الي عندها ماشينة صانجير

[نورهام]

:mad::1:صباح الخير عليكم انا عندي ماشينة صانجيرsangére ولكن معندهاش الطابلة يعني غير الراس :oوكاين الي قالي بالي انجم انطرز بيها وكي حوست لقيت موضوع الاخت صمت الجزائر وجدتها تتكلم على البيدال معنها الي الماشينة لازم تكون فيها الطابلة وانا السيدة الي قاتلي تقسم بالله ان عندها واحدة وغير الراس وتطرز بيها وزيد على هدا بالموطور يعني تمشي بالتريسيتي يا اخواتي ادا كان هالشي صحيح ورولي كيفاش تطرز مع العلم ان ماشينتي تكسرت اي تعطلت مرة واخدمتها وشكرا :mad::1::o:o

[ZOINA2105]

انا اختي الماشينة نتاعي كيما نتاعك بصح

بالطابلة ونطرز بيها بالبيدال

ما شفتش ماشينة نتاع البيدال تطرز بالتريسيتي

ان شاء الله تلقاي وحنا ثاني نشوف معاك

[سمية محمد عطية]

انا الماشينة انتاعى بالطابلة وفيها كذلك موتور الكهرباء لاصق من الوراء واستعمله عن الخياطةالعادية مثلا حيث انزع المطاط اللاصق بالبيدال ونركب مطاط صغير يربط الموتوربالدائرة التى على الجانب والموتور معا ه رجل واذا حبيت نطرز بالبيدال نعمل المطاط الكبير مع الدائرة الكبيرة بجانب الارجلوانزع المطاط الصغير وممكن التى ماعندهاش موتور تركب عند الخدام بسهولة اتمنى انكن فهمتوا

ملاحظة بسيطة هو انه لا يمكن الطرز بالموتور لانه يسرع كثيرا كثيرا ولا يمكن التحكم بالحركات والطرز يحب الثقل

[ZOINA2105]

معاك حق اختي وانا ايضا مثلك

انا كان ماعنديش الموتور اديتها للخدام

ركبلي موتور بصح نخيط برك بيها

كيما قلتي كان تجي تطرزي تسرع بزاف

ياريت الاخت لي قالتلك انها

تطرز بها تتفضل وتقلنا

[المتألقة]

أختي الموتور يخلي الماشينة سريعة ما تساعدكش على تعلم التطريز

بصح اللي تكون محترفة تقدر تطرز بها

ممكن أختي تستعملي رالونج فيها 110 فولط تنقص السرعة شوية

و ممكن تشريها طابلة

[نورهام]

اشكركم لمروركم وساحاول اني نشري ماشبنة بالطابلة وانشاله تعاونني باش نتعلم نطرز وجزاكم الله كل خير كي رديتو علي وما تتصوروش قداه فرحت شكرا ليكم

[ZOINA2105]

العفو اختي هذا من واجبنا

نتعاون مع بعض

[بنت اولاد نايل]

ماظنيتش ماشينة هذي تطرز بالكهرباء
انا عشر سنوات وانا تخدم برودى بنفس الماشينة
نتاعك وجربت بالموتور بصح سريع ماتتحكميش فى
الخدمة نتاعك بلاك هي تقصد الماشينة نوع اخر
تحياتى

[صمت الجزائر]

:mad::1:صباح الخير عليكم انا عندي ماشينة صانجيرsangére ولكن معندهاش الطابلة يعني غير الراس :oوكاين الي قالي بالي انجم انطرز بيها وكي حوست لقيت موضوع الاخت صمت الجزائر وجدتها تتكلم على البيدال معنها الي الماشينة لازم تكون فيها الطابلة وانا السيدة الي قاتلي تقسم بالله ان عندها واحدة وغير الراس وتطرز بيها وزيد على هدا بالموطور يعني تمشي بالتريسيتي يا اخواتي ادا كان هالشي صحيح ورولي كيفاش تطرز مع العلم ان ماشينتي تكسرت اي تعطلت مرة واخدمتها وشكرا :mad::1::o:o

اشكركم لمروركم وساحاول اني نشري ماشبنة بالطابلة وانشاله تعاونني باش نتعلم نطرز وجزاكم الله كل خير كي رديتو علي وما تتصوروش قداه فرحت شكرا ليكم



السلام...والله ياختي راكي طرحتي سؤال مهم...وسامحيني على التاخر للرد...المهم

http://img101.herosh.com/2010/05/04/555351850.gif

انتي راكي تقولي بلي راهي عندك ماشينة كيما هاذي...
اذا كانت مثل هاذي ....
الخطوة الاولى
روحي حطيها على اي طاولة او البوطاجي ديال المطبخ...
الخطوة الثانية حاولي تحركي الجرارة ديالها اللي بجيهة...وقوليلي...واش صرى...ردحت وتحركت..+ان الحديد ديالها من التحت ما قدرش...يتحرك...اي انه لايعمل ان لم يجد اتساع اسفله...وهاذي النتيجة بدون تحريك الموتور...واذا حركتي الموتور ...واش يصرى...طير في السما...
الطاولة ضرورية...لتثبيت الالة...وتجعلها...غير متحركة...وثبوتها.....يساعدك على الخياطة...والطرز..ويساعدك على تحرك القماش وخصوص ان كانت القطعة كبيرة... ..وانا قلت بيدال ...للمبتدات....وفي الطرز فقط...وكل وحدة وصنعتها...بالنسبة لي ...اقسم....ان ماشينتي من نفس النوع بالطابلة ديالها...وعمري ما فكرت اني نستعملها بالمحرك...لانه ما عندهش حتى فايدة....برك تضيعي بيه الكهرباء...نتمنى اني افتك...وجربي واش قتلك...تفهمي قصدي وراني هنا...للتوضيح..
وبالتوفيق ان شاء الله

