لاتقل أن البكالوريا كان سهلا جدا لأن....

[Moh-Ec$perT]

السلام عليكم ورحمة الله وبركاته
أخواني لاحظت تدخلات بعض الأعضاء في المنتدى الكريم و التي تقول أن البكالوريا الخاص بهذه السنة هو الأسهل اطلاقا و ذلك بمجرد قراءتهم للمواضيع حتى أنهم لم يكونوا مترشحين
أولا اذا كان هناك موضوع سهل فلا أحد ينكر ذلك مثلا موضوع الرياضيات لجميع الشعب كان سهلا ولو نسبيا يعني يمكنك أخد 12 يكل سهولة
هذا من جهة و هذا لاينكره الا جاحد .
كذلك لاحظت وجود بعض الأسئلة غير المباشرة مثلا الموضوع الأول للتاريخ والجغرافيا الخاص بالعلميين يعني أسئلة لاتعتمد على الحفظ اطلاقا خاصة الفقرة أما الموضوع الثاني فهو الحفظ مئة بالمئة
أما بالنسبة للمقارنة مع السنوات الماضية فهناك تباين بين الشعب و حتى بين المواد أو الموضوعين و ليس وجود موضوعين نعمة دائما فكثير من الأحيان الإختيار الخاطئ للموضوع يتسبب في انهيار التلميذ وهذا ماحدث لي:sdf: عندما بقيت ساعة من الإمتحان ولكن الحمدلله أني لم أغير الموضوع
كما أني سأذكر بعض الأمثلة التي تفند كل من يقول أن بكالوريا هذا العام هو الأسهل على الإطلاق :confused:
فأذا قارنا موضوع الفيزياء لشعبة الرياضيات والتقني رياضي مع السنتين الماضيتين فهو أصعب و أطول منها
كذلك مادة الإقتصاد كانت صعبة جدا هذا العام لشعبة التسيير و الإقتصاد و ماد الإنجليزية للغات ولكم أن تضيفوا الباقي
أما مقارنة مع النظام القديم فلا يمكن المقارنة لأنهم ليتمتحنون في جميع المواد التي نمتحن فيها أضف الى منهجية طرح الأسئلة و ماالى ذلك فالصعوبة لاتكمن فقط في طريقة الحل و انما في فهم السؤال كذلك لأن السؤال هو نصف الجواب
و أخيرا أقول أن اجتياز امتحان البكالوريا يتطلب جهد عام كامل فأذا جاءك البكالوريا سهلا فذلك لأنك تعبت و رفعت من مستواك و ليس العكس أن المستوى هو الذي نزل اليك
بـــــــــــــــاب النقاش مفتوح و أنــــــــــا هنا للأستمـــــاع الى كل انتقاداتكم أو مساندتكم بصدر رحب و تبقى هذه وجهة نظري و السلام عليكم :19:

[بويوسف نزهة]

اخي والله كلام منطقي وانا ادخل المنتدى واجد من يقول الباك سهل جدا هذا العام ويتمعنوا زعما وزير التربية سهلوا علاجال التصليحات باش يفتخر والله نظن و هذه تبقى وجهة نظري فقط انو غير اللي قرا هو اللي يجيب واللي ماقراش و حابس و يستنا فالباك يجي ساهل نظن ما يربحوش لوكان برك يطلب منو نقل الاجابة .واسفة لكن هذا الكلام كي نسمعو انزعج كيفاش ايتسما اللي يربح بجهدوا تدخلولوا فكرة انو الباك ساهل عليها داه والله حرام عليكم خليونا حنا رانا على اعصابنا و ياريت ماعادش نشوف فالمنتدى الباك ساهل لانو كان في متناول اللي قرا و الاساتذة ما حطوش اسئلة جات من المريخ وهم اللي قرينا دارو عليه موضوعين لكل مادة ومشكورين وعلى عيني و راسي المجهودات نتاعهم وبقا اللي قرا برك اللي يجيب والحمد لله انا شخصيا استفدت بزااااااااااااف من هذا المنتدى الوحيد اللي اخلصتلو منذ بداية السنة وكنت فقط ندخل ليه وتعلمت منو اشياء فادتني فالباك ومشطور اخي الكيم مرة اخرى لانك فتحت مجال للنقاش.مشكور:)

