مشكلة العروس مع السوق

[وئام الروح42]

السلام عليكم ورحمة الله تعالى وبركاته
يا بنات اكبر مشكلة تعترض طريق العروس الجزائرية هي قائمة المشتريات
انا اعرض عليكم تجربتي عندما اتجول في السوق اريد ان اشتري جميع ما تسقط عليه عيناي
فاقترحت على احدى زميلاتي ان اقوم بوضع قائمة للملابس لاتقيد بها عند التسوق
:confused::confused::confused::confused::confused:
والان انا اريد منكن ان تساعدنني في تحديد هذه القائمة
لانه كما تعلمون يجب ان تمتلئ الخزانة وايضا تعلمون بان الملابس تذهب موضتها
انا انتظر منكم المساعدة:sdf::sdf::sdf::sdf:

[ام رحوقة]

من رايي ما تشريش بزاف الحوايج كما قلتي المودة تروح قبل ما يلحق الصيف الاخر اشري الضروريات وكثري الملابس الداخلية وملابس المناسبات اشري حاجة حاجة واشري حوايج الحمام مثل المناشف والفوط.....واذا تفكرت نرجع ربي يوفقك

[وئام الروح42]

شكرا على مرورك انا انتظر مشاركاتكن يا بنات المنتدى
انا وضعت قائمة اولية ساقوم بكتابتها لكن
المشكلة تكمن في انها لن تملا الخزانة

[malika massaad]

انا قالولي اشري لباس الدار و ملابس داخلية اكثر من الملابس الاخرى لانك دايم تحتاجيها وخاصة وانت عروس مرة على مرة تبدلي

[malika massaad]

قالولي اشري لباس الدر و لباس داخلي هدو اكثر حوايج تحتاجهم العروس لانها مرة على مرة لازم تبدل

[وئام الروح42]

مشكورة اختي

[السطيفية]

أناكنت محتارة مثلك و لكن نصختني صديقة بشراء ملابس الدار و الملابس الداخلية و مفارش السرير أما عن ملابس التصديرة و الاعراس قالتلي ما تكثريش خاطر مايتلبسوش

[وئام الروح42]

شكرااااااااااااااااااااااااااا على المشاركات

[faiza0986]

اختي العزيزة انا مثلك راني كل سمانة في السوق انا عملت قوائم كا واحدة نخليلها نهار كامل و انا من راي كل واحدة تشري على حساب ما يحب زوجها و ناس بيتها مثلا اذا رايحا لدار كبيرة قصدي الشيخ و العجوزة و الواس واللوسات ماشي كيما لي ساكنا واحدها مع رجلها من الأحسن تبداي بالفراش ( ليكوات +لي زور + مخايد و شوررات تاع صالون والبيت وزرابي ) وممبعد دوزان الحمام من الفوط و لي تابي تاع الحمام و مناشف تاع الرجلين وحدهوم و الوجه وحدهوم و سوغتي دبين راهم يتباعو واحد المودال تاع الرجال و المرا في علبة واحدة و كتير شابة كي خرجوها مع قشك كيما يقولو présentable زيديلها حاشيا تاع ساتان بيضاء تكون دير حوالي 4000 دينار فيها كلش مع لي بنتوف رايح نحاول نكتبلك قوائم المشتريات لي درتهم رايح نكون شاكرة لو تفيديني باراءك و الله يعاونك

[وئام الروح42]

اختى غدوة انشاء الله نتعاونوا او نخدموا القوائم تاع الدوزان كامل
مشكورة على المشاركات القيمة

[faiza0986]

وينك يا وئام مابان والو عليك باذن الله غدوة نطلع اول قائمة خدمتها انشا الله مانسيتي هذا موضوع مهم ونتمنى تفيديني باراءك القيمة:1::1::1::1::1::1::1::1::1::1::1::1::1::1::1 :

[وئام الروح42]

اوكي فايزة غدوة انشاء الله نكتبوا القوائم
راني نكتب واش تحتاج العروس في الموضوع تاع صمت الجزائر

[وئام الروح42]

اوكي اولا نبداو بالزرابا
لعروسة تدي 2 زربيات وحدة كبيرة او وحدة متوسطة
انا خيرت وحدة بوادروز للصالون
درت تاني صالون في لبوادروز مع كاش ريدوا )لون الكاش ريدوا مازال ماحسمتش امري مي الصالون مطرز بالدوري جابلي ربي يا نديروا بوا دروز يا دوري
تاني تزيد تابيات تاع الكولوار كل وحدة على حساب الكولوار تاع دارها
او تابيات للدوش
هنا كي وصلنا ل لادوش كاين دوزان يتباعوا كاملين من السلة حتى التابي
نزيدوا تابي تكون شابة تتحط على باب الدار
هكذا نكونوا كملنا من الزرابا
دوك نروحوا للنابروات
انا درت 2 طرينات
كل طزينة فيها 2 كبار للطوابل والتلفزيون و 2 مطوسطين لي تابل دو نوي
او 2 اصغر شوية او6 صغار لللاكوافوز
طزينة تاع لي نابروا مدورين
او الطزينة الاخرى على شكل مقروطة
اما بالنسبة لغرفة الجلوس كاين لي ناب شنواز راهم شابين اشري منهم باش تنوعي بين لبرودي والكروشي

[وئام الروح42]

ايضا ملاحظة حبيت نقولهالكم
ماتكثروش من لي زابيي ديال الساتان والدونتال اديو 2 ولا 3 مع لي جيبهم الراجل اوليو 5
انا من وجهة نظري راهم يتباعوا نويزات مع لي بينوار تاوعهم مصنوعين من القطن الرقيق هاذوك خير مايتفزقوش او عمليين
يعني اذا تسكني وحدك تستعمليهم كل وقت

[وئام الروح42]

دوك نروح للفراش
من الشايع عندنا في الجزائر في عرس لبنات يديو الناس لفراش كادوات انا نقول ما تشريوش بزاف راهم اجوكم كادوات
اشريو
2 كوات شابين
كوفرولي تاع النهار الاول بيض اكون مليح او واحد اخر معقول
2 كوفيرطات اكونوا شابين
اما بالنسبة للدراوات كثروا قدما اديتي مليح
1 شهرة مليحة
اما الباقي راه اجي كادوات
ما تنسايش 2 مطارح
وشنوا ما تديش تاع النفس راكي تحصلي بيهم على خاطر كبار ما يجيوش على الكنابلي

