الشادلي مظلوم وزياية ليس بمهبول والشعب ليس بمجنون

[ziaddz2300]

السلام عليكم ورحمة من الله وبركاته

موضوعي اليوم هو كلام نابع من القلب والجوارح وانتقاد لما هو حاصل وموجود
بعد اعلان القائمة واعلان اللاعبين المطلب منهم الحضور لتربص سويسرا
وكلام باللغة والدارجة بسبب الانفعال والغضب والجنون
اعذروني كلامي وموضوعي لا يمثل وصفي
بل يمثل مشاعري الحالية والمتألمة
الشادلي العمري المظلووووووووووم

شادلي العمري الي راه يشارك اكثر من زياني ، وكي يدخل يدير حاجة ، يلعب جيدا وزيد ولا يلعب
جوكير و نضيف شيء آخر مع سعدان مازال مشفتش الشادلي في لكيب ناسيونال يلعب ، شفناه جا
كونتر صربيا وقعد مع ليغاريطا ما دخل ما لعب ما شفناه والخلاصة انه جا من المانيا لدزاير للتحواس ؟؟؟
وامبعد خرجنا الشيخ وقالك الحمى طلعتلو ل 40 ؟؟؟
يا لطـــــيف واش الشيخ امبالك منعرفوش السيد كيفاه طلعتلو الحمى وكان مع البدلاء ؟؟
ايا سيدي الماتش هذاك جاز هذي المرة علاش معيطتلوش ؟؟؟
تقول نقص منافسة نقولك زياني ومقني اكثر منو مي الظلم علاه ؟؟؟
علاش الظلم ؟؟ اللاعب عاقل مقال والو كي ملعبش كونتر صربيا تقولو عندنا بزاف في
الوسط بصح ماعليش نشوفو الشادلي جوار مليح شفناه في 2008 لاعب عاقل بزاف ويلعب رزين وكيما زياني
زياية ماشي مهبوووول
انتوما سمعتو جوار يقولولو ارواح للتربص ولا نجحت ايا مبروك عليك المشاركة في
المونديال وقال لالا من الموحال بالطبع يرفض ، اليوم الصحافة وسعدان قالك زياية يفجر قنبلة
ويرفض الحضور مممم علاش الكذب على الشعب دجا البارح لموشية هفيتونا اليوم حبيتو كيف كيف ، زياية
قالولو راك احتياطي في التربص يعني متجيش تحضر باش تشارك ولكن ضمن قائمة 5 لاعبين الي يقعدو للضرورة زياية
انسان وياكلو قلبو ماشي موحال يقول انا الي جبدت واش عندي مع جدة وراني ندير كلش وفي الكان صبرت وعفست على
قلبي وشفت غزال دايما توتيلار ميماركيش وانا كالتني الغاريطا وملعبتش في وقت مليح ومعطاوليش
الفرصة وقالو عليا عيان وذك يكافئني هكذا ؟؟؟ هذا هو الجزاء ورد الاعتبار ؟؟
صايفي 35 سنة والو مبقالوش يجي يعتزل في جنوب افريقيا وانا نبقى
اضطراري ليه علاش خرمني علاش هو واش يكون ؟؟؟
انا كرهت البريكولاج يا نجي نتربص يا منجيش وسعدان
جاتو على قلبو sur ويكون رد عليه حتى انا كنت نستنا فيها متجيش ايا رورواة راو قال ما نجيش ، رورواة
للصحافة زياية قال منجيش الصحافة للشعب زياية قال منجيش ههه
الشعب ماشي مريض حتى يصدق هذي الخرافات
واش حسبتو الشعب مهبول ومريض قولو واش تحبو وسايي صدقنا وآمنا بما قلتم وتكلمتم مكفاش كذبتو علينا على
لموشية ذك سايي مكانش الصدق بيناتنا ، والزمن طويل ويكشف الحقيقة ومتغطوش الشمس بالغربال
ياو بان الصح وبان كلش مع سعدان لا انضباط وكاين شواكر في لكيب ناسيونال يهدرو
ويحكمو وكاين حاجات في الكواليس لا نعلمها هي في الخفاء وما عدم تغيير منصوري
في كل اللقاءات الا دليل على صدقي ومشاركة عنتر وهو مصاب في الكان واين
في الرواق الايمن لمبارتين وتسببه بالأهداف والعيفاوي الاحسن في دور
المجموعات بقي بديلا لانه محلي آآآآآخخخخ
وغزال 6 مقابلات بدون اهداف وزياية
بديل لا يلعب الا عند انتهاء اللقاء
6 في محور الدفاع و3 في الهجوم !!!!!
ياخي امبالك بلي رانا نعانو من العقم الهجومي و4 اهداف فقط طول 6 مقابلات بالكان
علاش جايب 3 مهاجمين فقط واحد صريح فقط وهو جبور والثاني غزال عقيم واصبح يلعب مسترجع واحيانا كظهير
والثالث شيخ لم يبقى له سوى توديع الملاعب في بلد الفوفوزيلا بالسود دافريك
و 6 في المحور ؟؟؟؟ علاش عندنا يحي وبوقرة وحليش ونقولو العيفاوي ظهير ايمن ومحوري
علاش التكثار والزيادة علاش متجيبش ظهير ايمن وتسييه مثل شاقوري او بوزيد ولا حاب تقول
عنتر يولي 2 ههه حاب تعيد ذكريات مجادي ضد البرازيل في 1986
ولا تديرنا مشكل وخلل كيما درت في 2004 مع ماموني براسو وخليه
ولا حاب تدير مطمور 2 ولا العيفاوي هذي حاجة مليحة ولكن يلزم تدعيم
انا نعرف أفضل وسيلة للدفاع هي الهجوم فلماذا 6 لاعبين وتزيد تعمر غير ليكيب والبلايص
جلابي زرابي بوزيد فراج الله يبارك gاع معمرولكش العين ياخي علابالك بلي مصباح يلعب مليح في الوسط ماشي 3
وجلابي راه شيكور مع اونجي في دوزيام ليغ بفرنسا وزرابي مليح من بكري وبوزيد بلا منهدر متعدد المناصب يصلح لمواجهة الانجليز
منقول