[asma1856]

ياو الصح في النتائج بصح علاحساب ما سمعت جاكم في المتناول انا مازال ما شفتهمش

[Moh-Ec$perT]

اخي والله كلام منطقي وانا ادخل المنتدى واجد من يقول الباك سهل جدا هذا العام ويتمعنوا زعما وزير التربية سهلوا علاجال التصليحات باش يفتخر والله نظن و هذه تبقى وجهة نظري فقط انو غير اللي قرا هو اللي يجيب واللي ماقراش و حابس و يستنا فالباك يجي ساهل نظن ما يربحوش لوكان برك يطلب منو نقل الاجابة .واسفة لكن هذا الكلام كي نسمعو انزعج كيفاش ايتسما اللي يربح بجهدوا تدخلولوا فكرة انو الباك ساهل عليها داه والله حرام عليكم خليونا حنا رانا على اعصابنا و ياريت ماعادش نشوف فالمنتدى الباك ساهل لانو كان في متناول اللي قرا و الاساتذة ما حطوش اسئلة جات من المريخ وهم اللي قرينا دارو عليه موضوعين لكل مادة ومشكورين وعلى عيني و راسي المجهودات نتاعهم وبقا اللي قرا برك اللي يجيب والحمد لله انا شخصيا استفدت بزااااااااااااف من هذا المنتدى الوحيد اللي اخلصتلو منذ بداية السنة وكنت فقط ندخل ليه وتعلمت منو اشياء فادتني فالباك ومشطور اخي الكيم مرة اخرى لانك فتحت مجال للنقاش.مشكور:)

lمشكورة أختي نفس الشيء الواحد يتعب عام كامل باش يجي يقولك أعطاوكم الباك
و شكرا

[Moh-Ec$perT]

ياو الصح في النتائج بصح علاحساب ما سمعت جاكم في المتناول انا مازال ما شفتهمش

لا هو في متناولنا يعني يمكن النجاح في الإمتحان بشرط العمل طول السنة ككل امتحانات البكالوريا
و لكن لم يكن هدية اطلاقااااااااااااااا

[بويوسف نزهة]

اخي والله لم افهم كلمة في المتناول يعني ساعات حتى الطعام واعر يسبب عسر الهضم ههههههههه.مشكور

[Moh-Ec$perT]

لم يعجبني توقيعك كيف تقولين أن البكالوريا حلمك الوحيد بل هو البداية فقط
مازال الطريق طويلا جدا فمع مرور الزمن سترين أن البكالوريا مجرد زهرة من بستان مليء بالأشواك فكل زهرة تعتبر حلما و الأشواك هي العقبات
سلام

[بويوسف نزهة]

اخي حتى الان هو حلمي الوحيد كي يتحقق ننوم ونحلم حلم اخر و في خاطرك نزيد نغير فالتوقيع و انشاء الله يعجبك.

[Moh-Ec$perT]

كنت أمزح و لم أقصد التدخل فيما لايعنيني فقط أحب أن أحشر أنفي في كل شيء
ههههههههههههه

[اسما88]

السلام عليكم ................البكالوريا ليمن يعمل لها ويضع برنامج ... وهي الاساس والتي تحدد المصير ......اما بلنسبة للاصلاح يضهر البرنامج فيه سهلا مقارنة بلبرنامج القديم الدي دهبت وهمشت مصالحه للاسف لاكن نتمنى التوفيق لكم ولنا نحن اصحاب النضام القديم الدي اتمنى ان ياخد حقه ..................

