استاذي يسرع في شرح الدرس وانا لا استوعب

[رفيق حليش]

الفيزياء مادة مهمة كثيرا بالنسبة لنا نحن العلميين وفهمها يتطلب مني مجهودا كبيرا اذ انها اصبحت تستولي على اغلب اوقات المراجعة . استاذ المادة الخاص بي يسرع كثيرا في شرح الدرس وانا بصراحة لا استطيع التركيز في مثل هذه الظروف .
فما العمل ؟ هل من نصائح؟

[alouani]

الدروس التدعيمية أو قولي له بأنك تسرع و أنا لا أطيق بينك و بينه بأدب و إخترام و إن لم تفهي شيئا أوقفيه لأنه بالعامية راه يخلص !!

[~ عَـآصـفه ~]

للأسف هذا هو حالنا جميعا نعن ، أنهينا مجال الظواهر الكهربائية + مجال الظواهر الضوئية في ظرف أسبوعين !!!!!!!!!
أما في الرياضيات فأصبحنا ننهي الوحدة في أسبوع واحد ( تتغيب أستاذتنا ساعتين و تبقى ثلاث ساعات ننهيها في كتابة الدرس ثم تكتب تمرينا على السبورة و تكتب حله أسفله ) و كي نغيضوها تجي و تقولنا " فهمتوووووووو ؟؟؟؟؟؟ " و تروح بلا ما تستنى الإجابة

شا نقول ربي وكيلهم

بالنسبة لــ " ما العمل ؟؟؟؟ " نقولك اعتمدي على نفسك في فهم الدروس من الكتاب أو استعيني بالدروس الخصوصية ، لأن هذه الدروس مهمة للسنة القادمة


بالتوفيق لكم جميعا

[loujayne.r]

هذا حالنا كـامل

المات درس في اقل من اسبوع . استاذنا يمدلنا ليبوليكوب ويقراهملنا تقول منعرفوش نقراو

درنا الحساب المثلثي والهندسة الفضائية والاحتمالات والجداء السلمي في اقل من شهر (الجداء السلمي في نهار واحد قريناه )


وفالفيزيك كثرت علينا المعلومات سيرتو فالكمياء . ماناش كامل نشدو
والله غي تعبنا

ظلمونا بالاضراب
الله يكون في عوننا

[الهام الحياة]

راكم خير منا يا جماعة
احنا عندنا استادة الفيزياء ديما نصلحولها الدرس
تعكم على الاقل يعفو حاجة في الفيزياء
المهم انا الحمد لله لقيت استاد قاوي في الفيزياء و درت عندو ليكور ... دروس خصوصية...
المعلمين كامل و لاو يزربو في الشرح تع الدروس
ربي يستر العام الجاي

[header_man]

والله أنا قاعد غي نكتب مانفهم والو لأن الاستاذ يشرح ويكتب في نفس الوقت

[SEMESIM]

للاسف كلنا اصبحنا نعاني من نفس المشكلة لكن انصحك بالدروس الخصوصية لانني استفدت منها كثيرا واستاذ تع الفيزياء نوكل عليه ربي

[مريم 19]

روح اشكي للادارة حنا شكينا جبنا اباءنا بدلولنا استاذة الانجليزية في يومين

[ياسرون الجزائري]

سجلو الدرس في mp3 و فالدار عاودوه بالعرض البطيء

[ياسرون الجزائري]

حل التمارين في المنزل يجعلكم تستوعبون بسرعة
فحل التمارين حل التمارين

[yassine1993]

يا خويا هدي هي حالنا قاع تأمن عنا 4 ساعات في الاسبوع ايمالا في ظرف الاسبوعين الماضيين كملنا كل كــــــــــــــــــــــــل دروس الكيمياء الكل..................... الأكسدة والارجاع الاحماض و الاسس و المشكل قاع الكبير الكيمياء العضوية راهم يعجلونا ودارونا فرض الحمد لله سلكت بشعرة ديت 10/20 وهادو هوما الدروس اللوالا في التارمينال . لمن نشكو.............................................. .........

[aamin]

هكذا هو الحال عندنا و أنا لا أفهم شيئا و خاصة درس الكيمياء العضوية وجدته صعب الفهم لأن الأستاد مر عليها مرار الكرام