طالبة 2 ثانوي تسال نصيحة

[darknight]

انا هذه السنة الثانية ثانوي لم ادرس كثيرا بسبب ظروف خاصة الحمد لله انها انتهت اريد ان اسالكم هل تعتقدون اني بالامكان ان اعود الى مستوى جيد اذا درست بجدية السنة المقبلة ان شاء الله ام ان الاوان قد فات

[darknight]

انا فعلا احتاج الى النصيحة فلا تبخلوني بها

[طالبة العلم 18]

لا تقلق أخي الكريم ....
بامكانك العودة الى مستوى جيد بل جيد جدًا اذا توفرت الارادة و الاجتهاد ....
اعرف الكثير من التلاميذ لم يدرسو السنة الثانية جيدًا و نجحوا بصعوبة كبيرة لكن الىن انقلب كل شيء ...
عملوا بجد و كد و تحسن مستواهم كثيرًا ....

[زهرة2010]

تستطيعين إدراك مافاتك بقليل من الجد والصبر

[darknight]

شكرااااا
انا فتاة وقد اسعدتني جدا انا كنت خائفة لان الجميع كان يقول لي السنة الثانية هي اساس البكالوريا ومن لم يدرس بها ضاع الباك

[أسامة حمزة]

أنا انصحك بالاجتهاد وستعودين الى مستواك المعهود ما عليك سوى بالاجتهاد وان نجحت الى البكالوريا انصحك بالتحضير مند بداية العام الدراسي ولا تتنتضري الاشهر الاخيرة للتحضير

[darknight]

انا معدلي كان 14 وصار 12 والان اسوا لكني باذن الله طبعا ناجحة
وهناك من اخبرني بان علي الدراسة في فصل الصيف لكني لا اعرف لان البعض يقول اعيدي دروس سنة2 ثانوي والبعض الاخر يقول حضري دروس الباك

[sidou10]

شوف اختي اسمع ليا مليح واديها من عندي نصيحة مجانية

انا نقولك حاجة ما تخافيش وما تتقلقيش هذا الباك ماشي غول ماكان والو والله غير ساهل

برك انا نقولك في هاذي الصيف ما تقرايش بزاف استريحي لكي تبدأي العام بنشاط

اما بالنسبة باش تبداي دروس الباك في الصيف غير هاذي النصيحة ماتديريش بيها

انا نقولك راجعي دروس الرياضيات والفيزياء نتاع السنة 2 ثانوي وحاولي تفهميهم

هذا ماكان مي الشي لاخر نتاع الدروس ما تقراي والو راهم ماشي مرتبطين بالباك

وعند بداية الدراسة العام الجاي ركزي مليح فالقسم وحاولي تبداي تقراي من الاول وماتخليش حتى الاخير

على الاقل ساعة كل يوم وحداري ان تدرسي كثيرا من البداية وتجهدين نفسك لان ذلك سيضرك اكثر مما ينفعك

لانك ستصيبين بالارهاق والتعب ولا تستطعين مجاراة العام.

تحياتي وتمنياتي لك بالنجاح

لا تنساني بدعائك لي بالنجاخ في البكالوريا..........

اخوك سيدو

[sidou10]

بالتوفيق....................................

[darknight]

شكرا والله نصائحك ممتازة وانا فتاة مش ولد وان شاء الله ربي ينجحك وينجح كل لي يستاهلو

[زهرة2010]

أنصحك يا أختي بأن تتخلصي من الخوف فهده المراحل أو الحالات قد يتعرض لها أي إنسان
فأنا في السنة الثانية تحصلت على معدل 09 في كلا الفصلين ولكن في الفصل الثاني تحصلت على12 وها أنا مقبلة على شهادة البكالوريا
واحدري بأن تضغطي على نفسك كثيرا وارتاحي هدا الصيف وابدئي عامك الدراسي بجد وتفائل مع تمنياتي لك بالنجاح والحصول على
الباك ومتخميش شدة وتزول
ماتنسايش ادعيلنا معاك باه نجيبو الباك

[darknight]

صحيح ضغطت على نفسي كثيرا ايام الاختبارات فصرت عند الاختبار افزع ولا استطيع الاجابة مع اني فاهمة للدرس جيدا

[darknight]

شكرا على الرد اختاه

[hicham91]

هههههههههههههه

هذا بالضبط واش صارلي العام لفات
هبطت بـ 3 نقاط... كنت لاعلاقة بالقراية
هذا العام الحمد لله راني لاباس

كل ما عليك هو الاجتهاد دون التكليف والجهد الزائد

[darknight]

قداه جيت ضرك

[رشاد]

انا نعطيك نصيحة
أبداي تقراي ملول أي في سبتمبر وما دريش غلطت حياتك كيما انيا سنيت حتى ماي وبديت نقرى راني حاصل

[darknight]

ان شاء الله ربي يوفقكم

[mohamed1112]