[بويوسف نزهة]

كنت أمزح و لم أقصد التدخل فيما لايعنيني فقط أحب أن أحشر أنفي في كل شيء
ههههههههههههه

اخي والله كنت حابة نغير فيه شوية ورايك قيم لاداعي للقلق و هكذا كيفاش مليح والله انا فخورة بالفريق الوطني اللي نموت عليه واقيلا راح يكون حلمي الجاي نلعب معاهوم كاش مبارة و يعبيو لي 25 هدف ههههههههههههه

[mordia]

مشي الباك اللي ساهل ،يبان لي الطلبة هاذ العام راهم فووووووووور على العامات اللي فاتوا...

[Moh-Ec$perT]

اخي والله كنت حابة نغير فيه شوية ورايك قيم لاداعي للقلق و هكذا كيفاش مليح والله انا فخورة بالفريق الوطني اللي نموت عليه واقيلا راح يكون حلمي الجاي نلعب معاهوم كاش مبارة و يعبيو لي 25 هدف ههههههههههههه

لم يتغير كليا
على كل مكانك في الهجوم أفضل يعني خير من عبدالقادر موحال

[Moh-Ec$perT]

السلام عليكم ................البكالوريا ليمن يعمل لها ويضع برنامج ... وهي الاساس والتي تحدد المصير ......اما بلنسبة للاصلاح يضهر البرنامج فيه سهلا مقارنة بلبرنامج القديم الدي دهبت وهمشت مصالحه للاسف لاكن نتمنى التوفيق لكم ولنا نحن اصحاب النضام القديم الدي اتمنى ان ياخد حقه ..................

النظام القديم ليس سهلا أعلم ذلك ولكنه نظام عقيم لأنه نظري أكثر من تطبيقي خاصة في الفيزياء فهناك فرق شاسع بين النظامين

[Moh-Ec$perT]

مشي الباك اللي ساهل ،يبان لي الطلبة هاذ العام راهم فووووووووور على العامات اللي فاتوا...

لا أوافقك الرأي فالمستوى راهو يتكركر تاع الطلبة خاصة في الشعب التي تشكل الأغلبية كالعلوم التجريبية

[بويوسف نزهة]

لا أوافقك الرأي فالمستوى راهو يتكركر تاع الطلبة خاصة في الشعب التي تشكل الأغلبية كالعلوم التجريبية

مرحبا اخي و انا شعبة علوم تجريبية ونظن ماشي الكل مستوى يتكركر واذا حاب تحطني في الهجوم اكيد انا خير 1000000000000000000000000000مرة من غزال وعس روحك كاش ما تاكل هدف من عندي اذا هدرت على العلميين ككل دون استثناء.هههههههه مشكور

[Moh-Ec$perT]

مرحبا اخي و انا شعبة علوم تجريبية ونظن ماشي الكل مستوى يتكركر واذا حاب تحطني في الهجوم اكيد انا خير 1000000000000000000000000000مرة من غزال وعس روحك كاش ما تاكل هدف من عندي اذا هدرت على العلميين ككل دون استثناء.هههههههه مشكور

لا والله نسيت أن أكتب أن هناك تباين في هذه الأقسام لأن هناك تلاميد مجتهدين وهم أقلية و الباقون ربي يجيب
حتى في قسم الرياضيات لدي زملاء لاعلاقة لهم بالرياضيات فقط من أجل الزوخ والفوخ كلهم جاو معريفة بصح نتائج البكالوريا راح تكشف المستور
أنا أيضا نلعب مهاجم ولا وسط ميدان هجومي يعني غير اربحي لملاحة معايا و لا مانوزعش الكرات حتى يسرالك كيما عبدالقادر مازال تقلبيها كرة يد

[بويوسف نزهة]

لا والله نسيت أن أكتب أن هناك تباين في هذه الأقسام لأن هناك تلاميد مجتهدين وهم أقلية و الباقون ربي يجيب
حتى في قسم الرياضيات لدي زملاء لاعلاقة لهم بالرياضيات فقط من أجل الزوخ والفوخ كلهم جاو معريفة بصح نتائج البكالوريا راح تكشف المستور
أنا أيضا نلعب مهاجم ولا وسط ميدان هجومي يعني غير اربحي لملاحة معايا و لا مانوزعش الكرات حتى يسرالك كيما عبدالقادر مازال تقلبيها كرة يد

