سعدان يضحي بكل الجزائريين من أجل غزال وصايفي

[خليفة72]

أمرك غريب يا سعدان تحرق أعصاب 35 مليون جزائري وتقضي على حلمهم وعلى أحلام كل العرب والمتعاطفين من أجل ارضاء غزال وصايفي رغم أنك تعرف أن كل الجزائريين يتشاءمون عند دخولهما فمثلا أنا جزمت يقينا وتأكدت من الخسارة لما رأيت غزال يدخل الميدان ثم يكملها بدخول صايفي وكأن لسان حال سعدان يقول موتوا بغيضكم أيها الجزائريين فعندي غزال وصايفي أفضل منكم مهما فعلتم، نحن العرب مهزمون أمام أمريكا سياسيا وعسكريا وإقتصاديا وأخيرا يريدها سعدان انهزاما كرويا .......

[mtmtmtmt]

والله غير عندك الحق

[~رآقية بأخلآقي~]

الشيء المضمون ان صايفي لن يكون في الفريق عام 2014..

[LOSIANO]

لي راكم تحكو على صايفي و غزال
علاش بودبوز ما دخلش مع انجلترا و الا سلوفينيا؟
و جبور علاش ما دخلش على الماريكان؟
الكل ضيعوا الفرص اليوم
اذا لمتو لوموا الفريق كامل
الحمد لله عندنا فريق
رابح خاسر رانا معاه

و سي زياية الي راح تهبلو عليه
هو الي رفض انو يلعب في الفريق نتاعنا و فضل فريق اخر
و قالها بفمو في الجزيرة و قال" لاسباب شخصية"
لموشية خرج من الفريق لانو كان السبب في جرح الحارس قاواوي
و كون جا سعدان ماهوش: سوسيال لا راهو فضحوا لانو لاموشية قاسو بشوكة

اذا راح سعدان عندكم تبكو ممبعد

[chahraz]

جديد حبو والقديم ما تفرط فيه

[ikram95]

الله يهديكم

كون ربحوا ، ولا سجل غزال و لا صايفي ، كون راكم فرحانين

مشي غير فرحانين و برك ،

كون طلعتو للقمر

بصح واش نقول ، أو واش نهدر

الله يهديكم ، و يعطيكم العقل

كل واحد لازملوا فرصة ثانية

كون واحد منكم يا أعضاء المنتدى ،غلط

يحب الناس يعطون فرصة أخرى ؟؟؟

بصح الله يهديكم

[samsouma09]

والله غير عندك الحق اكرام

[خليفة72]

ولكن لما تكرر الأخطاء يصبح أمرا آخرا

[kheiroura 13]

السلام عليكم سعدان اععطى الفرصة اكثر من مرة لغزال وصايفي ومادارو فيها والو.علاش ما اعطاش فرصة للعناصر الشابة الجديدة كيما بودبوز والفنيات تاعو بصراحة كيما دخل غزال توقعت الجزائر تخسر ولما دخل صايفي قولت خخلات اليوم 3-0

[kheiroura 13]

وبالزيادة صايفي مادار والو وضرب الصحفية .و السي غزال حب يسجل بيدو؟؟؟؟؟؟؟؟؟؟؟؟والله مهتمين باللوك والتسريحات وناسيين اللعب

[sniwawa]

واش مازالها ماشية حكاية الفرشيطة )الشوكة) فيلم هندو يعني حقيقة حنا مانا فاهمين والو و سعدان راحو يديلر واش في راسو

[الواحةالحمراء]

هههههههههههههههههه مفهمناااااااااا والو في بالي رايح يلعب ولدو تاني في الفريق

[احساس2009]

لي راكم تحكو على صايفي و غزال
علاش بودبوز ما دخلش مع انجلترا و الا سلوفينيا؟
و جبور علاش ما دخلش على الماريكان؟
الكل ضيعوا الفرص اليوم
اذا لمتو لوموا الفريق كامل
الحمد لله عندنا فريق
رابح خاسر رانا معاه

و سي زياية الي راح تهبلو عليه
هو الي رفض انو يلعب في الفريق نتاعنا و فضل فريق اخر
و قالها بفمو في الجزيرة و قال" لاسباب شخصية"
لموشية خرج من الفريق لانو كان السبب في جرح الحارس قاواوي
و كون جا سعدان ماهوش: سوسيال لا راهو فضحوا لانو لاموشية قاسو بشوكة

اذا راح سعدان عندكم تبكو ممبعد

[etoile filante]

ولاه سعدينيو خاسر فيها
ابكي يا لي معندكش القلب