[faiza0986]

انا شريت 3 تاع النفس عندي حساسية تاع الصوف وعلاش يجو كبار كاين كل المقاسات والله هايلين لكن شويا غالين

[وئام الروح42]

اخت فايزة حنا في الدار لي شريناهم كامل كبار ما كاش لي جا سواسوا على الكنابليات

[faiza0986]

في الحقيقة انا مازال ماحليتهمش راهم مخبين لكن قستهم a peut prés جاو مع الكنابيات راكي خوفتيني لوكان يدوهم مع قشي كي يفتحوهم مايجوش والله التبهديلا راني معولا نفتح واحد ونسييه امبعد ردلك خبر شكرا حبيبتي

[وئام الروح42]

جربي حنونتي صدقيني راني نهدر معاك عن تجربة شرينا منهم او راهم قاعدين غير للرقاد ما يتحطوش على الكنابليات
انشاء الله اجوا سواسوا على الكنابليات ديالك

[samasima]

زيدو أحكيو شوي هكدا كي نتخطب نعرف واش ندي ولا واش قلتي أخت وئام تحياتي لك
أدعيولي معاكم يجيني النصيب المليح

[وئام الروح42]

انشاء الله يا لعزيزة راني ديما نتفكرك

[faiza0986]

okhti wiam lah yatik matetmanay raki nabahtini alabalak madjawche maa les canapé kbar ou chora madjatche alihoum bassite walah loukan magoultiliche walah mansayihoum douk alia ou ala nachri matla tani fi rayak wéche nachri ana andi la lérgi me souf kiféche endir walh rir tkalakt ki madjawche ki sayithoum f roulo djaw ki tnafkho djaw silima ala kanapé

[وئام الروح42]

اختي فايزة اذا ما فتحتيهمش كامل تقدري تبدليهم من عند اللي شريتيهم عليه
ديري كيما انا شريتهم واجدين راهم يتباعوا ملاح واجدين 3000 دينار للواحد
هذاك تاني يفيدك اذا تسكني وحدك اديه معاك اذا جاوك ضياف تصيبيه

[samasima]

راني خذيت فكرة مليحة عليكم اليوم شكرا جزيلا يمالا هادوك مش ملاح أوكي نحيتهم من القائمة هههههههههههههه
يلا يفتيات زيدو أين مشاركاتكن المفيدة

[وئام الروح42]

راكي تشوفي سمسمة رانا غير انا وانت او فايزة اما لبنات لخرين ما حبوش اعاونونا

[وئام الروح42]

فايزة راني نستنا مشاركاتك كاش حاجة جديدة قوليلي عليها
وقتاش عرسك فايزة

[faiza0986]

rani nestena ikamal edar rahou m3a la finition hada juilet ndire l éfiancaille ou l 3arsse f rabi3 oula sif 3la hsab edar ouktache tawdjad ou ana tani maniche wadjda ou rani haba net3alam kéche san3a goulili hadouk les matla l ta3 3000 da ta3 ponge et merci pour tous chére wiam

[faiza0986]

3azizti wiam chrite des robe d'hotesse chabine habite nhatouhm hna mais ma3raftche kiféche loukéne rir tgoulili

[وئام الروح42]

حنونتي فايزة كيما لي ماطلا بريزيدون وشنوا تاع بلاصة وحدة
اما علا العرس رانا كيف كيف انا تاني هاذ ليامات لفيونساي و مارس ولا ماي العرس
اما على لجهاز شوية شوية يكمل
اما على التصاور ادخلي ل قوقل اكتبي موقع تحميل الصور حمليهم فيهم امباعد ديريكوبي كولي

[وئام الروح42]

تاني فايزة اشري هاذوك السليلات تاع الصابون ولا اخدميهم راهي صمت الجزائر حطت كيفاش يتخدموا

[faiza0986]

كل رد بغير اللغة العربية يحذف

[faiza0986]

كل رد بغير اللغة العربية يحذف

[وئام الروح42]

حنونتي ما رانيش نحكي على هاذوك راني نقولك على هاذوا
دوك نحطلك الرابط

[وئام الروح42]

http://www.djelfa.info/vb/showthread.php?t=301212

[وئام الروح42]

هاهو الرابط
اما لي قلتيلي عليهم
الريحة وهاذوك كامل انا راني دايرتلهم فاليزة وحدهم كلما نشري حاجة نزيدها ليهم
لي تدير سلل وتهتم بالتفاصيل لي تسكن مع العايلة مي انت تسكني وحدك ادي الحاجة لي تحتاجيها

[faiza0986]

كل رد بغير اللغة العربية يحذف

[faiza0986]

كل رد بغير اللغة العربية يحذف

[وئام الروح42]

في هذي عندك الحق نخموا في كلش
انا من المدية وشنوا اصلي من تيزي وزو يعني نطبق عوايد لقبايل
فايزة والتصديرة واش راكي ناوية

[وئام الروح42]

اما على الكسمتيك حنا لالا نديو ف لي فاليز

[faiza0986]

ounsite esah fihoum djeba ta3 chawia idjibouhali houma parceque radjli chawi min aslou mais 3ayache hna fi blida

[faiza0986]

khsara khradjti rouhti takli frite omlette et la salad bsahtak radwa inchalah nkamlou la discution ida dkhalti ou makountche hala khalili rad parceque radwa andna sbou3 alé thalay fi rouhak habibti a demain

[وئام الروح42]

فايزة راني هنا
حنا تاني لمطارح مكشوفين

[وئام الروح42]

فايزة انا للتصديرة
شريت تايور في الدوري +روب سواري راني نحوس على وحدة مستورة+ روب كابيل بالفضة ديالها
+منصورية انا لرايحة ندير قفطان والمنصورية نخليها للسبوع+كاراكوا مازال مادسيديتش اذا نشريه ولا نسلفوا
+بلاك نزيد لاروب بربار

[faiza0986]

hana mandirouche sbou3 ndirou sbouhi ou la3roussa telbass djeba fergani

[وئام الروح42]

