عاجل بخصوص غزال

[samihasou]

يامناصري المنتخب الوطني لا يجب أن نقصى على اللاعب غزال لأنه بسب التصرفات التي يفعلها أنصار الخضر هو في حالة نفسية سيئة و هذا ظهر في سلوكه أثناء المباراة لا يجب أن نقصى على اللاعبين أرجوا أن تتفاعلو مع موضوعي

[b.houda]

راو فشلنا
وساهم في خسارتنا
ربي يهديه

[toha4580]

لا يا صاحب الموضوع اذا كان مصاب نفسيا يبقى في دارهم مايلعبش ب40 مليون جزائري والحق الكبير على سعدان

[~~نهال~~]

اااااوووو غزززززااال هو اللي خسرنا شاف البالو مالحقاتوش علاه يطلع يدو
وايضا صايفي مايديرهاش

[ليلى الجزائرية1]

ربي يجيب الستر

[samihasou]

يا أخي العزيز غزال ليس مصاب نفسيا أنتم من أصبتوه بهذا المرض لأنكم لا تقفون مع منتخبكم في السراء و الضراء تودونه دائما رابح أنظر الى المنتخب الإنجليزي عندهم روني لم يسجل من شهر سبتمبر ولم يصفروا عليه أو يصبوه بعقدة عدم التهديف لأن مصلحة الفريق فوق كل إعتبار تعلمو واستفيدوا أنا شخصيا مع غزال ويزيد منصوري ومع الفريق الوطني رابح أو خاسر الى الأبد

[yacine05000]

هداك لاعب تاع كرة اليد

[رامي 17]

يا أخي العزيز غزال ليس مصاب نفسيا أنتم من أصبتوه بهذا المرض لأنكم لا تقفون مع منتخبكم في السراء و الضراء تودونه دائما رابح أنظر الى المنتخب الإنجليزي عندهم روني لم يسجل من شهر سبتمبر ولم يصفروا عليه أو يصبوه بعقدة عدم التهديف لأن مصلحة الفريق فوق كل إعتبار تعلمو واستفيدوا أنا شخصيا مع غزال ويزيد منصوري ومع الفريق الوطني رابح أو خاسر الى الأبد

عندك الحق اخي الكريم

[bed@]

هداك لاعب تاع كرة اليد

روح منى يالحركي روح هدر على المنتخب البرتغالي نتاعك
تفو على حالتك

[رامي 17]

هداك لاعب تاع كرة اليد

روح منى يالحركي روح اهدر على المنتخب البرتغالي نتاعك
تغو على حالتك

[rais flex]

عبد القاادر حمار مش غزال
و شاوشي الكافي لعاد يحاب روحو كاسياس مع لنقليز يهز 5
و صايفي يحساب روحو دالبيرو
و سعدان هو السبا
نعل بو البالون

[samasima]

تقولي عمرو ما لعب كيفاش يرفد يدو الله غالب غبي
بصح فريقنا والله غير لعب مليح

[المبتسمة 2]

فالحق هاد السبب لي قلته يكون حافز باش ياكد جدارته بصح خلااااااااااااااااااااااص خلاااااااااااص رانا صبرنا عليه بزاف وبزاف شحال دافعت عليه وشحال قلت بالاك راه مقلق بصح الله يديك يا غزال يا كرعين لمعيز وجه النحس قاعد يخير في تسريحة لشعره تفوه عليه

[خليل صلاح]

ماراهش لاعب تاع بالون. هذاك غيل تاع مدابزة .

[محمد مولاي]

ماشي غزال سباب الخسارة ...شاوشي هو سبابها
كيما الحارس تا ع الانجليز البارح

[عازفة الاحزان]

يا أخي العزيز غزال ليس مصاب نفسيا أنتم من أصبتوه بهذا المرض لأنكم لا تقفون مع منتخبكم في السراء و الضراء تودونه دائما رابح أنظر الى المنتخب الإنجليزي عندهم روني لم يسجل من شهر سبتمبر ولم يصفروا عليه أو يصبوه بعقدة عدم التهديف لأن مصلحة الفريق فوق كل إعتبار تعلمو واستفيدوا أنا شخصيا مع غزال ويزيد منصوري ومع الفريق الوطني رابح أو خاسر الى الأبد

اخي في هدي عندك الحق :19:غزال لاعب محترف بصح ماعندوش الزهر واهنا تاني نزيدوها بزاف :o

[Mina-RealMadriD]

يحبيبي لا نريده ادا كان في حالة نفسية لمادا يلعب ؟؟؟؟؟؟؟؟؟ لوكان نسمع بلي غزال مات ندير عرس والله العظيم

[samihasou]

لي راهو يحل في فمو ويسب في اللاعبين يروح هو يدخل و يماركي كيما يحبلو رايو مهما إنسان يغلط وغزال ماهوش معصوم من الخطأ هذا سوء تقدير من غزال حين رفع يدو
كيما يقول وحد المثل "لي يدوا في النار ماشي كيما ليدو في الماء"

[~~نهال~~]

