واش رايحين ديرو نهار لي نكملو الباك...؟

[sana.gerra]

اعني يوم لي نكملو كل المواد كل شعبة وكيفاه كاين نهار الاربعا ء وكاين يوم الخميس احنا نهار الاربعاء وقوتلهم كي نخرج على 10بأدن الله ادا كنا من الحيين نخبي كل حاجة اسمها ورقة ولا كتاب ولا كراسسسس مانخلي والو باش مانتفكرش ونتفرغ للانترنت والتلفزيون الرقاد والله راني نحلم ويكتاش تجي الاربعاء عندي عيد والله
وماتنساوش انتم واش رايحين ديرو واش راكم مديسيديين بعد الباك انشالله؟






موفقينننننننننننننننننننن كلكم يارب وبادن الله ناجحين كلنا الله مايضيع اجر عامل من جد وجد ومن زرع حصد

[Hamza 44]

نا ي انكمل اروح نخدم او ثاني اروح انحوس و ان شاءءءءءءء الله اتمنى النجاح للجميييع

[miss sunshine]

حنا نكملو نهار الخميس
نحكم الطريق و ما نوليش هههههههههههههه
بالتوفيق للجميع
ان شاء الله نجيبوه كامل

[BENCHERAB]

انا كي نكمل نهار الخميس نحرق كل الكراريس باه منخمم في حتى حاجة و نديها غير الانترنيت و التلفزة

[mabdesselam]

انا كي نكمل نهار الاربعاء نحرق كل الكراريس باه منخمم في حتى حاجة و نديها غير الانترنيت و التلفزة فالليل والنهار عقبو راقد:1::34:

[mhamed1958]

حتى نكمــــل ومن بعد نخمم

[zara201]

انا نتخطب والعام الجاي بربي نشالله نتزوج

[إيمان سارة]

نرح نحوس مع لبنات صحاباتي هكدا تفاهمنا

[الشاوية الخنشلية]

انا نتخطب والعام الجاي بربي نشالله نتزوج

ربي يكملك حنونة والله عندك حق ربي يهنيك فالجانبين الدراسي والشخصي


انا كي نكمل الباك ان شاء الله يوم الاربعاء تبدا المعاناة الحقيقة لي ماشفتهاش فالعام كامل

ابابا نهار كي نكمل ذرك نحكيلكم بالتفصيل كيفاش نرجع مانرقدش او مانكلش حتى تشوف عيني النتيجة

[tozbama]

انا انشاء الله كينكمل نروح نقرا لعربية في الجامع بقالي غير شوية ونختم الستين ديالي وانشاء الله ناجحين كامل يا ربي

[z2009]

انا كي نكمل ندخل في غيبوبة حتى نهار النتائج باه مانتعذبش كيما العام الي فات

[الضحية واحد]

الى كل من دعى بالنجاح . امين
ويارب كامل ندو الباك

[houssem34]

انا نهز السيارة نغسلها غسلة ماصراتش
ونحكم طريق الشواظئ

[فؤاد بنكو]

نزيد نقوي علاقتي بربي و نضاعف من العبادة و قراءة القرآن لا سيما الدعاء وإذا ظهرت النتيجة سيكون مني الشكر للمولى على كل حال

[يوسف45]

أول حاجة يا خاوتي كي تكملوا ما تنساوش ربي ادعوا وصلوا هذي وحدة والتانية نهار لي نكمل نشري درابو نتاع دزاير وعفايس باش نكونوا مع ليكيب ديالنا فل مونديال ونشالله النجاح لينا وليهم هكا خاوتي

[fadila16]

انا اول حاجة اني كي نكمل اي مادة نقطع الكراس تاعها مانسناش حتى نكمل الباك
احنا نكملوا نهار الاربعاء و نهار الخميس نقرى تسيير مؤسسات على خاطر راني ندير في دبلوم وما عندي حتى عطلة

[الاصيرم]

السلام عليكم
ااااااااااااااااااااااااه غير نكمل برك وتشوف عيني النتيجة
نبدا اسعد واااااع ان شاء الله ينجحنا كاااامل

[❀ بَسْمَةْ أَمَلْ ❀]

نسيبورتي الماتش ونرح نحوس ونرقدددد خاصة النوم باسكو راني محتاجاتو انا اول واحدة نوض واخر وحدة نرقد في الدار بصح مع هاذ الشيء رايحة نبقي خايفة حتى نهار النتيجة

[ka-adel]

انا نكمل لبحر

[nazi_killer]

كي نكمل اباك انشاء الله روح لمستغانم ومنوليش حتى تدهر النتيجة انشاء الله نكونو من الاوائل نتاع الباك

[BENNOUR]

انا غي نكمل نبدا الخدما ونتفرجو المونديال او مورا ال 5جويلة النتائج

ثم تبان الا نروحو للبحر ولا لا