فايزة حنا نديرو سبوع او نلبسوا واش حبينا وشنوا حاجة تراديسيونال

[faiza0986]

mlih 3awayadkoum khir walh tgoul manache fi blad wahda ou hana machi fergani bark lazam thazém be hzam dhab ou telbass fouta ta3 hamam ou t3amarha halwa ou tsérbi le nasse edar ou lazéme tfal howa li hazamelha machi tefla walh d3wa rahi w3ra ou ande radjli machi kamél kifkif houma mydirouche tassdira kifna l3oursse machi 3la 2 fel hadjara houma l3osse yebda ala 6 oula 7 ta3 3achia ou la3roussa telbasse rir la robe blanche ou toug3ad biha chafti chhal mlih ou f sbouhi telbass wéche thab ou idirou laftour samhili tawalt alik habibti

[samasima]

صباح الخير حبيباتي وئام وفايزة نقولكم حنا واش يديرو لعرايس نتاعنا نبدى على بركة الله
هدا يوم الثلاثاء أو الأربعاء على حساب يوم الحنة المهم أولا حنا نديرو العشاء من بعد كي يخلصو تجي لعروسة لابسة السواري تكون شابة
ومن بعد كي يجيو أهل العريس يجيبو بياس مونتي والحنة في طبق مستوف مليح مع الشموع كاين هوما اللي يجيبو الجهاز وكاين اللي يمدو لعروسة النقود وهي تشري وحدها وهكدا خير باش تشري اللي تحب ويجيبو صينية كبيرة فيها القشقشة مغلفة بشكل جميل وكذلك الذهب يدخل العريس إذا حب هو
يلبس لعروستو الخاتم يقسمو لاطارت ويتناولو المشروبات وأنا الصح ما نحبش زوجي يلبسلي الخاتم أيا من بعد تلبس جبة فرقاني تحني فيها
من بعد ما يروحو أهل العريس تتصدر لعروسة وتبين لقنادر نتاعها وأخيرا توزع المشروبات والقاطو على المعازيم وتوتة توتة خلصت الحتوتة ههههه

[samasima]

أيا نكمللكم الحكاية كي بديت من الاول بسم الله بديت وعلى النبي صليت
يوم العرس حاجة باينة راح تلبس لاغوب بلونش يجي العريس وأهلوا في السيارت لأخذ العروس إذا مش رايحة فواياج
خلينا من نهار العرس لاخاطر ماكان والو ههههههههههههههههه
أيا يوم الصبحية نتاعها تروح لعروس للحفافة وكي ترجع تكون لابسة طايور أو سواري يجي أهلها ومعاهم الغداء نتاعها حنا نقولو قصعة الصباح
اللي تكون شخشوخة بسكرية طبعا شحال تكون شابة مع تلك التزيينات وزيد يجيبو السلطة مصنعة كذلك والفواكه ووالمشروبات غازية أو جي وطاجين حلو إذا أمكن
هادو كامل ينتعتوهم للناس وتتصور قدامهم من تم تتصدر لعروسة تلبس كل القنادر نتاع التصديرة الأخيرة نتاع الفرقاني يجي طفل يحزمها بويحزمها بحزام من ذهب
أيا من بعد يحطو الغداء للناس وأهلها إذا أهلها يسكنو قريب منهم يبقاو حتى لعشية باش يقسمو القاطو اللي داتو معاها من 4 إلى 6أنواع على حسب مقدور لعروسة وما ننساوش القهوة وأنتهى هذا تعريف بسيط لعاداتنا أرجوا الاستفادة منها
وئام وفايزة ماهو رأيكما

[samasima]

نسيت باللي كاين السبوع ترجع لعروس لبيت أهلها مع زوجها تدي معاها القاطو وفواكه أو أي شيء
تتغدى عند والديها هي والزوج وأحيانا تجي معاها أم الزوج ويحضرو المقربين ليها بنات عمها وعماتها المهم اللي حب يشوفها
ولعشية تروح ما تباتش طبعا ههههههههههههههه وكذلك أهلها يزيدو يرجعو معاها هنا نسيت واش تدي أمممممممممممممممممممم
إلى اللقاء في الحلقة القادمة

[وئام الروح42]

مشكورة سمسومة فايزة طولي كيما بغيتي
عوايدنا كيف كيف وشنوا حنا لحزام ماكانش عندنا حنا نديروا عادي صبوحي لعروسة لمرا توزع على فاميليا تاعراجلها ليكادوا
امباعد نحكيلكم بالتفصيل دوك راني مشغولة

[soltana]

و الله لوكان نساعف السوق نخلي بوي ابي بصح يا بنات ما تكتروش انا بديت نشري بصح منكترش

[وئام الروح42]

عندك الحق سلطانة لمعيشة غلات

[faiza0986]

salsam ya banate rakou arfin nsina hadja beli koule wahda tadi 3la hsab ma 3tawalha sdak li tawalha 2 mlillion tedit hak 2milion ou li tawlha 10 tedit 10 ou li tawalha 100 tedit m3ha une voiture oula léla z3ma kayéne li medou 100 habibti wiam ba3tili hadouk les cit li tal3i bihoum les photot

[samasima]

صباح الخير عليكم بنات راكي قريتي يا وئام عاداتنا يبالي شيء معقول ومناسب

[وئام الروح42]

والله يا بنات انا في لجهاز ناراني مستصعبة حتى شيئ من غير التصديرة
اما على فايزة هاذاك الدفوع حنا لقبايل ما عندناش اجيبلك ذهب او قش
مي 10 ملاين ما عندهم ما جابوا

[faiza0986]

c vrai ya hbibti 10 walah t3yai takasmi fihoum maydjibou walou m3a dhab li rah yakwi ijiboulak 2hadjéte khféfe goulili wéche derti gateau f léfiancaille dyalék ou wéche lbasti

[samasima]

خسارة ديما ما نتلاقاش بيكم فايزة ووئام راكم كي خفافيش تظهروا غير في الليل هههههههههههه
راني نضحك معاكم برك توحشتكم حبيباتي

[faiza0986]

merci samasima ana tani mnatlakéche bezéf b wiam mais tagadri tektbi li briti hanounti ou nti raki djahzi oula mazal oula djahazti ou khlass djhazak ??? wiam kéche djdid andék maraditiliche ala hadouk les cite li tala3 bihoum tsawar inchalah mansitiniche

[وئام الروح42]

اليوم يا فايزة رحت ساومت ليبارير تاع الذهب الرخيص كامل راهوا ب 16 مليون هذا خفيف ربي اجيب الخير حرنا واش نشروا واش نخلوا

