ايا ايا بركا من الشكيل و انعل الشيطان ...ادخل يا ابن ادم ..........ادخل ولا نجيك!!!!!

[بوقوصة هيقوصة]

السلام عليكم ورحمة الله تعالى وبركاته

ماراحش نطول في الهدرة بزااااااااااااف
ندخل في الموضوع
خاطر ماعنديش الوقت ههههههههه

دوك تفهمو من بعد واش قصدت ب: ماعنديش الوقت


قصة يومية
حكاية روتينية
واش يصرا كوتيديانمون

يوم الجمعة:
التقى فلان وفلان
ثم افترقا ليوم الغد .


يوم السبت:
slt wech sv???ya koi 2 9
Salut comment va tu??alors il y a quoi de neuf
اهلا كيف حالك؟؟هل من جديد؟؟
السلام عليكم ..واش لاباس؟؟؟ كاش جديد؟؟؟



hmd é toi??? nn ri1 de special!!!pffffffff
on dit ça va pour éviter pourquoi....et toi?? moi rien de special ..pas de nouveau
الحمد لله...وانت .....لا جديد لدي وانت؟؟؟
وعليكم السلام ورحمة الله .... صافا شوية!!! ماشي بزاف ....وانت ياك غير الخير هادي غيبة **البارح كانو مع بعض**
الجديد!! والله والو من عندك...

بعد شهر:
slt wech sv???ya koi 2 9
Salut comment va tu??alors il y a quoi de neuf
اهلا كيف حالك؟؟هل من جديد؟؟
السلام عليكم ..واش لاباس؟؟؟ كاش جديد؟؟؟



hmd é toi??? nn ri1 de special!!!pffffffff
on dit ça va pour éviter pourquoi....et toi?? moi rien de special ..pas de nouveau
الحمد لله...وانت .....لا جديد لدي وانت؟؟؟
وعليكم السلام ورحمة الله .... صافا شوية!!! ماشي بزاف ....وانت ياك غير الخير هادي غيبة **البارح كانو مع بعض**
الجديد!! والله والو من عندك...


بعد عام :

slt wech sv???ya koi 2 9
Salut comment va tu??alors il y a quoi de neuf
اهلا كيف حالك؟؟هل من جديد؟؟
السلام عليكم ..واش لاباس؟؟؟ كاش جديد؟؟؟



hmd é toi??? nn ri1 de special!!!pffffffff
on dit ça va pour éviter pourquoi....et toi?? moi rien de special ..pas de nouveau
الحمد لله...وانت .....لا جديد لدي وانت؟؟؟
وعليكم السلام ورحمة الله .... صافا شوية!!! ماشي بزاف ....وانت ياك غير الخير هادي غيبة **البارح كانو مع بعض**
الجديد!! والله والو من عندك...


موضوعي للنقاش:

واش ماكاش جديد؟؟؟
راك تحس روحك نورمال مع هدا الروتين !!!
كل يوم كيف كيف
عادي بالنسبة ليك ؟؟؟!!!!

حرام عليك تضيع وقتك
ربي راح يسقسيك واش كنت تدير
وين راح وقتك

تقولي:
لا خدمة لا زدمة واش حبيتني ندير!!!

احفظ كلمات الرحمن
اقرا كتاب
ساعد فلان وفلان
تعلم لغة جديدة
ساهم في نشر دينك عبر النت
علم غيرك مما علمت

اليست لديك افكار
ابدع فبكل عقل ابداع خامد

اشعل نيران عقلك
بين للدنيا ما لديك
لاتهتك لما يقوله غيرك
المهم ان ربك راض عنك وانت راض عما تعمل

واش بيك
حياتك راهي تضيع يا السي!!!
مازالك تخليها تروح !!!!!!!!
ماتفرطش في حياتك
سوف تحاسب


قل لي:
هل .............................؟؟؟
لا اتهمك بفقدان المخ والمخيخ
.............................

