القرنطيطة

[ع.أسامة18]

القرنطيطة

مقدمة من يوسف - الجزائر

الكمية تكفي: صينية 90*50 مدة الطهي: 15 دقيقة مدة التحضير: 5 دقائق


طبق من إسبانيا. هية أكلة شعبية جزائرية كثيرة الطلب خاصة في الأحياء الشعبية للثمن المنخفض


المقادير
2 بيض
كوب زيت
1 كيلوغرام (6 كوب) حمص مرحية
5 بوصات ملح
5 لتر (20 كوب) ماء


الطريقة
نحضر الصينية بالمسح بالزيت. .1
لدلو من الماء 5 لتر نضف الزيت والبيض والملح. .2
نخلط جيداً ثم نضيف الحمص المرحية ونخلط جيداً بواسطة الفوي اليدوي. .3
ثم نضعها في الفرن حرارثه 280 درجة (150 درجة من الأسفل. و300 درجة من الأعلى) لمدة 15 دقيقة حتي تتحمر من الأعلى. .4
نخرجها وبصحة.ملاحظة من الأحسن تقديمها ساخنة. .5

[أفراح]

شوف خو أنا ما نخبيش عليكم غير نحب ناكلها وتضرب في راسي نحبط للبيتزيريا تاع الحومة وناكلها سخونة ونااااااااااااادرا وين نطيبوها فالدار بصح يكذب عليك اللي يقلك تاع الدار خير يعطيك الصحة

[imad cabiste]

وشيهيا القرنطيطة هذي نسمع بيها بصح جامي شفتها

[fahim_jp]

شكرا لك على الوجبة الشعبية

[samyr-68]

واش تعني القرنطيطة واشي هي حنا ناس باتنة ما نعرفوهاش

[red moon]

thanksssssssssssss

[برايجي34]

مشهورين بيها ولاد البرج

[موح الحراشي]

القرنطيطة رائعة
ههه
خاصة في فصل الشتاء
نديروها ساعات في الدار
وكاين محلات خاصة تخدمها مليح
ساعات صح كيما قال الاخ الواحد تحكملو عليها،وكاين لي يتنقل كيلومترات عند محل مشهور بيها

[هبة الله مروى]

http://www.atyab.com/uploadscenter/uploads/b2979a051d.gif

[الحاجة سندريلا]

كاين واحد اسمو الطبة في دشرة السبيطار يخدم قرنطيطا هايلا سيوها وردولي بالخبر

[maiar]

ana dima nasm3 bs doktha w hata chaftha fi mosalsal sa3d l gat

[jaouhar]

هي من بلاد الاندلس
واصلها عربي لا اسباني
فهي لاتعرف بهم

[الاسطورة بروس لي]

كاين واحد اسمو الطبة في دشرة السبيطار يخدم قرنطيطا هايلا سيوها وردولي بالخبر

[نور الصفاء]

ممممم شهتني
الكرانتيكا حاجة شابة بزاف........
عندنا في وهران مشهورة بزاف و الثمن تاعها رخيص و تشبع غير10د برك لسندويش
وبصحتكم

[رائد النهضة]

تحياالكاران
كسكروط الزاوالية ههههههههه

[mahmoudezzine]

بسم الله الرحمن الرحيم..وصلى الله على سيدنا محمد وعلى اله وصحبه اجمعين....السلام عليكم.......بوسعي ان اشارك بمعلومة فيما يتعلق باسم كلمة كرانتيكا.......اصلها الحقيقي اسباني.....calienteما معناه الحرارة ومعروف ان في منطقتها الاصلية التي تصنع فيها وهي وهران تسمى الحامي بمعنى الحرارة ولهذا واجب ان تاكل وهي سخونة............................................. .....شهية طيبة.