مانعرش ظروكم حنا تاني كاينيين العام كامل ما يجيوش و فالاخر يقولوا للناس حنا الشعبة تاعنا واعرة لوكان كنا ادبيين لوكان ديناه بتقدير جيد لانو هذا من مستواهم المتوسط والان كل شعبة بشانها ماكانش وحدة خير من ختها الرق ي المعاملات قط.
اما بالنسبة لكرة القدم كاش نهار تشوف تشكيلة سعدان دخل احسن لاعبة ضمن الاساسيين وهي بالطبع انا اومبعد ترج واستنا الكرة تخرج من التلفاز هههههههههه.

[Moh-Ec$perT]

باين عليك تشوفي بزاف ميكيات هذا قاع كابتن ماجد و شوت
شوفي كل شعبة و التخصص تاعها و باش نزيدلك شعبة أداب وفلسفة من أصعب الشعب كنت راح أختارها في بادئ الأمر ولكن لراكي تعرفي بلي مايعطولهاش حقها
المهم نتي خيري شعبة كرة قدم في الجامعة باش يديك سعدان بصح لازم تروحي تلعبي في الخارج و الا تخلاص عليك كيما زاوي و رحو وجماعتو
افتحي بريدك الخاص

[بويوسف نزهة]

باين عليك تشوفي بزاف ميكيات هذا قاع كابتن ماجد و شوت
شوفي كل شعبة و التخصص تاعها و باش نزيدلك شعبة أداب وفلسفة من أصعب الشعب كنت راح أختارها في بادئ الأمر ولكن لراكي تعرفي بلي مايعطولهاش حقها
المهم نتي خيري شعبة كرة قدم في الجامعة باش يديك سعدان بصح لازم تروحي تلعبي في الخارج و الا تخلاص عليك كيما زاوي و رحو وجماعتو
افتحي بريدك الخاص

يظهرلي نتا اللي تترج عليهم بزاف انا عمري ما سمعت بهاذ الاسامي.
والشعبة تاع الاداب والفلسفة مليحة بزاف كيما قلت وانا شخصيا نحب المادة.
العام هذا اذا جبت انشاء الله الباك نتاعي بمعدل مليح ندير الشعبة اللي نحبها ونزيد نعقب العام الجاي وندير شعبة كرة القدم مع انو قدراتي الباهرة لا تحتاج لدراسة جامعية حتى بوقرة نهدمو بكل بساطة ونعقب.ههه مفهوم.
البريد تاعي مفتوح

[minar_2]

ça va il etait pas difficile et pas facile normal


moi bac science experiemental

[Moh-Ec$perT]

ça va il etait pas difficile et pas facile normal


moi bac science experiemental

enfin bref , c'était a la porté de la majorité des élèves sauf les faibles biensur

[خـواطـر]

كلامك صحيح ...

بالتوفيق

[خـواطـر]

لا أوافقك الرأي فالمستوى راهو يتكركر تاع الطلبة خاصة في الشعب التي تشكل الأغلبية كالعلوم التجريبية

آو ......
الحمد لله المستوى جيد وماشي يتكركر

[Moh-Ec$perT]

آو ......
الحمد لله المستوى جيد وماشي يتكركر

جوزتي الباك هاد العام ؟
على اي أساس قلتي بأن المستوى جيد
لا تقولي لي بن بوزيد

[خـواطـر]

جوزتي الباك هاد العام ؟
على اي أساس قلتي بأن المستوى جيد
لا تقولي لي بن بوزيد

نعم هذا العام
المستوى جيد حسب وش نقرا وش نشوف
ماكانش الحابس بلغة اخرى

بن بوزيد ماعندو مادخلو تجبد فيه

[Moh-Ec$perT]