.............................
لو انك ............................. .... غير صالح للاستعمال....
ينطق الحمار ويقول:
.............................!!!!

............................. !!!
هل انت راض عما تعيشه ؟؟؟

حاسب نفسك كل يوم
قل : واش درت انا اليوم ؟؟؟
هل نفعت ..؟؟؟.....هل القيت ضررا؟؟
ماهي حصيلتي


يا الله ياجماعة
كل يوم قولو واش درتو
ومعا نتعاندو
.............................


مانيش نقولك قل ... واش درت اليوم في حياتك الشخصية
فبكل صراحة لا تهمني حياتك الشخصية

اود ان اعرف ما قمت به من اعمال استطيع ان اجعلك قدوة لي
فابادر لاحسن التصرف
واقوم بافضل منك

.............................


يا الله يا ناااااس

منكم نتعلم



اتمنى ان اجد منكم ما يفيد حياتي
ويستفيد غيري منكم

اطلق عقلك
دعه يعمل اتركه ينفع


سلاااااااااااااااام

[نور الايام]

و الله غير عندك الحق اختي العزيزة
منا و فوق نشوفوا كاش جديد و قيلة يكون ههههه

يعطيك الصحة و بارك الله فيك

[بوقوصة هيقوصة]

و الله غير عندك الحق اختي العزيزة
منا و فوق نشوفوا كاش جديد و قيلة يكون ههههه

يعطيك الصحة و بارك الله فيك

وفيك بركة اختي

والله العظيم هاد الموضوع دايما نقول نديرو
باش نشوف واش الناس راهي تدير
واش راهم يخمو
كيفاه راهم يجوزو وقتهم

يعني نكتشفو الدنيا معاكم

والاستفادة تتعمم

ادا غيري دار حاجة شابة
انا راح ندير كيفها وبالاك يعطيني فكرة باه ندير خير منو

علاه لالا؟؟؟

راح نبدا انا:


انا عندي كل يوم 30 دقيقة طرونسبور **نقل**
في الaller و ال retour

ايمالا
عمرت في بورطابلي سورة البقرة
وراني نحفظ فيها
كل يوم نسمعها في ساعة تاع الطرونسبور


وراني حفظت سورة الكهف بنفس الطريقة



سلاااااااااااااااااااااااام

[*ألخيال*]

.بارك الله فيك
احنا ديما نحوسو على الجديد
ولازم الواحد يخرج من الروتين
هاكدا يقدر الواحد يتميز عن فصيلة الحيوانات!
يعطيك الصحة لبنى

[مصرية من الجزائر]

موضوع في القمة حبيبتي

عندك حقك كل يوم رتين رتين

اليوم مثل أمس لا جديد

والملل يخيم علي المكان

وان شاء الله سأحاول ان اغير واطور في حياتي

جزيت خيراا عزيزتي علي التنبية

قول لي واش دايرة بحياتك ؟

ماذا تفعلي في يومك عزيزتي !!

[فارس الحق]

بارك الله فيك

خلاص من اليوم كل يوم نقلك حاجة واحدة برك بصح خلصيني

أنا باه تحصلت على هاذوا المعلومات حتى قريب قتلوني ........لست أمزح إنها حقيقة


أول حاجة :


ودرك قليها


أنا من اليوم وصاعدا سأكون سعيدة وأحاول أن أسعد من هم حولي

حاولي تخلقي السعادة رغم الأهات والأحزان والألام

حاولي تشوفي ظواهر الغريبة الي يديروها افراد المجتمع

إدي من عندهم غير الحاجة المليحة واللي فور بالبزاف واللي ماهيش مليحة حاولي تصيبيلها حل بينك وبين نفسك

علابالك واشن هو خلاصي

ماهومش الدراهم

شوفي خممت قلن نرجعوا باعضوياتنا الحقيقية



يعني أنتي ترجعي بعضوية لبنة والصومالي يرجع بعضوية كمال وكامل نرجعوا

ونبدا صفحة جديدة

إذا كنتي موافقة فأخببيرني

وإذا مترجعوش أنا ثاني منرجعش كامل

وهكذا ماتدي والوا من عندي ..................تخرجي فارغة اليدين .ههههههههه

جزاك الله خيرا

[بوقوصة هيقوصة]

جهاد............. صح اول حاجة للرقي بحياتنا
هي التخلص من الروتين

ههههههههههه
ماخممتلهاش!!!

