يوم يفصلنا عن البكالوريا ...ادخل و ابدي شعورك

[رجاء1]

بسم الله الرحمن الرحيم
:dj_17::mh92:
السلاااااااااااام عليكم اخوتي اخواتي
اتمنى من كل واحد مقبل على شهادة البكالوريا دورة جوان 2010 ان يبدي كل ما يحس به في هذه الصفحة و يفرغ قلبه:D
في انتظار تفاعلكم لكم مني اجمل تحية:)
اختكم رجـــــــــــــــــــــــــاء
:1::1::1:

[~رآقية بأخلآقي~]

أهلا بيك رجاء..أنا نورماااال ونستنى في الأحد بفارغ الصبر..بالتوفيق

[رجاء1]

شكرا لك اختي تحياتي ليك و بالتوفيق ان شاء الله

[kyle xy]

السلام عليكم ولرحمة الله وبركاته انا راني نورمال مانيش متخوفة و متفائلة وبزايد راو معاي خويا هو تاني باك ان شاء الله العام هدا خير علينا اختكم في الله

[زهرة2010]

راني نورمال مانيش خايفة ان شاء الله خير بالتوفيق للجميع

[رجاء1]

باتوفيق اختي و ان شاء تجيبيه انت و اخوك بمعدلات جيدة

[رجاء1]

موفقة اختي زهرة دعواااااااتك

[lokmane91]

راني مستعد وباش نهجم على ورقة تاع الاجوبة ونفرغ قلبي تماك بأذن الله سميع العليم


بالتوفيق جميعا

اللهم انا نسألك النجاح في شهادة البكالوريا

[رجاء1]

ااااامين يارب و بالتوفيق اخي

[hicham91]

حاس بلي راني قنبلة موقوتة... كابت عام تعب

وتوحشت الشغب تع القسم....
راني ديما مشاغب
خايف ليديرولي * في ورقتي

[رجاء1]

موفق اخي هشام توكل على الله و عليك بالدعاء

[إيمان 3]

انا راني مريحة الحمد لله متفائلة حاسة بلي يجي ساهل ونخدم مليح هاداوين جاتني رهبة كي بداو يجوني المسجات تاع العائلة و الأصحاب بصح الحمد لله على كل حال

[توام هناي2010]

حاس بلي راني قنبلة موقوتة... كابت عام تعب

وتوحشت الشغب تع القسم....
راني ديما مشاغب
خايف ليديرولي * في ورقتي

انا ثاني لانو مالفة غير نتحرك داخل القسم + توحشت حس المشاركة والايام الاخيرة تاع المراجعة الجماعية
ما تخافش رح يحطولك ثلاث نجمات بما انك عضو نشيط

[توام هناي2010]

امي تقول بلي راني خلعانةبصح راني نورمال اكدت على المعلومات اللي عندي وعندي ثقة كبيرة ندي الباك هاد العام ان شاء الله
رب يوفق الجميع

[هاجر عبد الله]

انا راني عادي و مانيش خايفة
بصح راني حاسة بالي كلش نسيتو
يارب ينجحنا كلنا

[أحلام البليدة]

انا كنت مراجعة مليح بصح ليمات هاذو كلش طار من مخي راني رايحة بلاطاي كاش ماينزل عليا الوحي

[saleherrassed]

بدون تعليق

[Tsukikaze]

ربي يوفقكم كامل
أنا راني نورمال مع شوي خوف
mais لعشية ماعلاباليش واش غادي يصرا فيّ

وفقكم الله جميعا!!!!

[أسامة حمزة]

أجمل شيء هو عدم شعوري بالقلق فأنا جد مرتاح ومتفائل
بالتوفيق للجميع

[karima.akram]

عادي ربي ينجحنا برك ان شاء الله كل شي يجي ساهل
بالتوفيق ربي معانا

[رجاء1]

اتمنى لكل من مر بصفحتي ان يوفقه الله تعالى و يا جماعة لا تنسو الدعاء
كما يقول الشافعي
اتهزؤ بالدعاء و تزدريه.............و ما تدري بما صنع الدعاء
سهام الليل لا تخطي ولكن........لها امد و للامد انقضاء

[رجاء1]

في انتظار البقية
اين انتم اليوم ليس للمراجعة؟؟؟؟؟؟؟؟؟؟؟؟؟؟؟

[moh bara]

ماكين والو امتحان كباقي الامتحانات صحيح انه مصيري لكن لا شيئ يدعوا للقلق توكلوا على الله و رانا من الناجحين ان شاء الله

[ملائكة اسبانيا]

انا كنت مراجعة مليح بصح ليمات هاذو كلش طار من مخي راني رايحة بلاطاي كاش ماينزل عليا الوحي
رانا كيف كيف انا قلت بالاك هذي النقطة السوداء اللي يحكيو عليها
بصح ظهرتلي ماشي نقطة هذي البحر الاسود

[ملائكة اسبانيا]

في انتظار البقية
اين انتم اليوم ليس للمراجعة؟؟؟؟؟؟؟؟؟؟؟؟؟؟؟
عندك الحق بصح مايعطيكش قلبك

[ملائكة اسبانيا]

انشاء الله هاذ العام الباك و نتهناو من هاذ الكوشمار
قولو امين باه تديو الباك

[الصقر الجزائري]

:1::1::1::1::1::1:[ و الله بكل فرح مشتاق الى الحسم و انا جد مرتاح نصيحة الى الجميع عليكم بتقوى الله فقط و أعلموا أن هذا امتحان من المولى و حذاري فقط الخش لانك اذا تحصلت عليه بالغش فانك لم تفعل شيئا لكن بالتوفيق
لكم مني تحياتي أخوكم في الله بلال أو الصقر الجزائري و نقلكم النية في الهبال كاين الفريق الوطني عشية و عيطوا كي نماركيو و ان شاء الله نربحو و رياااااااااااااااااااااااااال

