصة بقسم الرياضي و التقني هي دروس: القسمة في z , القواسم و المضاعفات, الموافقات بترديد n ,التعداد.............هادي كاين تلاميد ياسر يخافو منها, و من كثر ما التلاميد يقولو راهي صعيبة حتى ما عدتش قادرة نقتنع بللي راي ساهلة بالرغم الي عام كامل التمرين اللي نحاول فيه نحلو صحيح, و قد ما حليت فيها تمرينات قلبي بقا هارب منها وقلت في الباك ما نحلش الموضوع اللي تجي فيه. و لكن لقيتها في الموضوعين وما لقيتش تمرين المتتاليات اللي هو أسهل تمرين و كنت نسنى فيه.
و لكن يوم امتحان الباك برك اقتنعت بللي ساهلة كي راح عليا الحال وبقالي تمرين التعداد ما حليتوش وطلبت من الأستادة اللي تعس عليا ورقة اضافية. راحت باه تجيبلي, هي وصلت للباب و هو دق الجرس شافتلي و قتلي ما كالاه فض الوقت, قلتلها لا ربي يعيشك جيبيلي .
غضتها, جابتلي و ثم حليت تمرين التعداد كامل في هاداك الوقت القياسي و أنا عينيا بالدموع و ايدي ترجف. وكي شفت في التصحيح النمودجي لقيت روحي حليتو صحيح لتما قلت سبحان الله هاد اللي كنت خايفة منو أسهل تمرين و أسهل درس.

على العموم 75 بالميا من برنامج السنة الثالثة متناول في السنة الثانية. درك كي تبدا تقرا في الباك تلاحظ بللي معظم الدروس اللي دكرتهلك في الكتاب المدرسي ما يكتبلكش خلاص الدرس يكتبلك "تدكير" ويفوت للي بعدو ومعظم الأساتدة حسب ما نشوف ما يحبوش يعاودو يقريوهم, يقلك قريتهم العام اللي فات,و ما دخلنيش فيك لوكان قريت على روحك راك فهمت. المهم انت باه ما توقعش في هاد المشكل حاول أنك تتمكن من برنامج السنة 2 و بالاك نكون نسيت حاجة ولكن اعلم أنو برنامج السنة 2 كامل مهم.

ملاحطة: كي تقرا في الصيف ما تروحش لدروس السنة 3 لأنو الوقت تاع الصيف يكفيك فقط باه تراجع الدروس اللي قتلك عليهم.
و ما تظغتش على روحك ومادامك في العطلة ما تخممش في الوقت و حتى لاكان ما كملتش مراجعة مش مشكل أنا ثاني في الصيف ما كملتش المراجعة و من بعد عدت قبل كل درس نعاود نشوف وش قرينا قبل.
لازم تحبس المراجع بشهر على الأقل قبل الدخول المدرسي.

وفي السنة 3 ادا ما قدرتش وحدك استعين بالدروس الخصوصية.

نتمنى نكون دكرت حوايج تفيدك.
نتمنالك النجاح والتوفيق.
سلااااام.




السلام عليكم
بارك الله فيك على هادي النصائح وان شاء الله تجيبي احسن معدل يارب
وماتنسايش كي يخرج الباك قولينل شحال المعدل اوكي؟؟؟ ههههه
المهم شكرا كثير ليك

[belmani oussama]

السلام عليكم أختي
علابالي تعبناك معانا هههههههه
شكرا وبارك الله فيك على النصائح
ولكن عندي طلب اخير نتمنى نكون مش مزعج ليك
كاش مانصائح للفيزياء والكيمياء سمعت يقولو بلي الكيمياء تع الثرمينال صعيبة
وهل تتعلق بالكيمياء تع الثانية ثانوي؟
أما بالنسبة للفيزياء فانا الحمد لله متمكن منها
أرجو الرد في أسرع وقت لأن نصائحك والله أفادتني كثيرا
وبالتوفيق ليك ان شاء الله

[Rafife09]