نستناووا جديدك اخي


ياسمين ................. ان شاء الله نقضي معا على فيروس الروتين
ولكن كل حاجة جديدة رايتي انها مفيدة اخبرينا بها
فمنكم نتعلم
الحمد لله اخباري مليحة ...يعني حسنة...
تطور ملحوظ ياسمين .... انتي تفهمين اللهجة الجزائرية هههههه....
من بعد خلصيني راكي جبتيها على ظهري .

**يعني تعلمتيها بفضلي ..ههههههههههه....حوحو**


فارس الحق................. اعتقد انني عرفتك
لونك بدلتو برك !!!
ان شاء الله اعود بعضوية جديتي ل..ب..ن..ى
وكمال راح يرجع هو ايضا

انا تعلمت انو مالازم حتى حاجة توقفني في مسيرتي
لبنى هي ل..ب..ن..ى
وينحولي الحظر ونرجع بها بادنه تعالى


نستناووا جديدك اخي
ونتعلمو منكم



سلااااااااااااااام

[لؤلؤة الجنان]

بارك الله فيك على الموضوع

[فارس الحق]

بارك الله فيك أختي لبنة وجزاك الله خيرا

حقيقة موضوعك موضوع هادف ويحمل الكثير من الأهدف

لكن قبل أن تخلص من الروتين يجب أن نملك شيئء عظيم وهو :

الإرادة

الكثير منا ليس له الإرادة

يتمنى أن يخرج من الروتين لكن لا يستطيع لأنه يحس بضعف

لهذا :

أول شيئء يجب أن نجعل أنفسنا سعداء وثاني شيئء أن تكون عندنا إرادة

وللحديث بقية ولي عودة إن شاء الله ودمت أختا وفية

شكراااااااااااا

[حمـ 0418 ــزة]

السلام عليكم ورحمة الله وبركاته
اصبحنا محطمين معنويا فاشلين غير قادرين على اتخاذ ابسط قرار، عجبا يدخل للمقهى ولا يدري ماذا يطلب ويقول لصاحب المقهى: هات برك؟!!
كيف تُريدي أن تجدي الجديد
حياتنا كلها تجديد ولكن غير قانعين، فلا نراه...
الجديد عند المراهق هو علاقات جديدة والا لا يوجد جديد
عند العامل زيادة في الاجرة والا لا يوجد جديد
عند التاجر ربح كبير والا لا يوجد جديد
...
...
...
ربي يجيب الخير
سلام

[نورالدين17]

واش راكي اختي لبنى لا باس...................كاش اخبار اليوم.....كاش جديد....................هههه

[°~بَسْـمَة أَمَـــ،ــلْ °~]

بارك الله فيك اختي الكريمة

[°~بَسْـمَة أَمَـــ،ــلْ °~]

بارك الله فيك اختي الكريمممممممممممة
(http://www.djelfa.info/vb/showthread.php?t=189488)

[شهاب]

السلام عليكم

دائما جديدنا أن ليس هناك جديد

سلام

[سفيان]

السلام عليكم


والله ما ني عارف واش هو الجديد لي يحوسو عليه

لوكان نركزو مليح نلقاو كل يوم كاين جديد في حياتنا بصح ما نشوفوهش

علاه . . . لخاطر كل واحد فينا يكون حاط في راسه مشروع ولا هدف معين

يلا تحقق راه كاين الجديد . . . . . يلا ما تحققش يعني ماكاش الجديد . . .