[keri92]

بالتوفيق إخوتي الكرام ................... التركيز التركيز

[riro1992]

راكم تقولوا ماراناش خايفين بصح التالي كرشوا راهي تسطر عليه
ما كانش منها رايح يفوت الباك و مراهوش خايف

نصيحتي لكم أنه من أراد الحصول على معدل جيد في البكالوريا فالتركيز ثم التركيز ثم التركيز

[رجاء1]

اختي bogosa توكلي على الله و اعلمي انك اذا كنت راجعتي فالمعلومات راهي عندك و هذي حالة طبيعية على حسب ما قالولي انك تحسي انك نسيتي كل شئ لكن هدا عادي و باتوفيق اختي
شكرا على كل من عطر هذه الصفحة بمروره و ادعو لكم جميعا بالتوفيق يااااااااااارب

[sarrita14]

نوووووووووووووووووووووووووووووووووووووووورمال
الحمد لله على كل شئ
و ان شاء الله نخدمو كاملw njibouh avec une mention tres bien amineee آمـــــــــــــــــــــــــــــــــين يا رب

[رجاء1]

اااااااااااااااااااامين يا رب العالمين

[عقبة بعلي]

الكل على مايرام الأعصاب هادئة كل شيئ في أتم الإستعداد المهم الباك هذا العام لازم بربي نشالله قولو آآآآآآآآآآآآآآآآمين

[yaniso]

l'isentialle nchallah njibouh a par ca normalllllllooo

[رجاء1]

ان شاء الله متاكدة انه سيكون في متناول الجميعو بامكاننا الحصول على معدلات جيدة

[سطايفية بكل فخر]

علابالي ماكمش ناقصيني mais لازم نحكي si non ننفجر وتكونو ضحايا bac2010
يامات لي فاتو كنت ماعلاباليش بيه نقرا وكلي مانيش نقرا ليه وانا لي كنت ندير ل courage لي يقراو معايا mais فهاذو اليومين راني حاسه قلبي رايح يولي في ظهري من الخوف.اول مرة نخاف من امتحان.عاد النوم مايجينيش واذا جا نشوف لكوشمارات في منامي وساعات نوض من النوم ونبقى نخمم واد يديني ونهر يجيبني واحاسيس تقولي لباك ماهوش جاي هذا العام.الحفاضة كلي ماحفظتش وrévision كلي ماراجعتش.
راني رايحة ننفجر ونستنى غير في ورقة الاجابة باش نفرغ فيها غشي على واش راهو صاري فيا.
ربي يوفق الجميع
together vers l'university 2010 inchallah

[lossitta]

انا راني خايفة شوي العيون كامل راهي معاك الهاتف ميسكتش و نحس بلي نسيت كلش لكن متفائلة جدا
ارقدوا بكري اليوم وربي يوفقنا

[رجاء1]

علابالي ماكمش ناقصيني mais لازم نحكي si non ننفجر وتكونو ضحايا bac2010
يامات لي فاتو كنت ماعلاباليش بيه نقرا وكلي مانيش نقرا ليه وانا لي كنت ندير ل courage لي يقراو معايا mais فهاذو اليومين راني حاسه قلبي رايح يولي في ظهري من الخوف.اول مرة نخاف من امتحان.عاد النوم مايجينيش واذا جا نشوف لكوشمارات في منامي وساعات نوض من النوم ونبقى نخمم واد يديني ونهر يجيبني واحاسيس تقولي لباك ماهوش جاي هذا العام.الحفاضة كلي ماحفظتش وrévision كلي ماراجعتش.
راني رايحة ننفجر ونستنى غير في ورقة الاجابة باش نفرغ فيها غشي على واش راهو صاري فيا.
ربي يوفق الجميع
together vers l'university 2010 inchallah

يا اختي شعورك عادي جدا و انا متاكدة انك ستحصلين على البكالوريا لان فهمت من كلامك انك راجعتي و حفظتي و هدا شيء عادي و المعلومات كامل راهم عندك فقط انتي خلي عقلك يرتبهم و غدا تلقاي كل شيء واجد و نصيحة تنفسي ببطء و استرخي تماما مستحيل انه فالباك رح يجينا شيء ما قريناهش
و ما تنسايش توكلي على ربي و الدعاااااااااء ثم الدعاااااااااااااااااااااااااء
تحياتي اختي bon courage

[رجاء1]

صحيح اختي lossitta اليوم لازم ننام القدر الكافي على الاقل 8 ساعات
و اما بالنسبة لي فقد اغلقت البورتابل
بالتوفيق ان شاء الله

[سطايفية بكل فخر]

يا اختي شعورك عادي جدا و انا متاكدة انك ستحصلين على البكالوريا لان فهمت من كلامك انك راجعتي و حفظتي و هدا شيء عادي و المعلومات كامل راهم عندك فقط انتي خلي عقلك يرتبهم و غدا تلقاي كل شيء واجد و نصيحة تنفسي ببطء و استرخي تماما مستحيل انه فالباك رح يجينا شيء ما قريناهش
و ما تنسايش توكلي على ربي و الدعاااااااااء ثم الدعاااااااااااااااااااااااااء
تحياتي اختي bon courage

شكرا على النصيحة ونتمنى نكون صح كيما قلتي

[سنة4]

انا راحني مرتاحة جداااااااااا او بربي مايكون غير الخير
بالتوفيق انشاء الله