هل تعرفون هذه الأشياء؟

[نزار الونشريس]

سأختبر معرفتكم باللهجات فأعطيكم مجموعة من الكلمات المرتبطة بأشياء أو وسائل أو مأكولات، و حاولوا معرفتها:

المدلوك/ البغرير/ الحامضة/ برزقان / العيش / تالفسة / القرنينة/ الصمايم/ النادر / الجابية/ الصّرة/ المهراز/ الشواري/ المرجن/

اجتهدوا و اسألوا كبار السّن عنها

[الحر النبيل]

البغرير - حنا نقولوا له ثِغْرِفينْ

/ القرنينة- معلاباليش بلاط الكرنطيطة ههههههه:1:
/ الصمايم - الصمايم في اوت وهذه مفكرة راح تنفعك

http://www.2colla.com/vb/showthread.php?t=8348


/ المهراز - مهراز تاع حطب ولا تاع نحاس نعرفو

/ الشواري - هههه تاع البعير حاشاك يحملوا عليه


اجتهدوا و اسألوا كبار السّن عنها- جاويت قبل مانسال

[رهف20]

السلام عليكم

مشكور على الموضوع والله يثير الفضول و يساعد على التعرف على اللهجات
لمدلوك =الكسرة
/ البغرير=الغرايف
الحامضة =ربما القارص (الليمون)
العيش=العيش اكلة جزائرية نوع من العجائن يطبخ بالفلفل.الفرماس.الفول والحمص..
القرنينة نبات يؤكل مع الكسكس
المهراز = المهراس نتاع النحاس او الحطب
هذا وش نعرف و نزيد نسقسي
لكن هذي الكلمات من اي منطقة بالضبط؟

[biba*123*]

البغرير نعرفوا و الحامضة اجي دايرة كيما المغيز بصح هي قهوية و صمايم هي السخانة بزاف و المهراز هو الي جي داير كيما المطرق تع الحديدو دقو بيه حاجة كيما الحرور و حوايج يابسين باه يدوقوهم ولا يقولولو الدقاق

[قاضي عبد الغاني]

البغرير : لغرايف
الحامضة : القارس
العيش : يشبه الكسكسي أخشن منه قليلا
الجابية: حفرة كبيرة نسبيا يجمع فيها الفلاح الماء
الصّرة: تتداولها العجايز بكثرة ولها عدة معاني والشائع منها أن المرأة لما تجمع ملابسها أو أي أغراض أخرى تجعلهم في منديل كبير وتربطهم وتقول صريتهم في صرة *capa*
القرنينة: نبات شوكي له ازهار صفراء تتحول الى بذور بنية وهي غذاء لبو مزين *عصفور *
النادر: نادر القمح او الشعير * بعد الحصاد يجمع الفلاح منتوجه في شكل كومة كبيرة تسمى نادر
المهراز: نوعان خشبي ونحاسي يستعمل لطحن القهوة مثلا

[نور الهدى2009]

المدلوك.. داير كيما المسمن وهو اكلة
/ البغرير ...تاني اكلة / برزقان ...اكلة
/ العيش ...اكلة شعبية يشبه للكسكس
/ القرنينة...عبارة عن نبتة برية. و تاكل
/ الصمايم .. يعني الايام اللي يجي فيها الحمان بزاف كيما اوت
/ الجابية.. الجابية تاع الحمام.. هي اللي يصب فيها الماء في الحمام
/ الصّرة...الشوابين يديرو الصرة
المهراز..هي الوسيلة اللي يطحنو فيها العقاقير كيما القرفة و قشور البرتقال
المرجن. هو الطاصة

[hosnialg]

مفهمت والو

[KHHHADIDJA]

المدلوك هو الملوي ولا الخبيز البغرير بغرير المهراز الي ندقو بيه القرايس

[أمينة3]

عرفت غير البغرير هو اكلة والمهراز

[mimi_dellys]

المدلوك......المسمن
/ البغرير.......ثيغريفين بالقبايلية
/ الحامضة.......الليمون
/ برزقان..........؟
/ العيش ...........الكسرة
/ تالفسة.......؟
/ القرنينة......نبات فيه شوكي يأكل
/ الصمايم.......الصيف شهر اوت
/ النادر..........القرط او التبن
/ الجابية........؟
/ الصّرة..........حاصلة النقود
/ المهراز........نطحنو فيه الثوم
/ الشواري......الباغاج تاع الحمار حاشاكم عافاكم
/ المرجن.......حجر كريم يكون فالبحر
/

[الامال و الالام]

البرزgان معروفين به صحاب الغرب اكلة يصنعوها بالمسمن يفتوه رقيق مثل الشخشوخة تقريبا ويزيدو عليه التم معجن يجي هايل لتحب الطريقة بالتفصيل تقولي نمدهالها

[الاميرة سهى]

ما فهمت والوا

[روح القلم]

علاه عليك هذا دليل على اني منعرفش نطيب هههههههههه
انا عرفت برك البغرير يمكن نتاع الشاوية الله العلم خاطيني الطبخ
تحياتي

[djauida]

المدلوك/كيما المسمن
البغرير/مع المدلوك والمسمن..
الحامضة/مصنوعة من دقيق الزرع
برزقان / منعرفوش
العيش / ماكولة كيما الطعم الكسكس
تالفسة /منعرفهاش
القرنينة/نوع من الخضر ؟
الصمايم/ منعرفهاش
النادر /القليل ؟
الجابية/نتاع الحمام
الصّرة/يلمو فيها القش
المهراز/ يدقو فيه
الشواري/منعرفهاش
المرجن/منعرفهاش
شكراا على الموضوع

[miriam38]

المدلوك/هو المسمن
البغرير/ يصنعوه بالدقيق و كي يطيب يكون على شكل قرص فيه ثقاب بززاف
الحامضة/ و تكون كيما الفطير بصح يصنعوها الدقيق نتاع الشعير
برزقان /ما نعرفوش
العيش /و يصنعوه من الكربيل نتاع الكسكس و مليح لي يكون ضاربو الريح اي ياكلوه بززاف في الشتا
تالفسة / ما نعرفش واش هيا
القرنينة/ هي نوع من النبات ويديروه مع الكسكس
الصمايم/ مانعرفوش
النادر / ما نرفش واش هيا
الجابية/ مانعرفهاش
الصّرة/ لي يخبو فيها الماكلة علة ما اظن
المهراز/ لي يدقو فيه الحرور و عدة اشياء
الشواري/ ما نعرفهاش

المرجن/ ما نعرفهاش


شكرا لك على الموضوع

[نزار الونشريس]

من استطاع الاجابة على كل الكلمات فله هدية