[نورهام]

http://www10.0zz0.com/thumbs/2010/05/10/09/143636316.jpg

http://www10.0zz0.com/thumbs/2010/05/10/09/266364760.jpg


1 صباح الخير واعتدر على تاخري في الرد
2 اختي صمت الجزائر نشكرك مرتين 1 لانك رديتي على موضوعي انتي والاخوات الكريمات والشكر الثاني لانك نبهتيني للماشينة كي صورتي انتاعك اتنبهت بالي ماشرحتش امليح جل من لا يخطئ لهد صورت ماشينتي واختي راني ركزت على البطون le boton الي حطيت عليه سهم لان السيدة الي قاتلي ان الماشينة تطرز ركزتلي عليه قاتلي انحي pied de biche وبالعامية انتاعنا ارجل الماشينة ونتمنى تكون التسمية صحيحة المهم نحيها ونحط الكتان الي حابة نطرزو في الطارة و نعكس اتجاه هاك القفلة الي اشرت ليها بالسهم وياختي راهو مكتوب امامها down up وراني حاولت انصورهم باش تفهميني امليح وانا كي حاولت نطرز ما يخرجلي والو نتمنى نكون هالمرة اشرحت مليح وسامحيني اد قلقتك وكثرت عليك وتقبل تحياتي

http://www10.0zz0.com/2010/05/10/10/430766473.gif

[صمت الجزائر]

http://www10.0zz0.com/thumbs/2010/05/10/09/143636316.jpg

http://www10.0zz0.com/thumbs/2010/05/10/09/266364760.jpg


1 صباح الخير واعتدر على تاخري في الرد
2 اختي صمت الجزائر نشكرك مرتين 1 لانك رديتي على موضوعي انتي والاخوات الكريمات والشكر الثاني لانك نبهتيني للماشينة كي صورتي انتاعك اتنبهت بالي ماشرحتش امليح جل من لا يخطئ لهد صورت ماشينتي واختي راني ركزت على البطون le boton الي حطيت عليه سهم لان السيدة الي قاتلي ان الماشينة تطرز ركزتلي عليه قاتلي انحي pied de biche وبالعامية انتاعنا ارجل الماشينة ونتمنى تكون التسمية صحيحة المهم نحيها ونحط الكتان الي حابة نطرزو في الطارة و نعكس اتجاه هاك القفلة الي اشرت ليها بالسهم وياختي راهو مكتوب امامها down up وراني حاولت انصورهم باش تفهميني امليح وانا كي حاولت نطرز ما يخرجلي والو نتمنى نكون هالمرة اشرحت مليح وسامحيني اد قلقتك وكثرت عليك وتقبل تحياتي

http://www10.0zz0.com/2010/05/10/10/430766473.gif




بارك الله فيك....ومكانش اي مشكلة عندي بل العكس...راني حابة من اي وحدة فيكم تطرح علي المشكلة ديالها ...او المشاكل ديالها وانا نتقبلها بصدر رحب ...وتاكدي عمري ما نهمل اي سؤال...ونقولك بلي الغلط راه في ما شي فيك..راه فيا انا ..لاني كنت بديت الموضوع غلط ...وكن حاسبة كل وحدة فيكم تعرف الاشياء الاساسية في الماكينة ديالها ولهاذا بديت معاكم مباشرة.....اما الصورةاللي حطيتها انا في الموضوع مشي صورة الماكينة ديالي ....فقط منقولة باش نفهمك...انا الماكينة ديالي بالطاولة نتاعها....المهم .....
انتي راكي تتكلمي على زر اللي بيه نهود المنشار...وقتلك في البداية..
.اني اخطات وسامحوني...لازم كان علية نمدلكم ....كل الاجزاء اللي لازم نعرفوها باش نتعلم في الماكينة ....هاذا الزر ....وهو يهود ويطلع....المنشار...اللي يجبد الكتان اثناء الخياطة....لازم يكون طالع لما تخيطي...ويكون مهود لما تبرودي...وهو ما عندوش اي علاقة مع رجل الماشينة..le pied de biche هو فقط يساعدك على سحب القماش لما تكوني تخيطي....ونتمنى انك فهمتيني وتاكدي اني نبدى موضوعي من اول ...ونحطلكم كيفاش تتعرفو على اجزاء الماكينة ...واش نخدمو بيها...والنصيحة اللي نقدمهالك ...نزعي الموتور ووضعي طاولة للماكينة ديالك...تلقاي الطاولة تنباع عند اللي يبع الخوردا..اي الاشياء القديمة....وتعلمي من الصح...وانا راني معاك لطرح اي سؤال منك...وبالتوفيق