مشكوووووووووووووووووووووووووووووورة ،بارك الله فيك
بغيت برك نسقسيك اذا كنت دايرة جدول للمراجعة اليومية ولا لا ،و اذا كنتي دايراته اعطينا نموذج..
بالنسبة لكيفية التحميل يلزم تسجلي في مركز تحميل مثلا 4 shared ولمزيد من المعلومات اكتبي في قوقل كيفية تحميل الملفات ستجدي العديدي من المواضيع و بالصور
وتمنياتي بالنجاح...
سلام عليكم:mh92:

شكرا انا خلاص عرفت كيفية التحميل و في اقرب فرصة ندير موضوع اخر نحطلكم فيه الدروس:)

أما بالنسبة لجدول المراجعة أنا ما عملتش خلاص كل ما نعمل ما يصلحش معايا.
عندي صديقتي كانت تعمل جدول للمراجعة وكل أسبوع تبدل فيه أو تعدل فيه, يعني تحط بعد استعمال الزمن تقوم بتوزيع وقتها مثلا تبدا على ال7:00 و تقرا 2 سا رياضيات ومن بعد 2سا فيزياء. ولكن أنا نقلك علاه ما حبيتش نعتمد عليه لأني نحب مثلا هاد الليلة نحل 10 تمرينات في الرياضيات ولازم نحلهم. 2 سا ما تكفيش يعني البرنامج يفسد وديما الوقت اللي تتوقعيه يكفيك باه تراجعي حاجة معينة تتصدمي فيه لأنو يطلع ما يكفيش لمراجعة حتى النصف.

ما كنتش نهتم بالوقت أصلا نعمل اللي من المفروض نعملو مثلا: مراجعة درس العلوم , حل تمارين الرياضيات والفيزياء و وقت ما نكملهم نرقد.

في أول العام كانو زملائي كامل يعملو جداول للمراجعة و لكن مع الوقت استغناو عليهم و عادو يراجعو اللي من المفروض يراجعوه وخلاص.

عدنا اللي يسحق حاجة يتصل على ال12 تاع الليل, يتصل على ال4 تاع الصباح وعادي و كأنو يتصل على ال4 تاع العشية علابالو: حاجة بديهية الناس: كامل راهي عندهم ياسر مللي ناضو هدا ان كانو رقدو أصلا.

ردي بالك هدا شهر أو شهر و نص قبل الباك ما تعمليهاش من أول العام أول العام كان اللي يسهر لل11 تاع الليل يجي الصباح يقول راني تعبان سهرت ياسر لبارح.

على كل حال انتيا حاولي تجربي تعملي جدول للمراجعة. وان ما صلحش حاولي تنظمي وقتك ما كانش كيما المراجعة بنظام.
هادي حاجة أنا فشلت فيها "تنظيم الوقت" نتمنى أنك تلقايلها حل لأنها المراجعة من غير تنظيم تكون مرهقة أكثر.

نتمنالك النجاح و التوفيق وأي حاجة تحتاجيها ما تردديش في طلب المساعدة.;)
سلاااام.

[Rafife09]

السلام عليكم أختي
علابالي تعبناك معانا هههههههه
شكرا وبارك الله فيك على النصائح
ولكن عندي طلب اخير نتمنى نكون مش مزعج ليك
كاش مانصائح للفيزياء والكيمياء سمعت يقولو بلي الكيمياء تع الثرمينال صعيبة
وهل تتعلق بالكيمياء تع الثانية ثانوي؟
أما بالنسبة للفيزياء فانا الحمد لله متمكن منها
أرجو الرد في أسرع وقت لأن نصائحك والله أفادتني كثيرا
وبالتوفيق ليك ان شاء الله
سلام عليكم
هدا لا يمثل اي ازعاج على الاطلاق بالعكس انا نفرح كي نقدم حاجة مفيدة لأي انسان محتاجها