ماشي غزال سباب الخسارة ...شاوشي هو سبابها
كيما الحارس تا ع الانجليز البارح

العكس الدنيا كاملة تقول غزال هو السبب و بالنسبة لشاوشي وين يلعب مليح تشكرو فيه و كي غلط تسبوه

[*Nouha*]

هو سبب الخسارة في بالو راهو يلعب volly-ball
ربي يهديه

[أريج الكوثر]

ماتلقوش باللوم على غزال وشاوشي
بل على سعدان الذي أدخل غزال
والسبب ماهوش شاوشي بل الدفاع:mad:

[عروسة البحر]

**عسى ان تحبوا شيئا و هو شرا لكم و عسى ان تكرهوا شيئا و هو خير لكم **
و كيما يقولوا خيرها في غيرها .....تمسكوا بالامل ...ما تشفوش فينا العديان... و اللي فات مات

[abella0823]

vive ghazzel vive ghazzellll vive ghazzel vive ghazzel vive ghazzell
tu es fortttt et tu reste fortttttttt
on é tous deriere twa

[مملو ك]

لا يا صاحب الموضوع اذا كان مصاب نفسيا يبقى في دارهم مايلعبش ب40 مليون جزائري والحق الكبير على سعدان


احسنت قولا .و نفس الشيء ينطبق على الضعيف سعدان و مساعده الذي لا علاقة له بكرة القدم

[sport23]

عندك الحق لي فات مات و ما نشفوش فينا العديان لي راهم درك فرحانين

[سمـــ حـ انيـــس ب ـــراء]

يامناصري المنتخب الوطني لا يجب أن نقصى على اللاعب غزال لأنه بسب التصرفات التي يفعلها أنصار الخضر هو في حالة نفسية سيئة و هذا ظهر في سلوكه أثناء المباراة لا يجب أن نقصى على اللاعبين أرجوا أن تتفاعلو مع موضوعي
عندك الحق
معاك يالخضرا رابحة ولا خاسرة

[زيان لباز]

ياودي فعلا راه مقلق مس لبلوطة برك وخرج بحمراء وشاوشي خلاها تدخل تحت ذراعوا
مانقساوش عليهم ثاني الماتش الجاي ولاخر خطرات راها تردمنا بريطانيا والماريكان
علاه نقساو عليهم علاه :mh31:

[حورية b]

معااااااااااااااااااااااك ياخضرة ديري حالة

[ridha0016]

vive ghazal et bon contuniation llah ghaalab machi hadak lwa9at bach yadkhol zid jabour wach kan ydir ghazal ou moin ddar 7aja

[amoula88]

الله يهديكم الله يهديكم الله يهديكم الله يهديكم الله يهديكم الله يهديكم الله يهديكم
1.2.3viva l'algerie
rabhine wela khasrine l'essentiel la3bou mlih
شاوشي نسيتو كامل الضربات لي صدها و تفكرتو غي هادي
انتوما ماشي وجه خير

[ZOLA 2010]

معليش يا شباب الجزائر جل من لا يخطئ


تحية لغزال

http://www.monsterup.com/upload/1259418980773.jpg

[imene93]

هو السبب في الخسارة..اول لمسة له للكرة اخذ فيها بطاقة صفراء...والله الحق الاكبر على سعدان....نحتاج الى بودبوز وزياية..........

[وليدفيزا]

منحوس نحسنها

[medmay86]

يا خوتي مرضوني و غبنوني علاه داخل غزال وواش يقول المعلق مازال النحس تابعه مين راهم عارفين كيما هاك يصرحه

[medmay86]

ربي يستر مع اليهود الانكليز

[كحلة]

كون ماجيتش خايف من ربي نقولو كلمة اكبر منو نعل..............................غزال

[ام سلسبيل]

وعلاه مسكين راه حب يسجل وينح النحسة لى راه تلحقو

[صغيرة]

ماشي غزال سباب الخسارة ...شاوشي هو سبابها
كيما الحارس تا ع الانجليز البارح



بالعكس شاوشي اخطا فقط
اما غزال او مازال يحب يسجل باليبف

[rahib45]

ايه صح
وانا معاك

من الكلام هذا اللي يطيح المورال و تصرفات الأنصار

جاه ارتباك

يا ناس ديرو القلب و حسو شويا

انتوما اللي يطيح تكملو عليه

ربي يهدي

معاك يا الخضرة...رابحة ولا خاسرة

[شمس الاسلام]

او غزال الي بينا يروح غزال تفرج علينا غيلاس خير منو كيفاه لوكان كان جوار صح او ما لااحش يدو للبالو او دارها زكارة فينا باه يقلقنا برك راهو ماشي جوار خلاص يحرث برك في السطاد هذي هي خدمتو

[محمد الجزائري73]

السلام عليكم

...ياأخي الكريم مشكلة المنتخب الوطني كانت و مازالت في الهجوم *منذ البداية و الذي زاد الطين بلة هو غزال الذي لم يسجل لا برجله و لا بيده عفوا بل كان سبب خسارتنا بيده ، ويتحمل المسؤولية كذلك الناخب الوطني سعدان الذي لم يسير المباراة جيدا في الشوط الثاني و ركز على الجانب الدفاعي للفريق فقط وعلى كل حال لا ننتظر كثيرا من المنتخب الجزائري أن يقدم أكثر لان الأوراق كلها إنكشفت و الأخطاء هي نفسها تتكرر و العلامة الكاملة للجمهور الجزائري الذي كان مشجعا و مساندا للمنتخب حتى النهاية وشكرا.

