الى كل طلبة الباك

[استبرق4]

واش راكم مع الاجواء. الباك مازال عليها شهر.واش راكم مع القلق والتوتر .ان بالنسبة اللي راني نرقد ونوض بالباك والله عنجن.مادا بالنسبة لكم

[MOMENE]

والله انا نقرا وندور وكلش كلشي فبلاصتو ولامال على ربي

[saraharaha]

مواضيع لا تسمن ولا تغني من جوع

[adel-madrid]

بلا كذبـ انا الباك عندي عادي
ناكل نشربـ نقرى عادي
+
علاش لي داوه من قبل خير مني ؟؟

[طيبة القلب]

مانكدبش عليك حنونة انا اني خايفة
كل مرة واش يجي في بالي مرات نحس روحي عادي نقول هادا مجرد امتحان ومرات لالا نرجع خايفة وبزاف اسئلة تجي في بالي ونقعد نتساءل يادرا شعال نجيب المعدل واش اسئلة غادي تجي ساهلة والله بزااااااف اسئلة دور في بالي ..........؟
ربي يوفقنا جميعا ان شاء الله
تقبلوا تحياتي
سلام

[zahradz]

بالنسبة للباك مكان حتى حاجة لي مقلقتني كيما أني نخيب أمل الوالدين برك
أنا عن نفسي عادي نعقب أي امتحان لكن أمي و أبي يستاهلو حاجة مليحة مليحة بزااااف
ربي يقدرني برك و نفرحهم ان شاء الله أن و كل التلاميذ

[شمس16]

انا و الله ماعلابالي خلاص راه عندي انفصام في الشخصية يامات نورمال تبانلي يلا ماديتوش نعاود و يامات كيما اليوم رانييييييييي قريب نهبل

[saraharaha]

ربي يشفيك ان شاء الله

[شمس16]

ههههه امين يا رب العالمين شكرا على الاهثمام اخي saraharaha

[استبرق4]

علبالي بلي راه اختبار عادي بصح الخوف مينحيه حتى واحد. واللي يقول منيش متقلق (منضنش)