هل هي عقدة السعوديين...

[حفيد الشهداء17]

في لقاء اتحاد جدة السعودي والشباب السعودي كان زياية هو من مرر كرة حاسمة وبينية رائعة اخرجت اللاعب السعودي ابو شقير وجها لوجه مع الحارس الشبابي جعلته يسجل بسهولة الهدف الاول كما انه سجل الهدف الثاني من زاوية مغلقة تماما وفي وضعية صعبة جدا واي لاعب كان سيترك الكرة تخرج ولا يلام على ذلك لانها كانت بعيدة جدا....اضافة الى مراوغاته وتحركاته الرئعة وبسبب زياية اصبح المدرب البرتغالي للاتحاد يعتمد على مهاجم واحد فقط وهو زياية ليبقي مهاجمين قويين في الاحتياط وهما الدولي المغربي ابو شروان والدولي التونسي الشرميطي...
الا ان الغريب ان السعوديين لم يذكروا ابدا زياية وكل مايقولونه هو محمد نور .محمد نور .محمد نور......
الا تعتبرون هذا عقدة منهم ؟؟؟؟؟؟؟؟؟

[بوعلام العاصمي]

سلام عليكم صح لاحظنا هد الامر
تاع المشرق عندهم هد العقده
يحبو يتكبرو الا من رحم الله
فيهم هد الفيروس تاع التكبر ويحبو غير هوما يبانو
ملي جا زيايه محمد نور ولا طفى هههههههههههههه

[amina.aminavive]

عادي باش ميضربوهش بالعين برك

[manel77]

لاعب نور لاعب مميز
كل واحد يحب يفوخ باللاعبين نتاع بلادوو
مازال ما فهمتوش العقلية

[samira 1993]

انا تاني روماركيتها نهار اللي يسجل بيت تحسب نور هو اللي سجله تصيب المعلق تاعهم يضبح نور نور نور نور نور تقول نور هو اللي سجل الهدف

[حفيد الشهداء17]

شكرا سميرة على ردك ...وتوقيعك رااااااااااااااااائع ينم عن ذوق ومستوى ثقافي رائعين

[@زاكي شان@]

عادي باش ميضربوهش بالعين برك

[بالقيم نرتقي]

شفتي حتى انا روماركيتها
هاداك محمد نور عابدينو عبادة
كي يمركي زياية يبداو كرة ذهبية من المتالق الرائع العبقري الكابتن العميد ................... محمد نور
ومن بعد باش يقولو لتجد راسية زياية
واذا زياية مرر كرة ما تسمعيش بيه طول
اصلا هو واش يدير بيهم المهم حنا رانا نشوفو وهو يدزو معاهم

[Mustapha93]

عندهم فيروس اسمو محمد نور
وهذا نسخة من فيروس مصري
ههههههههه

[زهور البراري]

هممممممممممممم~
ألا نحب نحن لاعبينا؟
ألست بصدد مطالبتهم بالنغني بزياية؟
من حقهم الافتخار بمحمد نور فهو لاعب رائع لولا بعض الأنانية
لكن لم تعمم على السعوديين؟
ثم كيف تقارن محبتهم للاعب جديد بلاعب أفنى عمره في النادي والمنتخب الوطني؟
أخبرك أيضا اني من مرتادي أحد أكبر المنتديات السعودية
وبالخصوص منتدى اتحاد جدة
أنصحك بالدخول إليه لتعرف مدى حب الجمهور الاتحادي لعبد المالك
ثم احكم بعدها كما تشاء~

[noure31]

جميع الخلجيين يحسبون انفسهم اسياد العرب
باستثناء اليمن و السلطنة اللى يحبون الجزائرين
هذا بحكم التجربة

[mechri33]

حنا وين تروح تلقانا هوما الله غالب عندهم غي نور احسن العون خويا

[شاربة بيبسي ومضيعة]

الله غالب مانقدروش نلوموهم خاطرش عندهم حاجة واسمها التوطين
يعني يسعاو انو في المستقبل مايكونش في بلادهم أي واحد أجنبي
طبعا مشي منطق( مانعرف منين جابوه ). المهم انو الدول الخليجية يفكروا هكا .
امبعد تحبوا يقولوا زياية انساو

[dico1901]

انا لاحظت انه حتى عند الاحتفال بالهدف الاول كلهم تجمعوا في مكان مع مسجل الهدف الا زياية كان وحدو مع انه هو من اهدى الهدف حاب يقولهم ازهاو انتوما قاع مازهيتوش انا الموديال الي يزهيني اما انا ماديرونجانيش المعلق ولا رد فعلهم المهم زياية راه يلعب مليح وربي يحفظوا

[المشاغب 27]

محمد نور هذا كن جا يلعب فالجزائر عندو 5 دقايق ينهولها مشوارو الكروي

[غنوم]

عادي جدا حتى نحن لاعبيين المحترفين كي يديرو لقطة صغيرة نقوموا الدنيا ولا نقعدوها غزال دار بلحاج دار بوقرة دار و هلم جر الله يبارك بصح
اذن عادي جدا نور دار نوار دار

[ابا النويرة]

محمد نور لاعب كبير في الاتحاد ولامجال للمقارنة مع زياية فزياية امامه وقت كبير حتى يكسب قلوب الجماهير اماهم فلا يلامون على عشقهم لمحمد نور فهو كروول في الريال

[غنوم]

عادي جدا حنا تاني بلحاج كي يدير لقطة و لا بوقرة و لا غزال و القائمة طويلة الله يبارك نقوموا الدنيا و لا نقعدوها
اذن عادي جدا نور دار نوردار
حتى المصريين فلافيفو كان دار حالة تمريرة رائعة من ابو تريكة هلم جر
عرب ولا بطلنا

[مجنونة بخيالي]

محمد نور هذا كن جا يلعب فالجزائر عندو 5 دقايق ينهولها مشوارو الكروي

نور لاعب مميز بالنسبة ليهم ومننكروش انو لاعب لاباس بيه بصح زياية يسعى الى لتسجيل الاهداف صح مايبانش بزاف بصح نشوفوه غير كي يلوح اهداف




وانامنلومهش كعاد هذاك ماعندهم يليق في اللاعبين نتاعهم احنا الله يبارك اللاعبين نتاعنا تقريبا كامل معروفين ومجاتش غير في زياية وانا اكثر وحدة لاحظت الانحياز للمعلق لنور بصح معليش
تقبلو مروري


http://www.albiladdaily.com/newsm/47343.jpg

[ياسمين الجزائر]

و هل يخفى القمر زياية وجه خير على الاتحاد السعودي و هداف من الطراز الاول

[lena]

كاينة حاجة انهم العرب كامل يغيرو منا ما فهمتش علاه