[chaymoum-17]

انا نقلكم الصح نسمع بيها وجامي ذقتها مي من المقادير تاعها باين ما تعجبش؟؟؟؟ ولالا انا نعرف بلي اكلة يستهلكوها خاصة في الغرب الجزائري كيما وهران تلمسان عين تموشنت سيدي بلعباس مي هناجامي درناها ولا ذقناها مي على حساب المقادير ما تعجبش ..................الحمص من بكري نحبو ههههههههههه

[ندرومة49]

طهيها أكثر من ساعة ...مجرب

[أمـ جيجل ــال]

السلام عليكم ورحمة الله وبركاته

حكايتها حكاية هادي القرنطيطة عرفتها من عند وحدة صحبتي خوالها فالدزاير قالتلي كيفاش نخدمها ولما خدمتها ماطقتش لا أنا ولا لي فالدار نحطوها في فمنا ماعلاباليش بلاك أنا ماعرفتش نديرها بصح أول مرة آخر مرة تمين نسيتها خلاص وعمري مانعاودها بصح تبقى دكرى كل مانسمعو هادي الكلمة يولي تفكيرنا لهداك اليوم لي شبعنا فيه ضحك شهيتكم طيبة

[بنيامين]

هذي هي القرنطيطة


http://store2.up-00.com/Nov10/sYz86735.jpg (http://www.up-00.com/)



http://store2.up-00.com/Nov10/bZ986735.jpg (http://www.up-00.com/)



معروفة بـ كاسكروت الزوالية يتراوح سعرها بالرغيف بين 10 و20 دج

** كووول ياقليل **

واللي مايعرفش القرنطيطة ولا جامي سمع بيها...... باين عليه من الناس الكبار؟؟؟ مايكلش في فاست فود او هو واقف...

ياكل في restaurent بالفرشيطة والموس.....:1:

[om yaakoub]

كي كنا في الجامعة ديرنا فيها حالة مع البرد تاع بليدة خلي برك
مي انا دوركا راني عايشة في جيجل تشاهيتها ليام لي فاتو
قلبت عليها جيجل كومبلي ما لقيتهاش حتى بعتوهالي دارنا من دزاير
اختي امال و كل الجواجلة لقيت واحد البيتزيريا تبيعها في الطاهير و يخدمها مليح الي يحب يجرب
انا شخصيا نموت عليها

[salima14]

راني نايضة ندير فيها للغدى شهيتني ناكلها و للأسف ما نلقاهاش واجدة شكرااااااااااا

[النجمة القطبية]

اواه تع الدار تانى روعة
والاجمل فيها انك تديرلها اضافات مثل لحم مطحون او اضافات اخرى كالجبن مثلا تولى هايلة
كاين اللى يسموها كرنتيكا
وفى الغرب الحامى
وصراحة احسن ما تذوقته فى حياتى لما كنت صغيرة فى مدينة فى الغرب اسمها سيدى بلعباس
اسمها الحامى
ولو انى منحبهاش بزاف
لكن الحامى يذكرنى بالطفولة
شكراااااا على الموضوع

[فتـ حييةـاة]

مليحة بصح تضر فالمصران انا نخاف منها تنفخ

[hilan]

القرنطيطة مع الهريسة فوووووووووووووووووووووووووووووووور

[ع.أسامة18]

اففففف خلا بطلنا

[الواثق]

ههههه........ايه القرنطيطة خرجت رجال هههه وقت الضيق الى القرنطيطة .............ايه فكرتوني في ايمات وشحال حلوين ....................................انا طيبتها مرة حرقت البلا ضحكو عليا صحابي ذاك النهار رجع وجهي هو لي طاب ههه..........................................وصح هو كسكروت الزوالية ومنساش اجمل واحسن واروع قرنطيطة كليتها في الدويرة في العاصمة مع المحاجب سخونين ........................كان جو روعة كنت انا وصحابي شبعنا قرنطيطة وضحك ...........................واكبر كمية شريتها 25 كسكروت كانو صحابي عند البحر ونوضوني نجيبلهم الغدا .............شريتلهم قرنطيطا تاع الحي كامل صاحب المحل شبع ضحك ذاك النهار قتلو تهلا وماديرش الهريسة لايقولولي روح جيبنا الماء هههه...........................................وال له تقطعت بالضحك

[meri7]

merci bcp
j'aime bien garantita

[terminateur]

زبدة الفقراء القرنطيطة

[الجليس الصلح]

كسكروط الزوالية

[jackin]

شكرا لك على الوجبة الشعبية