و ثم هادي مش مشكلتك وحدك أنا نعرف ياسر من زملائي يقراو تقني منهم اللي يقراو كهرباء و اللي يقراو ميكانيك واللي يقراو مدنية و اللي يقراو هندسة طرائق و لاحظت أنهم كامل يجيبو نقاط مليحة ياسر في الاختصاص تاعهم اللي معاملو7. و هدا يمكنهم من أنهم يجيبو معدلات ممتازم في الباك لولا أنو بعضهم يعاني من الرياضيات و البعض من الفيزياء و البعض الاخر يعاني منهم في 2.
ان شاء الله ما تلقاش مشكلة فيهم و تجيب معدل ممتاز لهدا نقلك راجع الرياضيات مليح وما تخليهاش تكون عائق.

بالنسبة للكيمياء عندك في اول وحدة رح تقراها ان شاء الله لازم تفهم مليح "جدول تقدم التفاعل"
لاحظ أنا قتلك لازم تفهم و ما قلتش لازم تعرف يعني الناس الكل يعرفو يعملو جدول للتقدم وأصلا عليه 0.25 ولكن الأسئلة الأخرى كامل تجاوب عليها انطلاقا من جدول التقدم وما تعملش كالبعض يقوم بملأ خانات الجدول و كأنو يتسلا في صفحة من الجورنال
كيفاه نفهمهالك لازم تفهم لأنو في الباك رح يجيبلك عبارة أول مرة تشوفها تشوفها غير نهار الباك و يقلك بين بللي راهي كدا وباه تبينها لازم تكون فاهم جدول التقدم اللي عملتو
و لكن ساهلة جدا عندك تفاعلات لازم تعرفهم و باينين ولازم تعرف الناقلية هاد الدرس قريناها في السنة 2

الوحدة 2 من الكيمياء لازم تكون فاهم الاحماض و الاسس هادم قريناهم في السنتين 1و 2 و تحتاج الى الكيمياء العضوية اللي قريناه في السنة 2 و درس الناقلية
هنا رح تدرس الاحماض القوية والأمر ساهل خلاص ادا جابلك حمض قوي في الباك غالبا رح يجيبك HCl لازم تقراه مليح
و تدرس ايضا الاحماض الضعيفة و هنا ثاني عندك حوايج باينة الميثانويك و الايثانويك وممكن البروبانويك
وتقرا ثاني الأسس القوية و الضعيفة
المهم أنك تعرف تفرق بين الحمض القوي و الضعيف و من بعد يعلموك غير تعود تحسب في الثوابت
الوحدة هادي ثاني ما فيها والو ساهلة الى ابعد الحدود خاصة ادا فهمت الوحدة اللي فاتت

الوحدة 3 من الكيميا في الجزء الثاني من الكتاب مش غير ساهلة أنا تمنيت لوكان جابوهالنا في الباك. هادي الوحدة تفهم الوحدتين اللي قبلها و عندنا الأعمدة خاصة بالرياضي و التقني و من بعدنا عننا دراسة تفاعل الأستر
هادي كان جابوهالك في الباك تسما عطاولك هاديك ال 3 نقاط اوأكثر هدية كل التمرينات نفس التمرين يبدلو المعطيات وخلاص

يعني الكيمياء اللي رح تقراها كامل العمود الفقري تاعها هوجدول لتقدم لازم تسمع الاستاد يتكلم على تفاعل معين تلقائيا يترسم في دهنك جدول التقدم وما يبقاش مجرد خانات تعمر فيهم هادوك الخانات كامل يمثلو دوال معينة لازم تفهمها.

الفيزيا ثاني ساهلة الى أبعد الحدود

عندك وحدة التحولات النووية أروع و أسهل وحدة واصلا حلوة كي تبدا تقرا تحلالك فيها وتحب تزيد تقرا و نقطتها في الباك مضمونة غير فيها الحسابات ياسر توله لا تغلط وهدا ما كان.