[samira 1993]

اظن ان الموضوع منقول سبحان الله منذ دقيقتين كنت قد قراته في منتدي كورة جزائرية ..المهم شكرا اخي بارك الله فيك
و تبقي مشكلة زيايا تحير الجميع

[zarmilone]

لن اشجع منتخب صايفي ومنصوري و تحيا رووووووووووووووووووووووني:19:

[geogeo]

يا زياد يا نقال يا مشاغب ادهب واكتب في منتدي الاطفال احسن لك

الموضوع منقول

[zarmilone]

معاك ياروني نديرو حالة:1:

[Wounded heart]

http://www.zwani.com/graphics/thank_you/images/1.gif

[رؤوف 1990]

شعب مريض ما يرضيه والو

[smail..dz]

انا لا يهمني ان كان الموضوع منقول او لا ...الذي يهمني هو بعض الحقائق التي تطرق لها هذا الموضوع والله انا ارى بان الشيخ سعدان ومع كل احترماتي له غلط في حق بعض اللاعبين وجامل البعض منهم والا كيف نفسر ابعاد بعض اللاعبين الذين هم يلعبون مع فرقهم مثل اللاعب شادلي العمري الذي هو اولى من بعض اللاعبين الجدد الذي لا يعرفون اسم الجزائر الا ماخرا وذلك بعد تاهلنا الى المونديال وزيد على ذلك ليسو احسن منه وكذلك اللاعب زياية ولموشية المحقور الكبير في المنتخب نعم انا اقر بانه ارتكب خطا كبير لا يغتفر ولكن بالله عليكم اليس اجحافا في حقه فاللاعب لعب معظم المقابلات التصفاوية وساهم بقسط كبير في التاهل وثم يستدعى بعض اللاعبين في مكانه ومنهم هؤلاء اللاعبي ليسو كبار او نجوم عالميين بل لم تطأ اقدامهم الجزائر ابدا.وانا اخاف ان تتبعنا الاخفاق من دعوته... والشيء الاخر السي سعدان مزال يخدم بالعاطفة مع بعض اللاعبين مثل مغني مراد الذي لا يختلف عليه اثنان على انه لاعب كبير يتمتع بامكانيات فنية لاباس بها ... ولكن كيف له ان يستدعي وهو لم يلعب منذ كاس افريقيا وعاد مؤخرا من الاصابة وزيد وزيد ... والشيء الذي حيرني في السي سعدان انه مرارا قال بان مشكل الفريق الوطني يكمن في الهجوم وعندما ترى قائمته تحتوي على ثلاثة لاعبين تستغرب كثيرا المهم انا لست هنا لانقد المدرب ولكن بعض الامور تخلي الواحد يعبر عن وجهة نظره خوفا من التبهدايل لان الفريق الوطني ملك للجميع وانا اتكلم من منطلق حبي وعشقي لمنتخبنا الوطني فقط

[محمد مولاي]

انتم تدافعون عن لموشية ولا تدافعون عن سعدان ...
اود ان اسال اي واحد فيكم : ماذا قال لموشية بعد ابعاده من كأس افريقيا .. ألم يقل بأن مشاكل عائلية هي الشب وتحجج بأن اخته مريضة ؟؟؟؟ ألم يقل هذا لتحسين وتلميع صورته امام الشعب الجزائري ؟؟ ولا راني غالط
خلوا سعدان يخدم .... راه عارف واش يدير
أما زياية فحسب جريدة الخبر هو من طلب الإعفاء ولا أدري ما السبب .... للعلم زياية اللي راهو خالعكم يلعب في البطولة السعودية وكامل نعرفوا مستوى البطولات في الخليج مع كل احتراماتي

[toti]

الفريق ا لوطني فريق الجميع و يجب احترام قررات الشيخ سعدان و ليس انت من تتكلم باسم الشعب رأيك يخصك وحدك
كما يجب أن نرتقي لمستوى الحوار و لا نكون سوقيين
نصيحة على كل أحد أن يعمل في اختصاصه المهندس مهندس والبناء بناء

