للي عندهم عرس قريبا ادخلو

[sofiane2075]

كنت قلت لكم سوف اغيب بسبب زواج ابني للي حبيت نقوله اني مريت بتجربة خلاتني نعيد حساباتي خاصة مع الطاهية للي جبتها مع انها اخدت مبلغ لاباس بيه لاكن وخدتني انا ما زلت ما جربتش هده اول مرة لكن لن تتكرر طلبت منا كل شئ بالتريبل كلش الفريك الطماطم الزبدة الزيت هده مواد نقدر نستعملها لاحقا لكن المشكل الخبز الشخشوخة للي تعبت باش درتها وخدتني باش تطيب طاجين الكفتة طلبت 17 كيلو لحم و 10 كيلو يكفيو للسلطة 2كيلو من البيطراف الجزر الخيار اللبيا الخضرا يكفيو هي طلبت 5 كيلو من كلش سلكت و زادت ادات الاكل انا ما غادنيش هادا لكن بزاف نتمنى تخدو حدركم و ما يسرالكمش مثلي اسالو للي عندهم خبرة

[noussaiba2007]

شكرا جزيلا انا نطيب وحدي

[صمت الجزائر]

شكرا لك اختاه....ونقول نصيحة في سبيل الله....وهي احسن طريقة ووالله اضمن وانا جربتها....
هو لما اي وحدة ترح تعرس عند لافامي ديالها....وان امكنها دخول المطبخ تشوف وتستطلع ....ونعطيكم كيفاش تدخلو المطبخ هو....حاولو تساعدو باي شئ تساعدي في تحظير السلايط او غسيل او تحضير القهوة والشاي....وهاك ردو بالكم للطباخة واش تحضر وواش تستعمل من مقادير...ووالله تلقوها للعقايب....بالتوفيق....حبيبتكم...صمت

[sofiane2075]

انت على حق اخت صمت كانت تجربة و عدت لن تتكرر لكن للاخت للي قالت انها طيبت وحدها هدا عرس و ما تقدر حتى وحدة تعمل كلش وحدها جبت الطباخة و ساعدناها في كلش انا عندي larthrose شحال من شهر و انا نوجد و العرس لازم نساء بزاف انا عندي غير بنت وحدة عملت الحلويات لانها كانت تعمل استادة عائلتي في العاصمة ما لقيتش اعانة حثى الايام الاخيرة حضرو حثى هده الساعة ما زال شغل كتير الله يكون في عون الجميع

[وئام الروح42]

يا اخت الناس هذا الوقت كامل يهربوا من الشغل لازم الواحد اجيب طباخة
انا او يما كي نتفكروا واش عاونا الغاشي في عراسهم والله لضهرنا تكسر
انا كي نتفكر عمري تغيضني حنا عاوناهم او هوما كي جات دالتهم ولاو اديروا في المشاكل
واحد اقول ما شورتوش واحد اقول ما علمتوش لاخر عندي شغل او او او...........
راكم علبالكم بالفاميليا
واللله
غر راني مريضة اديرولك جاست اللي تقعدى حياتك كومبلي تطلعي في حسابها بلا ماتصيبيه
افقدت الثقة في اقرب المقربين
وليت ما نفرقش بين اللي يحبني او يكرهني
وليت نشك حتى في اقرب الناس

[randa450]

معليش حنا عندنا نساء هوما لي طيبو منتاع العائلة يعني يتعاونو بل الطبخ و حتى البنات شكرا اخي

[وئام الروح42]

شكرا راضية حنا تاني كنا هكذاك قبل ما يطردوا النيا من قلوبهم

[أريج الأمل]

مكانش قد لجيب طباخ كونفيونس والله علكيف خير من طياب النسا تاع الفميلا والله يخليوك يكلو هما وقلولك المهم يكلو الناس و متفكريش فينا

[فتيحة الجزائرية]

عندها الحق اريج الامل لازم اعود امعاه واحد

احنا انجيبو 2انساء او3للطبخ ولاكن تحت المراقبةوانعاونوهم وتنقية الخضر للشبات و النساء الصغار

ووحدة لغسيل لماعن واعاونوها لبنات

العرس دائما فيه لخسارة فيه الغضبان وفيه الراضي

[سَلْسَبِيّلْ]

اختي انا امي جيب الجيران لقدم ويفوت العرس هايل الاسبوع المقبل عرس اخي نشاء الله يفوت بخير

[sofiane2075]

مبروك لكل من عنده غرس ان شاء الله يتم بخبر انا حطيت هاد الموضوع حثىما يسيرلكمش مثلي صح الفاميليا يعاونوك شوية و يديرو رايهم خاصة ادا كان عندهم اولاد ما يشفقوش عليك و ادا غفلتي ما يخلولك والوالمشكل يبدرو الله يستر