بعدها تجي وحدة الكهرباء ساهلة و العمود الفقري تاعها أنك تفهم و تعرف تفرق بين التوتر الكهربائي و التيار الكهربائي لأن الكثير ما يفهموش و يخلطو وما يعرفوش يفرقو بيناتهم ومن بعد تعود قوانين و أنت تطبق ما تعبلك مخك ما تبقى تخمم ياسر ني والو.

و من بعد كاينة الوحدة اللي يخافو منها الناس كامل هي وحدة الميكانيك بالرغم الي ماهيش صعيبة ولكن اللي يخافو منها لأنها عكس الكهرباء واسعة ياسر مرة يحكيلك على الصاروخ مرة يحكيلك على الطائرة ومرة يحكيلك على الدرة و لكن ادا فهمت الدرس مليح ما كانش مشكل لأنك ادا فهمت الدرس تقدر تتقوى على أي مشكل و تلقالو حل

و هنا العمود الفقري و المفتاح تاع الوحدة هادي هو انك تفهم فعلا وتلمس مفهوم التسارع
و من بعد تفهم القانون الثاني لنيوتن في العوام الماضية قرينا القانونين 1 و 3 هادم من المفروض ساهلين وفهممتهم
القانون 2 لنيوتن لازم تفهم فعلا و مش تطبقو فحسب وتلقاه بللي فعلا هو مفتاح جميع التمرينات كامل يتحلو بقانون واحد هو قانون نيوتن

بعض التلاميد يحصلو في الميكانيك في درس القديفة في هادي الحالة نحاول نفهمك حاجة
القديفة معناها أنك عندك حاجة كرة مثلا وتقدفها الى أعلى بزاوية 30 درجة مثلا رايحة تصعد ومن بعد تهبط
تخيل معايا وما تنساهاش هادي
ما هي القوى المؤثرة على الكرة؟ الجواب الثقل فحسب. البعض يقولو قوة الدفع او ما علاباليش وش يسميوها هاديك القوة اللي رميت بيها الكرة
انتبه احنا ما عطيناش الكرة قوة وانما عطيناها سرعة و لازم تفرق بين القوة و السرعة
الفرق ادا عطيتها قوة فان بامكانك تغيرها في أي وقت تزيد تنقص توقف
أما السرعة ادا عطيت الكرة سرعة خلاص خرجت من يدك و ما تقدرش درك تغير فيها
ان شاء الله نكون قدرت نفهمك

درك تفاهنا كاين قوة واحدة مؤثرة على الكرة هي قوة الثقل ,
ماهي القوة المؤثرة على المحور(OX) ؟ الجواب لاتوجد قوةعلى محور الفواصل
لازم تؤمن بللي ماكانش قوة على محور الفواصل ومنه حسب القانون1 لنيوتن الكرة تتحرك بحركة مستقيمة منتظمة على محور الفواصل
ماهي القوة المؤثرة على المحور(oy) ؟ الجواب قوة وحيدة في جهة واحدة هي قوة الثقل
ومنه حسب القانون2 لنيوتن الحركة على محور التراتيب هي حركة متغيرة بانتظام

ادا فهمت هادي راك فهمت القديفة

المهم بالاك لاحظت كم مرة قلت "لازم تفهم" لأنك ادا فهمت الدرس و ركزت على الحوايج اللي قتلك عليهم الشيء اللي يبقى غير اشتقاقات وتتحول الى رياضيات

بالاك دخلت في التفاصيل ياسر

و لكن هادي الحوايج لازم تعرفها وتركز عليها ورد بالك تغلط فيها

يعني راجع غير الحوايج تاع العامين اللي فاتو : الميكانك, الكهرباء, الكيمياء.
و ما تقراش البرنامج في الصيف خللي في وقتها ومع الأستاد أحسن و اعلم أن الفيزيا والكيميا تاع الباك ساهلين و حلوين

تعلم السرعة خاصة في رسم منحنى في الباك يعطيك 6 منحنيات ترسمهم وكاين تلاميد يحكمو في رسم كل منحنى 40 دقيقة و هو التمرين كامل فيه 40 دقيقة. لانك في الباك تتسابق انت و الوقت و كاين تلاميد ممتازين ولكن يتصدموفي الوقت بشكل كبير.

