أرقام المنتخب الجزائري تنطق بالحق...

[hamid78]

السلام عليكم................
عيب عليك يا مشرف ان تحذف الموضوع بدون سبب لمجرد انها الحقيقة المرة التي تخفونها على انفسكم ....
منذ أول مباراة في انغولا سجل المنتخب الجزائري 4 أهداف فقط وتلقت شباكه 17 هدف ؟؟؟؟؟؟؟؟؟؟؟؟؟
هل هذا منتخب تعولون عليه ان يفعل شيء في المونديال الكرة ارقام وفقط ليست عاطفة كاذبة ...
أتمنى منكم عدم حذف الموضوع ان كنتم تحترمون انفسكم فعلا.

[ريم13]

متخممش خويا حتى ولو حذفوه فالشعب راه عارف انو ماعندناش ايكيب روح تفرج دروك فالماتش تع السعودية واسبانيا وواش راها دايرة السعودية متعادلين 2_2 شفت كيفاش اللعب ؟؟ هي مراحش تلعب فالمونديال بصح عندهم ايكيب

[hamid78]

متخممش خويا حتى ولو حذفوه فالشعب راه عارف انو ماعندناش ايكيب روح تفرج دروك فالماتش تع السعودية واسبانيا وواش راها دايرة السعودية متعادلين 2_2 شفت كيفاش اللعب ؟؟ هي مراحش تلعب فالمونديال بصح عندهم ايكيب

شكرا على الرد نعم لقد رأيت الهدف الاول للسعودية فعلا فريق محترم وقوي مع ان اسبانيا بكل نجومها ..
يا أخي المشكل في التسير نعم الحمد لله الجزائر لديها مواهب كثيرة لكن مهمشة يأتون بناس لا نعرف اصلهم ويلبسونهم الالوان الوطنية ويعطوهم الملايير ومن ثم ينهزمون في كل المقابلات ويا ريت الانهزام فقط كل منتخب ينهزم لكن اين الفريق لا ارى سوى عباد في البلعب يجرون ....................

[kaouha]

عندك الحق خويا

[taha abdou]

متخممش خويا حتى ولو حذفوه فالشعب راه عارف انو ماعندناش ايكيب روح تفرج دروك فالماتش تع السعودية واسبانيا وواش راها دايرة السعودية متعادلين 2_2 شفت كيفاش اللعب ؟؟ هي مراحش تلعب فالمونديال بصح عندهم ايكيب

انا معاكم في كل الي اتقلوه.بالنسبة للسعودية عليها ان تضع كل ثقلها في المقابلة للتعويض من جهة اخرى فريقنا موراش كل معندو.ومن جهةاخرى المقابلة لم تكن سوى تحضير ومحاولة ادماج الجدد.اما فريقنا هذا هو حبينا والل نقعدو .لو نرجع قليلا للوراء لم نكن رجو منه ما وصل اليه فوصوله لهذا المستوى انجاز في حد ذاته.فلنشجعه وننتظر منه المزيد الى الامام.هو كالطفل الصغير هذا واين جا للدنيا وراه يتعلم

[⋟صقر☬الأندلس⋞]

السلام عليكم ، مباراة منتخب المملكة العربية السعودية مع اسبانيا و التي انتهت منذ قليل بنتيجة 3 أهداف لهدفين لصالح اسبانيا ؛ مباراة روعة ، لا تقارن بمباراة منتخبنا بالأمس .

[BACHOUL]

هدا هو احنا نهار نربحو نمدحوا ونهار نخسروا ندموا عيب هدا الكلام الجزائري جزائري مهما كان اصل امو والله عيب انا واحد منالناس راني متشرف بيهم وين كنا وين عشينا

[tita_gas]

وانا معاك متشرفة بهم تحيا الجزائر

[رؤوف 1990]

شعب قاتلو العوج

[المهتم همام]

بسم الله الرحمان الرحيم وصلى الله على أشرف المرسلين

محمد صلى الله عليه وسلم 1- رانا في مونديال زكارة برك تأهلنا على حسابهم هم في البيت ونحن نتجول من بلد إلى بلد

2- عدنا إيكيب شابة ومستقبلها مزال طويل إذا ما فرحناش في مونديال نفرح في تصفيات وزيد وزيد ...

3- أنا والله ملي جاو المحترفين نتاوعنا وليت نتابع في الدوري ألماني وإيطالي و إنجليزي وإسكتلندي و اليوناني و برتغالي و الفرنسي و الاسباني ووو حتى البلغاري هههه

4- والله اللاعبين نتاوعنا ملونا الvيد كي نشوفهم يلعبوا مع أنديتهم وكلنا كنا نستانوا وشكون لي ماركا و شكون لي تأهل صح ولا مش صح

5- زيد نحن أفضل منتخب عربي من ناحية المحترفين يشرفون في كل أنحاء وينحو شوية غبينة لجاليتنا في الغربة و العلم جزائري ديما يرفرف زكارة في الغيريين

6- زيد كاين لي اشتراى كارت الجزيرة بمليون مش باه يتفرج على المونديال برك لا باه يتابع بطولات أوروبية لي راها فيهم لاعبينا
منقول



ما لا احمدوا ربي على كل شيء

وان شاء الله نتأهلوا لدور الثاني زكارة برك
1...2...3.viva l algerie

[3didou]

معظم لي لعبوا جدد ومازال متأقلموش مع طريقة لعب المنتخب الجزائري بإذن الله في المونديال رايحين تشوفو منتخب آخر . الخسارة مفيدة في مبارات ودية و ماتنساوش بلي منتخب إرلندا لا يستهان به إن شاء الله المنتخب الجزائري يظهر بشكل مشرف في المونديال وحنا ما علينا غير نشجعوه ونخلوا شيخنا سعدان يخدم في عقلوا.

[taha abdou]

اشكون الي شاف حصة اسبوع رياضة على القنات الثالثة في الندوة الصحفية الي القاها مدرب ارلندايأكد تفاءل البعض بفريقنا الوطني

[بستان الورود]

معاك يا الخضرة في الربح والخسارة ولا عزاء لكل حاقد غيور وشكرا يا شيخنا سعدان ياللي كونت منتخب من العدم ووصلت بيه لكاس العالم وهذي دفعة قوية للاهتمام بالرياضة في بلادنا ليرجع لنا جيل الثمانينات وان شاء الله خير

[fabri sido]

راك تهدر على رجلين الماعز
جدا تلعب خير منهم
مشكورررررر اخي حميد على الموضوع

[MEGHNIFIQUE]

الي مازال ما قراش لموضوع تاع لعنة المصريين تحل.....اروح يقراه.
ختي حميدة مازال راكي تهدري .مشي شغلك ويلا رانا معولين عليهم ولا لالا
متردوش عليه حاب يدير فتنة.............................................. .

[MEGHNIFIQUE]

الي مازال ما قراش لموضوع تاع لعنة المصريين تحل.....اروح يقراه.
ختي حميدة مازال راكي تهدري .مشي
شغلك ويلا رانا معولين عليهم ولا لالا
متردوش عليه حاب يدير فتنة.............................................. .

[الانسان الوفي]

والله عندك حق اخي حميد هذا هو الواقع ..............