[* أمل وطموح *]

هههههههههههههههيهههههههههههههيهههههههههههههههههههي يييييي راني قريت الموضوع وبعض الردود ياماما لي رايحة تتزوج وش يستنى فيها هههههههههه انا خارج الموضوع ما نقدر نقولك والو ما علا بالي بواااااالو هههههههههههههههه سوري ربي يوفقكم كااااااامل

[وئام الروح42]

اسومة غير ابداي لمي حوايج وفراش من دك

[samasima]

merci samasima ana tani mnatlakéche bezéf b wiam mais tagadri tektbi li briti hanounti ou nti raki djahzi oula mazal oula djahazti ou khlass djhazak ??? wiam kéche djdid andék maraditiliche ala hadouk les cite li tala3 bihoum tsawar inchalah mansitiniche

صباح الخير أختي العزيزة أنا مازل مانيش مخطوبة مي راني نطلع على هته الأمور مش عارفة المكتوبة متى قولي آمين
الصح راني عدت نشري بعض الأشياء خاصة كي نلقى حاجة تعجبني هكدا نقص على روحي ولا واش قلتي أختي
وزيد كيما راكي تشوفي واش قالت وئام الذهب راه طار وين نلحقوا ربي يقدرنا برك
وئام صباح الخير ولا نقلك مساء الخير راكم تفتحوا غير لعشية مي أنا راني في العمل على هديك نفتح الصباح ما عنديش النات في الدار:dj_17:

[وئام الروح42]

صباح النور سماسمة هذاك هو نقصي قدما تقدري

[wassila21]

السلام عليكم بنات، أنا عضوة جديدة في المنتدى و عجبني الموضوع ديالكم، و حابة نشارك معاكم إذا ماكاش مشكل؟ حالتي راهي كي حالتكم ،ماعرفت واش ندي واش نخلي

[faiza0986]

مرحبا بيك وسيلة طبعا حنا نرحبو بكل البنات لي كيفنا حايرين وكل واحدة تفيد ختها بفكرة او نصيحة او تجربة والله ان كثير فادتني هذي الدردشة مع حبيبتي وئام الروح و عزيزتي سماسمة قوليلي هدا وين بديتي جهزي وين راكي واصلا

[faiza0986]

اليوم يا فايزة رحت ساومت ليبارير تاع الذهب الرخيص كامل راهوا ب 16 مليون هذا خفيف ربي اجيب الخير حرنا واش نشروا واش نخلوا

واله يا وئام عندك الحق كي روحت انا و خطيبي باش نخيرو بارير قريب هبل قالي مكونش عارف بلي بارير غاليا بزاف مسكين خليتو وقيلا ندم لي قالي نديرهالك انا مشرطت والو هوما لي قالو نديروهالها راح داني ل واحد بيجوتي رخيسا يعني شبشاق ب 20 مليون و المليحة شوية 30 و زيدي ونزيدلك حجا بيناتنا ولي بغا يضحك يضحك والله غير شريت تاع الفستي يعنس بلاكياور شكون راح يفيق لسونسيل ندير الدار ماشي الصح في الذهب او نزيدو نسلفو شويا على فاميليا و هدا مكان ولا واش تقولوا الله غالب النسا زواخين و لسانهم طويل كيما انا ها هاها هاه
ا:1::1::1::1::1::1::1::1::1::1:

[wassila21]

شكرا لكي أختي فايزة، غير كيما بديت أنجهز راني شوية بشوية، شريت روب الحمام مع الفوطة ديالو كبيرة و واحدة متوسطة و البنتوفة معاه و زدت 7 سربيتات متنوعين يعني صوالح الحمام كملت مزال حوايج الصغار، و شريت مفرش تاع الكروشي ابيض و آخر ساتان لونه سكري فيه 7 قطع و كوات واحدة و هذه اليامات أنزيد مجموعة من القماش نخيطهم ليدرا خاطرش ألي يتباعو غاليييييييين شفت واحد ب 2700دج و سلعة واحدة
واله يا وئام عندك الحق كي روحت انا و خطيبي باش نخيرو بارير قريب هبل قالي مكونش عارف بلي بارير غاليا بزاف مسكين خليتو وقيلا ندم لي قالي نديرهالك انا مشرطت والو هوما لي قالو نديروهالها راح داني ل واحد بيجوتي رخيسا يعني شبشاق ب 20 مليون و المليحة شوية 30 و زيدي ونزيدلك حجا بيناتنا ولي بغا يضحك يضحك والله غير شريت تاع الفستي يعنس بلاكياور شكون راح يفيق لسونسيل ندير الدار ماشي الصح في الذهب او نزيدو نسلفو شويا على فاميليا و هدا مكان ولا واش تقولوا الله غالب النسا زواخين و لسانهم طويل كيما انا ها هاها هاه

بالنسبة للذهب ماعندي ما نحكي، الغلا و الكوا ،حتى أما راح نشري شوية ذهب بلاكيور كيما المقايس و الله غير شفتهم غير يهبلوا و الهدرة تاع الناس كاينة لوكان أديري شوية و لا بزاف

[faiza0986]

عندك الحق حبيبتي وسيلا انا تاني مانيش ناويا ندير بزاف الدهب البرارير لي يجيبهالي عندي سنسلا تاع كل يوم مليحا وانزيد براسلي هدا ماكان اما الخواتم و الاقراط كدوات الباقي بلاكيور والله مانكسر راسي على الدهب

[faiza0986]

بالنسبة لي درا صح كاين تاع 2700 بصح ايدا تسكن في الجزائر العاصمة روحي ساحة الشهدا و لا ميسوني راهم 1000 تاع كليوم قماش مليح من النوعية و اللون كيما تحبي و كاين تاع 700 بصح نوعية القماش ماشي مليحا 3 او 4 غسلات يدبغ ويروح اللون في راي اشريهم خير

[* أمل وطموح *]

اسومة غير ابداي لمي حوايج وفراش من دك

هيهيهيهيهي أنا ستيلو لي نكتب بيه عام باش نشري ساعات ندخل للحانوت نشري حلوى واللا كاش حاجة وننسى ستيلو وبيناتنا في معظم الأحيان نتفنين باش نروح نشري هههههههههههه حبيتي نلم فراش هيهيهيهيهيهي خلي خلي حتان يوقع الفاس فالراس ومبعد ربي يديرلها طريق ادعولي معاكم مع انو مازال الوقت شوي هههههههه :1::1::1::1::1:

[وئام الروح42]

بنات عندكم الحق انا الذهب عندي 3 خواتم زاد هو شرالي واحد ثقيل عندي سنسلة ومناقش خويا لكبير قالي نشريلك سنسلة او خاتم انا نشري مسيبعات والراجل بارير خير او براكا
اما على لفراش
شريت 2 كوات ملاح
2 دراوات تاع برودي
2 كوفيرطات
لي كوفرولي ما زال راني نحوس على واحد بجميع لوازمه
لي نابروا كملت مازالولي لي ناب تاع الطوابل نشري هاذوك تاع ليشينوا
التصديرة شريت تايور وروب سواري
اما اللبسة كرهتها لي نشريها نندم فيها
والراجل مين داك يشريلي تايور ساعة ريحة ساعة ساك
اوهاذ ليامات راه اعمرلي فاليزة
انا نخير او هو اخلص
دوزان الحمام مالقيتش لي يعجبونيث مازال مابديتش

[وئام الروح42]

نسيت ما قلتلكمش لفراش هلهو يدخل كادوات

[* أمل وطموح *]

بنات عندكم الحق انا الذهب عندي 3 خواتم زاد هو شرالي واحد ثقيل عندي سنسلة ومناقش خويا لكبير قالي نشريلك سنسلة او خاتم انا نشري مسيبعات والراجل بارير خير او براكا
اما على لفراش
شريت 2 كوات ملاح
2 دراوات تاع برودي
2 كوفيرطات
لي كوفرولي ما زال راني نحوس على واحد بجميع لوازمه
لي نابروا كملت مازالولي لي ناب تاع الطوابل نشري هاذوك تاع ليشينوا
التصديرة شريت تايور وروب سواري
اما اللبسة كرهتها لي نشريها نندم فيها
والراجل مين داك يشريلي تايور ساعة ريحة ساعة ساك
اوهاذ ليامات راه اعمرلي فاليزة
انا نخير او هو اخلص
دوزان الحمام مالقيتش لي يعجبونيث مازال مابديتش

ههههههههووووووووووههههههههههههههوووووووووووووهيييي يييييييييييههههههههههههههيييييييي
هاذيك الورطة كارثة عظمى انا نقول الحمد لله انا قتلك ستيلو عام باش نشريه حبيتي هادا كامل :1::1::1::1: نهار نشري هاد لحوايج كامل نهبل ههههه
المهم ألف مبروك ربي يكمل بالخير ويوفقك وئام

[وئام الروح42]

هاذا راهوا لقليل اواه اسومة من اليوم نسميك مشحاحة هههههههههههههههههههههههههههههههه

[دارين14]

مساء الخير جميعا ماتقلقيش روحك ادي معاك الى كتبه ربي وما تشريش قش ياسر لانه المراءة بعد ما تتزوج مش راح اتبطل من شراء الملابس وغيرها من الامور ســــــــــــــــــــــــــــــــلام

[وئام الروح42]

مشكورة اختي على مشاركتكي العطرة

[samasima]

أنا تاني غير هدا العام بدات تدخلي مخي فكرة نشري لحوايج لاخاطر بدأ عليا الطلب ههههههههههههه راني نضحك برك
ماما تاني تقولي يابنتي غير لمي دراهمك وأشريهم حوايج نتاع الدهب والله ياخواتاتي غير راسي يحبس كي نروح للحانوت
غالي بزاففففففففففففففففف جيت نشري أنا وأختي سلسلة 4 ملايين وماشي مليحة وين رايحين بهدا الشيء ينفع غير البلاكيور
كيما قلتو

[samasima]

وئام وفايزة أنا مرة عجبتني كوات فيوروز نتاع الشناوا شريتها لاخاطر قليل وين تعجبني حاجة ذوقي صعيب
وهدي المرة عجبني درا ومعاه 2مخاد نفس اللون نشريه ولالا راهو دالي عقلي وزيد مش غالي خلاص 250دج برك
وراني حابة نخيط بساطات نتاع 2فاس هدوك اللي نرسموهم مليح اللي بزوج ألوان رايحة ندير نتاع البونج أولا
ومن بعد ندير نتاع الصوف هكدا نقص عليا قولولي راني مصيبة أو مخطئة وشكرا

[ليساء11]

نقلكم احسن حاجة تبداو بها هوالذهب وبعد يجى التروسو على الاقل ملاتها تشرى سنسلة وسنسلة يجيبوها اهل العريس وتشرى 2مسايس و2مسايس بلاكيور وتشرى مقافل وتشرى شريط بلاكيور ومحزما فضة وتشللها باالذهب المسايس رانى نقصدفى 2ذهب 2بلاكيور

[wassila21]

صباح الخير عليكم البنات، كي صبحتوا؟ اأختي سماسيم غير اشري معليش لكل يوم تبدلي بيه، حتى أنا شفت واحد الكوفرولي في الأخضر عند الشناوة مي خفته، قماشه يشبه ليناب تاع الطوابل و مبرودي بالحاشية، شايفينه؟ زعما مليح و فيه 6 قطع؟

[وئام الروح42]

بنات انا نصيحتي ليكم الحاجة لي قدرتوا عليها اشريوها علىخاطر الدنيا راها غير زايد تغلا او زيد انا نصيحتي ليكم اشريو طراف لقماش او خبيوهم هذوك ما يتديموداوش

[* أمل وطموح *]

هاذا راهوا لقليل اواه اسومة من اليوم نسميك مشحاحة هههههههههههههههههههههههههههههههه

ههههههههههه:1::1::1::1::1: مقبول منك يا وئام هههههههههههه
لالا والله ماشي على الدراهم راني على الخرجة والدخلة تقدري تقولي كسولة شوية مانحبش نقلق روحي بزاف ههههههههه:1::1::1::1: وراني كنت نقصر برك لا تقولي صح عام باش تشري ستيلو وباش نكتب مازلت نقرا فالليسي برك هههههههههه:1::1::1:

[وئام الروح42]

ربي انجحك كي مزلتي تقراي في الليسي ما تزيديش تناقشي في موضوعنا ادخلي سلمي علينا برك يا لعزيزة اللي تقرا تكمل قرايتها امبعد تخمم في الزواج قرايتك اللي تنفعك يا عزيزتي ياك اسومتي