بالتوفيق. أي حاجة أخرى تحتاجها أنا لهنا. ما ترددش في السؤال.

سلااااام.

[yakumo]

Merci b1 ma soeur pour vos efforts!!...Merci Merci Merci...Je souhaite que tu aies ton Bac avec mention!!Inchaallah

Merciiiiiiiiiii bcp

[RAYANE22]

يارب :
لا تدعني أصاب بالغرور إذا نجحت .. و لا أصاب باليأس إذا فشلت بل ذكرني دائماً بأن الفشل هو التجارب التي تسبق النجاح

يا رب :
علمني أن التسامح هو أكبر مراتب القوة .. وأن حب الانتقام هو أول مظاهر الضعف

يارب
:
إذا جردتني من المال اترك لي الأمل .. وإذا جردتني من النجاح اترك لي
قوة العناد حتى أتغلب على الفشل .. وإذا جردتني من نعمة الصحة اترك لي
نعمة الإيمان

يا رب :

إذا أسأت إلى الناس أعطني شجاعة الإعتذار .. وإذا أساء الناس إلىّ أعطني شجاعة العفو والغفران

يا رب :

علمني أن أحب الناس كما أحب نفسي .. وعلمني أن أحاسب نفسي كما أحاسب الناس

يا رب :

ساعدني على أن أقول الحق في وجه الأقوياء .. وساعدني على ألا أقول الباطل لأكسب تصفيق الضعفاء
يا رب
حقق كل أماني رفيف وادخلها جنتك







رفيف لي عودة لك في هذا العام وليكن بال***** افضل لتساعديني في العقبات التي تواجهني
واسمحيلي على الازعاج

[kader7989]

ربي يوفقكم نشاله .......... انا العام هادا رايح ننتقل للثالثة ثانوي

و ربي ينحكم و يفرحكم نشاله و شكرا

[floritta]

مشكورة اختي على النصائح
يعطيك الصحة و ان شاء الله تجيبي الباك بمعدل مليح و نكتبلك تهنئة في قسم التهاني

[فليون]

كيف حالك اختي رفيف انا ادعيلك يوميا اختي كيف حالك غدا يقولون النتائج في الموبليس نتمنالك النجاح الباهر

[فليون]

صباح الخير للجميع اين انت اختي رفيف على كم تحصلتي في شهادة البكلوريا

[Rafife09]

صباح الخير للجميع اين انت اختي رفيف على كم تحصلتي في شهادة البكلوريا
أنا نجحت
جبت معدلي 15.21 كنت متأملة نجيب أكثر لاااااااااااااااااااااااااااااااااكن نحمدو ربي
شكرااااااااااااااااااااااااااااااااااااااااااااااا اا على السؤال و لأنك تفكتيرتيني
العقوبة ليك و للي ما زالوكامل ان شااااااااااااااااااااااااااااااااااااااء الله

[sat08]

يعطيك الصحة على النصائح انا راني نقرى علوم تجريبية والمشكل تاعي راهو في اللغات والمواد الادبية شوفولي الحل كيفاه ندير

[sat08]

مبروك لعقوبة لينا انشاء الله

[sat08]

لا تنوسنا بالدعاء

[narouma]

mabroukkkkkkkkkkkkkkkkkk okht rafif

[kamitchka_9]

mabrouk] oukhti ncchlah la3koba lina l3em jeyyyyyyyyyyy:mh31:[SIZE="7"][/SIZE

[belmani oussama]

أنا نجحت
جبت معدلي 15.21 كنت متأملة نجيب أكثر لاااااااااااااااااااااااااااااااااكن نحمدو ربي
شكرااااااااااااااااااااااااااااااااااااااااااااااا اا على السؤال و لأنك تفكتيرتيني
العقوبة ليك و للي ما زالوكامل ان شااااااااااااااااااااااااااااااااااااااء الله

