الدروس الخصوصية

[asma1856]

السلام يا ناس الباك ان شاء الله قع تنجحوا و تجيبوا معدلات ملاح
انا نقرا سنة الثانية و العام الجاي الباك حبيت نسقسيكم على الدروس الخصوصية الا نفعوكم خاصة وانهم يعني غاليين3000د.ج للمادة و يدو الوقت حبيت نستشيركم ولا ندير ولا نقرا وحدي وارجو منكم الاجابة وربي يوفقكم لكل ماهو خير و السلام عليكم

[asma1856]

يا خاوتي هادي هيا المعاونة عاونوني ربي يسهل عليكم

[mostefa82]

السلام عليكم
انا ايضا كي دخلت جديد في السنة الثالثة ثانوي العام اللي فات ما كنت عارف والوا مثلك بصح الان راني عارف شويا الامور

اذا نقولك العلوم تقدروا ما تقراوها ش الكتب الخارجية والانترنت تكفي والرياضيات على حساب المستوى تاعكم اذا كان عنكم مستوى جيد و الله ماغير تضيعوا وقتكم مع الدروس الخصوصية لكن الفيزياء حتى لو تكونوا عباقرة لازم تقراو دروس خصوصية وتعاونكم بزاف بزاف بزاف كاين اللي يزيد عليها يقرا دروس خصوصية في مواد ادبية انا لا اقول لكم المواد الادبية ما عندهاش فائدة والله هي مهمة وكل مادة عندها قيمتها بصح المواد الادبية تقدروا تقراوها رواحكم

الله يسهل وربي يوفقكم

[عاشق الجزائر]

نصيحة الدروس الخصوصية ملاح بزاف وأخطيك من الأنترنت إلا للحاجة لأنها تلهي وتضيع الوقت
الكتب الخارجية مليحة ومع القليل من التمارين بإذن الله ستتفوق في جميع المواد

[souad16]

أسما حنا نقراو ب خمسين ألف للمادة الواحدة و أنا أوافق ما قاله الأعضاء حبيت أنسقسي على عناوين الكتب التي ساعدتهم في الفهم تقبلي مروري شكرا .

[set1987]

http://www.hdrmut.net/vb/imgcache/2/50295alsh3er.gif

مبروك عليك الباك تفرحي يماك وباباك

[الأستاذ*عبد الحميد*]

حاولي أن تستوعبي الدرس في القسم جيدا وأعيديه في المنزل
وادا لاحظت أن عندك نقص كبير فلجئي الى الدروس الخصوصية
واجعليها اخر الحلول

[souad16]

حاولي أن تستوعبي الدرس في القسم جيدا وأعيديه في المنزل
وادا لاحظت أن عندك نقص كبير فلجئي الى الدروس الخصوصية
واجعليها اخر الحلول

بارك الله فيك

[sabiha18]

الدروس الخصوصية تعتمد على الاستاذ لي يقريك في القسم
اذا كان مليح وتفهمي عندو و تثيقي في معلوماتو. الدروس الخصوصية غير زيادة .....و اذا كنتي ماتفهميش في القسم و خاصة الفيزياء و الرياضيات فالدروس الخصوصية تنفعك بزاف بزاف مع كثير من المجهود الشخصي وعدم الاعتماد الكلي على الأستاذو وانصحك بالكثير من التمارين و القيام بالتلخيص للدروس و خاصة الفيزياء ، أما العلوم فتعتمد على الكثير من الفهم والقليل من الحفظ لبعض الأمور المهمة ويمكنك الاستغناء عن الدروس الخصوصية فيها، برك تفهميها مليح في القسم.
هذي كحوصلة من تجربتي الشخصية هاذ العام

[asma1856]

شكرا جزيلا لكم على هاته النصائح ان شاء الله نعمل بيها

[asma1856]

ربي يوفقكم و تدو الباك قع و لعقوبة لينا العام الجاي

[BAC-2010]

أنصحك بالدروس الخصوصية و عدم الاكثار من الكتب الخارجية لتجنب الاختلاط أما الانترنت فأنصحك باستعملها في ايجاد الفلاشات و الشروحات خاصة لدروس العلوم الطبيعية / بخصوص الدروس الخصوصية من الافضل اعادة فتح السلاسل في المنزل




بالتوفيق
سلام

[امين الاسلام]

انا من الاشخاص لي يقولو لا لدروس الخصوصية
فانا على قناعة تامة بقدرتي عى تركيز في القسم ومع حل بعض تمارين في مختلف المواد اكون قد رسخت المعلومة في دهني
وتقبلي مروري

[darknight]

احنا عندنا 100 الف مادة واحة وانتوما عندكم رخيسه بزاف يعني 3 مواد ثلاثمائة الف

[دارين92]

الدروس الخصوصية ملاح بزاف و يعاونوك تاني خيرمن النات
انا ايضا مقبلة على الشهادة باك2011
بالتوفيق

[miss cute]

انا مقبلة على باكالوريا 2011 وانصح بالدروس الخصوصية خاصة في الفيزياء و الرياضيات
اما العلوم فأرى بأنه لو ركزت مع الأستاذ في القسم لن تختاج اليها
ربي يوفقنا العام الجاي ان شاء الله ويوفق لي جوزوا السنة
تقبلوا مروري

[inoo]

بالنسبة للدروس الخصوصية هي مهمة جدا في الرياضيات و القيزياء لان الاستاد مهما كان جيدا ما يقدرش يعطيك كل المعلومات لان يحوس يكمل البرنامج خاصة لاكن المهم تختار استاد مليح في ال دروس الخصوصيه لانو كاين بزاف يدخل يحل برك التمارين بدون ما يفهمك المعنى تاع التمرين
بالنسبة للعلوم ادا كان عنككم استلد مليح ما ديروش لانو استاد الدروس الخصوصية يعطي معلومات لا تحتاجها و يتخلطولك الامور بين معلوماتالاستادين و الله اعلم فهدا رايي