التمنشير ..............

[zaki eleulma B]

السلام عليكم
نظن انو الموضوع باين من العنوان
بصح انا ما عرضتكمش باش تقطعو في الغاشي باسكو علابالي بلي ماشي عقليتكم
انا حبيت نسمع رايكم في الناس لي يمنشرو عايشين على التمنشير و تنقال الهدرة
تلقاهم في الحومة يحوسو غير على الاخبار تاع الناس و الغلطات تاعهم و يسناوك غير وقتاش تتحرك ولا تغلط
يعيطو لبعضاهم في البورتابل *الو ...واش ....كاش جديد...و فلان و فلان واش .......*
تهدر معاه دقيقة و مبعد غير تدور يولي يمنشر فيك
عينيهم تقول ليزر او كي تشوفوهم من التاقة تقول نينجا
ووذنيهم تقول سماعة تاع طبيب
اما لسانهم الله يبارك تقول لسان تاع لفعة
و ياما فرقو بين الاصدقاء
و بين الاصحاب
و بين الزوج و زوجته



يا ترى واش رايحين يربحوا من هذا الشي كامل ؟؟؟
كيفاش تتعاملو مع هذا النوع من الناس ؟؟
كيفاش تتعاملوا مع الاشاعات ؟؟؟

اسمحولي على استعمال اللهجة الدارجة في الموضوع و ماهذا الا ظنا مني انه سوف يكون ايصال الفكرة اسهل
ارجو تفاعلكم
و شكرا لكم مسبقا

[*أمل الجزائر*]

ماعندنا واش نقولو فيهم غير ربي يهدي
رغم انني أنثى ولكن نقولها ..............النساء أكثر تمنشير ونقل الأخبار.............ربي يستر
ولي كيفهم نعاملوه قد عقليتو

[سومية1]

كاين لي يمنشرو بالدرgة....هادوك باينين و منهم بزاف كاينين... بصح انا لي يقلقوني كتر هادوك لي ينمشرو فيك قدامك....دايرين في بالهم مراكش تسمع...... الله يهدي برك........

[zaki eleulma B]

امين يا رب العالمين

شكرا على مروركم و صراحتكم

[اشراقة ميمي الصبح]

الله يهديهم

[asma1856]

نقولكم الحق ماكنش امرة ما تمنشرش قع ينمشروا

[سومية1]

مي كاين الرجال لي يمنشرو كتر من النسا و متقوليش لالا......

[zaki eleulma B]

خخخخخخخخخخخخخ

علابالي مام حنا الرجال راه معاك و راه كونترك

انا صراتلي شحال من خطرة نتلاقا واحد نحكي معاه

و مبعد نتفرقو يزيد يتلاقا مع واحد اخر صاحبنا

يبدا يمنشر ديراكت فيا و انا هاذاك وين تفارقنا

ايا لوخر يرفد التليفون و يعيطليي يقلي هاو واش قال عليك كلش

ربي يهدينا كامل ان شاء الله

[asma1856]

ربي يهديناااااااا كامل

[bilel b93]

يا خويا زاكي ماشي من عادتي نمنشر و انت مشكور على الموضوع بصح بغيت نقول برك بلي الشناوة كلاو قاع القطوط قي عنابة ماقل وحدة راهي في الطريق...........................

[zaki eleulma B]

خخخخخخخخخخخخخ

مام حنا في العلمة و الله غير كان عندي قط سياموا خطفوه و الله ما لقيتوا

و قيلا داروه روطي فالكوشة خخخخخخخخخخ

علابالك حنا الشناوة توالنا بالملايين خخخخخخخخخخخ

[لؤلؤة الجنان]

و الله ربي يستر من التمنشير لي راهو عند الصغير و الكبير
عادت موضة العصر
و في هاد الحالة و الله ما عندك مادير غير نطلبو الهداية

[zaki eleulma B]

امين ان شاء الله من فمك لربي

و شكرا على تصفحك

[floritta]

اللي فيه طبع ما ينطبع
الله يهدينا

[asmar&zizo]

اللي فيه عاده ما ينساها.التمنشير هو مرض نفسي كاين ناس لوكان مايمنشروش مايتهناوش و التمنشير اصعب و ابخث حاجة خصوصا يلا كان كذب في كذب ياو لوكان بصح معليش المشكل يلا كان كذب........المهم الله يبعد علينا و عليكم الناس اللي كيما هكذا و ربي يهديهم و الله يشااااااااااافييييييهم
شكرا على الموضوع اللي لوكان نبداو ناقشو فيه نباتو هنا و مانكملوش

[*أمل الجزائر*]

من شب على شيء شاب عليه

[العلم حياتي]

باين قلبك خارج خويا
بالنسبة ليا انا ما نحبش نتعامل مع هذا النوع
مثلا كنعود مريحة مع صحاباتي مثلا وكيبداو يمنشرو نزليهم عيني عينك وضرك كامل حباباتي علابالهم بيا ما نحبش التمنشير وعلى هاذي ما يهدروش على الناس قدامي و الحمد لله ما زال كاين ناس ملاح
تقبل مروري