السلام عليكم اختي رفيف
أولا ألف مليون ترليون مبروووووووووووك
ثانيا أنا تاني كنت نفكر فيك على المعدل تاعك بصح الله غالب والله ماكنت في البيت
كنت مع صاحبي نسناو في الباك ماداش مسكين الباك
المهم بارك الله فيك على كل شيء ويعطيك الصحة طلعتيلنا المورال بزاف
وماتنسايناش العام الجاي اوكي؟؟؟ ههههههههههه

[Auto php]

السلام عليكم ورحمة الله تعالى وبركاته
أولا أختي أود ان ابارك لكي على معدلكي الممتاز صراحة
واتمنى لكي كل التوفيق والنجاح في ما تبقى من دراستك وحياتك
صراحة اختي اعجبت كثيرا بموضوعك، واقنعتني باشياء لم يتمكن الكثيرون من اقناعي بها
واود شكركي على هذا
كما اود بشدة التعرف عليك اكثر حتى استفيد من خبرتك ان لم تمانعي
ارجو منكي الرد وارسال ايميلك لو امكن :rolleyes:
هذا ايميلي: auto-php[at]hotmail.com
مبروك مرة اخرى
و آسف على ازعاج
في انتظارك بفارغ الصبر

[فليون]

مبرووووووووووووووووووووووووووووك مبرووووووووووووووووووووووك الف مبرووووووووووووك .
امييييين. الحمد لله على ايت حال . الان اي جامعة ستلتحقين بها.

[Rafife09]

السلام عليكم ورحمة الله تعالى وبركاته
أولا أختي أود ان ابارك لكي على معدلكي الممتاز صراحة
واتمنى لكي كل التوفيق والنجاح في ما تبقى من دراستك وحياتك
صراحة اختي اعجبت كثيرا بموضوعك، واقنعتني باشياء لم يتمكن الكثيرون من اقناعي بها
واود شكركي على هذا
كما اود بشدة التعرف عليك اكثر حتى استفيد من خبرتك ان لم تمانعي
ارجو منكي الرد وارسال ايميلك لو امكن :rolleyes:
هذا ايميلي: auto-php[at]hotmail.com
مبروك مرة اخرى
و آسف على ازعاج
في انتظارك بفارغ الصبر
سلام عليكم
شكرا جزيلا لك و الله يبارك فيك و العقوبة ليك و للي ما زالو كامل
بالنسبة لليميل ما عنديش مشكل اني نمدو للاعضاء ما دامهم يستعملوه عند الحاجة
و انا نفرح ادا قدمت مساعدة لواحد ممكن تكون واحدة من أسباب نجاحو
هدا هو الايميل mmatheleme[at] yahoo.fr
سلام

[Rafife09]

مبرووووووووووووووووووووووووووووك مبرووووووووووووووووووووووك الف مبرووووووووووووك .
امييييين. الحمد لله على ايت حال . الان اي جامعة ستلتحقين بها.

الله يبارك فيك و العقوبة ليك و للي ما زالو كامل ان شاء الله
بالنسبة للجامعة اللي رح نلتحق بيها ما زلت ما خممتش أو بالأحرى تخلطت عليا الأمور كامل
كنت نخمم في الطب أو الطب العسكري ومن بعد ما ديت الباك و ليت نخمم في الاختصاصت كامل
مش ساهل باه نخاير هدا اول قرار مصيري رح نعملو في حياتي و نتحمل مسؤوليتو وحدي
ما رأيك؟؟؟؟؟؟؟؟؟؟؟؟؟

[Rafife09]

السلام عليكم اختي رفيف
أولا ألف مليون ترليون مبروووووووووووك
ثانيا أنا تاني كنت نفكر فيك على المعدل تاعك بصح الله غالب والله ماكنت في البيت
كنت مع صاحبي نسناو في الباك ماداش مسكين الباك
المهم بارك الله فيك على كل شيء ويعطيك الصحة طلعتيلنا المورال بزاف
وماتنسايناش العام الجاي اوكي؟؟؟ ههههههههههه
شكرا لك أخي العقوبة ليك ان شاء الله تجيب معدل خير مني
اكيد مش رح ننساكم
اي حاجة نحتاجوها أنا في الخدمة