[etoile filante]

زياني مدلل سعدان
صايفي شيكور ليكيب
منصوري الملك و بيده التشكيلة .
النجليز سيكشفون كل مؤامرة على راس المنتخب .
الغلطة في الشعب الذي يهتف معاك يا سعدان . نوليوا نقولو معاك يا منصوري و نجيب لاكوب صواري

[ياسمين الجزائر]

زياني مدلل سعدان
صايفي شيكور ليكيب
منصوري الملك و بيده التشكيلة .
النجليز سيكشفون كل مؤامرة على راس المنتخب .
الغلطة في الشعب الذي يهتف معاك يا سعدان . نوليوا نقولو معاك يا منصوري و نجيب لاكوب صواري

زياني المدلل و صافي الشيكور و منصوري و يبدة هم من تعرضو لضرب و السب و تحملو كل التعب و رجعو الى الجزائر

ببطاقة التاهل

و الا ن اصبح الكل يعرف في التدريب و الكل حط نفسو في مكان سعدان و الكل اصبح يريد ان يختار من يشارك

و الله اصبحت فوظه ربي معك يا سعدان

[ياسمين الجزائر]

الفريق ا لوطني فريق الجميع و يجب احترام قررات الشيخ سعدان و ليس انت من تتكلم باسم الشعب رأيك يخصك وحدك
كما يجب أن نرتقي لمستوى الحوار و لا نكون سوقيين
نصيحة على كل أحد أن يعمل في اختصاصه المهندس مهندس والبناء بناء


يعطيك الصحة و هذا هو الكلام

تحياتي

[bes86]

انتم تدافعون عن لموشية ولا تدافعون عن سعدان ...
اود ان اسال اي واحد فيكم : ماذا قال لموشية بعد ابعاده من كأس افريقيا .. ألم يقل بأن مشاكل عائلية هي الشب وتحجج بأن اخته مريضة ؟؟؟؟ ألم يقل هذا لتحسين وتلميع صورته امام الشعب الجزائري ؟؟ ولا راني غالط
خلوا سعدان يخدم .... راه عارف واش يدير
أما زياية فحسب جريدة الخبر هو من طلب الإعفاء ولا أدري ما السبب .... للعلم زياية اللي راهو خالعكم يلعب في البطولة السعودية وكامل نعرفوا مستوى البطولات في الخليج مع كل احتراماتي

عندك الحق خويا و راني معاك 100 ب 100
لي راه يدافع على لموشية ما علابالوش بلي راه قلل من احترام المدرب لازم يتعاقب
و زياية راه رفض كان جات الهدرة لي قالها سعدان كذب و علاش ما هدرش زياية راه غير يتهرب
سعدان راه علابالو واش يدير و راه قالها بلي يتحمل المسؤولية لازم نخليوه يخدم

[bes86]

الفريق ا لوطني فريق الجميع و يجب احترام قررات الشيخ سعدان و ليس انت من تتكلم باسم الشعب رأيك يخصك وحدك
كما يجب أن نرتقي لمستوى الحوار و لا نكون سوقيين
نصيحة على كل أحد أن يعمل في اختصاصه المهندس مهندس والبناء بناء

عندك الحق هذه الهدرة سعدان راه يعرف واش يدير لازم نخليوه يخدم و نشوفو النتائج
و رانا كامل مع سعدان و مع المنتخب

[bes86]

زياني المدلل و صافي الشيكور و منصوري و يبدة هم من تعرضو لضرب و السب و تحملو كل التعب و رجعو الى الجزائر

ببطاقة التاهل

و الا ن اصبح الكل يعرف في التدريب و الكل حط نفسو في مكان سعدان و الكل اصبح يريد ان يختار من يشارك

و الله اصبحت فوظه ربي معك يا سعدان

عندك الحق ولاو الناس كامل ينتاقدو
ربي يكون في عون سعدان باش نوقفو معاه و لا دارولو ضغط كبير و الله بزاااف عليه

[samira 1993]

ليس من حقتا التدخل في صلاحيات المدرب ..لكن مانتمناه هو تحقيق نتائج ايجابية ونفرح كي زمان
شكرا لك اخ زياد بارك الله فيك

[بوعلام العاصمي]

سلام عليكم يعطيه الصحه الشيخ رابح سعدان تشكيله فلققمة
ممكن يستهل يلعب شادلي لكن هو ادرى بالفريق اي الشيخ سعدان

[ياسمين الجزائر]

اطلب من كل الجزائريين الا فعلا يحبو الجزائر و المنتخب الوطني عن نتوقف الان على الكلام .

و نقف مع بعض يد وحدة مثل ايام زمان و ندعو من الله ان يوفق المنتخب و يظهر بصورة مليحه تشرفنا احنا الجزائريين قبل اي شيء

اللهم انصر سعدان و المنتخب الوطني امين

ديما معك يا لخضرة و بأذن الله منصورة