[* أمل وطموح *]

ربي انجحك كي مزلتي تقراي في الليسي ما تزيديش تناقشي في موضوعنا ادخلي سلمي علينا برك يا لعزيزة اللي تقرا تكمل قرايتها امبعد تخمم في الزواج قرايتك اللي تنفعك يا عزيزتي ياك اسومتي

انا ماللول قتلك الموضةع خاطيني الحمد لله راني متهنية هههههههه:1::1::1:
وانتي ثاني ربي ينجحك في حياتك

[وئام الروح42]

انشاء الله

[faiza0986]

:1:وئام وفايزة أنا مرة عجبتني كوات فيوروز نتاع الشناوا شريتها لاخاطر قليل وين تعجبني حاجة ذوقي صعيب
وهدي المرة عجبني درا ومعاه 2مخاد نفس اللون نشريه ولالا راهو دالي عقلي وزيد مش غالي خلاص 250دج برك
وراني حابة نخيط بساطات نتاع 2فاس هدوك اللي نرسموهم مليح اللي بزوج ألوان رايحة ندير نتاع البونج أولا
ومن بعد ندير نتاع الصوف هكدا نقص عليا قولولي راني مصيبة أو مخطئة وشكرا



انا من راي كي تصيبي حاجة و سومتها مليها ماتراطيش سيغتو ادا كانت حاجة تستحقيها والله فكرتك مليحة ولا واش تقولي حبيبتي وئام:19:

[samasima]

مساء الخير عليكم يمالا خلاص نبدى نوجد من درك وياربي إذا لحقت ربي يوفقكم حبيباتي

[faiza0986]

:sdf:شكرا حبيبتي انا ليوم شفت كوفرلي مع كامل الدوزان تاع البت 2 درا + درا اوس+ مسند +4 مخايد 2 كبر 2 صغار مع كاش ريدو + نابروات تاع تبا دنوي و الكوافز 1 كبير + 3 جوتي تاع البنك لقيتو ب مليون و 200 فيه لادنتيل و الحاشيا قماشو صحيح وحنين في راي مليح واش تقولو غالي ولا رخيس دبرو عليا

[wassila21]

مساء الخير عليكم البنات، أختي فايزة علابالك هذاك هو ، أنا شريت واحد ب 7500دج فيه درا و درا أوس و 4 مخدات و مسند، مي حاجة شابة تاع الترك و زدت لي نابرو 11قطعة ب 1700دج و شفت ريدو هبلني ب 1800دج السمانة الجاية نشريه، و كي أجي أطلعي الحساب كيف كيف، أشريهم خير و بصحتك

[وئام الروح42]

:sdf:شكرا حبيبتي انا ليوم شفت كوفرلي مع كامل الدوزان تاع البت 2 درا + درا اوس+ مسند +4 مخايد 2 كبر 2 صغار مع كاش ريدو + نابروات تاع تبا دنوي و الكوافز 1 كبير + 3 جوتي تاع البنك لقيتو ب مليون و 200 فيه لادنتيل و الحاشيا قماشو صحيح وحنين في راي مليح واش تقولو غالي ولا رخيس دبرو عليا

فايزة اليوم رحت نشري قش رجعت يديا فارغين والله غير كل يكوي بيجاما شريتها ليامات لي فاتوا ب 80الف اليوم لقيتها 160الف
اما على هاذ الكوفرولي غير اشريه بلا ما تخمي
انا اليوم لقيت واحد فيه 4 مخاد 2كبار او زوج صغار او2 دراوات او كاش ريدوا قالي مليون او مياتلف

[وئام الروح42]

فايزة او وسيلة قولولي وين شفتوهم هاذوا يعني اما بلاد

[wassila21]

مساء الخير وئام ، أنا نسكن في الرغاية(بومرداس) و شريته من التم و كانوا عندوا غير 3 حبات و جامي شفت هذاك الموديل، و أنتي منين أختي وئام؟

[وئام الروح42]

وسيلة انا من المدية

[faiza0986]

شكرا وئام شكرا وسيلا انا شفتو ف البليدا في وسط البلاد املا نشره كي نجيبو راني نوريهولكم وئام بالنسبة للبيجامات دوك تاع الشتا راهم رخاس و تاع الصيف شريهم في الشتا ادا حبيتي تشري بسوما مليحا روحي باب الرحبا تاع البليدا او شري من برا ماشي داخل السوق يعني مطوابل او لازم تخيري خاطر كاين لي ماشي شابين

[وئام الروح42]

فايزة حنونتي كي تشري هاذ الكوفر ولي شفيلنا الكاش ريدوا تاعوا اذا مليح
او لي روب سواري عندكم دخلوا لي مودال ملاح ولا لالا
نحوس على وحدةاخرى قصيرة
حبيت نتصدر بروب سواري قصيرة

[faiza0986]

حبيبتي وئام في البليدا دخلو واحد لروب سواري يهبلو مودال جديد متلقاياه حتى في بلاصة بصح طوال كاين قصار مي ماشي تاع تصديرة ادا تقدري تروحي لسطاولي في دزاير كاين قصار شابين تاع تصديرا غالين شويا بصح شابين لي عندها لاتاي فين ماشي كي حالتي طبا سمينا مالقيت حتا روب جيني لاه لاه هههه ههه هههه هههه ضربي دارا لبليدا بلاك تلقاي واش بغيتي انا ماشفتش تاع تصديرا قصار غير في سطاوالي

[وئام الروح42]

فايزة قوليلي السومة شحال باش ندير حسابي

[وئام الروح42]

فايزة او لكاراكوا عنكم في البليدا سومتوا شحال

[wassila21]

مساء الخير عليكم البنات،واش راكم؟ نسقسيكم على الصابون و الشامبو إذا يفسدو منا على عام؟ أنا عرسي العام الجاي مور رمضان:1:خبيت شوية و خفت، و حابة نسقسيكم حابة نخيط طايور تاع العرس و حابة نديره سروال مع فست طويلة كيما الحجاب مونتو (فهمتوني) حاجة مستورة خاصة أنا شوية مطبزة :24: و على الأقل نلقاه من بعد ، يعني عادي أيجي؟

[وئام الروح42]

