chamse.19
2010-04-24, 15:46
******شارب الخمر****** ****نادىمؤذن الصبح الله اكبر**** ****فطنت لميمة تصلي الفجر **** ****لقاتو في الباب داخل بالسر**** ****حسباتو مريض وراحت تتحسر**** ****مالو ولدي ماعندوش الزهر**** ****داتو لمكانو ونظرت في الوكر**** ****لقاتومزال شيء ماتغير **** ****في ذاك لحين وجها حمر **** ****وليدها هامل وماجايبة خبر**** ****راحت لباباه قاتلو انظر**** ****ولدنا مسكين كشما عندو ضر**** ****وقف عندو وبقى يستخبر**** ****وتفاجىء منو بريحة الخمر**** ****قالها افطني يامسكينة ولدك سكر **** ****هذا شيطان في داري متنكر**** ****كنا نقولو الحمدلله ولدنا كبر **** ****نزوجوه ونبنيولو دار الستر**** ****ولدنا وحداني لزاملو قصر**** ****يعيش حياتو هاني متبختر**** ****واليوم بانو فيه خصال الشر**** ****وجه الخير عمرو مايتغير**** ****كي تصيبوا محنة تلقاه يصبر**** ****ماشىي كي هذا الشيطان لحمر**** ****فوقت الصبح رجعلنا ساكر**** ****واش مستنيك ياشارب الخمر**** ****دار الحق مافيها حد يتحقر**** ****ماتنفع مادة ماتقول زهر**** ****مافيها قايد ولا زوالي يتحسر**** ****كلش قبالة لحاجة سر**** ****تتفكر فعلك ماتقدر تنكر**** ****ماينفعل صاحب ماتقول دارلي الغر**** ****يوم لحساب تربح ولاتخسر**** ****واش ينجيك من ضمة لقبر **** ****ياشارب الحرام لازمك تتفكر**** ****توب ملاك ماتزيذش تسكر**** ****قبل صلاة الفجر لزم تسحر**** ****وتصوم شهور بيهم كفرت **** ****تخفف ذنوب ونفسك تطهر**** ****تقوم بوالديك وعلى راحتهم تسهر**** ****دير على كلمي ما راحش تنظر**** ****وعند ربي نوعدك غادي تنتصر**** ****ترجع كلما تسمع الله اكبر**** ****ينشرح صدرك وتسعى تذكر **** ** دير على رايي ماراحش تندم ** ****عبد الكريم بن عمار ****