نعم هذا العام
المستوى جيد حسب وش نقرا وش نشوف
ماكانش الحابس بلغة اخرى

بن بوزيد ماعندو مادخلو تجبد فيه

ههههههه هو لي يقول دايمن المستوى راهو فور بزاف
لا أنكلم عنك بل بصفة عامة شوفي برك في الجامعة تعرفي المستوى
سلاااااااااااام

[خـواطـر]

ههههههه هو لي يقول دايمن المستوى راهو فور بزاف
لا أنكلم عنك بل بصفة عامة شوفي برك في الجامعة تعرفي المستوى
سلاااااااااااام

في الجامعة كارثة ..


سلااام

[راجية الفردوس]

السلام عليكم
يااااااااااااااااااااااااااا خوتي شوفو الباك صعيب وجامي لاكان ساهل مي لي قرا و وجدلو "cé normal"يجيه ساهل
ودروك طلبولنا ربي يجازينا على قد التعب والمجهود اللي عرقناه وبذلناه
أختكم راجية الفردوس

[عصفورة الجنة]

السلام عليكم
الباك جاء ساهل لي قرا وتعب وثاني كي حذفونا مواضيع شوية ساعدونا
ان شاء الله نجيبوه ونروحوللجامعة

[annas]

البكالوريا هاذ العام كان بين صعب و سهل من شعبة لاخرى ولكن يبقى لي خدم و قرى و تعب و شقى يدي (هذي قاعدة.....بلا ما نقولها انا)
و نصيحتي لي رايحين يجوزو الباك يبداو يقراو من ضرك خاصة الاشياء الجديدة لي رايحين يصادفوها ( الفلسفة مثلا ..) و الاطلاع على بعض وحدات الفيزياء كالكيمياء فهي سهله و تقدروا تهزوا فيها حوايج وحدكم..... مانيش راح نحدد واش تقراو لكن الشي لي تقدروا تهزوه هزوه باش تكونوا مرتاحين العام الجاي
اما عن البكالوريا فهي عتبة لا اقول كبيرة و اجتيازها صعب .... ولكن ب تخطيها و اجتيازها تتضح الافاق و الاحلام .....
و انصحكم بشيء.... ماتقولوش الباك ساهل و تكونوا واثقين بلي تدوه (مع تمنياتي لكم اخواني بالنجاح كيما راكم) لان البكالوريا فيها بزاف مفاجآت ..... كيما رانا نشوفوا في كاس العالم :19:
وفي الاخير هذا رايي.... و وجهة نظري ... و اتمنى لكم اخواني التوفيق... ليس الا في البكالوريا ولكن في حميع الميادين
تقبلوا مني ارق التحيات

[Moh-Ec$perT]

وجهة نظر سديدة أوافقك الرأي
و أركز على الفيزياء لأنها من أصعب المواد في نظري وتحتاج الى عمل متواصل

[الهام الحياة]

ان شاء الله العام الجاي ... لالا الشهريين الجايين .. ما بقى والو ربي يستر راني خايفة خلاص
خصوصا اني في اللسنة الثانية بدلت مجهول و لم استطع ان اتفوق كتير 14.30 برك

ان شاء العام الجاي

شكرا على الموضوع

[Moh-Ec$perT]

ان شاء الله العام الجاي ... لالا الشهريين الجايين .. ما بقى والو ربي يستر راني خايفة خلاص
خصوصا اني في اللسنة الثانية بدلت مجهول و لم استطع ان اتفوق كتير 14.30 برك

ان شاء العام الجاي

شكرا على الموضوع

ان أخذت معدل 14.3 في السنة الدراسية فراح تاخدي 16 في البكالوريا ان شاء الله
لأنه لاتوجد مراقبة مستمرة ولافروض بالتوفيق ولاداعي للخوف لأنه سينقص من امكانياتك
عليك الخوف من الخوف نفسه