[rayenne]

الي فيها الخير يجيبها ربي

[هديل امة الله]

غزال سبة لوم اكل علي سعدان مخلي اللعبين تاع الصح ويدخل في صايفي و غزال كي مادرهاش منصوري لصقت في غزال من نهار لول ميعجبنيش مدار والو متقولوش طول خاتي اللعب كي بدي رائع هو دار سعدان التغير وهو تخلط كانت قادرة النتيجة تبقي علي حالها او نسجلو افهم او فريق سلوفانيا هو كان املنا الوحيد بنسبة ليهم حنا لعبنا خرمنهم الف مرةبالاك من وروح كي ماقال سعدان 2014 كي يخطي هو ويجي واحد كيما مورينيو

[طارق القبطان]

غزال مايمركيش
زياني مانباصيش
غزال من بكري مكاين والوا
منذ مباراة رواندا لم يسجل
وهو يلعب في منصب فلب هجوم راس حربة
يعني الكارثة تاع غزال ماشي غير من اليوم
فرحنا يا زياية الشبكة وهذيك هي
جبور تركتور

[Abed_ach]

ماشي غزال سباب الخسارة ...شاوشي هو سبابها
كيما الحارس تا ع الانجليز البارح

هما au moins تعادلو

[Abed_ach]

يحبيبي لا نريده ادا كان في حالة نفسية لمادا يلعب ؟؟؟؟؟؟؟؟؟ لوكان نسمع بلي غزال مات ندير عرس والله العظيم


قاع كيما هاك

بفففففففففففففففففففف

كن غي ما طلعناش للمونديال

[صهيب المبدع]

ربي يهديكم ............امين

[samasima]

اش بيكم مقلقين صح من الماتش عادي لعبنا مليح ودارو حالة راهو الزهر اللي ما كانش

[Mustapha93]

غزال ؟؟؟؟؟؟
سعدان ارجووووووووووك يكفينا من الدفاع
سعداااااااااااان اين بودبوز وجمال عبدون ........بلاك التسريحة نتاعهم مخرجتش عليهم؟؟؟؟
اسمحولي ؟؟؟؟

[ayoubesg10]

ارجو منكم الا تشتموا نجمنا المخضرم عبد القادر مارادونا

[abela]

يا اخواني ماشي هكدا ناصرو النتخب ديالنا ما تنساوش بلي راهم اول مرة يختبرو المونديال يعني كلي انت اول مرة رايح تعقب الباك اصبرو عنهم شويا كي مانوقفوش معاهم حنايا شكون رايح يكون في كتافهم و ماتخلوش اليأس و الحسرة تغلبكم حنايا ولاد الخضرة دايما معاها و لي يضحك علينا و يسبنا وكيلو ربي و غزال راهو محطم الى اخر درجة حطوا رواحكم في مكانو و كل الانتقادات اللي جاتو عتبة في طريقو المهم أختم قولي ب 1.2.3...viva l'algerie

[فتون المنتدى]

انا لم الم غزال ولن المه لانه ليس السبب ال حيد في الخسارة
ولا نريد شماعة لنعل عليها اخطاء المدرب و المنتخب

[نورالإيمان]

راه ملي لعب مقدمش حاجة وراح يهز في روح
ونسي هذه الحكمة *من تواضع لله رفعه*

[samira 1993]

مطمور محق فيما قاله او اعادو المبارة 100 مرة لن نخسر
لاننا كنا الافضل من سلوفينيا ب 100 مرة لكن غزال خسرها للاسف
المهم معاك يا الخضرة دايما

[زهرة 29]

يامناصري المنتخب الوطني لا يجب أن نقصى على اللاعب غزال لأنه بسب التصرفات التي يفعلها أنصار الخضر هو في حالة نفسية سيئة و هذا ظهر في سلوكه أثناء المباراة لا يجب أن نقصى على اللاعبين أرجوا أن تتفاعلو مع موضوعي

هذا جوابي لك
شكراhttp://www.djelfa.info/vb/showthread.php?p=3085919#post3085919

[minar_2]

ma 3andouche plaça f l'ékip nta3na
yaw hada kbal el matche nta3 elbareh m juin li fat masajelche
mé la foute nta3 saadene li dekhleh

[minar_2]

قاع كيما هاك

بفففففففففففففففففففف

كن غي ما طلعناش للمونديال

arretes
t folle ou koi pfffffffffffffffffffffffff

[ليلى الجزائرية1]

ربي يوفق منتخبنا في المقبلات اللي جايين

[samasima]

ان شاء الله المرة الجاية إذا كتب ربي

[mimi 26]

.................................................. .................................................. ....