وسيلة واش معناتها مطبزة ؟
حنونتي راهم يتباعوا شابين في الابيض والروز شابين
لبارح لقيتهم من 550 الف حتى مليون او متين انت ودراهمك
اما على الشومبوا والمكياج اقراي لادات دو فالديتي تاعهم
هاذوك خليه_م هما لخرين
وسيلة انتوما في بومرداس الكاراكوا شحال راه يتباع

[wassila21]

وسيلة واش معناتها مطبزة ؟

معناها معمرة علابيها حبيت أنخيط ، و الكاراكو ماسقسيتش خاطرش ماراحش أنديرو مي نسقسيلك عليه، و أنقولك الحاجات التقليدية تلقايهم في ساحة الشهداء العاصمة خير كاين بزاف الأنواع و السومة على حساب الموديل

[وئام الروح42]

صحيتي وسيلة
الله ايبارك وسيلة يعني قرون تاي
حنونتي كاين حتى لطاي 44
انا شريت تايور فيه جيب او سروال الجيب جاني سواسوا مي السروال جاني مي يفصل الكور تاعي راهم اقولوا لعروسة تشيان راني نستنا وقتاش نشيان

[wassila21]

عندك الحق ، العروسة تشيان كي أيقرب العرس مع الجري و المارشيات و سورتو التقلاق و الخوف ، مي من بعد تعاود تسمان خاصة إذا ماكانتش خدامة و زادت جابت الدراري هذاك هو:d، و إذا كانت الوحدة تاع الطياب و العجين خلات:1:

[samasima]

ههههههههههههه والله غير تقتلو بالضحك سمان يمالا غير أجريو وديرو سبور يا بنات
ما تزعفوش راني نضحك برك معاكم ربي يهنيكم ان شاء الله ولعقوبة ليا

[faiza0986]

سلام يا بنات حبيبت وئام لي روب الطوال في البليدا كاين من مليون او نص حتى ل5 ملاين وهادو تاع 5 ملاين دخلاو ماعندهاش شهر او في سطاوالي لي قصار مابين مليون و الغاليا كامل لي شفتها 3 ملاين بصح عجبوني تاع مليون شابين على تاع 5 و بالنسبة للكاراكو كاين واحد المودال فيه الفتلا والمجبود والكنتير 4 ملاين او 500 في البليدا غالين بزاف تاع الفتلا وحدها ولا مجبود كاين مابين 3 و 4 ملاين بصح ادا حبيتي تشري روحي لقليعة ادا تعرفيها كاين شابين او الغالي 2 ملاين و نص

[samasima]

سلام يا بنات حبيبت وئام لي روب الطوال في البليدا كاين من مليون او نص حتى ل5 ملاين وهادو تاع 5 ملاين دخلاو ماعندهاش شهر او في سطاوالي لي قصار مابين مليون و الغاليا كامل لي شفتها 3 ملاين بصح عجبوني تاع مليون شابين على تاع 5 و بالنسبة للكاراكو كاين واحد المودال فيه الفتلا والمجبود والكنتير 4 ملاين او 500 في البليدا غالين بزاف تاع الفتلا وحدها ولا مجبود كاين مابين 3 و 4 ملاين بصح ادا حبيتي تشري روحي لقليعة ادا تعرفيها كاين شابين او الغالي 2 ملاين و نص

;واش هدا كامل يا أختي فايزة رخاص بزاف أنا خلاص عزفت عن فكرة الزواج 100 مليون ما تكفينيش

[وئام الروح42]

لبنات واش حوالكم توحشتكم بزاف
صحج الحالة راهي غلات كوفر دراهم مايكفيش قش
سواري مانحطش فيها 5 ملاين كي يغنيوني
تاع مليون او نص ولا 2 براكات اما الكاراكوا انا ما نحبش نلبسوا بلاك نكريه ولا نشري واحد تاع 2 او نص

[faiza0986]

سلام يا بنات حبيبتي وئام البرح شفت واحد الحانوت يبيع قش تاع عرايس بسوما مازال ماشفتهاش الكاراكو الغالي لي عندو 2 ملاين او شفت عندو واحد تاع مجبود يهبل قالي كي تعولي نخليهولك مليةن و نص ادا ماتحبيهش او علابالك ماتلبسيهش بعد الزواج غير كريه

[وئام الروح42]

صح فايزة انا ما نلبسوش
واش نقولك عندي يما مهبلتني قاتلي لازم تديري كاراكو
او هاذ الحانوت عندكم في لبليدا
مدية تاني رحت البارح لقيت حانوت حاط واحد اهبل قالي 2 ملاين بزاف شباب

[faiza0986]

اختي وئام هدا الحانوت مش في البليدة في العاصمة مش بعيد على ساحة الشهداء هو حانوت جديد و مولاه قبايلي باين من هدراتو والله سلعتو رخيصة و شابا

[wassila21]

صباح الخير عليكم البنات، أختي وئام اليوم ساومت الكراكو قالي بين مليون و ربعمية حتى زوج ملاين و نصف

[وئام الروح42]

مشكورات بنات يعطيكم الصحة
رخاس ماشي غاليين
وانت وسيلة وين هاذ الحانوت

[wassila21]

تعرفي الرويبة؟ كاين مركز تجاري كبير (برادري) فيها حوانت داخلها أيبيعو كلش

[وئام الروح42]

يعطيك الصحة اختي وسيلة

[faiza0986]

سلام وئام كاش جديد عندك

[وئام الروح42]

يا فايزة حنونتي انا الجديد تاعي راني مع القاطوا والضياف
راني نعجن قاطوا الفيونصاي ديالي
مي الضياف قتلوني
لفيونصاي تاعي مورا الريزيلتا تاع الباك اذا جابو خويا معناها يومين ولا ثلاثة نديرها اذا ما جابش نستنا شوي

[بنت سكيكدة]

يا فايزة حنونتي انا الجديد تاعي راني مع القاطوا والضياف
راني نعجن قاطوا الفيونصاي ديالي
مي الضياف قتلوني
لفيونصاي تاعي مورا الريزيلتا تاع الباك اذا جابو خويا معناها يومين ولا ثلاثة نديرها اذا ما جابش نستنا شوي



ربي يكملك وئام و لعقوبة لخوك يربح الباك و هكذا تفرحوا في زوج

في حفظ الله

[samasima]

صباح الخير وئام ربي ينجح خوك ويفرحك أنت تاني خليلي معاك القاطو بالاك تنسايني حنونة

[الاستاذ سالم]