امين يا رب العالمين قاع ماتخافيش ويلا من ذرك درتي الخوف في قلبك راها ماتسلكش شوفي الصيف فوتيه بلا ما تخمي و العام الجاي من اول نهار حطي هدف قدام عينيك متلا يلا راكي باغية تجيبي 13 مثال اقراي و قولي لي جابها مشي احسن مني وهو ولد 9 اشهر كيفي انا
ركزي في البداية على الرياضيات و الفيزياء هوما الصح و مهما تقرايهم تحسي روحك مازال هذا لا يعني اني نقولك اهملي المواد الادبية لا
انا متلا من نهار سبتمبر و انا نقرا غير فيهم و المواد الادبية نقراهم غير في القسم و نراجعهم ايام الاختبارات او الفروض فقط و في بداية شهر ماي بديت نحفظ و حبست حل المواد الادبية يعني بعد 7 اشهر او اكتر يوميا نحل تمارين اما رياضيات اما فيزياء و الحمد لله راني دايرة ثقة في ربي و نفسي و متوكلة عليه و باذنه ينجحنا قادر يا كريم
قاع ماتخافيش لان الخوف والله يطيح المرال و ما توليش قادرة تراجعي تولي داخلتها غير تخمام
هذه النصيحة من اختكي حورية ربي يوفقك انشاء الله

[darknight]

شكرااااااا اميييييين والله انا كان المورال هابط خلاص بصح بعد ما قريت خلاص بربي ان شاء الله نرجع لمستواي

[tasnim2009]

السلام عليكم
انا ايضا في السنة ال2 تانوي ماكانت عندي لاظروف ولا والو لكن القراية كانت صعيبة لكن السنة الثالثة ثانوي والله اسهل من السنة الثانية ودروسها غير معقدة فمثلا العام الماضي لم افهم الرياضيات اما هدا العام الحمد لله
ربي انشاء الله ييسر لك الامور و ينجحك يارب ادعيلي للباك
اختك وصديقتك تسنيم

[darknight]

امين انا والله كانت عندي ظروف بدليل اني في الاول جبت 14 بس نبعد .......

[youcef_99]

انا العام الماضي (اعوذ بالله من كلمة انا) تحصلت على معدلات 8.5 و9 و11 العام لي فات ما كنتش قع نقرا ولا نحوس على القرايا
وصلت للباك بديت نشعر بالمسؤولية وبديت نقرا لقيت روحي مع الممتازين نتاع القسم ولقيت روحي انا نفهم فيهم
بصح تعبت بزاف . وما رقدتش يامات , وشحال من نهار قريب راسي تترتق من تمرين رياضيات
لكن الحمد الله لي كتبهالنا ربي في البا ك . نجيبوا الباك ولا من جيبوهش قع ما نتقلقش
لاني عارف روحي بلي تعبت ... وان شاء الله انتي تولي من الممتازين نتاع القسم
بصح بالتحضير الجيد والحس بالمسؤولية ... ما يكذيش عليك الي يقولك دوزيام هي الصح
عندي صحابي واحد جامي قرا... ولا هو القراي نتاع القسم..... وواحد كان هو القراي سمح في هذا العام طاحت بيه
والله ما راني نكذب بيك
اتوكلي على ربي ولا قدرتي تقراي في الصيف انا ننصحك بالمواد الادبية ... فرنسية ... انجليزية ... باش ما يعيقوكش في الباك

[darknight]

راك فرحتني بزاااااااف شكرااااااااا خلاص انا بريبي ان شاء الله العام الجاي نرجع لمستواي حابه نسقسيك قداه انت ديب درك وصاحبك هذاك قداه كان يجيب وقداه درك ولى يجيب

[dr sou]

انا ثاني ندرس ثانية ثانوي شعبة مات وعندي نفس المشكل تاع الاخت ارجو ان تفيدونا

[youcef_99]

شوفي اختي هذاك صاحبي كان يدي 13 معدل و الطفل الاخر غير نحلفلك بلي كان قريب يعاود العام ....
بصح سبحان الله مغير الاحوال ... انتي اتهلاي اقراي الرياضيات مليح والفيزياء وما تنسايش العلوم
يصح فالصيف اقراي المواد الادبية اقراي للتثقف في هذه المواد ... فرنسية ... انجليزية ... ادي منهم مصطلحات و اتعلمي كيفاش تعبري ..
علابالي بلي لبنات تخرج عليهم المواد الادبية ... وما تخافيش من الرياضيات والله غير ساهلة ... ماديريش على
صحاباتك واقراي وحدك ...باذن الله نلقاك العام الجاي جايبة الباك على قد ما تمنيتي .
الصح في القرايا انك تفهمي الدروس وما تخليهمش يفوتوك مشي الصح انك تسهري حت ل12
ولا تحلي التمارين بزاف .. والله ما كان والو ... متخليش الدروس تتراكم عليك برك هذا ماكان
انت ادعيلنا نجيبوا الباك بمعدل مليح .. ومبعد تجي دالتك

[darknight]

:1::1::1::1::1::1:ان شاء الله تديو الباك بمعدل مليح وحنا خير عليكم نتمصخر برك

[سنة4]

نعم تستطيعي ان تحسني في مستواك لكن بالجد والمثابرة

[kader7989]

ختي darknight السنة الثالثة حسب ما قال لي الاستاذ نتاع الرياضيات نتاعنا فيها الكتير من الاعادة و المراجعة للسنة الثانية ...........سنرى اشيا قليلة جديدة فقط ........... لذا ربي يوفقنا نشاله العام الجاي
merci

[darknight]

هذه هي المشكلة احنا ماقريناش معظم دروس سنة 2 ثانوي في الرياضيا ت ويلي قريناهم كتين يلي مانيش فاهمتو مليح