[بوقوصة هيقوصة]

السلام عليكم ورحمة الله وبركاته
اصبحنا محطمين معنويا فاشلين غير قادرين على اتخاذ ابسط قرار، عجبا يدخل للمقهى ولا يدري ماذا يطلب ويقول لصاحب المقهى: هات برك؟!!
ههههههههه
كيف تُريدي أن تجدي الجديد
حياتنا كلها تجديد ولكن غير قانعين، فلا نراه...
نحن صناع الحياة
نحن من علينا ان نجدد
علينا ان نتعاون للقضاء على فيروس الروتين
كيف؟؟؟؟؟
قل لي واش درت جديد
ماعليش ماشي في هدا اليوم وفقط
هده السمانة كاملة!!
كاش جديد
كاش مادرت ؟؟؟
قل لي وانا استفيد
ربما بافكار غيري اجدد فكري !!!!!!!
الجديد عند المراهق هو علاقات جديدة والا لا يوجد جديد
هههههههه
والله غير صح
هادي راك جبتها
اليوم كنت مع فلانة
ودابزت مع فلانة
كرهت فلانة
راح نبدلها بفلانة

والمؤنث نفس جديد المدكر في سن المراهقة
عند العامل زيادة في الاجرة والا لا يوجد جديد

ههههه
اضحك لسخرية الواقع!!!!!!!!!
عند التاجر ربح كبير والا لا يوجد جديد
...
...صح صح صح والله العظيم صح واش قلت
...
ربي يجيب الخير
سلام


ايه صح واش قلت خويا
بصح عند العاطل ..... البطال...........الحيطيسط .......... الشومور
واش هو جديدو؟؟؟؟
يا الله نتعاونو لنبتكر جديدا للفئة هده
التي اغلبنا جزء منها

شكرا واهلا بك اخي

واش راكي اختي لبنى لا باس...................كاش اخبار اليوم.....كاش جديد....................هههه

راني لاباس الحمد لله
اخبار والله ماكان والو اليوم
السمانة كامل قراية
واليوم الجديد اني راني روبو
ياك الويكاند
ونضت بكري هاد الجمعة هههه هدا هو الجديد
جديد من عندك

ههههههههههههه

حبيت التخلص من هده الجمل
هل بامكانك المساعدة
ولا كاين جديد عندك في الخدمة
اقصد الخدام عندو جديد ؟؟؟

اهلا بك اخي


وعليكم السلام



الجديد


كم هو صعب يا اختي الجديد


الجديد يعني الارداة * العزيمة * الجد * التعب *التضحية * الصبر * ....... والكثير الكثير



نسأل الله ان يوفقنا للجديد الذي يرضاه

اللهم امين
ان شاء الله نقضي على الفراغ
ونعمروه بما يرضي رب العالمين

شكرا واهلا بك اخي

السلام عليكم

دائما جديدنا أن ليس هناك جديد

سلام

ههههههههه
هادي حكمة جديدة
والله انتشرت جملة سامطة

كاش جديد؟؟
والله والو غير البالي ونعاودو فيه

ربي يجيبنا الجديد ان شاء الله

شكرا واهلا بك اخي

[بوقوصة هيقوصة]

السلام عليكم


والله ما ني عارف واش هو الجديد لي يحوسو عليه

لوكان نركزو مليح نلقاو كل يوم كاين جديد في حياتنا بصح ما نشوفوهش

علاه . . . لخاطر كل واحد فينا يكون حاط في راسه مشروع ولا هدف معين

يلا تحقق راه كاين الجديد . . . . . يلا ما تحققش يعني ماكاش الجديد . . .



ايه صح كاين كل يوم الجديد
ولكنه في خمود

ليس كل شخص له هدف في حياتو

بزاااااااااااااف عايشين خاطر مازال ماماتوش!!!!

