يا نكارين الخير سعدان يستقيل

[joliemimi]

واش يا جزائريين فرحتو ظرك و راكم شامتين في سعدان خلاص كرهتو الراجل فحياتو وحتى كلمة شكر مسمعتوهالوش قبل قليل فقط قدم استقالتو وقال بالحرف الواحد عشت في ضغط كبير و معنديش خاتم سليمان باش نحل مشكل الهجوم بين يوم وليلة ازهاو ظرك قبل الشيخ سعدان واحد مايسمع بيكم كنتو تحلمو باش تلعبو فكاس افريقيا و كي وصلكم لكاس العالم ولا مايسواش نشوفو الجديد واش يدير تولو تترحمو على ايام سعدان بالمناسبة استناو الفتنة مع المغرب راهي بدات تشعل من اليوم و يجي النهار ونفكركم يرحم والديكم متردو على حتى واحد تعلمو من الاخطاء اللي فاتت و متعاودوهاش اذا تكررت يولي الخطأ فينا حنا ونولو حنا تاع المشاكل و الهدرة الي تقالت علينا يصدقها العالم ارجوكم :mad::mad::mad::mad:

[♥ وآثقة الخطــــى ♥]

والله نحلف ونعاود جامي تلقاو كيما سعدان بصراحة نكارين الخير .....الشعب الجزائري لازم يكون معاهم رابحين ولا خاسرين بصح ياخسارة ...........بدووووون تعليق

[nourned]

هل استقالة سعدان حقيقة ام لا

[joliemimi]

حقيقة ومن بعد شوفو نشرة الاخبار شفت مراسل الجزيرة بعيني يهدر و قال سعدان ايضا لقد تعبت كثيرا ولم اعد اتحمل الضغط مشكيتش اليتيمة تعلن البر على بالكم بالكاينة

[rayenne]

منك بالصح استقال

[la gouche]

يتيمة ورات روح رياضية نتاع الجزاير ، قبيل كانت تنقل في الامريكيين الي كانو يتابعو في مباراة من حاسي مسعود ، هكدا و لا خلينا .

[yasser_ess]

وش راح الدير في السنوات الماضية كنا لا نلعب حتى التصفيات و لاان سعدان اوصلنا الى كاس افريقيا و احتللنا المركز الرابع و ذهبنا الى

المونديال و درنا حجرة في السباط للنجليز ومبعد يقلك سعدان عيان

يخي جايحين يخي

نكارين الخير

[وردة مستغانم]

صح سعدان عاون مي الفضل للفريق الوطني علاش المدربين لي سبقو اقل من سعدان كفاءة لالا ما شكيتش

وزيد الحالة راها ساهلة كلهم كانو يلعبو في اندية عالمية ان استطيع القول وجد كلش ساهل ماهل


وما ننساوش خيرو لكن الصح يتقال وحنا ما نحبوش الصح علاخاطرش يدور علينا

[شمس الاسلام]

راو يجينا اليوم و نتمناو يرجع سعدان سعدان الي اهلنا لكاس العالم بعد ما كناش نحلمو نلعب الادوار الاولى من كاس افريقيا

[moh la55]

سعدان مدرب كبير لا انكر
بصح ناقصاتو حوايج بزاف على هذا المستوى
و انا نتبع مصلحة المنتخب
by saadan

[karima.akram]

سعدان مدرب كبير لا انكر
بصح ناقصاتو حوايج بزاف على هذا المستوى
و انا نتبع مصلحة المنتخب
by saadan

واش من حوايج هذا لحوايج بانو غير من ولى سعدان مدرب نتاع المنتخب الوطني علاش ماقلتوش هذا من كانو الاجانب من كانت الجزائر لاتعرف طعم الفوز علاش هذ الحقرة ولا نعرفو نفهمو غير مع ولاد لبلاد والله عيب
والله لايوجد ولن يوجد مثل سعدان حتى ولو وضعو مارادونا

[سمـــ حـ انيـــس ب ـــراء]

