يا تلا قولولي علاه

[الفايق]

ها صحيتتو يا النسا واش راكم بخير أيا الحمدوووله منطولووش شوفو لبارح قلت ندير خبزه نتاع مسكوتشا حشموني عليها في الخديمه وراكم تعرفو بلي لا مرا لا والو في الدار أيا قلت نخدمها درت 6 بيضات والخمار وكاس زيت وكاس سكر وكاس حليب والفارينه على حساب النظر ايا الحاصول موالف كيما هاك نخدمها المهم حطيتها في الفوررر بصح من بعد كي نحيتها لقيتها من داخل معجنه وملسقه في بعضاها ايا خدمت الزاوجه ثاني نفس البروووبلام ها قولولي
وشني المشكل ما فهمت والو راني موالف نخدمها كيما تجيني تهبل وهذي المره منعرف واش صرااا قلت بلاك عين

[*جوري*]

بلاك عين صابتك
ننصحك روح رقي

[ام رحوقة]

غير جيب المرا تخدمهالك وترتااااح هههه ربي يعاونك

[بنت سكيكدة]

هبلتينا يا الفايق

طيب الموشكوتشو على نار هادئة و من بعد باش تاكد بلي طابت دخل موس فيها اذا خرج ناشف يعني طابت من برا و من داخل

و كون تجيب المرا الموسكوتشو تطيب خير و خير

[mano2]

اسمك فايق وانت لست فايق جيب امرا احسن من التخلبيط تهنيك من المطبخ

[أم مريم]

http://images.alaapink.multiply.com/image/22/photos/17/1200x1200/72/142.JPG?et=qU8s8DvvLRyB59k9OlBP5w&nmid=40572777

[soltana]

غير جيب المرا تخدمهالك وترتااااح هههه ربي يعاونك
ولا نقولاك نعاونك خير
3 حبات بيض + 9 مغارف سكر + 9 مغارف زيت + 9 مغارف حليب + 15 مغرف فرينة + 2 خمارة و zeste de citron
و خلط بالضراب الكهربائي و طيبها ففرن هادئ 170 درجة و الله يسهل يا لفايق

راني عاونتك

[رشيد زيد]

صح جيب مرا تهنيك من طياب قع و الكوزينا ومن كلش

[الفايق]

يا تل صحيتووو كي صبحتووولي لباس ايا لحمدوووله يا زمره واش راك يااو وراسك مقيررر عين ضربتني رااني عارف كنت نخدمها فووور حتى نخدمها غييير من لمراا لي كانت عندي بلاك تقوولو حابس هاااواه يا لحمالدين وربي يخليك يا زمرده ونشاله تولي ماسه ها قولي امين وما تقطعيش

[الفايق]

اهلا ام رحوووقه ياااو فهمني في غسمك قبل ومن بعد نهدرووو في المسكوتشا ونقلك حويجه ياووو وراااها لمراا كاش مكي شايفتي بسمالله ها تهلي في روحك ويعطيك الصحه

[الفايق]

يا بنت سوكيكيداا واش راك لباس يا تل وشنهي نار هاديه جابلك ربي قاا لبارح تعلمت نقرا ولا واش يا تل راني راني موالف نطيبها بصح ذي المرااا منجحتليش ويعطيك الصحه بحاااال المرا نتاع ضروك طيبها بحااال راني نسقسي هاا صحيتي ويا لحمالدين وصحتي

[الفايق]

اهلالالا بمانووو بحاالل فقتيلها رااني نخبلط وبلاك التخلبيطه نتاعي خير من ياااسر بنات في هذالوقت ولا راني قالط صحيلي

[الفايق]

ياااا ام مريم يصبحك بالربح والخير هذي الماسكوتشا لي نحوس عليها لي تحمر الوجه بصح كووون جبتي معاها القهوه مدام درتي الخير كمليه
ها تهلي في روحك
ويعطك الف صحه وعافيه ويشدلك في مريم

[الفايق]

يا تل صحيتي واهلا بناس مستقاليم ييييه يا ليام الزينه واش راكي يا سلطانه بخيررر وراسك هااو نلقا لمرا نجيبها متخميش والليله نجرب نتاعك وما طيبليش نجي ليك لمستقاليم نوكلهالك وراح توفي يعطيك الصحه ويا لحمالديك صحيتي صحيتي

[الفايق]

اهلا رشيد صحيت وراسك نجيبها هاا راني نحوس واش رايك نررووحو لبلاد لقبايل نجيبوو زوج ونجو
مدام راه الصيف منها تحواسمه ومنها نتزوجو نررووحو لبجايه هااا صحيت