ربي يجيبنا الجديد

ان شاء الله

شكرا واهلا بك


سلااااااااااااااااااااااام

[م.ح.م.د]

اطلق عقلك
دعه يعمل اتركه ينفع
بارك الله فيك
سلاااااااااااااام

[حمـ 0418 ــزة]

الحيطيست جديدو ، متعلق بفرص العمل ومسابقات التوظيف

[شهاب]

الحيطيست جديدو ، متعلق بفرص العمل ومسابقات التوظيف




ماتخافش شريكي

نزيد عام ونلحق بيك:d

[طاهر القلب]

السلام عليكم
بارك الله فيك اختنا الكريمة
نسأل السؤال مع علمنا بالاجابة مسبقا و كأننا نتكلم لمجرد أن نتكلم و فقط ... أظن انه أمر روتيني (عادي) و هذا لفقد شيئ في الحياة إسمه محاولة التجديد على الأقل المحاولة أي محاسبة أنفسنا و ما قمنا به من خير أو شر .. جديد أو قديم ... فالعمر في تقدم مستمر فماذا الذي قدمناه لأنفسنا أولا و لغيرنا ثانيا أم أن وجودنا في الحياة من عدمه سيان يعني لا فرق بيننا و بين الجماد ... لا حركة و لا حراك .... و السلام عليكم

[خـواطـر]

السلام عليكم

موضوع مليح ...

بصح انا عندي الجديد ..

[زهرة الجزائر 07]

ايييييييييه تقولي جيتي على الجرح

لواحد كون مجاش مؤمن و يخاف ربو معرف وش كان غادي يدير في روحه

الصح كل نفس الريتم نفس الريتم قرايا *قريا*قرايا*....الخ عام كومبلي و حنا هكدا عندنا غير الصيف الي ينحلنا على الخاطر شوي

هادا الريتم هوا الي خلى الشبيب على هادا الحال همهما غير لمور لغنا

عايشين في الدنيا كانهم ضمنو الاخرة

و هادا قاع سباب الشيطان الله يلعنو

ربي يصلح لحوال يهدي جميع الخلق

[AMARAGROPA]

السلام عليكم ورحمة الله وبركاته.

يبدو أن السواد الأعظم من الناس يعمل بالقاعدة التي تقول : خير الأخبار أن لا أخبار.

هذي سمعتها الله أعلم من حصة المناهل بكري.

سلام ...

[ذكرى مضت]

موضوع جميل ..يحتاج الى نفس طويل ..لاركض وراء الكتابة;);)..
شوفي حنونتي ..في بلادنا جديد الطفلة الراجل ..و جديد الطفل الخدمة ...هذا واش يقصدوا ..
من يومين رحت العرس و عندي قرون مرحتش الاعراس ..اول سؤال كاش جديد ...وش تقصدي ..خطيب مكانش ...ربي يجيب ..
يسمى عاد معروف و ربي ينوب ..يخي حالة ...تعرفي قررت فكني من لعراس ..كل بطلوا قراية و تزوجوا ...نبان غير انا فيهم بايرة ..في وقت فيه 9 ملاين بايرة في دزاير ...ههههههه يعني نقعد وسط البايرات جديدنا واحد هههه...
شكرا على الموضوع الشيق

[*محمد*]

وعليكم السلام ورحمة الله وبركاته

يقول رسول الله صلى الله عليه وسلم (( نعمتان مغبون فيهما كثير من الناس : الصحة والفراغ ))



والفراغ اذا لم يستغل يولد الروتين ، نحكو بالدارجة هههه يعني الانسان الي دايما عندو الفراغ وما يستغلوش راح يلقى روحو يدور في دوامة من الروتين كل يوم ينوض الصباح يعاود يوم البارح ويرقد باش كي ينوض يعاود هذا اليوم يعني لو كان ماديرش في راسو خطة والا طريقة لكل يوم ما راحش يخرج من الروتين