ييا اخواتي الكريمات
اولا عذرا لتطفلي
راني نشوف بلي تخموا على واش تدوا بصح راكم ناسيين بلي الوالد هو يلي يخلص وعلى حساب ماني نشوف راكم معولين تدوقاع لوازم الدار والراجل مل يتكفل بوالو مدة طويلة
انا رايي انكم تدوا على حساب طاقتكم ولا يكلف الله نفسا الا وسعها
اما بالنسبة للتصديرة ادو 2 ولا 3روبات وكثرو من لبسة الدار الصيفية اما بالنسبة للشتاء ادو بصح كمية قليلة لانو التبدال يكون في الصيف اكثر من الشتاء
اما بالنسبة للفراش ماذا بيكم تشرطوا انكم ماتدوهش لانو في رايى اهانة للراجل وعلاه ما عندوش الفراش يستنى برك المرا هي يلي تجيبو
بصح اولا واخيرا يكون مشروط في الاول ويكون ذلك في الجماعة نتاع الرجال
وما تنساوش اهم حاجة كيفية الحفاظ على بيتكم الزوجية لانو هذا اهم من كلش
وما تنساوش قول الرسول صلى الله عليه وسلم اقلكن مهرا اكثركن بركة
وفي الاخير تقبلو مني فائق الاحترام والتقدير واتمنى لكم حياة زوجية سعيدة وردولي بالخبر اذا كنت غالط وحتى راني مانيش غالط

[ابجدية الحياة]

بنات...مسااااااء الخير....ارواحوا عندنا في العاصمة كل شي باطل....الشراقة وين نسكن باااااااااااااطل...واش رايكم لبنات ؟؟؟؟؟؟؟؟؟؟؟؟؟؟؟؟؟؟؟؟؟؟؟

[وئام الروح42]

سلام عليكم بنات شكرا لكم جميعا

[faiza0986]

اريد الرد للاخ والله لو انت بنت لو فهمتنا كل الرجال ليهم نفس الفكرة و اختي وئام يا رب ينجح خوك وتفرحو فرحتين يا رب قوليلي واش درتي قاطو

[وئام الروح42]

فايزة الف الف الف الف الف مبرووووووووووووووووك

[faiza0986]

مبروك على واش

[samasima]

فايزة الف الف الف الف الف مبرووووووووووووووووك

واش وئام خوك تحصل على الباك أنا ماديتش للأسف

[faiza0986]

ما تتقلقيش سماسمة انشاء الله العام الجاي وجيبيه بمعدل شباب و متزعفيش كل واحد فينا عندو حقو في هدي الدنيا و اخ وئام جابو الحمد للله علخطرش كان رايح ايخصر عاى ختو الفيونساي

[وئام الروح42]

سماسمة حنونتي ماعليه العام الجاي انشاء الله تجيبيه اذا كنت علمية انا نديرلك لي كور
راني استاذة
فايزة ايه جابوا

[خدوجة27]

السلام عليكم
كيراكي نجاة؟؟؟
ان شاء الله تكوني متفكرتني برك
راكي دايرة حالة ههههه
نظن راني ادخلت معاكم المجموعة لكن مرانيش مزروبة
مززززال الحال لكن تعرفي لازم نوجد من دوكا
مزال العرس لم يحدد

[وئام الروح42]

خسارة عليك خدوجة كيفاش ننساك
شحال من خدوجة عندنااااااااااااااااااا
ايه ابداي من ذرك
الحاجة اللي نقضتيها خير او باراكا
تبعينا شوية شوية راكي تستفادي
حنونتي واش احوال الغرفة
اننا مارانيش ندخل ليها

[samasima]

ألف مبروك عليكم أختي فايزة ان شاء الله نعيد العام الجاي وندي أدعولي نتحصل عليه أنا وأخي

[وئام الروح42]

الف الف الف مبرووووك

[faiza0986]

انشاء الله ختي سماسمة ربي يوفقكك

[وئام الروح42]

ينات وين راكم

[may72]

و الله غير نستعرف بيكم هكذا مواضيع و الا بلاش على الاقل تنفعو البنات الي ما يعرفوش

[faiza0986]

رانا هنا يا وئام انتي لي راكي غايبا واش كاش جديد قالولي لي مونتو راهم سولد شريتي ولا مازال وقوليلي شحال سومتهم كاشمير طويل بالقلمونا والريش مشي مكشرد هداك لحنين

[وئام الروح42]

حنونتي وين هذا ما سمعتش وين راهم ابيعوهم
ياك قتلك فايزة راني مشغولة بالغاشي الضياف راهم قاتلينا راني قريب نخرج من عقلي من الكوزينة ما رانيش نخرج

[faiza0986]

مسكينا راني حسا بيك لوكان جيت نسكن قدامك نجي نعاونك قاتلي جارتنا راهم في بليدل بصح ماراهيش عارفا وين سوسوا هي قلتلها بنت ختها كي تقولي راني نقولك ورانا غير نقوقلو هههههههههههههههههههههههههههههههههههههههههه ربي يعاونك حبيبتي

[وئام الروح42]

اوكي حنونة انا في الانتظار

[samasima]

ربي يعينك أختي وئام نجي نساعدك واش راكي أختي فايزة
تحياتي لكما

[وئام الروح42]

شكرا سمسومتي
فايزة وينك غاب حسك هاذ ليامات

[faiza0986]

سلام يا بنات كان الميكرو حابس توحشتكم شكرا سماسما وشكرا وئام مازلتي مع الضياف الله يعينك

[وئام الروح42]

ايه يا فايزة حنا ضياغنا ما يتخلاصوش حتى شهر رمضان راني قريب نعيط

[samasima]

وئام ربي يعينك
فايزة عودة ميمونة أهلا وسهلا بك مجددا معنا

[**ريم**]

نظرا لوجود موضوع يحمل نفس القصد حاولوا عدم تشتيت المواضيع و ركزوا هنا في هذا الرابط و أتمنى من العضوات عدم تحويل المواضيع لدردشة لا طائل منها لأانه و كما هو معروف موجود قسم مخصص لذلك ... و الرابط هو
http://www.djelfa.info/vb/showthread.php?t=314591
لذلك سنكتفي بغلق الموضوع ... كما أطلب منكم عدم التركيز على موضوع دون آخر حاولوا إثراء كل المواضيع بردودكم و تشجيعها