[Rafife09]

يارب :
لا تدعني أصاب بالغرور إذا نجحت .. و لا أصاب باليأس إذا فشلت بل ذكرني دائماً بأن الفشل هو التجارب التي تسبق النجاح

يا رب :
علمني أن التسامح هو أكبر مراتب القوة .. وأن حب الانتقام هو أول مظاهر الضعف

يارب
:
إذا جردتني من المال اترك لي الأمل .. وإذا جردتني من النجاح اترك لي
قوة العناد حتى أتغلب على الفشل .. وإذا جردتني من نعمة الصحة اترك لي
نعمة الإيمان

يا رب :

إذا أسأت إلى الناس أعطني شجاعة الإعتذار .. وإذا أساء الناس إلىّ أعطني شجاعة العفو والغفران

يا رب :

علمني أن أحب الناس كما أحب نفسي .. وعلمني أن أحاسب نفسي كما أحاسب الناس

يا رب :

ساعدني على أن أقول الحق في وجه الأقوياء .. وساعدني على ألا أقول الباطل لأكسب تصفيق الضعفاء
يا رب
حقق كل أماني رفيف وادخلها جنتك







رفيف لي عودة لك في هذا العام وليكن بال***** افضل لتساعديني في العقبات التي تواجهني
واسمحيلي على الازعاج
ألف شكر ليك أنا نجحت و العقوبة ليك وللي مازالو كامل
أنا ما عنديش ***** ولكن نمدلك الايميل
هدا هو الايميل mmatheleme[at]yahoo.fr

[SORROUR]

سلام عليكم:mh92:

شكرا انا خلاص عرفت كيفية التحميل و في اقرب فرصة ندير موضوع اخر نحطلكم فيه الدروس:)

أما بالنسبة لجدول المراجعة أنا ما عملتش خلاص كل ما نعمل ما يصلحش معايا.
عندي صديقتي كانت تعمل جدول للمراجعة وكل أسبوع تبدل فيه أو تعدل فيه, يعني تحط بعد استعمال الزمن تقوم بتوزيع وقتها مثلا تبدا على ال7:00 و تقرا 2 سا رياضيات ومن بعد 2سا فيزياء. ولكن أنا نقلك علاه ما حبيتش نعتمد عليه لأني نحب مثلا هاد الليلة نحل 10 تمرينات في الرياضيات ولازم نحلهم. 2 سا ما تكفيش يعني البرنامج يفسد وديما الوقت اللي تتوقعيه يكفيك باه تراجعي حاجة معينة تتصدمي فيه لأنو يطلع ما يكفيش لمراجعة حتى النصف.

ما كنتش نهتم بالوقت أصلا نعمل اللي من المفروض نعملو مثلا: مراجعة درس العلوم , حل تمارين الرياضيات والفيزياء و وقت ما نكملهم نرقد.

في أول العام كانو زملائي كامل يعملو جداول للمراجعة و لكن مع الوقت استغناو عليهم و عادو يراجعو اللي من المفروض يراجعوه وخلاص.

عدنا اللي يسحق حاجة يتصل على ال12 تاع الليل, يتصل على ال4 تاع الصباح وعادي و كأنو يتصل على ال4 تاع العشية علابالو: حاجة بديهية الناس: كامل راهي عندهم ياسر مللي ناضو هدا ان كانو رقدو أصلا.

ردي بالك هدا شهر أو شهر و نص قبل الباك ما تعمليهاش من أول العام أول العام كان اللي يسهر لل11 تاع الليل يجي الصباح يقول راني تعبان سهرت ياسر لبارح.