المشكل فينا حنا نحوسو على التغيير براحة يعني يكون الواحد راقد ويستنى يظهر شي جديد ، تعرفي أختي لبنى الشيخ الالباني -رحمه الله - كان يخدم في الساعات - السوايع -وفي نفس الوقت كان يبحث في العلم وفي المكتبة الظاهرية في دمشق كتب 40 مجلد بخط يده يحطولو الفطور ما ياكلش لانو مشغول يرفدوه ويحطو الغدا يبقى كيما هو للعشاء يعاودو يرفدوه وهو ماذاق والو حتى يطلع عليه الفجر ويروح يصلي ناس كان عندها هدف من الحياة وكان كي يمدحوه يقولو - يا شيخ برك - يبكي ومايحبش

باختصار أختي لبنى كيفاش الواحد ملي ينوض الصباح وهو حاكم الحيط ويستنى انو رح تتبدل حالتو ؟؟

موضوع مميز ان شاء الله نستفيدو منو بارك الله فيك

لي عودة ان شاء الله

[حمـ 0418 ــزة]

باختصار أختي لبنى كيفاش الواحد ملي ينوض الصباح وهو حاكم الحيط ويستنى انو رح تتبدل حالتو ؟؟



السلام عليكم ورحمة الله وبركاته
راك معمر :rolleyes:
سلام

[نور الايام]

وفيك بركة اختي

والله العظيم هاد الموضوع دايما نقول نديرو
باش نشوف واش الناس راهي تدير
واش راهم يخمو
كيفاه راهم يجوزو وقتهم

يعني نكتشفو الدنيا معاكم

والاستفادة تتعمم

ادا غيري دار حاجة شابة
انا راح ندير كيفها وبالاك يعطيني فكرة باه ندير خير منو

علاه لالا؟؟؟

راح نبدا انا:


انا عندي كل يوم 30 دقيقة طرونسبور **نقل**
في الaller و ال retour

ايمالا
عمرت في بورطابلي سورة البقرة
وراني نحفظ فيها
كل يوم نسمعها في ساعة تاع الطرونسبور


وراني حفظت سورة الكهف بنفس الطريقة



سلاااااااااااااااااااااااام

يعطيك الصحة اختي العزيزة و الله غير شيئ هايل
مالازمش نخلوا وقتنا يروح مام كي تكون تستنى و ادير فلاشان عند طبيب مثلا هز كتاب و اقرا ،احفظ شوية قرآن
تنحي القلقة و تستفاد و ممكن كلمة تستوعبها قادرة تغير طريقة تفكيرك للاحسن و تخليك تامن بقدراتك و تحب تعمل اشياء مليحة حتى كي تقعد مع روحك اذكر ربي و تامل شوية فالكون و عظمة الخالق

تقبلي تحيتي و سلامي و ربي ان شاء الله ينور طريقك.

[AMARAGROPA]

السلام عليكم ورحمة الله وبركاته
راك معمر :rolleyes:
سلام

السلام عليكم ورحمة الله وبركاته.

بـعَّـد الراجل يا حمزة ولا حاب تعود أنت الجديد إنتاعو وتدير مشكل معاه ؟؟ :d

سلام ...

[أحلام سرمدية]

شكرا على الموضوع لبنى وجزاكي الله كل خير وانشاء الله لكي في كل من قراها وغير حياته حسنات

[*محمد*]

السلام عليكم ورحمة الله وبركاته
راك معمر
سلام



وعليكم السلام ورحمة الله

ما معمر ماوالو عادي

[شهاب]

وعليكم السلام ورحمة الله


ما معمر ماوالو عادي



مادوخ ماوالو خويا محمد

السيد راهو حيطيست

وكي سمعك قلت راني حيطيست

فرح قال نديرو معريفة ونشركو في حيط

سلام

[حمـ 0418 ــزة]

[quote][وعليكم السلام ورحمة الله

ما معمر ماوالو عادي /quote]

هههه قلها لواحد بخلاف



مادوخ ماوالو خويا محمد

السيد راهو حيطيست

وكي سمعك قلت راني حيطيست

فرح قال نديرو معريفة ونشركو في حيط

سلام

نحن السابقون وانتم اللاحقون
سلام