الجزائر/ايرلندا *رايك يهمنا*

[المبتسمة 2]

واش رايكم في مستوى الفريق اليوم نقولكم الصراحة اذا بقا المستوى هكذا فالمونديال نشوفوا لخوا في عينينا كيما يقولوا ماراه خاصهم والوا ياك التربص وكان في المستوى من كل النواحي والانصار جاو حتى لعندهم واش راه ناقصهم :confused: راني خايفة من المونديال في كل مباراة نولوا نخسروا
*الله* يـــــ*سـ*تــــــــــــــ*ر ويــــ*وفــ*ق

[عبدالوهاب2009]

شح شح فيهم

[اشراقة ميمي الصبح]

ايه جايب صايفي لازم نخسرو

[mido_messi550]

ياحرام الجزائر اتدلعت من ايرلندا بجد المنتخب الجزائري قوي جدا ممكن يأخد كأس العالم ههههههههههههههه

[اشراقة ميمي الصبح]

لا اعلم لماذا المدرب متمسك بصايفي رغم ان اللاعبين الجدد احسن منه بالف مرة
اصلا واش بقالو باه يلعب 35 وان رايح يزيد

[عبدالوهاب2009]

يا خي فريق كرعين لمعيز

[pro-acid88]

هدو لي رومبلاسو خير من زاوي و رحو
فا لهجوم غزال غير ما يشقاش يلعب فا لكوب دي موند أو زيد بلعيد مكان مكان
و لي بقاو قاع عجبوني شاوشي شويا أمن في روحو و لا يخرج بزاف هدي مكان لا يديرها في لا كوب

[عبدالوهاب2009]

يا خي فريق كرعين لمعيز يا خي فريق كرعين لمعيز

[sami1700]

صايفي ++++غزال يسقط قبل ما تجيه الكرة

[المغرب سات]

بدون مجاملات
المستوى كان متوسط مع بروز كل من قديورة ولحسن وقادير وبالطبع عبدون وبودبوز
الغيابات اثرت بزاف واهداف المنافس جات بسبب اخطاء تافهة لأن اللاعبين اول مرة يلعبوا مع بعض
ان شاء الله انا مستبشر

[المبتسمة 2]

شكرا على الصراحة المعروفة عند ولاد البلاد
ملاحظة المصريون غير معنيين ليسوا نقادا ولا في المونديال

[yassine1993]

صايفي و غزال غي يمحيهم مالتشكيلة عجبوني الجدد خاصة بدبوز رائـــــــــــــــــــــــــــــــــع فالقمة





http://img687.imageshack.us/img687/7774/image5c.png

[زهرة 29]

ياناس خطونا من الهدرة العيانة
رايي هنا http://www.djelfa.info/vb/showthread.php?p=2948273#post2948273

[السمراء السوفية]

المصري واش دخلك لهذا المنتدى افهمها بالعربية مانحتاجكومش نكرهوكم مارناش اخوة ..... احنى طلبنا من الخضر التاهل على حساب الفراعنة .... وحققو طلبنا وكاس العالم واش حبو يديرو فيه يديرو

[أحلام سرمدية]

للمعلوماتية المصريون غير معنيون الموضوع عائلي الرجاء عدم التدخل

بنقد بناء لاهدام الشوط الاول كانوا في المستوى لكن بدون صايفي وغزال ومع اعتبار حبيب بلعيد لازم يطيش وكذلك شاوشي حاط روحو اكتور يعني اغتر بنفسوا وولا يخرج بزاف لازم عليه يحط لحجار في كرنيه باش يتقاال

[OUSSAMA46]

المنتخب راه امليح و بعض الناس يقول بلي راني انخرف

لا المنتخب راه بدون يبدأ راه بدون مجيد راه بدون مطمور راه بدون مغني

شكون الي سجل قدام الكوديفوار مطمور و مجيد و بوعزة كل هد الجواره راهم غيبين

و لكن انا عندي سؤال غزال واش راه باقي ليه في المنتخب هذي المقابلة 12 ولا هدف حتى نصف هدف بصح انا متاكد ان

المدب القادم بعد سعدان سوف يطرد غزال و الله غير زيايه احسن منه بالف الف الف مرة و في كاس العالم ولا هدف يتسجل و

تفكرو كلامي ولا هدف الا كان مطمور و لا جبور

و لكن منساوش سعدان هو الي دار كولش في المتخب اتفكرو 2006 و في 2005 المنتخب مكانش عندو ولا طعم و لا لاعب

امليح

بصح الله غالب المنتخب و الجزائر في القلب يلازم اندعمو المنتخب في كولش

اسامة محب الجزائر و عاشق المنتخب

[خالد الجوهري]

لازم نشوفوا فائدة منقعدوش نعلقوا بزاف
مستوى رائع للاعبيين الجدد ......... اكتشاف موهبة والحارس جديد ........... يجب تعلم من الاخطاء
1.2.3 فيفا الجيري

[zianiomar10]

حاج عيسى احسن من غزال وصايفي

[نينا الجزائرية]

شحال خسرنا مشفتش الماتش

[المبتسمة 2]

خسرنا 3/0 حنونة
وصربيا 3/0 رانا نتغلبوا غير بالثلاثة غزال عليه علامات استفهام كبيرة ولحد الان متمسك بيه سعدان :confused::confused: شكرا لكم على ارائكم ولاد بلادي

[بعيدة]

بدون تعليق

[نعيمة المشاغبة]

غزال تقوليه روبو يمشي في الستاد
زياية خير منو 100000000 مرة
تحياتي

[manel77]

ايه جايب صايفي لازم نخسرو

هههه عندك الحق زياية احق من صايفي

[djamel123]

والله لازم يتحركوا النقاد في الصحافة ومايخافوش من هجوم بعض الجزائريين عليهم
لازم يقولو رانا غلطنا في كذا وفي كذا وفي ادخال فلان وفي ابعاد علان

اذا بقينا نشكروا هاكذا ونديرو فالتبريرات الواهية رانا نروحو للتهلكة ولفضيحة مونديالية

[futur officier]

لا اعلم لماذا المدرب متمسك بصايفي رغم ان اللاعبين الجدد احسن منه بالف مرة
اصلا واش بقالو باه يلعب 35 وان رايح يزيد

لا ادري لمادا الجميع ينتقد صايفي و هل هناك بديل احسن منه وهل رايت غزال ثقيل بزاف و ديما متسلل لا اعرف لما التمسك به
المهم على حساب الشوفة باينا الفضائح في المونديال
سلام

[&أسيل&]

ربي يستر فالمونديااااااااااااااااااااااااااااااااال ..................حشومة

[المبتسمة 2]

ايه الله يستر و النقاد ما يقولوش دائما يقولوا غير كلمة حنا مع الفريق كيما كان بصح لازم نبينوا الغلط وين راه
شكرا لكم