على كل حال انتيا حاولي تجربي تعملي جدول للمراجعة. وان ما صلحش حاولي تنظمي وقتك ما كانش كيما المراجعة بنظام.
هادي حاجة أنا فشلت فيها "تنظيم الوقت" نتمنى أنك تلقايلها حل لأنها المراجعة من غير تنظيم تكون مرهقة أكثر.

نتمنالك النجاح و التوفيق وأي حاجة تحتاجيها ما تردديش في طلب المساعدة.;)
سلاااام.
شكرااااااااااااااااااااااا ليك على النصائح
علابالك حتى أنا منجحتش في احتلرام الجدول العام اللي فات
مادابيك ممبعد ترسليلي الإميل تاعك في رسالة خاصة
شكرااااااااااااااااااااااااااااااااااااااااااا

[SORROUR]

سايي راني شفت الإميل
ممبعد نهدرو

[ليليا17]

جزالك الله خيراااا رفيف برك انا راني خايفة من الفلسفة ممكن تقولي واش من انال حولي درست به من فضلك جزاك الله خيرااااااا

[ليليا17]

الف مبروك على النجاح لعقوبا لينااااااااااا ان شاء الله


اريد منك خدمة و هي ماهي الحوليات التي درست بها في الفلسفة والادب و التاريخ والجغرافيا من فضلك انا ضعيفة في المواد الادبية

[ليليا17]

اختي رفيف راكي غالطة في msn عاودي اكتبيه من فضلك اريد التحدث معك من فضلك

[أَبُو رَُئَيـــــــــــــــــــــــْمْ]

شكرا جزيلا على النصائح

[la jolie]

شكرا جزيلا

[jana46]

awad ma3rifat naw3iyat maraji3 f his géo ang fran arabe

[طاهيري فتيحة]

بارك الله فيك أختي إن شاء الله إنجيبوا الباك 2011

[أم بكر]

بارك الله فيك اختي
انا وحدة من الناس كنت خايفة مي ملي قريت موضوعك عجبني بزاف و شوقتيني للباك
ان شاء الله نجيبو اعلى نسبة في باك 2011
ربي يوفقنا كاااااااااااااامل

[عزة بوجملين]

الموضوع في غاية الاهمية شكرا

[RIAD113]

شكرا جزيييلا

[أَبُو رَُئَيـــــــــــــــــــــــْمْ]

بارك الله فيك

[jakoubmax]

بارك الله فيك على النصائح القيمة
نتمنى لك التوفيق و النجاح

[*المشتاقة للرحمن*]

على قدر أهل العزم تأتي العزائم و تأتي على قدر الكرام المكارم
وتعظم في عين الصغير صغارها و تصغر في عين العظيم العظائم

[tahrah14]

السلام عليكم
يعيا البناي يبني وما يجيش كيما مول الدار

[هـف تعيـش]

صحيتي ختيتو
الله يعزك

[جاكباور]

ربي يحفظك و يسترك ان شاء الله

[beautylive]

شكراااا لك على النصائح القيمة و بارك الله فيك .

[عاشقة الحبيب طه]

أولا ألف مبروك النجاح

تانيا ألف شكر لك أختي على النصائح القيمة والمفيدة

ولو أني وجدت نفسي أعارضك في بعض الأمور

لكن اجمالا موضوعك رائع فيعلا وأفادني بالشيئ الكثير

أتمنى لك النجاح في مشوركي الجامعي إن شاء الله

وبارك الله فيك

[kamela]

مبروك عليك
مع اني ملحقتش بيك ههه

هذا وين شفت الموضوع لاني باك 2012

ربي ينجح صحاب باك 2011

والله مهما مكنتش خايفة منو

لكن زدتي حمستيني اكثر و اكثر
بارك الله فيك

[imane1993]

السلام عليكم

شكرا على النصائح الجد قيمة

ونتمناو النجاح لصحاب باك 2011

واحنا راكي زدتيلنا شحنة نفسية باش نكونو مستعدين اكثر وننجحو بربي بمعدل يخلينا انحقو احلامنا .............امين

بارك الله فيك