سعدان افضل مدرب ولن نجد افضل منه حتى ولو حوسنا بالشمع واللي راه حاب سعدان يستقيل اروح هو في دالتو ونشوفو كيفاه راح اجيب كاس العالم
ونقولولو نكار الخير بكري كنت تقول يحيا سعدان ودرك تقول لوكان يحط استقالتو افضل مادار والو
والله ربي يهديكم

[moh la55]

تهدرو بالعاطفة

[fatouma alg]

سعدان احسن مدرب والي ماعجبوش الحال كاين الحيطان
ياخي ناس ياخي
الله يهديكم يا نكارين الخير وروحو يا الشاطرين حكمو بلاصت سعدان ونشوفو واش تديرو يا مشجعو الامناسبان والافراح

[fatouma alg]

سعدان احسن مدرب والي ماعجبوش الحال كاين الحيطان
ياخي ناس ياخي
الله يهديكم يا نكارين الخير وروحو يا الشاطرين حكمو بلاصت سعدان ونشوفو واش تديرو يا مشجعو الامناسبان والافراح

[نور الأيمان]

و الله أفضل منتخب و أفضل مدرب و أفضل مناصرين على الاطلاق احنا رغم الخسارة خرجو يديفيليو

[kamel46]

مليح ..يستقيل ويتهنى....خير ما تجيه كريز كاردياك

[AYOUYA]

لا يوجد انسان كامل على سطح الأرض.......إلا سبحانه عز و جل .......لذا يجب علينا أن نحتر قليلا احساس المدرب الوطني .يكفينا أننا وصلنا الى كأس العالم بعد غياب دام 24 سنة ......شكرا لك أيها المدرب الكبير نتمنى لك حياة جديدة أسعد ...........

[AYOUYA]

السبع سبع ولو كسرت مخالبه والكلب كلب ولو حليب الأسود قد رضع ..

[زينوبة زيزو]

:mh93::sdf::sdf::sdf::sdf:

[علي عيش]

إستقالة سعدان منتظرة، و ليس معنى هذا أنه لم يقم بعمله و لا يمكن بحال من الأحوال أن ننكر فضله، و لكن هذه هي كرة القدم، فالجزائر تحتاج الآن لمدرب صارم لا يدخل العواطف في كرة القدم، كما أن تغيير المدرب يبعث روحا جديدة في الفريق ( المدرب يجب أن يكون من طينة الكبار )

[حبيبة القدس]

اين المصدر.

[محارب الصحراء2]

مهما يكن هو احسن مدرب وطني شئنا ام ابينا

[mouh10]

واش يا جزائريين فرحتو ظرك و راكم شامتين في سعدان خلاص كرهتو الراجل فحياتو وحتى كلمة شكر مسمعتوهالوش قبل قليل فقط قدم استقالتو وقال بالحرف الواحد عشت في ضغط كبير و معنديش خاتم سليمان باش نحل مشكل الهجوم بين يوم وليلة ازهاو ظرك قبل الشيخ سعدان واحد مايسمع بيكم كنتو تحلمو باش تلعبو فكاس افريقيا و كي وصلكم لكاس العالم ولا مايسواش نشوفو الجديد واش يدير تولو تترحمو على ايام سعدان بالمناسبة استناو الفتنة مع المغرب راهي بدات تشعل من اليوم و يجي النهار ونفكركم يرحم والديكم متردو على حتى واحد تعلمو من الاخطاء اللي فاتت و متعاودوهاش اذا تكررت يولي الخطأ فينا حنا ونولو حنا تاع المشاكل و الهدرة الي تقالت علينا يصدقها العالم ارجوكم :mad::mad::mad::mad:

صح سعدان خدم الفريق بصج نسيتي بلي روراوة هو اللي جاب الفريق و دار المستحيل باش جمعو و زيدي الشعب اهتم بالفريق لدرجة كبيرة و الدليل الشارع اللي خلا السياسيين يدخلو في الفريق و يدخلو في التشكيلة هي حقيقة كارثة؟
يعني فريق لعب اكثر من 11 مبارات لم يسجل مشكلة لازم نعالجوها
و في الاخير كل انسان و رأيو